鳥海山鐵板燒 (Moved) New Location

長沙灣美食-鳥海山鐵板燒🥳 今次兩個人揀左個平價鐵板燒，人均三百幾蚊。 係一個主打大蝦既鐵板燒套餐（前菜沙律，魷魚筒，大蝦，牛柳粒，野菜，炒飯，麵豉湯）首先講左我既最愛先，最好食係佢個蒜香魷魚筒！因為佢嘅魷魚好軟熟，一d都唔un，我地勁impressed. 加埋炒左蒜蓉，熱相配搭係超好食😋超香！跟住佢嘅牛柳粒都係配左蒜片，所以溝埋都好食。之後炒飯都係我第二個最愛，因為佢炒飯係粒粒分明，加咗啲類似櫻花蝦嘅嘢，配搭起上嚟幾有鑊氣。總括嚟講我覺得佢算係平民式小小嘅鐵板燒，其實佢有其他套餐係奢華啲，例如龍蝦餐等等 小店同晚餐黎講算係不錯了！ 同埋呢度有少少似居酒屋嘅感覺，如果叫杯梅酒嚟飲下都幾chill,同埋性價比算高🫶🏻👍

鳥海山鐵板餐🔥前菜係沙律🥗是日精選刺身係伊佐木、平政、深海池魚同埋三文魚腩，雖然係鐵板燒餐，但係刺身都非常唔錯， 伊佐木輕輕炙燒處理，平政肉質結實重魚味，深海池魚配上柚子胡椒，三文魚腩非常肥美，四款刺身各有特色🥢活鮑魚🐚鮑魚肉質彈牙，食得出食材係新鮮嘅，但係唔會覺得係硬身，調味方面用咗黑椒同鹽活龍蝦🦞龍蝦起肉切件再用咗龍蝦膏同醬油一齊炒，比較濃味，開邊嘅龍蝦殼用咗嚟擺盤，賣相頗吸引鵝肝多士 🍞鵝肝多士係我同朋友都好喜歡嘅菜式，煎鵝肝嘅時間控制得啱啱好，兩邊焦香而中間相當油滑，入口融化，同底下塊多士融和一起牛肉薄燒🥩牛肉捲住青蔥同炸蒜粒，幾惹味芽菜🥬炒飯🍚炒飯乾爽，粒粒分明，食落唔會覺得好油最後有味噌湯 🥣

聽朋友介紹長沙灣有間平民價錢既鐵板燒，今日同男朋友去開d2 place,就book左枱試下呢間鐵板燒既質素如何啦6pm先再上返場，未開門就已經有唔少人係出面等入座啦。好彩男朋友book左枱入面既擺設都好有日式鐵板燒風格，有bar枱，師傅係客人面前燒～我地book唔到bar枱，就唯有坐係後面啦我地唔算太餓，所以決定單點安格斯牛柳粒 用作配搭既蒜片好香脆，即使係平時唔鐘意齋食蒜頭既我，都一片一片咁拎黎食牛柳粒香嫩，肉質好嫩雞扒上既醬汁好開胃煙肉炒飯，一上菜就聞到好香煙肉味，炒飯粒粒分明，飯粒亦都硬度適中份量幾大，2人食好飽肚油甘魚，墨魚，吞拿魚蓉壽司刺身好新鮮，紫菜夠脆，唔會放淋左先上菜好食最後當然要嗌返個季節蔬菜，芽菜原來都可以炒得咁香 又健康又好食同男朋友每人食左$300幾蚊，平平地初嘗下鐵板燒既滋味

食物除咗用黎醫肚，仲係一個減壓方法，所以放工特意去到長沙灣食鐵板燒！同點咗鳥海山鐵板燒(二人前)，有燒龍蝦同鮑魚。上主菜之前有唔同前菜同小食。食刺身拼盤，要跟店員嘅次序，由淡至濃。赤貝食落微微柚子酸味，好清新。 池魚好鮮甜，而表面經火焯過嘅池魚味道層次更豐富，有焦香味，皮亦香脆。三文魚好厚身，味道鮮甜，唔洗點豉油都夠味。鮮鮑魚切件，方便食用。鮑魚好厚肉，肉質爽口彈牙。燒得有鑊氣，表面經火焯嘅痕跡仲帶甘甜。鵝肝嘅油脂好邪惡，好甘香。鵝肝煎香兩邊，入口即溶。牛肉薄燒內包住蔥蒜，蔥減低左油膩感。調味方面，簡簡單單用鹽同蒜已經帶出牛味。主角鐵板龍蝦爽口飽滿，口感緊實，大滿足。炒得剛剛好，有鑊氣得黎唔會過老/ 燒焦。本身對簡單嘅炒飯冇太大期望，點知有驚喜，真係做到粒粒分明，炒得好乾身，完全唔油。調味主要靠櫻花蝦嘅鹹味。好滿足嘅一餐！下次再嚟臥虎藏龍嘅長沙灣搵美食。

呢間野唔掂。已經早一個星期去book 二人鐵板燒，個待應主管同我講話二人套餐只得$1198 和 $948 （未加一）的龍蝦餐可揀，我說無問題，因為我心目中都係想食最貴那個，同埋晚市只有6點或8點一批的時間。Ok, 到左食果日準時到達，佢話要等因為上一批客的道菜未上完，亦答唔倒要等幾耐。吓...唔係話明一批6點食，一批8點食嗎？（鐵板燒一般兩方都要守時）Ok, 我等。等左好幾個字終於可以入去了。準備叫個$1198的龍蝦套餐時，個主管待應已經第一時間話你地只係可食$648的套餐因為好多食物無貨。仲要$648的套餐裏有一兩樣野都無，要轉其他食物。吓？？係你介紹我食龍蝦餐，仲話平果d餐其實係無的。已早一星期book而家就話其實我地餐廳咩都無，你地只能夠食呢d野。一心想走但伴侶說算吧因為出面落雨和已接近8:30pm。個主管待應仲要好唔識做話“你地可以選擇加錢食刺身”。吓？比你間餐廳騙左仲想我地加錢？？最後食了一份平平無奇ge餐，貼錢買難受。完

舊區重建令到呢個區越黎越多野食，大部份都係平民化嘅食肆，估唔到連高級嘅餐廳都有！長沙灣區我都算幾熟悉，呢邊都真係冇咩可以食到鐵板燒，所以今日同朋友慶祝生日就黎食餐好嘅順便試下佢！佢嘅外表同裝修都好靚，雖然同呢區有D格格不入但真係好精緻！朋友話想食龍蝦，生日個個話事我梗係逢陪啦！野食慢慢上，成餐飯可以放慢個步伐咁寫意地食，真係好chill! 岩晒想享受又有空間傾下計嘅我地，唔怕野食會凍晒！刺身總共有4款，分別係金目鯛，油甘魚，三文魚同中吞拿魚腩，每款都好新鮮而且厚切！我地都未食過金目鯛，店員介紹呢款係已經調好味所以唔需要再點豉油。食落口感都幾爽口而且調味得幾好。而朋友就最鐘意食中吞拿魚腩，肥美又鮮味！店員介紹呢類係南非鮑魚，雖然我地唔太知道邊度嘅鮑魚係最靚，但一睇呢隻都應該唔錯，大大隻，食落非常爽口彈牙，加上廚師調味得岩岩好，食落惹味得黎又唔會蓋過左鮑魚嘅鮮味！雖然係細細間舖但食物質素都真係唔輸洩～跟住就到成餐嘅主角龍蝦了！雖然要食over 一千蚊真係有D肉痛，但一食到呢隻龍蝦真係覺得值回票價了！首先隻龍蝦好大隻，有好多舊肉，除左起左出黎嘅肉之外，龍蝦殼入面都仲有部份肉，食完之後都飽左1

今日突然好想食鐵板燒 所以就搵咗呢間專門食鐵板燒嘅舖頭去食啦😮 可能因為我有啲晏啦 所以吧枱位置已經有客人坐緊 不過其他枱都坐得幾舒服😌鵝肝多士一碟有兩件 入口即溶嘅鵝肝係外脆內軟嘅多士上面 食落口感覺冇咁邪惡🥰西班牙黑毛豬肉質好有咬口 有少少似食緊豬頸肉 但就冇豬頸肉咁油膩 配埋側邊嘅炸蒜粒更加錦上添花🐷 配上甜甜哋嘅醬汁 好夾安格斯牛柳側邊同樣有炸蒜片 牛柳半生熟咁 唔會太韌 🐮 咬落口都幾有肉汁廣島蠔廣島蠔有四隻 面頭仲有洋蔥同煙肉 淨係隻蠔已經好鮮甜🦪 煙肉燒飯除咗煙肉之外 炒飯仲有櫻花蝦 粒粒分明嘅飯粒仲好有蛋香👍🏻 味道唔錯炒野菜炒芽菜份量好多 又唔會太鹹 食咁多肉點都要食返啲菜 感覺健康啲☺️好開心今晚食咗餐有質素又豐富嘅鐵板燒🙊 大家要嚟支持吓呢間隱世小店呀

鐵板燒晚餐一向都係價位較高，長沙灣呢一間鐵板燒超級抵食！基本上係平時鐵板燒嘅一半價錢。我哋揀咗個最豐富嘅鳥海山鐵板二人餐$1198。包括：是日精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯。呢個餐咩都有，全部都係我鍾意食嘅嘢。首先係刺身，賣相相當靚，係Omakase嘅質素。資訊非常新鮮，全部厚切又肥美。金扇鯛相當鮮味、中吞肥美有入口即溶知感覺。三文魚又係超肥美！沙律菜幾新鮮，配上酸酸地沙律醬汁好開胃。龍蝦好大隻，肉質爽口。仲帶點龍蝦膏嘅香味，食得出好新鮮！鮑魚同樣出色，煮得剛剛好，好好味😋鵝肝多士油脂非常香，鵝肝煎到香脆，正！牛肉薄燒入邊充滿蔥，夠香又有蒜蓉味。最後炒芽菜配炒飯，配埋味噌湯超級滿足！

好耐無食鐵板燒，今日係長沙灣收工同朋友約食飯，就一心興起去食鐵板燒，上網搵左下就嚟到咗呢間隱世鐵板燒店，店鋪入面裝修都幾精致，環境坐得都幾舒適。佢呢度鐵板燒套餐都好多選擇，豐儉由人。咁我同個friend就嗌咗個鐵板龍蝦餐，咁一開始就上咗個前菜，係一份沙律，佢真係用左日本正宗黑醋去調配，食落好開胃。然之後就到咗刺身嘅環節，刺身佢又提供左四款，分別係碟魚，深海池魚，同埋金目鯛兩種唔同部位，由淡入濃，碟魚配搭咗少少檸檬汁，食落好開胃，慢慢再食池魚，再到金目鯛，啲魚香一件比一件濃，成份刺身都食得出好新鮮！之後就係呢一個鐵板銀鱈魚，魚皮同魚肉兩邊煎得十分之香，睇到啲魚油都逼曬出嚟，十分之香，而佢嘅魚肉都仲係好夠嫩滑！再嚟就係上呢個鐵板牛肉薄燒，好重牛香，入面包左好多蔥，食到啲蔥吸收曬牛嘅油香！嚟緊就係今晚嘅重頭戲，鐵板煎龍蝦！估唔到隻龍蝦會咁大隻，雖然係兩個人share一隻，但係隻龍蝦都好好肉，連蝦腳戈啲拆開都有肉食，啖啖肉，配搭埋啲龍蝦膏，煎得好香口，入口好彈牙，真係覺得物超所值！最後仲有個鐵板炒野菜，櫻花蝦蔥蛋炒飯同埋個味增湯埋尾！係份量上其實係一定夠飽，而呢個二人餐都係948，人均500就

這間鐵板燒在這裡都開了一段不少時間，見現在有晚市就和朋友一齊來吃鐵板燒。我們最後決定叫了一個鐵板餐再加一個刺身。 時令白身魚薄造，今日是池魚，魚質軟熟而魚味十足，十分新鮮，配上酸汁加少少蔥一齊食好味道。 大蝦鐵板套餐，不用落多調味醬料，食到食物的新鮮。 前菜沙律，新鮮蔬菜再配上醋好開胃，之後再就到熱食，銀鱈魚厚身而勁多肉汁，魚質滑身，魚皮燒得幾香口。安格斯牛肉牛肉味濃，幾軟熟有口感，配上炸蒜一起食最岩。 大蝦已經脫了殼十分方便食，調味不多就食到蝦的新鮮和鮮甜，當然不可不吃是蝦頭，入面不少蝦膏好香口。 炒飯每人一碗，沒想到炒得不錯，飯粒分明，味道好味可能因有點蝦所以炒出來十分惹味。 野菜是炒芽菜，炒得乾身，就可看到師父的功架不錯，好香口。最後來的是濃郁味噌湯作結尾。 朋友都講這裡坐得幾舒服而且待應服務都幾好，食物質素都新鮮可以下次再來吃其他。

之前朋友介紹過呢間位於長沙灣嘅鐵板燒餐廳喺區內都算高質，所以趁放假得閒就黎試下。餐廳座位唔算多，但都幾闊落幾舒服。特登黎到長沙灣梗係叫個豪啲架啦😆見到個龍蝦餐好正咁，梗係要試下🤭✨LOBSTER SET $948 for 2🐟刺身 （赤伊佐木、真鯛、深海池魚、油甘魚）伊佐木魚肉鮮嫩，口感較軟。真鯛肉質較緊緻有彈性，池魚質感較爽脆，兩種都好鮮甜。而油甘魚上面加左柚子，食落較清爽，亦可帶出魚肉鮮甜味。最鍾意就係池魚同埋油甘魚😋🥗沙律上面淋左酸汁，非常醒胃👍🏻🦞龍蝦全隻龍蝦開邊上枱，龍蝦拆肉加埋龍蝦膏一齊炒，好鮮味😍啲肉都好彈牙，staff 同我地講龍蝦殼內仲有少量肉，可自行挑出黎食，仲好細心俾埋濕紙巾我地抺手🙈🐟銀鱈魚上枱時已聞到好香嘅魚味😍魚肉表面煎得好香脆，入面就好嫩滑👍🏻🥓牛肉薄燒牛肉卷內包住滿滿嘅香蔥但唔會蓋過牛肉香味🥬野菜🍚炒飯🍲味噌湯味道都較清淡，炒飯炒到粒粒分明，加左啲櫻花蝦幾香口。

呢間係長沙灣既鐵板燒絕對係清泉，隱世小店，食物絕對冇取巧。兩個人黎到睇到menu好多野食咩都想試，但見到有個鐵板燒爐就諗住叫個二人鐵板燒餐試下佢。呢個二人餐有餐前沙律、時令刺身、活鮑魚、活龍蝦、鵝肝多士、牛肉薄燒、野菜、炒飯同埋味噌湯。先講食物，時令刺身有貝殼類同埋魚類，所有嘢都好新鮮同埋好精緻，食得出同出邊既放題、百貨公司或者日本料理店既刺身係有分別。活鮑魚就好新鮮見到佢個鮑魚識郁之後先拎去煮，味道鮮甜，唔會太韌。活龍蝦就係重點項目，係勁新鮮，勁鮮甜。仲要好方便，因為幫你起晒肉，真正嘅啖啖龍蝦肉。食完如果想食埋個龍蝦頭嘅肉就可以自己剝嚟食。鵝肝多士好特別，唔同出邊食嘅鵝肝，淡淡油香，唔會話覺得好漏，配埋個多士好match。牛肉薄燒入邊有啲蔥花，一啖食落去好滿足。野菜同味噌湯就正正常常。個炒飯好乾身，粒粒分明，好有蒜香味。過程當中，廚師會好細心咁等你食完一道菜先準備下道菜，唔會話一煮好就幫你上菜，咁等你可以慢慢品嚐，唔會話好趕急，亦都可以保持食物嘅質素。除咗廚師細心，員工都好細心，會慢慢逐一介紹每款刺身同埋食刺身嘅先後次序，又會係你用手剝完龍蝦殼嘅時候主動提供濕紙巾。如果有晚巿，收左工

平時去開長沙灣，都是比那些Cafe吸引住，今日見到Cafe又係大排長龍，所以我哋試吓食第二啲嘢，咁啱比我哋搵到一間鐵板燒，原來長沙灣都有鐵板燒食，所以我哋去試一試。雖然這裏有不少選擇的午市套餐，但是為了慶祝下星期終於都開返堂食晚市，我們決定食好啲，叫這個大蝦二人餐。很喜歡這個沙律的醬汁，並不是一般的千島醬芝麻醬。鱈魚很滑很多肉汁，用鐵板燒燒咗的過程令到魚外脆內嫩牛肉粒火候剛剛好，入面仍然是粉紅色，很淋。叫得做大蝦餐，主角大蝦終於上菜，很方便不懂得剝殼的人，起了肉，蝦頭的蝦膏10分鮮甜，大蝦10分新鮮，彈牙。這是很惹味的野菜炒飯做到粒粒分明，櫻花蝦乾身，成碗都好足料。最後有麵豉湯俾我哋濕吓口，中和返頭先炒飯比較乾身的口感。

日式鐵板燒給人的印象是貴夾唔飽，每次吃都不敢盡興，或不好意思盡興。🤪來這裡不同，不但能盡興，而且真材實料，性價比超高。👍我們選了大蝦鐵板燒餐，單看餐單就好開心，期待大快朵頤。😋店員奉上熱茶，清一清味蕾以迎接美食。🤗首先來的是紅綠色沙律，番茄🍅和生菜，淋上香醋，開胃醒神。跟著兩大塊煎銀雪魚🐠送到，鮮香皮脆，肉質嫩滑。資深廚師都知道，食物要從淡的開始吃，這樣才能品嘗到食物的真髓，所以第一道菜是吃魚🐠。第二道菜是蒜片牛柳🐮，牛柳是牛肉最嫩滑的部位，煎香的牛柳粒拌上蒜片，添鮮減膩，延伸牛柳極鮮味道。😘第三道是香煎大海蝦，大蝦去殼煎熟，稍加調味上桌，保留了海水原始的鮮味，加上蝦頭滿滿的油膏，真是滋味無窮。😋😋吃完主菜，還有炒野菜，麵豉湯和櫻花蝦炒蛋飯，這一餐平均只花三百多，非常滿足。👍

今日同朋友嚟到鳥海山食個早dinner，門口裝修都好有日式嘅感覺，感覺上嘢食都唔會差！呢個鐘數果然冇乜人食嘢，但係咁樣坐得好舒服，開心。我同朋友就揀咗呢個鮑魚餐，非常豐富，會包咗是日精選刺身、沙律、鮑魚、鱈魚、大蝦、椰菜、炒飯仲有麵豉湯。其實我真係唔食刺身嘅，雖然比好多朋友都話過呢個野，但係我真係唔鍾意食生魚，朋友鼓勵我試一嚿，我咬咗幾啖都係接受唔到，所以就朋友全部食晒，佢話幾好味㗎。跟住就到我主場啦，係煎鱈魚，我勁鍾意食鱈魚，好好味呀，肉質滑嫩，外皮脆脆地。大蝦彈牙彈牙，大大隻。跟住到鮑魚，有浸唔知點形容嘅香味，肉質比較結實但都彈牙嘅。再嚟就係花椰菜，菜類嚟講我都幾鍾意食花椰菜。雖然睇落冇咩特別，但係我係成盤清晒㗎。最後就係以呢個炒飯作結，加入咗基本嘅蛋、蔥、櫻花蝦，粒粒分明，好食。