餃掂手工餃子雲吞專門店

Open Now

Now Closed

依間餃子店之前有朋友介紹過，係灣仔平靚正選擇。星期一晚好多一家大細黎食，全場坐滿要搭枱，不過都唔緊要啦，好快食完。蜜餞雞翼 $30有五隻，好有呀媽啲蜜糖雞翼feel。黃金皮蛋 $28中間有小小流心，同普通皮蛋味道一樣。麻辣皮蛋 $25唔夠麻辣。酸辣雲耳 $25好咸，食完好口渴。山楂雪梨水$ 20好清甜，又唔會太甜，好解渴。手拍青瓜 $25同樣好咸。龍鳳松茸雙灼餃$85成餐最好食嘅野，真係皮薄餡靚，有淡淡松茸，豬肉肥瘦剛剛好，必試軟心芝士煎餃 $58等左半個鐘，個樣煎得麻麻地，裏面有粟米，口感幾豐富。狀元九鼎湯 $20飲落無味精，係粉葛魚湯，可以自己加少許鹽調味。PS 醃蘿蔔好爽脆清甜，等食個時食唔停口。

五點半食咗下午茶餐趕去上課，落堂完左食飯又好似太飽，唔食返到屋企實覺得肚餓，醒起附近有間餃子店，周時都要排隊入座，一於過去(餃掂)晚餐先接近晚上九點鐘，餃掂依然全場客滿，眼見越係人多越想試店舖有特高的樓底而且燈火通明，雖然客満比較擠迫但尚可接受餃掂當然主打餃子，豬肉係膽，配上韭菜、白菜、椰菜等都是常見的，可以單點或者相拼，白灼，跟湯或者煎餃隨你喜好🤗芫茜豬肉餃、韮菜豬肉餃跟湯⭐️⭐️⭐️⭐️餃子皮軟彈且透明度高，不會厚厚的一團粉，內涵芫茜跟肉的比例恰到好處，肉汁浸入芫荽，芫荽融入豬肉，隨著湯匙伴入湯底，真係完美嘅配搭。再試韮菜豬肉餃，質素同樣靠得住，不過韮菜本身獨特的菜味較濃，相對會顯得湯底比較淡口。狀元九鼎湯⭐️⭐️⭐️⭐️⭐️名字實在好勁，従用家角度看這碗湯，很有家的味道，一丁點兒油份也沒有，入口順滑，豆味香濃，事實因為食餃子時嚐過湯底意猷未盡，所以單點這個湯再喝個痛快。龍鳳松茸雙煎餃⭐️⭐️⭐️⭐️⭐️龍鳯代表着黑、白松露，用西式的食材加入中式的餃子內，因為中西合璧，所以我選擇了煎餃的食法，味道是出奇的夾，而且非常好食啊👍👍👍雲吞湯麵⭐️⭐️⭐️雲吞是小小的那種，一口一啖味道合計吧，湯麵反而很好，清爽彈牙，感覺沒

純粹路過，適逢晚餐時間，Honey喜歡吃餃子，反正未試過，又不用等位，就入去一試。這時大約晚上7時半，店裡坐滿了70%。大該是晚飯時間，餘下的位置漸漸被填充了，走的時候已經差不多晚上9時，仍然全院滿座。打開餐牌，開首介紹的竟然不是餃子而是湯，接著是松露餃子。我們心想，難道這裡沒有普通餃子﹖心裡暗叫不妙。幸好繼續翻餐牌，普通的韮菜豬肉餃子、大白菜豬肉餃子等等都出現。餃子分中碗和大碗，中碗有7隻，大碗10隻，可選擇放湯或是煎餃。Honey選了大的大白菜豬肉湯餃。餃子皮薄，用料充足，大白菜切碎混合豬肉肉碎，入口皮滑，饀料口感爽口。湯底不是普通清湯或雞湯，有點像眉豆粉葛湯(忘記了看看餐牌湯的成份)，湯底味道較淡，不會太濃，搶去了餃子的味道。我比較喜歡吃煎餃子，又想多試些款式，就點了一個雙拼煎餃 - 粟米豬肉餃配椰菜木耳豬肉餃。由於是即叫即煎，所以要等大約20分鐘。心急肚餓的，要留意。粟米豬肉餃，內裡粟米粒粒清甜，味道是新鮮的超甜粟米，不是罐頭粟米。椰菜木耳豬肉餃，爽口。我還點了一個熱的山楂雪梨水，很濃的山楂和雪梨味道，不過我嫌略甜了一點。桌上有多款醬料任君配搭，我個人而言，湯餃可以甚麼也不用，

曾經和太座吃了餃子，味道不錯。但是服務態度不佳。其中一位侍應特別差。我背後一位太太一人先坐下，等另一人，呢位侍應呱呱叫，叫她的朋友十分鐘內一定要到。當時外面無人排隊，裡面也有空枱。太太話自多唔食。個侍應還擊：D租金貴....非常無禮。最難頂是另一枱食客用吃過的筷子，直接在枱上的玻璃瓶夾出醃漬蘿白，邊食邊夾，侍應見到無反應。我們和隔離枱見到O哂咀。

湾仔新开不久的人气饺子店，平日里总是大排场龙到很晚，这家饺子店的价位还是偏高的（相比北方饺子源之类）店内环境不错，设计的清新明亮，第一感觉挺好，让客人也有食欲，点了店员推荐的至尊松茸饺配山楂雪梨水，饮料还是挺好喝的。饺子上的速度稍微有点慢，看到之后感觉不错，算是馅儿大皮薄，口味还是蛮好的，值得尝试一下。饺子汤没有什么味道，加一些胡椒粉好多了，总体而言性价比一般般，偶尔尝试一下还可以吧。服务态度很好，店员都蛮热情的。

店員經常性冇禮貌都算，上次買外賣，問佢拎黑醋，店員好串話入面已經有，返到去公司，一打開個袋，有個屁咩。今次再買外賣，冇再問佢拎醋，費事受氣，心諗可能上次只係俾漏左，點知返到公司打開個袋，一樣冇俾黑醋，今次仲衰到連筷子都冇。。。頂，乜家下黑醋好貴咩？你都已經唔係收得平架啦!我用手指食呀？打去投訴，一句唔好意思都冇，只話下次俾番你，仲有下次？以後都不會再幫襯囉。。。。。。。。。。。。。。。。。。。。。。

話說我同男朋友都係餃子控～不過平時好少揾到有一間有好多款式既餃子店～好多都係得普通款式～個日突然大家都好想食餃子～做完野就去灣仔揾下有咩食啦難得過左海 揸揸下車比我見到有間大大隻字寫住「餃掂」既餐廳～我地都覺得個名好得意就泊低車入去試下！一入到餐廳已經見到有個好大既牌坊寫住「天下第一餃」一於就試下佢有幾好食啦～除此之外，牆上仲有好多係餐廳自家作既金句～細心睇其實好多都好有趣好有創意～我地今次叫左兩碗湯餃加一碟煎餃再加一碗雲吞麵～多到嚇親隔離枱haha首先～男朋友話都有興趣試下佢d雲吞麵所以就叫左碗黎食下～聽講餃掂既所有餃子，湯底都係自家包自家煲既～一見到碗麵就覺得好大碗～而且雲吞餡好足料！湯底都好好味～好清 食得出無咩味精！加分終於到戲肉～期待既餃子上場～～發現佢有芝士餃～OMG 芝士控同餃子控既我地緊係要叫黎食！！食落去d芝士已經漏出黎～證明佢放左好多芝士係入面啊內心已經尖叫緊～～好香口得黎唔會好「流」兩碗湯餃就分別叫左最普通既韮菜餃同我最愛既芫茜餃～雖然韮菜餃唔算好特別～不過勝在餡夠多加分～成餐令我最最最想尖叫既係～佢竟然有芫茜餃～好少係出面食到呢款 佢d芫茜好夠香～男朋友唔太好所

喺香港食餃子點可以唔去呢間，晚上好早嚟到，我已經好多人。無論網上面同埋朋友都覺得呢一間餐廳好正，真係俾人感覺係一間專食餃子嘅專門店，唔係出邊就咁嘅餃子店一早整定晒。餃子叫即整，入去我哋首先叫咗從松茸同雲吞，平時好少返屋企飲湯所以一定要飲番佢原汁原味嘅靚湯。雲吞細細粒但係啲皮不會好厚，份量都幾多下。另外有驚喜係佢嘅四川涼麵。非常好食啲面唔會好林而且配上少少辣椒醬同麻醬。非常之開胃，分享勁多我兩個人都食唔晒。呢度嘅青瓜比出邊一般嘅入味，青瓜嘅肉身全部都係接濟過嘅味道所以每一啖都唔係淨係表皮嗰度先有味。一定要飲佢嘅山楂水，自家製健康又好味，食咗熱辣辣嘅餃子就一定要飲佢啦。叫咗芝士粟米餃子，好鍾意呀真係每一次都必定會點，粟米一粒粒唔會太乾，而且配上左芝士，超級啱我呢啲重口味人士食。可以見到佢裝修同餐牌都落足心機，希望越開越多分店，屋企附近都有得食就最好。

去灣仔搵人食飯，見到呢間餃子店要排曬隊咁就想試下，好彩唔洗等太耐已經到我地。排隊既時候已經揀定食乜。佢既招牌菜至尊松茸餃，我地叫左煎既同灼既各十二隻，兩款都有跟一碗狀元九鼎湯。餃子食落松茸既味道濃郁，同豬肉餡相輔相成。煎既餃子皮夠脆，灼既話就健康少d油膩。碗狀元九鼎湯味道清淡，不過勝在冇味精全天然，食煎餃子配呢碗湯絕對可以減輕油膩既感覺。除左松茸餃之外，我地仲叫左雙拼大白菜同雲耳椰菜餃。今次係湯餃，湯都係狀元湯，兩款餃都好好食，雲耳椰菜食落d雲耳好爽脆，而大白菜餃入面有d粟米亦令到口感變得豐富。小辣既雲吞，食落似紅油抄手，唔會好辣但係好惹味。小食叫左黃金皮蛋，蜜餞雞翼同手拍青瓜。黃金皮蛋好過癮，味道夠濃郁。仲有推薦既係山楂雪梨水，對健康有益又好飲。

同媽媽2個人走咗嚟食，8點幾唔多人，平時好少同屋企人嚟港島區食，見今次有嘢係度做所以就食埋。已經好肚餓，叫咗大白菜湯餃，松茸湯餃，雞翼同煎芝士軟心餃，仲有每人一杯熱山楂雪梨水。首先講講呢到嘅芝士軟心餃，第一次食，一聽到已經覺得好得意，唔係好多地方有呢個配搭，同埋平時食開嘅餃子來來去去都係白菜／韭菜嗰啲，見到有芝士餃都算幾新穎！因為煎餃即叫即煎，所以嚟到都仲係熱辣辣，表皮好脆，入面嘅芝士半溶狀態，餡料其實係粟米餃嚟嘅，唔洗咁溜......不過因為係煎嘅關係，食得多都會有啲油係個喉嚨到頂住。其他嘅湯餃都唔錯，特別在於個湯底真係無味精，好足料，食完都無話好口渴！值得再嚟！

今日去咗銅鑼灣行街，行到咁上下想早啲食晚餐，免得同人迫呀嘛，加上接近月尾，又唔想食太貴，朋友介紹去食餃子，好提意喎我哋六點多少少就去到，雖然仲未係食飯高峰期，但店內已經坐滿左八成，要搭枱啊，不過冇所謂啦，小店通常都係咁店內裝修雖然簡簡單單，不算豪華，但係有好多裝飾都很有心思啊，特別係佢呢幾幅畫，相信係店主自己設計，每幅畫下面都有與餃子相關嘅潮語，幾得意睇Menu嘅時候，見到佢有傳統餃子，亦有比較新潮嘅款式，甚至乎你想食名貴啲嘅餃子，呢度都可以滿足到你，非常大眾化，而且價錢合理我哋每樣都叫咗少少，第一樣係最傳統嘅款式，韭菜豬肉餃，朋友話如果自己係屋企煮餃子嘅話，成日都煎到濃哂，難得出街食，當然要食煎餃啦，哈哈。不過呢度真係煎得唔錯，兩面金黃色，即叫即煎，香脆可口而我哋都試埋比較新潮嘅香煎軟心芝士餃，呢個要趁熱食，軟心芝士配埋粟米豬肉，係幾過癮嘅都唔爭在喇，試埋相對名貴嘅龍鳯松茸餃，有四隻白松露，同埋四隻黑松露。叫呢款餃子嘅，會跟埋一碗狀元九鼎湯，呢個湯犀利呀，冇味精，相信連鹽都冇幾多，飲落十分健康，似住家湯。黑松露餃味道濃郁，淡淡的黑松露味配埋豬肉餃子，估唔到咁夾喎，而白松露原來係比黑松

今日下晝同朋友去開香港島做嘢 行開灣仔見到呢間舖頭個名幾特別叫做餃掂 唔知啲嘢食係唔係真係咁掂呢 所以我哋就一於入去試下啦首先叫咗呢個至尊松茸豬肉餃 話明係松茸豬肉餃松茸味嘅味道非常之濃郁 而且用料十足 入面包住滿滿嘅豬肉同埋松茸 食落非常之惹味香口 搭配松茸湯更加一流香煎軟心芝士餃 作為一個芝士控嘅我當然一定要叫呢個芝士餃啦 芝士用料亦都非常十足 有香濃嘅芝士味 煎完出嚟芝士嘅顏色非常橙紅 好靚 而且餡料又有粟米 口感非常之清新 值得一讚蜜餞雞翼 呢個真係驚喜 因為蜜餞嘅味道完全同埋雞翼融為一體 雞翼嘅肉味亦都同埋蜜餞醬非常之合襯 好耐未食過咁好食嘅雞翼啦自家製山楂雪梨水 有啲酸酸哋嘅山楂味 加上甜香嘅雪梨味 非常之開胃消滯

第一次去港島區灣仔分店吃餃子，因為我次次都是去太子果間吃既!入到鋪頭，覺得灣仔呢間有點細，但是好有新鮮感。今次我只叫了10隻雙拼湯餃，分別是雲耳椰菜餃同芫茜豬肉餃。但是我感覺上，太子那間沒有這麼混亂，同埋餃子方便，都好似太子好吃啲!我睇到灣仔呢間人手是足夠的，但是餐牌好似有點不足。職員的服務態度不知是否太忙碌，導致欠了一點禮貌。講番湯底方面，我覺得今天飲既是比較淡，我已經落了鹽，都是淡了，感覺是鋪頭煲得不足，加了很多水去溝足，有點失敗，希望可以改善。酸蘿蔔，還是這樣好吃，但樽身較為有點油膩，沒有時間做清潔。湯餃，味道可以 keep 到，但是其中一隻豬肉餃，有很多碎骨，希望師傅可以注意點。我有時間，一定會 encore 再去吃!

之前在太子食過唔錯 ，今次係灣仔見到就決定再食，但入到去爆哂人，好彩我得一個人，可以塔枱，但見到d姐姐咁忙，都有d唔好意思太打擾佢地咁就叫左狀元九鼎湯，睇介紹都好足料，飲落味唔算太濃，不過自家煲既老火湯都差唔多啦，飲慣重口味既可以自己加鹽的之後蜜餞雞翼，比較快到，有點似煎香左，甜甜地的鹵水雞翼，最後主角，招牌的龍鳳松茸雙煎餃，其實可以湯餃，不過煎的話，好像會更香，而首先食白松茸先，松茸味比黑松茸香一點，而黑松茸的菇味更濃，睇每個人自己鍾意的口味了

之前在太子吃過餃掂手工餃子雲吞專門店的煎餃我和朋友回味無窮，最近灣仔也開設分店，正好為灣仔上班的朋友而設，朋友今晚再次和我品嚐這美味煎餃與小食。餃掂的酸蘿蔔每次一定要夾上兩，三小碟才夠我吃，它酸微微，爽脆的蘿蔔粒令我胃口大開，想吃更多的東西。先來一碟開胃的回味手拍青瓜，幾乎每枱客人都必點這，不太嚐辣的朋友小心翼翼嚐了一口，青瓜十分的清脆香甜，帶有微微辣汁，雖然絲絲辣度，卻讓她忍不住一口接一口的咀嚼青瓜。之前吃不到原味黃金皮蛋，今晚終於吃到。原味黃金皮蛋一上桌，我就急不可待咬下，晶瑩透亮的蛋白有夠通透，再咬一口，一股黃澄澄的糖心蛋液緩緩滴流口中，軟滑順口，甘香濃郁。蜜餞雞翼甜滋滋的外皮閃亮動人，多令人垂涎欲滴，其甜香馬上飄散，肉質鮮嫩的雞肉被蜜糖團團包裹著，吃起來非常入味，可口無比。香煎軟心芝士餃百吃不厭，餃子皮薄酥脆，餃子裡頭滿滿的粟米，當然還有主角嫩黃的軟心芝士，微微的融化的拉絲效果賞心悅目，濃厚的芝士讓人念念不忘。我們太鍾情白松露口味的煎餃，所以加十元變成全部都是白松露煎餃。白松露煎餃色澤漂亮，幽幽的白松露香氣難以隱藏，滿佈空氣之中。餃子飽滿極具份量，豬肉餡料肉汁豐腴，與白松露滋味