鳥海山鐵板燒 (Moved) New Location

清明節係附近拜完山, 再加上疫情稍為緩和, 想食餐好既, 就揀左呢間鐵板燒試下嗌左個三色刺身丼 ($92), 包左個麵豉湯。刺身分別有三文魚、油甘魚、甜蝦, 再配隻溏心蛋。麵豉油裡有豆腐+昆布, 飲落去唔會好鹹, 清清地易入口。而三文魚+油甘魚都係厚切! 每一塊都好肥美, 食落去好香油脂味, 成個口腔都充滿左魚既鮮味~ 而甜蝦亦好粗好大條, 食落去好滿足, 蝦頭有少量既膏, 送飯一流! 而飯亦都採用左日本米, 粒粒都好飽滿!而友人就叫左午市鐵板套餐 $138 (分別有三色刺身拼盤, 沙律, 牛肉薄燒, 雞扒, 魷魚筒, 雜菜): 刺身方面有三文魚+油甘魚+八爪魚, 八爪魚好好味有趙口, 食落去好新鮮! 而牛肉薄燒都入口即融, 食落去牛肉既香味充斥住成個口腔, 裡面包左D蔥花, 層次感多左, 亦有中和解膩作用。雞扒都有4大塊, 食落去好滑好嫩! 而魷魚筒亦好彈牙, 用左特製既醬汁去炒, 成件事真係好香口好好味~雜菜係用左野菜, 而且係用牛油黎炒, 食落去好香牛油味, 撈飯食真心一流!最後仲叫左個鵝肝多士 $99, 鵝肝味非常香濃, 完全唔覺得有腥/騷味! 塊多士亦輕輕烘過, 鵝肝既脂肪慢

長沙灣本身唔算太多日式餐廳(非連鎖式) 難得見到呢間餐廳個vibe 好似幾好 就試下！一入到去 完全係居酒屋既格局 有吧枱睇住師傅處理魚生 好正 環境好舒服 亦好適合同朋友飯聚傾計！食物方面 我地叫左4樣野1. 羊鞍 推薦👍🏻👍🏻👍🏻👍🏻騷味唔太重 火喉亦岩岩好 係好易咬 完全冇痴牙問題 亦好入味 仲鎖哂啲肉汁！2. 銀雪魚 推薦👍🏻👍🏻👍🏻煎得岩岩好 冇腥味 外脆內軟 3. 刺身盛合 推薦👍🏻👍🏻👍🏻👍🏻👍🏻 $358 有5款刺身好抵 而且仲要好新鮮！唔似有啲地方既刺身會有雪味咁 仲要樣樣都俾到好厚肉 好肥 正！4. 煙肉燒飯 推薦👍🏻👍🏻👍🏻👍🏻 用珍珠米既炒飯 令到佢粒粒分明得黎唔會太硬 再融合埋煙肉既油脂同香 好有驚喜！而且唔會太乾！下次再經長沙灣都一定會再食！

今日同屋企人嚟到位於長沙灣嘅鳥海山鐵板燒，準備食佢哋招牌嘅鐵板燒舖頭唔算大，但係都坐得舒服我哋今次試咗大蝦鐵板燒套餐($598+1)，套餐會有沙律、大蝦、銀鱈魚、安格斯牛肉、野菜、炒飯同埋味噌湯餐廳除咗鐵板燒之外都有好多其他唔同嘅選擇我哋將套餐嘅味噌湯upgrade做鯛魚湯($40+1/2碗)，呢個湯真係非常值得加錢試試，魚味非常濃郁，個湯真係好鮮甜餐廳嘅食物質素非常唔錯，銀鱈魚同安格斯牛肉煎得好香口，另外特別值得一提嘅係個櫻花蝦炒飯都好好食！呢個價錢嚟講絕對係物超所值！

位於長沙灣隱世嘅鐵板燒，價錢平民，值得更多人認識佢！！👍🏻雞扒鐵板套餐套餐$138起，有齊刺身、沙律、飯、湯、魷魚筒、牛肉薄燒同自選一項燒物。坐係餐桌前望住師傅用心烹調都係一份享受，雞扒外皮香脆，師傅火候控制得相當好，配上滋味嘅炸蒜醬汁，令人垂涎三尺。刺身一小碟卻包左三款，魷魚晶凝通透，灑上七味粉也不俗。魷魚筒生熟度適中，薄燒牛肉裡面包上足量既蔥花同炸蒜粒，食落口感帶點清新不顯油膩。👍🏻牛柳套餐望住師傅手起刀落地把牛柳設成一粒粒，令我對其菜式加添左一份期望。牛柳粒份量頗多，粉嫩有嚼口，配上脆卜卜既蒜粒送飯一流，加上套餐配備嘅椰菜炒得香甜爽口，米飯香軟，口感軟韌。💡餐廳4:30後外賣自取八五折

事沿我有個朋友之前黎過呢間餐廳覺得服務同食物都很好所以推介左我, 今次我就黎睇下係咪咁正😁呢日午市時間幫襯, 鐵板燒位置已坐滿晒人(想睇師傅表演都冇機會🙁)唯有乖乖地坐返係卡位! 店員仔細地講解完個餐牌, 我就叫左兩個午市鐵板套餐喇😄 午市鐵板套餐🍽 $138 x 2- 魷魚筒🦑 x 1份- 雞扒🍗 x 1份- 牛肉薄燒🐮 x 2份首先前菜會有一個麵豉湯, 一碗沙律同一碟小刺身, 而小刺生會因應當日食材而安排, 我地既為三文魚, 八爪魚同帶子, 呢三樣都相當新鮮, 以前從來唔會主動叫八爪魚, 今次第一次覺得原來八爪魚都可以有咁鮮甜嘅味道😮到主菜魷魚筒同雞扒, 上菜當刻店員建議我們立即享用, 因鐵板燒嘅食物都係趁熱食比較好食😋魷魚筒燒得恰到好處, 唔會太生亦唔會太熟, QQ彈彈👍🏾而雞扒有好多炸蒜喺面夾埋一齊食相當惹味, 隨set既白飯仲可以refill, 岩哂我呢的飯桶😂另外, 各人會有一份牛肉薄燒(各2件), 牛肉味超濃而且好嫩🤤內裏包住好多蔥同炸蒜😆價錢黎講性價比的確唔錯而且午市時間冇加一👍🏾

⭐️鳥海山鐵板燒（長沙灣)⭐️呢間位於長沙灣既日式鐵板燒餐廳好高質🤤最後一日番學就尼左呢間餐廳，係長沙灣地鐵站行過去大約十至十五分鐘，雖然位置偏遠，但食完包你覺得值回票價。 店舖裝飾間隔麵好日式。坐得都舒服。🦞龍蝦兩人前（$848）🦞今日點既係龍蝦兩人前，唔洗自己諗食咩。 裡面有沙律，刺身，牛肉卷，龍蝦，最後有炒飯同麵豉湯，幾豐富。 🍣刺身拼盤🍣頭盤既係刺身，特別推介油甘魚同紅衫魚。 每件刺身都有用不同既食材作點綴。 油甘魚上既係柚子，果香令油甘魚既肥膩感全消，卻帶出鮮甜味。 而紅衫魚係火灸既， 而且肉質嫩滑，完全食唔出腥味。❤️❤️❤️❤️❤️🦞龍蝦🦞師傅好細心，遞上枱既龍蝦已拆左肉。啲肉質超彈牙， 龍蝦好新鮮，鮮甜。 加上炒過既香濃蝦膏， 更突出鮮味。🥩牛肉卷🥩牛肉卷入而有蔥花同炸蒜， 雖然炸蒜味道好重，但仍然食到牛肉既香味。🐟香煎銀鱈魚🐟通常日式煎鯖魚比較常見，第一次見銀鱈魚。 一上枱已經聞到香香既魚味，脆脆既外皮裡面係嫩嫩鮮甜既魚肉。 加左少少鹽吊味更突出魚味。 🍚炒飯🍚睇上去的確幾吸引，色彩繽紛，而且飯粒粒粒分明， 但食落飯太乾身，味道都唔夠。

高質抵食既鐵板燒餐而家疫情無得食晚市🥲好多好野食都要留番中午黎食！今日就食左個大蝦鐵板燒套餐😍$948 兩位！ 入面有前菜，刺身，同鐵板燒同炒菜炒飯🥰超抵食！我地仲點左枝清酒😊侍應仲好好比個酒樽我加冰，保持果溫度！飲落去凍，野食熱辣辣，岩岩好🤤🤤瀧自漫都係$199 一枝，較香甜🥰岩配魚/海鮮！仲簡自己鐘意既杯杯！刺身侍應會教你點跟順序食！海膽真係我食過人生最鮮甜既！比omakase 果d更加正🤫拖羅好厚切一口即溶！龍蝦來自澳洲，用牛油同海膽汁煮😚真係好正好香甜彈口！牛肉薄燒包住蔥同蒜😍好香好甜，但牛味吾算好重！最後一定要推介鵝肝多士😍😍煎得岩岩好，半熟狀態加埋多士，入口即溶好香好滑！真係食多d都仲得🤭好耐無食過咁好食既鐘板燒，一定要推介朋友黎再encore!

係意外下行行下發現長沙灣一間好隱世既鐵板燒！午市鐵板套餐($138)猶如一場低配版（I mean 係價錢上）既全包宴，由前菜除左包沙律仲包是日精選刺身，都咪話唔划算。刺身上碟嗰陣會劃埋紋，帶子吞拿魚件件都好新鮮，但就唔好expect 佢去到好驚艶同油花四濺既級數啦！至於主菜係可以係燒雞扒同三文魚裡面任揀一樣，我今次就揀左後者，魚身本身比較瘦，但食起來依然覺得肉質鮮嫩多汁！讚！最後依個餐仲包魷魚筒同牛肉薄燒，前者食落去一啲都唔靭，後者係牛肉漸層中夾有n多細蔥粒，滿意度up！最後追加安格斯牛柳粒($178)，配蒜片食makes me feel so 幸福🥰 嘻嘻！.P.S.依度既飯係正宗日本飯來，食落具飯香得來粒粒分明，反而係成餐最難忘一點 lol

朋友介紹話佢屋企樓下間鐵板燒幾好食又好平，聽講以前夜晚好旺，就去咗試試佢😜第一次食平平地叫左個大蝦餐試下: $648 兩位、仲要有85折😂 咁既價錢我喺度諗緊係一位定兩位🤣 由於我鐵板燒通常都係酒店食，所以都有諗過唔知呢間咁平會點呢？但個餐一啲都唔失色: 有沙律、大蝦、銀鳕魚、安格斯牛肉、野茶、炒飯、炒到啲飯都跳晒舞😍味噌湯！系爭個甜品姐🙊 不過話就話叫大蝦餐我覺得最好食嘅係銀雪魚🥺睇住師傅首先煎香左個皮逼啲魚油出嚟，再好有心機咁慢慢整到佢香脆又多汁真係好好食，就咁煎就咁加牛油鹽同埋黑椒，唔需要再落任何野已經勁好食🤍當然大蝦都好好食啦🦐 仲要切得好靚好乾淨💯但而家佢哋經營一定好吃力啦 同師傅傾計佢哋唔係幾想做外賣因為驚影響口碑，但無可奈何依家都要做少少，同埋佢哋真係好nice, 希望住附近嘅大家多都支持下啦🥺

見到咁多食評風向傾向好就諗住試下呢間鳥海山鐵板燒餐廳座位唔多坐吧枱既位置狹窄應該係得六個位望到鐵板燒其餘打後會係望住壽司凍櫃食野當日有午市 由於太多選擇最後決定試大蝦餐$598 兩位用既 先黎左個沙律🥗幾片生菜幾粒車厘茄坊間常見既款式之後上咗銀鱈魚 面就煎至上色 賣相討好亦無腥味 但唯肉質偏老 失去白身魚肉的油香與幼滑期間亦有其他客人點菜眼前得一塊鐵板目測只足夠一個師傅用🤔所以等候上菜時間都耐食完塊魚都等左好耐先有其他野食煮完好幾份餐 終於上左份牛柳粒無煮過熟 炸蒜片係分上的富有肉味 煎得焦香 唯一合格的菜式跟住係大蝦餐既主角 大蝦蝦頭同肉身有分開煮先煎先蝦頭 再焗 再去處理蝦身蝦肉第一舊有牛油香 不錯的之後兩舊都食唔出牛油味肉質又係偏老😔爽彈同偏老係兩回事幸好大蝦的蝦味都有保留 蝦頭的蝦膏好腥 放棄了食左咁多道菜 調味料方向大部分都係鹽牛油清酒胡椒 🥱雖然我知間間都係但可唔可以分輕手同重手 例如 蝦本身有適量嘅鹹味 唔好落咁重手啦😞樣樣都食唔出最大鮮味 浪費了食材食到下一道既炒野菜椰菜 就剩係得椰菜 平時我出去食最平嘅鐵板燒都會有甘筍絲/冬菇絲/芽菜清一色綠既椰菜 本身諗住可以好清甜

上星期去左個位於長沙灣既鳥海山食dinner，店員人手不足，所以等候時間也長一點。燒雞扒：雞扒燒得幾香口，再加入炸蒜一齊食，令味道咸咸地調一調味。雞口感幾滑口，皮亦吾會好肥。牛肉薄燒：牛肉中同樣帶有炸蒜，更有香葱。用牛肉包住食，味道幾夾。而牛肉是半生半熟，可以食到嫩口口感。角切魚生丼：角切刺身丼有點失望，因為刺身份量吾太多，眼見到底下既飯。。刺身味道幾鮮，而且種類多，上面仲有半隻溫泉蛋，將蛋混埋一齊食，令飯更加滑。

黎到2022年啦🥳繼續捐窿捐罅四圍搵食！發現長沙灣有間隱世日式鐵板燒彷如omakase般高質😋新一年就去呢到開個好年先🎊 餐廳佈置好有日本居酒屋風格🎐望住牆壁上的日式畫🎎聽住鐵板傳來的滋滋聲🤤嗅著食物傳來的香氣😌五觀都得到最大的享受😍餐廳有吧枱位可以睇住廚師即席整鐵板燒👨🏻‍🍳👩🏻‍🍳咁岩吧枱滿左座😟不過坐旁邊位置都夠闊落同舒適😜可以遠距離感受鐵板燒風味👍🏻 梅（五點刺身盛合） $358二人前嘅刺身組合有五款🍣店員好細心詳盡咁介紹每款刺身嘅特別同順序食法🤤第一次食鐵板燒餐廳有日本omakase貼心服務嘅感覺🤗聽完店員嘅講解我地就由鮮味到濃味嘅順序起筷啦🥢首先食嘅係帶子😋每粒帶子中間夾住一塊薄薄嘅青檸🍋 估唔到帶子同青檸咁夾🤯青檸好成功咁帶出帶子嘅鮮甜味🌊而且帶子厚身厚切😋咬落去好有口感！真係好正🤤食完帶子就到包住日本細蔥🌱表面有酸汁啫喱嘅黑曹以🐟黑曹以味道清爽☺肉質超級彈牙🦷包住嘅日本青蔥細細條唔係咁覺眼😳但入口一𓊬間嘅蔥味如畫龍點睛🐉將黑曹以較清淡嘅肉推向另一層次🤯加上舖面嘅酸汁啫喱😌令人回味無窮🥰 品嚐嘅第三個順序係中拖羅😍 非常難得咁完全冇晒筋🤤食得出師傅刀功極好🔪冇晒筋嘅中拖羅

同朋友食生日飯朋友揀咗呢間餐廳餐廳位置唔算喺好熱鬧嘅地方所以都搵咗一陣先至去到😩因為有太多嘢都想食所以冇叫餐散叫咗唔同嘅嘢食有牛舌、牛肉、燒鱈魚、雞軟骨、鵝肝多士、炒飯同魷魚圈☺️☺️☺️以下呢三樣係最愛💕鱈魚啲肉滑到一個點加埋魚皮燒到有少少焦香一上枱個個都搶住食😜鵝肝多士油脂極豐富十級邪惡😈魷魚咬落都幾爽口最重要係炸蒜脆卜卜正呀！！！😆呢間餐廳有下次😎😎😎希望再嚟嘅話可以坐到吧枱啦～

埋單12xx 的確係唔貴 套餐嘅食物比較出眾 其他menu嘅野水準麻麻餐廳運作同店員處理問題手法都好唔成熟要食最好book6點個場 今日食8點個輪嘅人全部唔係準時有位Detail:之前睇報導話有平民價錢鐵板餐質素好好就打算帶屋企人食 慶祝生日book左枱食6點 當日晏晝有店員打黎confirm booking我地如常入座 有段小插曲 有4位book左枱嘅客人因為店員抄錯電話冇confirm訂枱而冇位擾攘一輪店員打算開張摺枱俾佢地 其實根本冇可能 餐廳好細 樓面嘅枱一隻手數得晒 淨返嘅通道擺完張枱係唔會上到菜 4位客人唯有離開打唔到電話係米都應該要留張枱先？最多米俾walk-in客 點會要book左枱嘅客冇位坐而走落單嘅時候店員就已經提我地8點鐘要交枱 最好一次過落單我地叫左二人龍蝦餐 另加兩隻大蝦，牛舌同肉眼扒 二人餐嘅銀鱈魚係正常發揮 6:35上刺身 刺身新鮮而且處理得好好 店員有詳細說明食用次序 食完個刺身下一味龍蝦等左成40幾分鐘 仲耐過去飲！7:20 上龍蝦龍蝦肉有彈性又入味 係好味嘅 但真係等太耐 上菜個陣我地有提侍應仲有牛舌、牛扒同個蝦未上7:35 上牛肉簿燒 同炒飯牛肉火

朋友介紹我食這間鐵板燒, 特別之處在於食物逐樣逐樣上, 可以慢慢品嚐.牆上幾幅掛畫好有日本 feel睇完餐牌決定要個大蝦二人餐.沙律菜好新鮮, 食落索索聲.香煎銀鱈魚, 大大塊, 甘香可口 大蝦也不遜色, 肉質彈牙有口感；安格斯牛肉 juicy 又唔靭,細細粒, 一粒一口, 大廚在客人面前大顯身手, 煮好就即刻分給客人食, 絕對夠熱辣辣；客人可以感受到廚師那種氣勢, 難怪個個都想坐 bar 枱味增湯唔算咸櫻花蝦炒飯, 漲卜卜嘅珍珠米飯配有蛋絲及蔥, 香噴噴的, 好好味 炒銀芽, 炒到剛熟又夠爽口.整體食物色香味俱全, 顧客可以清清閒閒慢慢嘆一餐.