餃掂手工餃子雲吞專門店

Open Now

Now Closed

行開灣仔永康街 見到有間餃子店門外大排長龍 又唔執輸排埋一份 (事後朋友話原來新假期之前有介紹過)舖面唔算好大 坐位之間坐得比較親密 不過樓底比較高 唔會覺得有壓迫感未食主菜 先食個開胃既酸辣雲耳刺激下個味蕾先飲品方面 小胖男友唔識寶 只揀左最common既熱豆漿識貨既小妹我當然揀清熱養顏既山楂雪梨水 滋潤一下啦排緊隊時已經睇好要試呢個至尊松茸因為想試最原汁原味既 所以揀左蒸餃餃子皮薄 個松茸醬簡直不得輕輕一點 已經散發住濃郁既松茸香味 好鐘松茸餃仲會配埋個下火靚湯...個名好威武 叫狀元九鼎另外仲點左湯餃同煎餃湯餃揀左小胖男友最愛既韮菜餃 餃子湯同樣用上狀元九鼎湯不過最出乎意料既係呢個煎無諗過煎餃既餃子可以同樣做到咁薄皮 大白菜餃鮮而不膩]唔駛加一 食到飽一飽都係每人100蚊 港島區黎講性價比頗高

我一直都好鍾意飲呢度嘅湯，雖然係淡啲，我就係鍾意佢夠清，唔知好似係出面飲味精湯咁。之前食過佢個冷麵都覺得好好食，鍾意佢個面嘅質感，有咬口，配埋啲青瓜同埋個芝麻醬好鬼正！知但係我今日喺嗰個好似同上次唔同左，個面係超級硬嘅，唔係好似上次有咬口得來又彈牙嘅感覺，同埋我見到佢得咁少青瓜真係好失望！其實青瓜係呢個面度係好似雞絲粉皮入面嘅青瓜咁樣，大大增加左呢個面嘅層次同埋口感，但係小到咁，我覺得同冇冇分別！其實佢不如少啲面多啲青瓜啦！

尼間真係超長長龍，我提早11:45am出公司門口，來到约12pm 就少人－點。我見佢d 裝修都好搞笑，好似有張畫就有餃子，上面個message 係有餃子生活更好。另一張就係講控制情緒的。我翻完menu, 佢地松茸餃係主打特色菜，故此－定貴些。8隻湯餃子，已經72元，好像好貴喎。故此，我只叫了普通的雲耳椰菜餃。佢地都好快上菜，喝兩口佢地個狀元九鼎湯，好淡呢，沒有動力喝下去。餃子呢，都可以吧，我只叫了餃子没有加麵條，後來3:30pm就餓了。建議男生要吃大碗或加麵。

夜咗收工，又唔想茶記或頹飯，食下餃子都係平價簡單之選呀。一嚟到見到，原來呢度都幾受歡迎，入座都要稍等片刻。親民麵鋪格局，但好乾淨。先嚟開胃菜，野味酸辣雲耳。一向鍾意呢類北方小食，飯前咬下嘢吹下水一流。韮菜豬肉餃湯拉麵。簡單一個麵就食得出誠意。啲餃子真係夠實淨，唔係一咬就散嗰啲。因為係新鮮製作，皮係有咬口唔硬的，皮同餡嘅比例亦啱啱好。拉麵亦食得出夠新鮮。至尊松茸煎餃配狀元九鼎湯。煎餃係即叫即煎，煎到金黃色咁真係好香好味。松茸嘅味道咬咬下就會滲出嚟，好特別。個湯冇味精，好滋潤簡單得嚟又幾特別嘅一餐

今日放工經過灣仔，見到好似有間新開既餃子店，一於去試下比佢餐牌吸引到入去，有多款餃子選擇呢到最出名就係至尊松茸餃，點了一份煎餃，一份湯餃每款都配有狀元九鼎湯，飲落去很清甜，冇落味精，好似媽媽煲既湯一樣煎餃方面，皮薄而餡料足，食到有很香的松茸味，肉質鮮甜，煎得剛剛好，不會太油而湯餃就吸收了湯的精華，菌味更出呢到有很多配料供選擇，而我就最鐘意菜甫豆豉醫另外更點了一些小食，有黃金皮蛋、蜜糖雞翼、手拍青瓜，幾抵食最後點了山渣雪梨水$20，酸酸地夠開胃臨走時見到呢塊牌，幾得意，飲湯可以下火

餃必食@餃掂手工餃子雲吞專門店 灣仔莊士敦道44號地下 小時候媽媽會經常包餃子，人仔細細會幫助但包到好醜，非常掛念餃子，此店有多種口味蒸，湯，煎都有，因我比較健康愛放湯或蒸的。狀元九鼎湯$20，個湯絕對係精髓，原來用左好多料長時間煲，又唔會點落鹽好健康，家的感覺，平日缺湯水好快就飲曬一大碗 野生松茸素餃$45 7隻 因唔想食太多肉點份素餃先，餡料好多包到好實，松茸仲落了試調味因此唔會悶，個皮好薄半透中間餡料，水煮又唔會油膩，7隻話咁易食曬，其實每隻都幾 隻下，5隻我已經飽。手拍青瓜$25 ，用來打開胃口，爽身多水份仲有自家醃爽口蘿白粒，酸辣開胃！$22 雞翼超好食，甜甜的必食香口，似燒蜜汁雞翼。臺上面更有好多醬料用來蘸點餃子，食味更高層次更豐富。7隻一客對我有點多，如果有雙併可試更多款就最perfect 

友人返工公司係附近，上星期五約食飯佢主動推薦我食呢間餃子店。餃子嚟講我都算係食家嚟，專食餃子嘅唔計連鎖前前後後都食超過十間，所以我對餃子係非常harsh🤣我地八點三去到，出面有條小人龍，等咗十五分鐘就入到，都幾好彩。店面唔算大，但係坐得幾舒服，前後左右有唔少外國人，大家講嘢都好斯文，有種莫名嘅壓力都要變得斯文啲🙈🤣。入正題，我地叫咗三set餃，我地先叫咗灼松茸素餃同韭菜/雲耳椰菜雙拼煎餃。第三set係煎素餃，係食哂先追加嘅，之後再講。灼松茸素餃友人係素食者，呢個都係佢揀呢間餐廳嘅原因，我食嘅佢唔食得，但佢食嘅我就可以拎嚟食哈哈～大家都驚食唔哂會浪費，全部叫咗中size，但呢間餃子係一口size，最後我地每人係要食十粒先滿足😂。松茸香有，食落去更重菜味，鍾意清甜嘅人一定會覺得好正。重點嚟，我覺得餃掂嘅精華係佢啲醋😂我見佢旁邊有咁多調味料，貪得意逐樣試下，豆豉醬辣椒醬都各有特式，但個醋真係！升！華！哂個餃，尤其係灼嘅餃～真係好正！順便講埋後加嘅煎素餃，如果素食嘅朋友又唔怕heavy嘅，我比較推介煎餃，松茸香更出同香口。跟住係雙拼，韭菜餃好出色，全無味精之餘個味都好鮮，好濃郁。相對雲耳餃就比

自從之前試過一次餃掂嘅餃子後，就一試愛上！之前試過龍鳳餃，今次就試下至尊松茸餃啦我最中意喺度食餃子原因係坐得舒服，位置都寬敞，所以食得特別開懷！餃子係即造的！先叫個至尊松茸餃配九鼎湯，湯係真材實料無加味精，有媽媽的味道整個餃子大大粒，嫩肉加松茸香，滿口滿足！不單至好食，而且松茸好處仲多羅羅！再叫碗淨麵，麵質彈牙大大碗！再後加多三款小食物，蜜餞雞翼醃得入味,大大隻，啱曬雞翼控嘅我最後叫多杯自家製嘅山楂雪梨水就圓滿啦

放工好肚餓，記得地鐵站附近有間貼左好多明星照片的餃子店，晚上7點幾去已經好多人，不過人流快，都好快有位。地方寛敞，樓底高。調味料款式多，有陳醋、醬油、菜甫豆豉醬和辣椒醬。醃蘿蔔不可以錯過，單買一樽都百幾蚊，喪食，酸酸甜甜好惹味。自家製山楂雪梨水 ($20杯)真材實料，很清甜，又大杯，有熱有凍，滋陰的我緊係要熱，覺得味道更濃。至尊松茸豬肉餃，跟狀元九鼎湯 ($72/中碗8只)豬肉餃每個摺都包得好靚，皮薄餡料多又新鮮，而且肉餡肥瘦均勻，附上松茸粒粒醬，好濃菇味，都幾惹味，不過份量可以給多些。狀元九鼎湯用多種材料敖制而成，味道幾清淡，感覺到無添加，健康是這樣鍊成的。黃金原味皮蛋 ($28)，個心真係金黃色，好美味！重慶鮮肉雲吞 ($35/中碗/12只) 中辣都唔會超辣，一口雲吞size適中，混合蔬菜餡料，食好多粒都唔覺腻。韮菜豬肉餃+芫茜豬肉餃 (A + B 煎餃子 $51/7只)，煎得金黄香脆的餃子，外脆內軟，唔油膩亦唔會乾爭爭，仲好juicy，芫茜豬肉餃尤其出眾！蜜餞雞翼 ($30 大/5隻)醃得好入味，內外都有蜜餞甜味，強烈推介！食物品種多元化，整體都幾有質素，會再幫襯。

喺灣仔返工嘅我,一有時間就搵新地方食嘢. 自己本身好鐘意食餃子所以知道有呢間新店開第一時間試. 食過幾次覺得幾好味不過就一次比一次差.平時行過見好多人排隊都預咗要等. 又知佢外賣只有湯餃冇煎餃, 唔緊要. 今日叫外賣, 等咗足足三十五分鐘, 叫咗茜西豬肉餃比咗韮菜餃,但又已經返咗公司坐低冇得追究. 餃子一頰就散...只能夠講一間好味嘅食店要keep到水凖真係唔易.

放工去灣仔探朋友，經過佢樓下，見到我時常去太子食餃子的餃掂，問一下朋友，原來是餃掂新開的分店，朋友也喜歡食餃子，我們不約而同說今晚就在此店食晚餐。這分店也是有免費的酸蘿白任食。自家製山楂雪梨水：有凍有熱，這杯是凍的，山楂味比較濃，少甜，健康的飲品！芫茜豬肉餃(煎)：餃子可以選煎或湯上，我們覺得煎比較香，所以選煎的。餃子皮薄，煎得香脆，餡料飽滿，豬肉程粉紅色，而且豬肉是用新鮮肉做的，因為有豬肉的鮮甜味，加有芫茜更添香味。肉質有口感不會鬆散，好味！韮菜豬肉餃(煎)：一樣是皮薄煎得香脆，對比芫茜餃，韮菜餃是菜多過肉，但韮菜惹味，一樣好食！餃子麵：餃子可以自選口味，我選了粟米豬肉餃，豬肉鮮粟米甜，麵好滑，湯底也不錯。雲吞湯麵：雲吞是用雲吞皮包住用鮮肉加雲耳做的餡，皮滑餡鮮，一口一粒食不停口，好味！四川涼麵：凍食的涼麵彈牙，加左花生碎有口感，撈上芝麻醬惹味！

等等等，等左半小時也未出食物，問佢又話整緊，做野慢十拍！我忍不住行去廚房問，先見倒隻麵落碗，半個鐘先煮好隻麺！個煎餃都未煮！我又走去廚房問！佢話好多人未包好而家煎緊!你半個鐘先開始煎？？真係火都黎！野食真係好一般，服務就唔知點形容，d人係唔知自己做乜，隔離枱人地張單都係錯嘅唔會再黎！我最後係乜都無得食，因為食完都未煎好！

餃子店喺香港都有好多，今日去到灣仔行街，見到呢間寫住手工餃，我同朋友都唸同其他餃子店有咩分別，望下店舖內裝修都好整潔，座位都算闊落，不會太擠迫，於是決定一試。至尊松茸餃打開餐牌，見到呢款餃子寫住鎮店極品，咁就梗係要試下喇，我地兩個人於是揀左中碗，煎餃，有8隻餃子，食完第一隻就後悔，後悔只係叫個中，應該要叫大，因為真係好好食，松茸味道好特別，佢嘅獨有香味留喺口腔，真係好好味，另外呢款餃子會有個九鼎狀元湯跟，呢個係魚，粉葛，赤小豆，扁豆等煲嘅，都唔錯呀，完全無味精韮菜豬肉餃因為好鍾意食韮菜，所以嗌左大份煎餃，咬開充滿肉汁，唔會好乾大白菜豬肉餃叫完兩款煎餃，呢款就試個湯餃，佢個湯底係九鼎狀元湯，配合嚟食，感覺非常好呀，唔會覺得肥膩

我平時都好鍾意食餃子，有時會喺係屋企到自己包餃子，但係朋友推介呢間餃子幾特別，今日放工就喺附近試吓啦，順便偷師。六點半去到已經有八成滿，餐廳裝修雅致，感覺親切。我朋友推介佢哋的龍鳳松茸雙灼餃子，所以一向不太好肉的我就點了那個餃子，因為其他地方吃不到。餃子肉多肉汁豐富，也有黑松露香味，我會點小小陳醋，更加帶出肉嘅鮮味，也沒有這樣油膩。不過，餃子入面沒有菜感覺有點濟，可能適合肉色者吧！值其餘四粒白松露餃子就沒有什麼驚喜，可能白松露比較淡，同豬肉放在一起就沒有什麼特別，不過白松露都是矜貴的食材，試吓有冇防。＄85 只有8隻餃子本來都幾貴，但跟了那個狀元九鼎湯就覺得值，因為那個湯真是真材實料。用了粉葛赤小豆排骨等材料, 不加味精。湯頭清甜，也可以去濕，但略嫌魚味不夠。值得推介的就是那瓶自家的免費醃菜，那醃蘿蔔清甜爽口，不會太酸沒有那種人工甜味，無論餐前或餐後食幾好口，都有開胃消滯的效果。我忍唔住食了很多。

今晚唔想食咁飽，走左去食餃子。點知因爲花多眼亂同貪心，每隻味道都想試，又搞到食到勁飽。依到竟然成樽餣蘿蔔任食。餣得好好味，唔會太酸，食唔停口，之後勁開胃。見餐牌有多款口味嘅餃子，有得A+B款雙拼口味，就兩個人揀左五款黎試。第一款係必點嘅至尊松茸餃，入面淺啡色就係松茸，散發淡淡香氣，餃子飽滿多肉，啖啖入口都好滿足。湯餃食左雲耳椰菜豬肉餃，依款比較清淡，但口感爽啲。另一款係韮菜豬肉餃，兩者比例一比一，韮菜又香又爽。其實我個人最鐘意煎餃。睇個樣咁金黃色就知道一定好香口啦。煎餃試左兩款，一款係菜心豬肉。因為未見過有菜心口味嘅，好奇就叫黎試下。皮夠薄，亦煎得好香口，不過菜心味道唔出，無咩特別。另一款常食口味，大白菜豬肉煎餃。正合我心意，肉多菜多，加上香口，好味道！仲有小食都唔放過。叫左蜜餞雞翼，雞肉入味，蜜味香甜，五隻好快就清枱。依個係黃金皮蛋。好特別。第一次食。一上枱見到個溏心蛋黃就知道好味，食落有皮蛋嘅彈牙。但又唔會有皮蛋嘅鹼水味。正！最後飲埋雪梨水。飲得出係自家製，淡淡梨味，酸酸地，絕對唔係用熱水沖梨蜜嗰種味。