餃掂手工餃子雲吞專門店

Open Now

Now Closed

作為一個餃子控，梗係要周圍搵下有咩餃子食啦！見到呢間餃子店個名咁盞鬼，食埋字叫餃掂，所以就決定試吓佢～外在環境都幾歡堂，都算多位，但係我食咁耐座無虛席啊！你就知間鋪有幾受歡迎啦～佢餃子選擇多到花多眼亂，真係好難揀呀！仲有古法製成絕無味精嘅靚湯🍲嘢飲就叫咗《自家製作山楂雪梨水》$28但係呢個已經知道啲間鋪頭啲嘢十分天然，山楂雪梨水絕對冇加糖，山楂味比較濃，所以如果你鍾意山楂味嘅朋友一定要嗌呢個試吓枱面上有醃蘿蔔、青椒紅椒等等，嘢食未嚟之前可以過吓口癮先，開開胃《回味手拍青瓜》$25呢個都幾辣㗎，我本身以為係酸酸地少少辣嗰種手拍青瓜，但佢比我想像中辣左好多！所以想嗌嘅朋友需要做足心理準備啦《四川涼麵》$28本身見到四川呢個字就以為一定係辣嘅，點知佢出乎意料地係麻醬😆😆非常開胃！！麵質偏硬，有咬口👍《至尊松茸豬肉餃》$72有種好特別嘅味道，相信就係松茸嘅味道仲送咗碗湯，飲得出一啲味精都冇。清清甜甜非常滋潤。《韭菜豬肉餃》$55煎餃表現都唔錯 皮脆！韭菜豬肉嘅涵爆汁

之前中午經過此店見到不少人在店外排隊，之後看到有雜誌介紹，便決定來試試。 晚上來，未滿座，不用排隊。 雖然店內還有其他座位，我一個人卻被安排與其他同樣是一個人的搭枱，店內地方不大，枱與枱之間距離好近，坐得不太舒服，我還捧着重重的背囊吃呢! 我想試他的素餃，也想試其他餃，可是雙拼餃沒有 素餃的份兒。 若分開叫兩樣餃共十幾隻，我一個人恐怕吃不下。 於是，最後決定要野生松茸素餃。野生松茸素餃灼餃子中碗7只$45，大碗10只$55。煎餃子中碗7只$50，大碗10只$60。餐牌上寫著：「 煎餃需時二十分鐘，因生煎，脆口，原汁原味。」我要中碗灼餃子，灼餃子是「淨餃子無湯」。皮薄，餡料我覺得略鹹，整體來說一般。

上次食完之後一直心掛掛 今晚決定又去食餃子飲靚湯 7點半食飯時間去到 店入面已經坐滿人但岩岩好有張空枱唔洗等位!鋪頭門面好光猛，望上去仲有個天下第一餃嘅招牌，好吸引嘅感覺每一張枱都放足曬調味料 有醬油、陳醋、辣椒醬、豆豉醬、胡椒粉等等仲有一樽自家製嘅醃蘿蔔同辣椒，一打開，超香，酸酸甜甜夠曬開胃 山楂雪梨水 $20清熱嘅雪梨加酸酸地嘅山楂味完美減低餃子嘅飽肚感食幾多隻都得啊😋黃金原味皮蛋 $28佢嘅顏色係唔同平時見到嘅皮蛋，好特別😁至尊松茸豬肉餃 (配狀元九鼎湯) 大碗 $105重點終於到了!個湯真係完全飲得出係無味精 材料有粉葛、鯪魚、鰂魚、排骨、紅蘿蔔、扁豆、赤小豆等等真係超級足料呀 而餃子我亦都好足料，一咬落去就有一陣濃濃嘅松茸味出咗黎!香煎軟心芝士餃 $58 大碗這種餃子簡直係我的最愛😗咬落去芝士係多到流出黎而且煎完嘅餃子超香熱騰騰好好味豬肉餃湯麵 $48豬肉餃係肉多而且皮唔厚有啖啖肉嘅感覺而且呢種麵嘅質地係同平時出麵食的唔同食落去面質係比較煙靭，食食下就不經不覺消滅左一大碗了總結來講，這間餐廳的性價比很高有機會我一定會再黎食 

約了在灣仔上班的朋友食晚飯吹下水，朋友介紹說這裏的手工餃子味道不錯，而且選擇多既然是朋友推介，不用多想一於去試一試這間「餃掂手工餃子雲吞專門店」。至尊松茸餃 (跟狀元九鼎湯) (灼餃子，大碗 12隻） $105用上非常珍貴的松茸來做餃子，餃子肉鮮香加上松茸的特有香味，不要點任何醬汁以免影響了松茸的味道。芫茜豬肉餃 （煎餃子，大碗10隻) $58芫茜豬肉餃芫茜和豬肉的比例大約三七之比，芫茜味香濃特別，煎過後的餃子外皮香脆加上芫茜的香味配合得非常好。狀元九鼎湯用了多種材料粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗和新鮮排骨來煲成，絶冇味精魚味香濃鮮甜無比。四川涼麵 $28四川涼麵用上非常香囗的炸花生、煎過的乾蔥頭、辣椒乾和蔥粒配上香滑的芝蔴醬，令人食指大動。蜜餞雞翼五隻 $30蜜餞雞翼味道甜甜蜜蜜外皮爽脆肉質嫩滑，食完有令人甜絲絲的感覺。

返返下工想食餃子嘅心癮起，問下專業食家朋友意見，知道灣仔呢間既餃子唔錯，放工就搵埋師姐過來食！仲有醃蘿蔔比你開開胃！呢度餃子有分唔同size，以兩個人來講中碗既就最岩啦，7-8隻每人幾隻，又可以食多幾款！至尊松茸豬肉餃 (跟狀元九鼎湯)灼餃子 8只 (中)呢款係呢間店嘅招牌餃子，睇圖片好似灼餃子比較吸引，就立刻點了！皮算薄，睇落去好真實好實在，松茸好香個味好出，同豬肉嘅比例幾平均，皮可以清楚睇得出肉透出來嘅色澤，相當吸引！狀元九鼎湯飲落感覺幾清，不過喝真D其實有一陣粉葛味，個人來講唔抗拒仲幾鐘意呢種味道，幾有媽咪煲D湯嘅感覺。龍鳳松茸雙煎餃 8只 (中)分別有黑松露跟白松露兩款口味，兩款嘅松露味都好鮮，不過相比之下就一定係黑松露突出D，我諗食過嘅都一定會咁講！香煎軟心芝士餃 7只 (中)以上幾款都唔錯同埋各有特色，不過呢款香煎軟心芝士餃我個人來講就最鐘意，芝士其實唔算好多，但就已經好足夠同芝味都好出，而且滿滿嘅粟米令到餃子口感咬落好煙韌！重慶鮮肉雲吞 12只 (中)食左幾款餃子，點返個鮮肉雲吞又睇下係咩味道，細細粒一啖一隻其實都唔錯，不過湯都係鼓油底，所以我都係鐘意餃子多一D！加多杯自

無無聊聊在灣仔，唔知食乜好之下，一人晚餐不錯的選擇，就是食餃子。其實灣仔都有幾間餃子店，看到這一間評分不錯，專登行過去試吓。叫咗菜肉餃，個湯底都真係幾淡，好似加左水咁。餃子普普通通，餃子皮厚薄適中，但可惜欠咬感。蜜糖雞翼，難食到喊，好似食緊煲湯雞翼，再浸左一晚糖水，個雞翼可以煮到老晒，高招我覺得最好味的是，菜甫豆豉醬，嘢味枱面還有四川辣椒醬，唔知點解冇乜味，又唔辣。總括嚟講，試過就算。如果你要我排隊食應該都冇乜可能。

Happy Friday !!今晚收工同同事行左陣街先去搵野食同事提議食餃掂話性價比極高 而且蔡瀾都食過就一於試下去到都坐滿哂 好彩剛好有人走叫左個小食～黃金原味皮蛋皮蛋彈牙爽口配埋個sauce少少辣 都幾開胃呢到既招牌特色係松茸餃叫左兩款試下野生松茸素餃 要左灼既都幾大隻皮夠薄 涵料又夠多一咬落去就有好濃郁既松茸味回味無窮另一款係松茸豬肉餃要左煎既 煎完松茸味仲香！外皮煎得幾金黃香脆裡面既豬肉又唔會乾 食落都幾juicy仲配埋個狀元九鼎湯湯完全係真材實料用粉葛鯪魚等等材料煲有住家湯既感覺再叫左個雲吞麵有12粒雲吞 真係好誇張粒粒都好大粒麵係上海麵 都幾爽口食完超級飽飲埋杯山渣雪梨水 滋潤一下好滿足既一餐P.S. 呢到仲有腌蘿蔔食好好食 唔會太酸 食完好開胃食到停唔到口

今日同朋友係灣仔附近搵野食行行下見到有手工餃子食一於入去試下蒸至尊松茸豬肉餃配狀元湯松茸餃係呢度最特別既唔講唔知松茸既功效都有好多架松茸好香而且睇圖都見到隻隻餃子都十分足料另外仲有配上松茸醬可以點令松茸味大大提升狀元湯大大碗標明無落味精架所以飲落無咁咸平時出面飲既老火湯都偏咸但呢碗就無清清地唔錯蒸松茸素餃呢隻雖然無肉在內但D菜好香令整隻餃子既味道昇華了而且感覺健康一點手拍青瓜微辣，有蒜香食落好開胃推薦大家一試

一天工作完畢，想吃得簡單清淡一點。平日有時會買材料自己包餃子，輕輕鬆鬆餃掂。今晚就出外吃餃子偷師。晚上六時多，餃子店已經坐滿客人。店裡燈光明亮，醬油放得井然有序，還有醃蘿蔔提供。翻開餐牌，有各式餃子供應，可以選擇湯餃或煎餃，還有麵條等等。⭐️九鼎湯狀元湯$20和友人都是這碗湯很感興趣，各自點了一碗。這碗湯由粉葛、順德活鯪魚、扁豆、赤小豆和陳皮等熬煮，有提升免疫力的功效，不過據友人就說這些材料有助祛濕。入口味道較淡，是沒有味精的湯品。⭐️龍鳳松茸雙煎餃$85 8隻這客是黑松露和白松露煎餃。入口有濃濃的松露香氣，頗特別。不過筆者較喜歡傳統口味多一點。⭐️雙拼湯餃$55它的湯正是九鼎湯，分別是大白菜豬肉餃和雲耳椰菜豬肉餃。大白菜豬肉餃竟然是豬肉比白菜多，豬肉鮮嫩，肉汁濃香，配搭爽脆的菜絲和粟米，不俗。雲耳椰菜豬肉餃的豬肉和蔬菜的比例剛剛好，就算不蘸醬油仍有其鮮味。⭐️韭菜豬肉餃$45韭菜豬肉餃也很出色，煎過之後，外皮焦香脆口，韭菜鮮甜，豬肉彈牙多汁，令我忍不住想多吃幾顆呢！ ⭐️四川涼麵$28配料有蔥粒、花生等，還有一小碟芝麻醬。嚐一口，麵條稍欠彈性，入口較軟腍，不夠爽身，調味也不夠入味，相對餃子略顯

今晚心血來潮想食餃, 即興獨自黎左灣仔出名既餃掂裝修比起一般餃子店好似算幾靚@.@!估唔到平日夜晚都幾full~ 姐姐好忙但上菜算快~ 10分鐘內都黎齊晒 (係餃子最後先到 要時間煎)餃子選擇唔算多但都有d特別款揀下~~枱面放晒筷子紙巾同調味料.. 幾貼心(陣間紙巾會大派用場😂)因為我叫煎餃所以無跟湯 但係又想飲湯😂所以就加左$20跟左個狀元九鼎湯可惜有少少失望 個湯似係無湯渣的粉葛湯 略嫌淡味...+$20好似唔太值不過都志在清下熱..同埋勝在無落味精^.^!(第二張相其實係想show隻匙羹好靚😝)黃金原味皮蛋$28 咬落去口感濃密 配上蔥花同醬油底不論係黃金蛋黃定係醬汁味道都偏淡應該係我食過最健康的咸蛋黃製品😎岩注重健康又心癢癢人士...= D最後既主角係::: 龍鳳松茸雙煎餃 $85/8pcs(黑松露+白松露+松茸)一食...果然餃掂左😎 絕對對得住呢個價錢!!食落去係重重既松露香味+松茸菇香餃子兩邊一樣咁香脆🥟餃子皮薄~又唔會太油~ 啖啖都好juicy😋呢張相影唔到黑松露...呢張就影到喇!! 好大方的份量😍‼️有中等爆汁危機 (食頭4隻都無事..到第5隻時又爆晒汁落部電話度😂)

上次跟爸爸在旺角食過一次已經覺得好有驚喜，知道灣仔都開了分店，今晚爸爸和我來到試試這裡的本質是否同樣。這是平日的一個晚上，店裏早已坐滿了客人，比起我們初次在旺角店時客人明顯多了，相信這間用心的小店吸引了不少知音人的支持。而店內依舊放了塊叫人莫生氣的智慧牌匾，為餐廳增添了份雅致。食物亦一如以往的有水準，最緊要是價錢大眾化，在灣仔租金奇貴的電車路地舖，竟然也沒有特別把價格抬高，相信店主是個良心老闆！狀元九鼎湯 $20碗完全沒有丁點味精的心機湯水，用上粉葛、順德鯪魚、鰂魚、紅蘿蔔、扁豆、赤小豆、陳皮、蜜棗、排骨做湯料，可以提升免疫力，養顏保健。龍鳳松茸雙煎餃$85 可能你會覺得這個餃子比較貴，當你吃一口就知道，這裡真的是用很好的材料：黑松露+白松露，名副其實皮薄餡靚，香味濃郁，口感一流，十分推薦！黃金原味皮蛋$28我知道這個皮蛋跟譚X的也差不多，那秘製醬汁都是一樣惹味，很開胃的小食。重慶鮮肉雲吞大碗18隻$45這個雲吞細細粒的很易入口，雲吞皮滑溜到不行，一下子已KO了18隻！韮菜豬肉餃10隻$49用上狀元九鼎湯的韮菜豬肉餃令你不會想浪費湯底，依舊的皮薄餡靚，韮菜多到頂角，包餃子的姐姐手勢好得

其實依家開始多店舖供應素食選擇。我不是一個純素者，只是有得選擇之下都以素食行先。不過始終覺得香港素食未夠台灣同內地咁普及。呢間餃子舖已經係第二次光顧，素食選擇就得一種。要了一份中份素灼餃子，純天然味道。餃皮薄而饀料唔算特別多，素餃唔會話好似肉餃咁多汁，已經係意料之中，不過都係油少少。中份餃子有7隻其實都幾飽，加埋醋食係唔錯。涼拌黑木耳又係我最愛的小食之一。味道都唔錯，木耳爽脆有咬口，份量唔多，一個人就啱啱好。最後埋單$70，想要一個簡單晚餐呢度都係唔錯，不過留意返，店內不提供水。呢樣就好似差d～

Nom Nom Dumpling finally opened a branch in Hong Kong side! Nom Nom Dumpling lovers from HK side, you no longer need to travel to Kowloon for it. The shop decoration is simple with comfortable soft lightening. One of the wall is plates decoration. The design on the plates shows different kind of cute dumpling emoji.Double Choices Dumplings: Dumpling with Black Fungus, Cabbage and Pork + Dumplings with Bok Choy & PorkNom Nom Dumpling is one of my favorite dumpling shops is HK. Why is that? It is

主張健康，無味精👍🏻食得健康又好味餃方面有好多款：松茸（又護膚，提升免疫力，改善體質疏鬆等）香心軟芝士；韮菜；大白菜豬肉；雪耳椰菜；栗米豬肉及芫茜豬肉可以簡2種口味， 可選煎或湯餃子狀元九鼎湯（$20）無味精， 一d都唔胜👍🏻重慶鮮肉雲吞麵（$35）中碗內有12隻雲吞， 好足料， 我地只叫了小辣，都好野味香煎軟心芝士餃（中碗7隻）（$52）熱啦啦， 芝士加上豬肉及栗米好配，yummy 😋黃金原味皮蛋（$28）呢到仲有健康飲品自家製山楂雪梨水（$20/杯）職員都話自己煮， 正， 下次要試下😎

這間餃子店面積不大，所以人多時坐得有點擠迫，最喜歡它有自家醃製的白蘿蔔和辣椒。黃金皮蛋 和平時吃的皮蛋不同，顏色很靚幾特別。麻辣松花皮蛋 溏心皮蛋吃時有點麻辣，幾特別的。手拍青瓜 青瓜爽口，但比較濃味，適合重口味的客人。蜜餞雞翼(五隻) 雞翼很入味，做得也不錯。龍鳳松露雙灼餃跟湯(八隻) 餡皮夠薄身，黑松露和白松露份量頗多，松露很香濃加上新鮮的豬肉，真的很好吃。 軟心芝士煎餃(十隻) 豬肉餃加上濃濃的芝士和很多粟米粒很特別，但略嫌煎得不夠香脆。狀元九鼎湯 用古法煲製的老火湯，味道較清淡，可自行添加幼鹽。材料有鯪魚、鰂魚、排骨、扁豆、赤小豆、粉葛、紅蘿蔔和陳皮，能溫腎益氣和滋潤腸胃，我們三人喝了一碗覺得沒有味精，所以我們每人再叫了一碗。山楂雪梨水 用雪梨、山楂片、甘草和麥芽煮成，少少酸，喝起來很開胃。酸辣雲耳 雲耳爽口，但可能醃製太久，所以味道有點鹹。