Video
Telephone
59039699
Opening Hours
Today
12:00 - 15:00
18:00 - 22:00
Mon
Closed
Tue - Sun
12:00 - 15:00
18:00 - 22:00
Above information is for reference only. Please check details with the restaurant.
呢間鐵板燒由上年八月開已經想試好耐見佢OpenRice零負評而且好多人都有介紹終於的起心肝生日飯book枱去試試佢晚市做兩輪分別係六點同八點我哋準時1750到出面已經有人排隊所有食客都好準時我哋被安排坐Bar枱可以邊睇師傅煮邊食前菜沙律同市面差唔多 冇乜好講刺身拼盤 魚生鮮味帶子食落開胃之後師傅就開始開爐師傅煮嘢食非常俐落邊睇邊食 係一種高級享受而且師傅有問必答 氣氛非常好鮑魚非常鮮味 就算鐵板燒一啲都唔韌 而且好大隻加埋師傅有調味過整體好惹味龍蝦簡直係個餐嘅一絕必定要食 佢將龍蝦起咗肉之後用龍蝦嘅膏 打成醬汁調味之後 再炒返落龍蝦肉度有鑊氣之餘 亦顯示到師傅功架呢個係必定必定要食鵝肝多士 鵝肝滿滿但係經過師傅嘅鐵板處理完全唔覺得油膩 成口油非常乾身 加埋塊多士簡直絕配牛肉燒 入面有好多蔥有豐滿油溢感之餘亦食到蔥嘅甜香味櫻花蝦炒飯師傅特意炒到好乾身 粒粒分明入面有濃濃嘅牛油香櫻花蝦同炸蒜香氣整體配合得好好50衞門大吟釀 係另外叫 個餐唔包價值$388因為覺得食物太好味一定要開返支清酒咁先會盡興同埋諗極都諗唔到點解佢哋咁嘅質素可以賣到呢個價錢如果喺港島區 或者尖沙咀坐底收貴三份一或者一半我覺得呢個價錢食到呢個質素簡直係物超所值 超晒班同埋餐廳最賺錢嘅都係酒水一定要幫助吓食完離開 覺得超級滿足同埋終於明白點解呢間鐵板燒日日Full Booking都可以零負評同埋聽師傅講 晏晝好似免加一收費所以下次會晏晝再去食而家香港真係好難得有呢啲良心食肆
continue reading
從長沙灣吃到深水埗的「鳥海山鐵板燒」，搬店後再次再朝聖，喜歡這裏的鐵板燒平民價錢，但食材高質，招牌二人精選套餐有齊刺身、龍蝦、鮑魚、鵝肝多士、牛肉薄燒等貴價食材，每位都只係$600左右，真心抵食👍👍🔥人氣鐵板燒套餐二人前 $1198▪️沙律｜新鮮沙律菜配上麻醬醬汁，清新美味▪️是日精選刺身｜深海池魚、油甘魚、 真鯛、油甘魚，四款刺身新鮮肥美，件仲厚切▪️活鮑魚｜新鮮鮑魚，煙靭又夠腍，鮑魚肝醬炒香濃味，味道充滿甘香▪️活龍蝦｜原隻龍蝦非常新鮮，肉質爽口又彈牙，配合蝦頭膏醬爆炒，滋味無窮▪️鵝肝多士｜煎得外脆內軟，入口油潤，鵝肝用海鹽調味，味道香濃無比▪️牛肉薄燒｜牛肉脂肪比例適中，包住香蒜和香蔥，燒至大約五成熟，口感軟嫩又多汁▪️炒飯｜最愛的炒飯，師傅炒得香口粒粒分明，每次我都會追加流心蛋，蛋黃流進炒飯撈勻嚟食，簡直係人間美味▪️野菜｜食炒飯怎能沒有蔬菜配合，蔬菜好清甜，炒得清新爽脆，好食▪️味噌湯｜再配合返一碗熱辣辣嘅麵豉湯，夠晒溫暖又飽肚
continue reading
之前喺長沙灣食過這間店舖，原來搬咗嚟深水埗， 記得上次食嘅時候食材好新鮮， 今日出咗糧又再嚟食一食喺門口睇餐牌就見到 鳥海山鐵板餐二人份有龍蝦，有鮑魚，仲有鵝肝多士第一道菜前菜 - 沙律第二度菜就係是日刺身-有四款侍應介紹順時針咁食一睇就知魚生新鮮鐵板料理的重頭戲，莫過於「活龍蝦」與「活鮑魚」整整一隻龍蝦起肉鐵板炒， 最特別係醬汁係以蝦膏調製所以蝦肉蝦膏味濃，師傅精準火候鎖住肉質彈性， 絕對係食到停唔到口活鮑魚彈牙有口感， 調味唔會好複雜，食返原本鮑魚的海鮮味， 覺得鮑魚最好嘅烹調方法就係鐵板 燒， 有鑊氣又惹味牛肉薄燒裏面捲咗一些蔥同埋炸蒜好期待的鵝肝多士厚切鵝肝煎至外皮酥脆, 下面多士以牛油煎香， 每一口都是熱量與幸福的拉鋸戰再嚟炒飯粒粒分明，有蛋香同埋櫻花蝦最後再加一個炒雜菜鐵板燒嘅精髓係既可以品嚐美食又可以睇到師傅炒功精湛餐廳逢星期一休息
continue reading
💯刺身四點一開場就已經被呢個刺身拼盤震撼到！四款刺身全部鮮味爆燈，完全冇雪藏味。帶子厚切，入口即溶，鮮甜得嚟帶微微海水鹹香；平目魚爽脆清新，點少少酸汁更提鮮；深海池魚油脂適中，魚味濃郁；油甘魚肥美甘香，魚油豐腴但唔膩。師傅刀工細膩，每件刺身厚度均勻，證明食材同手藝都係上乘之作！ 💯鵝肝多士鵝肝多士係邪惡但無敵嘅組合！鵝肝煎得外脆內軟，一啖咬落去，油脂香瞬間爆發，配上烘得香脆嘅多士同甜甜嘅醬汁，完全中和咗鵝肝嘅膩感。最正係師傅火候控制得啱啱好，鵝肝中心保持嫩滑，入口即化，食完仲有陣陣餘韻，令人想encore！ 💯南非鮑魚新鮮到不得了嘅南非活鮑魚，上枱時仲識郁，師傅即場處理，鐵板煎香後再淋上清酒同鮑魚肝醬。鮑魚肉質彈牙得嚟唔會韌，鮮味十足，仲帶微微焦香。💯新鮮西澳龍蝦龍蝦絕對係全晚亮點之一！西澳龍蝦肉質結實鮮甜，師傅用鐵板快速煎香，鎖住肉汁，再輕輕調味，完全唔需要花巧嘅醬汁，淨係食龍蝦本身嘅鮮味已經夠晒滿足。蝦頭嘅膏仲多到爆，香濃到不得了，食到舔舔脷！ 💯美國牛肉薄燒牛肉薄燒係鐵板燒經典之作，呢度選用美國牛肉，油脂分布均勻，師傅將牛肉薄切後快速煎至五成熟，再捲住香蔥同蒜蓉。一啖咬落去，牛肉嫩滑多汁，蔥蒜香氣撲鼻，味道層次豐富。最欣賞係牛肉嘅焦香邊，微微脆口，正到無朋友！ 💯櫻花蝦炒飯呢個櫻花蝦炒飯有驚喜！炒飯粒粒分明，鑊氣十足，櫻花蝦嘅鹹香同蛋香完美融合，仲加咗少少蔬菜粒增添口感。師傅炒功了得，飯粒乾身唔油！💯蒜蓉炒椰菜最後嘅蒜蓉炒椰菜簡單但出色，椰菜爽脆清甜，蒜香十足，炒得啱啱好唔會過老，作為一餐嘅結尾非常 refreshing。 呢間日式鐵板燒餐廳無論食材、師傅手勢定係整體體驗都係頂級水準，每一道菜都感受到師傅嘅用心同功力。刺身鮮甜、鵝肝邪惡、鮑魚龍蝦高質、牛肉香濃，炒飯鑊氣十足，完全冇伏！
continue reading
嗌咗兩個套餐，跟住嗌咗啲散叫，散叫嗰啲真係好唔掂，但係收得唔平，最貴個套餐，只係個龍蝦同鮑魚比較正常，其餘嗰啲普普通通，勝在三個女服務員禮貌，為舖頭爭取唔少分，安格斯牛柳粒唔掂凍冰冰，平價嘅套餐，嗰條嘅銀鱈魚又凍又唔新鮮，散叫仲好過嗌套餐，黑毛豬好韌，炒飯就好少少，隻燒蝦勉勉強強，龍蝦就比較好，食咗2700百幾蚊，唔係太過值，嗌咗個安格斯炒飯，啲牛肉太過乾真真，咁簡單嘅餸菜都煮得唔好，再去嘅指數係零
continue reading