鳥海山鐵板燒 (Moved) New Location

辛苦搵黎志在食～ 今日去到長沙灣一間鐵板燒食晚飯入面環境都幾乾淨企理，不過因為我當日去到時間已經比較晏，可以望到師傅處理食物嘅吧枱已經full晒。呢間餐廳除左鐵板燒，仲有其他日式料理，刺身壽司都有，咁我就每樣都嗌左少少黎試下😬壽司由左至右分別係火炙左口魚、火炙文魚腩同墨魚。兩種魚經火炙後逼晒啲魚油出黎，睇相都見到幾多魚油🤤好香！墨魚味道就相對無咁重味，食落爽口嘅。跟住黎嘅係牛柳粒，黑毛豬扒同雞扒，每樣試下😬呢度牛柳粒好Juicy，牛肉都重，而且一啲都唔韌，配埋蒜片食好夾。豬扒同雞扒相對上無咁驚喜，但都係值得一試仲有叫左個主食炒飯填飽個肚。炒飯唔會太油，粒粒分明，幾好最後就有碟炒芽菜作結。雖然芽菜絕對係味道上最普通，最清淡嘅一樣食物，但食完咁多好嘢後，再食啲清淡嘅又覺得幾舒服。或者就係所謂「人生百味，回歸平淡」？

最近見網上有人介紹，於是就book黎食因為都算早book的關係，可以坐係bar枱睇住師傅燒 （師傅一個人負責晒成間餐廳食客燒既食物，辛苦晒🙆🏼‍♀️）好好彩地嗌到龍蝦餐🦞$848 二人前（聽講要預訂的）包括-是日精選刺身、沙律、活龍蝦、銀鱈魚、牛肉薄燒、野菜，炒飯，味噌湯我地另嗌咗少甜梅酒（好好飲）😋首先會上沙律🥗，正常份量由於我地嗌咗酒，店員會拎一盤酒杯出黎，俾我地揀，好貼心，杯好靚 然後就開始食正餐了師傅會一次過煮大家既食物，所以早啲揀好食咩餐，咁就可以順個次序進食-銀鱈魚🐟魚好滑，煎得好香然後是日精選刺身-店員會講番每道刺身既名，同進食既次序刺身口感腍滑，冇乜筋，海膽好鮮甜，濃郁跟住就到主角龍蝦🦞出場全部都大大隻，好新鮮師傅拆肉手勢純熟將龍蝦肉拆出，然後同龍蝦膏一齊烹調真係不得了我地另外仲嗌咗吞拿魚腩同真鯛壽司質素拍得住omakase 跟住就食番龍蝦餐入面既薄燒牛肉、野菜（炒芽菜）仲有炒飯坐係bar枱望住師傅將一隻隻蛋打落啲飯到真係好治癒蛋炒飯配上大量櫻花蝦，飯粒分明，食得好滿足人均$500-$600黎講食到咁高質素既鐵板燒真係好抵

雖然深水埗的青山道是個相對冷清的街道，但可能正是這個原因，鋪租相對較便宜，因而開了不少特色小店舖。好像非常地道的糖水舖，又或者是像我今天去的一間日式鐵板燒店，名字叫鳥海山。做鐵板燒的首要條件，就是要食材新鮮及高質。就好像鳥海山他們的食材不論是刺身及肉類都選比較好的。當天的晚餐，我點了一個角切魚生飯、燒牛仔骨、燒黑毛豬、以及一個煙肉炒飯。不論是牛仔骨或者是黑毛豬肉質都很不錯，而且廚師鐵板燒的火候控制剛剛好，燒出來的食物表面香脆而且保留着肉汁，調味也恰到。除了鐵板燒外刺身也是這間店舖的主打之一，除了餐牌上有各款刺身的選擇，店舖內的黑板也寫上了當天時令的刺身，相信他們的刺身品質一定不錯才能吸引這麼多食客。另外這裏的煙肉炒飯也出乎意料地吸引，除了炒飯炒得十分乾身之外調味方面也很適中，煙肉和香蔥的配搭剛剛好，並且分量十足，這裡定能給你一個滿足的晚上。

講到長沙灣最親民嘅omakase/居酒屋/鐵板燒，就一定係呢間鳥海山！食得出呢間每道菜都係用上真材實料！Respect！大部份菜都好有驚喜！火炙左口魚邊壽司好好食！油脂感重，有入口即溶嘅幸福感🤤 略嫌壽司同上面嘅刺身都偏細件，太好食唔夠喉🙈 推薦一試！另一道牛肉薄燒又係大力推薦！用上薄牛肉夾住香蔥，入口好香，一啲都唔肥膩，夾住香蔥好加分🤤 勁正！銀鱈魚肉質好嫩好滑，食得出係靚嘅銀鱈魚👍 呢幾道菜下次食會再encore!平日晚上去都接近坐得幾full，如果想坐近bar枱睇廚師整鐵板燒嘅話，就一定要book位時request定！

已經好耐無食過鐵板燒了。加上而家疫情又唔可以去日本。出面食鐵板燒都好貴，想慳住荷包又嘆好野，經朋友介紹喺長沙灣有間不錯的鐵板燒。惟有走嚟呢度，真係無想過長沙灣都有得食！🥰我就試左個鮑魚餐，當然有活鮑魚，是日精選刺身，大蝦，銀雪魚，沙律，味噌湯，炒菜，炒飯。銀雪魚～魚皮同表面都煎得香脆，估唔到裡面魚肉仍能保持嫩滑。時令刺身～侍應生很細心，介紹了魚名稱給我知道，前面是梳打魚🐟🐠🐡🦈，其他我就記唔到嚟。不過，真係超級💗超級💗新鮮，總之好味。😋😋😋😋😋鮑魚～廚師加了鹽同胡椒等調味，非常入味。👍👍👍大蝦🌟🌟🌟🌟🌟～煎得非常咁香口，我好鍾意呢個，加了些胡椒，提升整個味道。超級贊💖💖💖💖炒飯～炒得香口，粒粒分明，加了蛋，蔥，櫻花蝦等。賣相吸引。芽菜～味噌湯～有海帶及豆腐值得推介食店，睇相就知好味，不過，只得一個廚師，要食熱辣辣嘅好野，就要花點時間等吓啦，因為即叫即做。仲有記住book檯，因為這店位子不算太多。

年尾清大假同朋友四圍揾好嘢食。今次揀日本菜,吾係刺身、壽司、拉麵,而係鐵板燒🤭！餐廳位於長沙灣昌華街,店舖好新淨,一幅長長嘅大壁畫覆蓋右邊牆壁,非常宏偉。鐵板燒bar檯專用區嘅酒櫃擺上各種日本酒。加上木刻食物名稱,好有東瀛感🎏🎎🍶6點半已到達,鐵板燒專用區已坐滿人☹️,唯有坐普通位啦。我哋點咗個大蝦餐(沙律、大蝦、銀鱈魚、安格斯牛肉、野菜、炒飯、味噌湯)🥗沙律菜新鮮爽脆,醋汁令人開胃！🐟銀鱈魚两面煎至金黃色,魚肉質感幼嫩吾腥！🦐大蝦蝦肉結實、爽口彈牙,難得連蝦腸都去埋,值得加🐂安格斯牛肉控制時間剛好,外面微焦香,內裡粉紅Juicy,一粒一口,加上黃金蒜片,提升味道！🍚炒飯加咗大量蛋汁落去一齊炒,蛋味香濃,粒粒分明,配料豐富,勁多櫻花蝦！好正！🥙炒芽菜爽脆天然鮮甜,加埋個豆腐味噌湯,鹹鹹香香！(若果仲有甜品就更完美啦😂)今次坐吾到鐵板燒專用區,只能品嘗到原材料嘅鮮味。下次早d訂位欣賞埋廚師席前展現廚藝,來個味覺加視覺享受先！

今次約咗朋友去咗長沙灣試吓呢間鳥海山鐵板燒店，裝修)用在木條設計好有日本feel，傍晚都好滿座所以未能坐到吧枱🙈⭐️親子Don $128 三文魚大大塊鋪滿晒飯面好新鮮再加上三文魚子份量都好多。⭐️角切魚生Don $158 有三文魚，油甘魚切成一粒粒加埋三文魚子好繽紛感覺識落仲好有層次感。⭐️西班牙黑豬毛$72 燒得好香口配上炸蒜感覺唔錯。⭐️牛仔骨$98食落去有鐵板鑊氣牛味都好濃。⭐️雞扒$88 雞扒配上蒜蓉用鐵板炒好香口雞扒肉質唔錯。總括嚟講價錢唔算貴識到有質素Don飯，其他燒肉類會食到鐵板燒抄過鑊氣呢個價錢算係唔錯👍

今晚收工好攰想食番餐好嘅, 於是就過左隔離街食鐵板燒嘅鳥海山慰勞一下自己🤭 餐廳一邊係吧枱, 一邊係普通座位, 位與位之前唔會好迫, 坐得都幾舒服!🌟刺身刺身有四款包括愛女魚(上面擺有酸汁啫喱), 黑鯥魚, 油甘魚, 深海池魚, 刺身新鮮肥美食落幾鮮甜🌟南非鮑魚鮑魚好厚肉, 口感爽彈幾好味🌟燒銀鱈魚銀鱈魚煎得好香口, 外脆內嫩, 咬落去魚油爆哂出嚟🌟特大野生虎蝦虎蝦大大隻, 肉質厚實爽彈🌟炒芽菜炒芽菜調味適中, 而且依然保持爽脆口感🌟麵豉湯🌟日式炒飯炒飯炒得好香, 粒粒分明, 味道亦不錯

今日和母親大人行開，見到店外魚生相好吸引，就入咗鳥海山鐵板燒!入邊嘅和式裝修真係好似去咗日本🇯🇵咁呀😍我們都算早到店，不過鐵板燒L位都已坐滿食客! 不得了!由於睇MENU 見到魚生相好吸引，我哋叫咗一個角份魚生丼色彩繽紛的魚生鋪滿整個飯，每粒壽司飯都好軟熟，粒粒分明每一舊魚生都非常新鮮，完全沒有魚腥味，啖啖新鮮魚生，加埋軟綿綿糖心蛋，我感覺我好似去咗築地嘅壽司店食魚生飯一樣另外，我地點左精選壽司🍣九貫最有印象是拖羅壽司，油脂充斥整個口腔，個種入口即溶令人難忘左口魚邊有咬口，好好食😋海膽壽司不過不失三文魚子壽司🍣紫菜好脆鐵板燒味道不斷攻擊我嗅覺，於是我們另外點了3樣食物鵝肝多士肥美鵝肝，外層香脆，內裏嫩滑，配埋多士食，油而不膩，令人驚嘆！西班牙黑毛豬肉味芳香濃郁，感動味蕾😭雞扒香脆嫩滑，每一口雞扒都有炸蒜粒，口感豐富。仲有一點值得一讚，職員超有禮貌，好勤力，不斷fill熱茶，賓至如歸😍

之前有朋友推薦話呢間鐵板燒cp值高就黎試下，全場得1個鐵板燒師傅，feel到佢好躁底趕收工，大部分人都係叫龍蝦餐，佢就全部龍蝦車曬落個鐵板度炒，最好笑係炒完分龍蝦嗰陣有一粒跌左落鐵板平時鏟油掉垃圾嗰窿，佢夠膽死撩翻出黎比翻個客🤮龍蝦食嗰陣有碎殼剝得唔乾淨，刺身食到有骨，炒飯炒野菜亦係大鑊飯炒完大鑊飯分飯嗰陣個侍應數漏左一碗，然後全場望住個師傅鬧個侍應，個師傅仲想倒翻d飯落個鐵板重新分過，尾後發覺唔可行先死死地氣再炒多碗上菜次序都係奇怪，第一次食鐵板燒係食完炒飯炒菜先上翻個牛肉薄燒😅總括而言，食材本身係ok既，但咁糟蹋法比幾靚既料你都冇用，仲要連基本服務都做唔到，唔識主動收碟，入座安排混亂，全程入左大排檔睇師傅做小炒咁

如果銅鑼灣/尖沙咀啲旺區，食海鮮鐵板閑閑哋都要過千，宜家只要幾百蚊一個人，仲有龍蝦🦞😋首先由魚食起，一路燒一路👃到好香，兩面都煎香曬魚肉好滑，不過我個件個心仲有啲凍，唔知點解。套餐包刺身，全部都好新鮮😋擺盤都幾靚除咗龍蝦餐，可以揀大蝦餐。廚師會現場係鐵板上剝殼，好厲害👍🏻啲肉好爽，蝦頭燒到好香。主角龍蝦🦞出場用酒煎香，啲肉好彈牙又有鮮味牛扒一路煎一路流口水🤤配蒜片一流煎左咁多好嘢，用返個鐵板炒飯簡簡單單蛋炒飯，粒粒分明，已經好好食食埋個牛肉卷，非常滿足☺️

8:30pm去到餐廳，見到爆曬場，坐滿曬人！閒日都咁好生意！都預計上餐時間會比平時耐架啦。事關見到好多人都係嗌鐵板燒，但又得一個師傅係到落力不停炒。我地嗌左個2人餐。✨大蝦餐 $598沙律，大蝦，銀鱈魚，安格斯牛肉，野菜，炒飯，味噌湯 Salad, Prawn , Sablefish, Angus Beef, Vegetables, Fried Rice, Miso Soup>>>大蝦，銀鱈魚，安格斯牛肉全部都好食😋大蝦肉質夠爽，魚就肉嫩，安格斯牛肉幾juicy!連個炒飯都落左櫻花蝦幾好味。唯一需要改善嘅真係等嘅時間太耐啦，成餐飯食咗兩粒鐘，真係食緊野既時間好短，可能都係15分鐘左右。其他時間全部都係等緊嘢食。同埋啲野食次序都亂曬，但都理解嘅，咁忙既情況下，炒開飯炒埋我地果份先都正路。但staff記啲order有啲亂，好似邊枱上左野食未又唔記得😥Overall野食係好食，但等既時間太耐啦。如果下次少人既話我會再食，否則對我呢啲無耐性既人簡直係折磨呀😣

聽朋友講長沙灣有一間鐵板燒唔錯，雖然鋪面唔係好大，但裝修新淨企理，於是放假就搵個朋友去食啦！鐵板燒我比較鍾意食燒海鮮，嗰種海鮮香味係平時食唔到嘅，所以揀咗特大虎蝦&銀鱈魚虎蝦驚鐵板燒後帶出濃烈嘅香味，蝦殼嘅鮮味逼入蝦肉，鮮甜彈牙，咬落Juice！燒銀鱈魚腍滑可口，魚油香四味溢，完全冇腥味，而且魚皮燒到徐博，成件食晒都唔膩喉鐵板燒又點會唔燒牛肉，牛肉生熟度啱啱好，而且師傅刀工了得，完全無筋唔韌，肉質腍得嚟帶結實，無過份醃製🧂鐵板燒炒飯又係必叫，今次係櫻花蝦蛋炒飯粒粒炒到充滿蛋香，配上櫻花蝦味道更加有層次，每碗份量十足，食完就剛好夠飽🤰🏼呢間鐵板燒喺長沙灣區算係精選，出品細緻，用料味道上乘，但因為座位唔多，建議晚餐應該先book枱，咁就穩陣啦🥰

叫左大蝦牛肉2人餐頭盤沙律得幾塊生菜加半粒車厘茄待應唔夠醒目，要提醒先比碟我們，見其他人叫午餐鐵板燒，都有一小碟鹽可以用，我地叫貴餐反而冇銀鱈魚唔夠調味，問待應睇可唔可以拎d醬汁，鹽或黑胡椒可以調味下，佢竟然拎左個沙律醬比我大蝦爽口彈牙新鮮既，不過有陣燒焦味牛肉粒廚師完全冇問過我地要幾成熟，上碟時牛肉內裡係凍的，而且醬油味太多，蓋過晒牛肉本身味道炒菜非常一般，冇咩味既淨炒生菜絲炒飯配料有葱，蒜，櫻花蝦，不過又係調味唔夠成個場得一個廚師煮鐵板食物依個價錢，廚師完全同你冇交流，個餐冇前菜，冇甜品，冇飲品，可以算係食過最難食既鐵板燒頭3間

特登過黎長沙灣同朋友食lunch，揀左呢間食日本野，都幾好生意。一人叫左個丼，再叫左份肉肉share。角切魚生丼賣相色彩繽紛相當吸引，食材亦好新鮮。高質！炙燒丼呢個貴左少少，有帶子、左口魚裙邊、三放魚，拖羅。食材微微燒焦，逼D油香出黎，好美味，特別係左口魚！牛肉薄燒平時就麻麻地食蔥，呢個就例外🤪，以前食放題會瘋狂咁叫😂，好出色👍🏻。呢到冷氣有D凍，野食要襯熱食。Menu個龍蝦餐2個人先$848，鐵板燒黎講超抵食！出面閒閒地都要成千蚊一位，要捉男朋友黎陪我食！人手唔係好夠，呢樣改善下就perfect！