熊場 (Closed)

今日原本想同bf去"大喜x"食既....點知個度又full晒...所以就係附近搵下有咩好食la!!!行左好耐都好似冇咩好食......突然見到有人係度派宣傳紙....見到好似有間新野...所以就上去試下la!!上到去,見到個場好少人,好多都係吉台!!心唸...好大機會5好食lo~一黎就叫左好多刺身...我覺得甜蝦冇想像好食,燒玉子值頭5好食!!但佢d sushi又幾ok既...d燒物比其他好食好多,尤其燒三文魚溏心蛋好味仲有佢值得推介既燒菠蘿,好正!!!!多汁又夠晒甜但總體黎講....吸引5到我黎試第2次lo~

因為頭X日報及飲食XX的廣告： "魚生天天從日本進口"所吸引， 之前已經想食， 加上朋友已經黎左幾次， 極力推介， 今晚終於去咗！晚上十一點幾食宵夜時段， 平時MK 嗰D食宵夜時段 CUT 單CUT到暈比10次紙先嚟幾件，但呢間無囉！一坐底就送上一盤刺生， 排得幾靚， 好少放題會擺三文魚玫瑰花， 當堂有D驚喜!三文魚、北寄貝好鮮甜， 北寄貝， 刺身都幾厚架！甜蝦肥美新鮮大隻、平時紅色肉吞拿魚好多時都有根， 我唔食㗎，但呢度吞拿魚係紅色肉有白間，食落無根， 好食！汁煮牛舌 ﹣ 蘿蔔、牛舌炆得好夠淋、好入味（日本甜醬油味）， 正! 串燒和牛 ﹣ 外脆內軟入口溶, 佢卷到剛剛好包住支竹纖燒, 加左少少孜然粉咁既味粉燒, 好惹味! 燒菠蘿 ﹣ 夠晒甜日本有機蕃薯仔 ﹣ 夠晒甜北海道牛乳火鍋 ﹣ 職員教牛肉5成熟就要食， 果然OK！栗米芯綠茶 ﹣ 不太甜！ 勁讚 ！！！（因為我平時飲咖啡、奶茶都走糖、又唔飲汽水， 平時放題都只有綠茶、玄米茶， 呢度多個選擇！）但可惜沒有甜品供應！！！環境乾淨， 裝修壞舊日本居酒屋， 望赫德道街景， OK㗎！

平日約朋友食飯, 都係諗住幾個女仔食D野, 吹下水, 食咩都冇咩所謂~於是走左去赫德道搵烏冬食, 點知果間自膠烏冬執Q左! 唉, 又唔想再周圍搵, 咁岩有個阿姐响樓下派緊放題既傳單$208任食2小時, 由於阿姐又幾好口, 叫我地上去望下先決定食唔食, 咁都幾老實WOR!最後, 朋友們都冇反對, 於是上樓就試下啦... (太耐冇食過放題, 有D驚驚地似旺角果D放題質數)一坐底, 阿姐就送左一盤刺生黎, 都算幾生鮮, 又排得幾靚咁, 又有"茅"丹蝦, 又有"欺凌"魚, 三文魚都好鮮甜, 不是旺角貨色, 當堂有D驚喜!其餘仲叫左成枱野, 掛住食都忘記影相了! 不過, 熟食及刺生都味道好OK, 可以番叮!仲有叫炆牛舌, 牛舌炆得好夠林, 似炆牛腩既味道, 少少日本甜醬油味, 正! 仲有串燒牛, 佢卷到剛剛好包住支竹纖燒, 加左少少孜然粉咁既味粉燒, 好惹味! 燒菠蘿夠晒甜, encore! 其他東東都好味, 佢d粥, 湯 都唔錯!飲品種類就少D, 只有茶+汽水, 不過都可以接受. 因為食放題+飲汽水=飽死美中不足, 冇甜品供應!可以一讚既, 就係WAITER服務幾好, 叫佢幫手叮番熱個炒雜菜,

其實呢間野同D朋友已經黎左幾次,但次次都唔記得寫食評但今次有一個原因就不得不post篇食評讚下佢, 就係佢個讚好facebook換返黎既和手sushi!登登登登!!!就係呢碟啦!雖然唔係話大酒店食個D咩A1,A5和牛,但入口都好軟淋淋,再配上佢地甜甜既醬汁,真係好開胃!之後我地食開sushi就食癮,之後決定咩都要叫!叫左墨魚,甜蝦,鰻魚,三文魚等等!真係差D就飽最好食係墨魚,好痴牙,點埋wasabi,嘩爽呀!!!再之後就梗係叫碟刺身拼盤啦!呢度D刺身其實都幾厚架喎!而且都幾新鮮!最正係D希靈魚,好厚好正,一入口索索聲!其他既熟食仲有串燒同天婦羅,串燒我就不作介紹,味道平平,但天婦羅就炸得幾好,唔厚粉!不過蝦既size就細左D!同埋點既汁可以再多DD!!!再比大家睇下環境啦,呢度我自己同班frd就吹水一流!而且仲睇到sushi bar如果甜品可以有多D選擇,我覺得就會比較完美!

小弟勁熱愛放題 , 大路九龍 , 香港 , 新界唔係太偏僻 , 講得出名的放題店都食過旺角好多一般放題, 青x , 2000 蚊個d ......... 我都覺, 一份錢一份貨 , 你平服務差 , 算 , 都係貪食飽姐但今次試這個熊場 , 我真係見識到咩叫完全無野好........差到暈 , 服務差 , 價錢貴 , 無野食 , 食唔飽1. 價錢 , 星期六 , 228+1 .... 一個人近250 放題中 我諗已經係除左中環個間外最貴概一間貴唔係問題 , 但你要令人覺得值掛2. 食物 , 放題 , 都係貪佢多選擇 , 多野食 , 但這間咩熊場 , 真係無野好食 , 人有佢無 , 人無佢都無臨走時 , 唔係因為食飽 , 係因為等飽左 , 要轉場再食糖水 , 我現在先明 , 下面個果食評點解要食白飯囉3. 數量 , 刺身 , 都係必點 , 唔食生野 , 都唔洗點食放題啦 , 一坐落比一碟我 , 係幾好 , 好似好窩心 ,跟住自己點個d 就開始出事了 ...... 等你飽 , 等等下唔食都飽 , 減你數 , 10件變3件 , 1人只可以每次食一片跟住吞拿魚呢 , 唔係一片片架 , 係一粒粒

結婚週年紀念，老公話要食魚生，所以就想到食放題，之前都食過幾次放題，都一般般，就上網搵下好去處~決定呢間係因為網上食評，比呢味北海道牛乳火鍋，有些吸引~我電話訂枱的~上到去不用等，侍應帶了我們到餐廳內的邊邊位，開放式，是晚下雨，枱也小又怕撇雨，所以要求換枱，開始時說沒有抬，但我堅持如不換就走人，後來待應很禮貌地換了六人的卡位給我們，坐得很舒服，所以，非常滿意~如食評說首先一碟三文魚甜蝦刺身，最值得讚的就是三文魚刺身及甜蝦，大件厚新鮮，甜蝦算肥美新鮮大隻冇雪味，另送的和牛壽司也好味~其他食品只是一般~至於吸引我是次光顧的北海道牛乳火鍋味道則只是一般，沒看頭~失望飲品種類少~沒有甜品供應~所以下次不會再光顧

行完畢業典禮帶屋企人食放題因為爸爸媽媽第一次食所以唔想去一D 好多劣評O既地方揾佐好耐結果揀佐依間貴就貴佐少少 ($208 * 10% = $228.8)但係結果出黎唔錯星期五夜晚六點過少少就入佐去可能因為人唔多所以無漏單情況(我相信係人都知星期五夜D 同埋星期六日, 絕大部份放題都會有漏單... 所以我唔鍾意O個D 時間去食放題)相信好多睇佐下面食評O既朋友仔都知道依到一坐低佢就會一大盤刺身捧出黎依個的而且確係一個賣點刺身真的挺好即使再叫都是一樣的好本人吃了廿隻甜蝦 串燒方面兩種牛肉的串燒味道極佳炸雞軟骨亦不錯但牛奶火鍋則覺得一般沙律有些驚喜媽媽覺得菜鮮豆腐沙律味濃亦好吃送贈的和牛壽司不覺太大特別...雖然整體食物不錯但亦有一些可改善的地方1. 汽水機的咀會脫落2. 沒有汽水機沒有汽水但沒人添加, 一杯汽水可以有九成是泡沫若果愛吃刺身的這間放題絕對可一試價錢雖然比其他地方貴了一點點下次再去相信會選擇星期一至四平一點嘛P.S. 懶得加相片, 因手機影得不太好~ 反正其他人已經加了很多~

尋日經同事介紹宵夜下黎左呢間尖咀既放題,係冇book位既情況下我地都等左唔算耐,大約15分鍾,都尚算合理啦!入到去經理話介唔介意坐露台位,咁好在尋晚尚算唔太凍,就應承左一坐低冇幾耐order完之後真係不得了,大大盤刺身立即奉上,我地check check,基本上各種魚,貝同蝦類都有,而且份量都幾多,之後再叫都冇偷偷比少我地,算係有良心啦!就係呢盤,如果係咁叫的話,真係話咁快回本!之後叫埋軍艦同手卷類,我覺得叫熟食手卷就不如唔好去放題啦!一來飽肚,二來總覺得手卷冇生野好似呃鬼佬咁!不過呢度既帶子壽司係要值得一讚,同魚生一樣大大件!值得一讚係我地黎之前like左佢地個page(睇之前食評話like左有野送)送左碟和牛壽司,同經理講,佢真係比我地喎!果然唔呃人呀下!但都要好食先得既!雖然冇入口即溶既feel,但甜甜地,中和番個肥膩感,唔錯!其他熟食如串燒類不太特別,如果食得多生冷野,可以叫幾樣中和下!總結- 可以主攻魚生類,壽司可以主攻我上面講個幾種,仲有記得要like佢地個FB page,唔好走寶!- 串燒可以少叫一點,留肚多食刺身- 睇返當日天氣,先選擇坐露台位,不冷不熱坐出面就最舒服!

呢間日本放題“熊場”真係要讚！！本來今次朋友仔生日，完全冇諗過食放題，因為之前幾次經歷都好麻麻…… 但是晚前段schedule of a llittle surprise，晚飯需要往後延，而朋友仔想食日本野但唔要燒燒燒同邊邊，可惜揾左幾日，原來而家尖咀要食日本野又要夜過晚時間少少食，得兩個選擇放題&居酒屋，唯有放題啦……仲要揾左好多間先揾到間收咁晏（last call 1.30am, close 2.30am）感覺仲好好呀，無論服務態度定係食物，再到環境，比起之前試過既好多了，好呀~~~呢間餐廳分為 6-8pm, 8.30-10.30pm, 仲有宵夜時段(任食2小時)，我地訂左10.30pm 10位。我地一到，就送上2盤大刺身，讚~~ 未試過有一間有呢個服務，very impressed!!!（嗌都未嗌就送黎，平時果d，嗌左都未必黎齊啦。）刺身ok又多選擇亦好新鲜…… 壽司都ok，帆立貝丶鲍鱼丶象拔蚌…… 仲有海膽軍艦同手卷，軟殼蟹卷！！（未食過邊間放題有海膽，如有朋友知道邊間有，請提供，因為好多朋友仔都超愛呀！）牛舌超厚切，好好食，串燒都ok，尤其一口牛。 沙律好食好新鮮，所有熱食都

基本上遇到唔好或者服務差既餐廳, 通常都係自己心入面black list佢就算,但係為左尋晚餐飯, 真係要特登開個account黎將尋晚既事同大家分享話說依間餐廳晚市放題有分兩場, 6點同8點, 價錢分別係$188同$208再加一, 我地一行6人食6點果場, 其實一路都無乜特別, 場內唔係太多人, 黎既野食都唔係話超級特別/好食, 所以都無人有同d野食影相, 野食種類唔太多, 不過味道正常, 刺身亦算正常(但係d tuna魚重係冰黎既), 不過不失, 食食下, 我發覺點解平日最大食, 食親飯都負責包底, 飽到嘔都重食緊既朋友, 點解今日食甘少架呢, 問一問先知原來佢覺得好熱, 熱到唔想食野, 佢已經著住短袖衫, 但都出緊汗, 而其實同行既朋友, 除得到衫既都已經除左, 我除左外套之後重要捲起埋個衫袖, 唔可以講話好熱, 但係有d焗, 應該係冷氣唔夠之後7點半, 有個人超無禮貌走埋黎收錢, 真係唔知得罪佢d咩, 然後我見枱上既野食已經食左9成, 我又見佢收錢, 就叫朋友渣渣淋寫野食, 收錢個人聽到之後就講話 "係就快d喇, last order喇", 其實我唔介意你收錢果陣順便提一提la

尋晚比朋友叫左去食宵夜,黎左呢間係尖咀既熊場開頭係門面見到以為入面好似好細咁,心諗今次實迫死啦點知原來入面都幾大喎!而且裝修真係幾dum本,唔信比張相你睇睇!之後同個frd已經唔理咁多,叫侍應上左一堆刺身先,咁啱我地坐吧台側邊,所以全程望住廚師新鮮整比我地食我自己就做左5年waiter,出出入入廚房咁多次,我覺得呢度既刺身唔可以話最好,但一定新鮮,起碼上桌係凍冰冰唔係室溫先啦!呢樣基本野好多餐廳都做唔到,唉!之後食食下無啦啦有2個frd打黎話要join,好在開始左唔係好耐,問個經理可唔可以轉露台位因為4條友比較迫,佢話當然可以,好在今晚冇乜人,之後好快叫埋其它人執曬D野過去,仲鬼咁好笑容問有幾多位黎緊,抵比多幾個讚啦!最後我地4個決定叫個北海道牛乳火鍋,入秋梗係要食番個暖暖胃啦!哈哈!D料就冇咩特別,但煮完個湯頭就西利啦!大陣肉香同埋牛乳既香味,飲多2碗為今晚黎個完美句號

服務員很熱情同服務好好,而且食物的質素,在放題來講都好好啦.食過這一間熊場,食物質數是很好,刺身又夠新鮮,起碼食品唔會有壞同太馬虎,我覺得放題最唔好係要吹單~二小時任食,真係會有二小時食足嗎?唔多覺得有.原因會係坐下來,睇下自己想食咩野,出去搵野飲,再來吹下單,吹單唔止一張呀~可能要吹2次-3次不等,但呢d時間係唔會補番俾食客,之後末夠鐘就話要埋定單,都會係我食跟野呢2個鐘頭到發生.可能放題都是這樣的.....

今日收到朋友個聚餐通知,話上去呢間日本放題食1行8人上到去......睇下裝修覺得都唔錯,食客都坐得7788話到明2個鐘頭任食任飲(啤酒好似要加錢),緊係馬上狂叫啦未點野食就馬上黎左隻刺身船,刺身好新鮮!唔係每間放題都有海膽壽司食,而呢到D海膽都好好食我地係刺身追求者,隻船又點夠我地食呢..當然叫完又叫啦.哈哈真係要介紹呢到D甜蝦,係出面食到D甜蝦係冇蝦頭,仲要好細隻,而呢到D甜蝦就好大隻啦仲好好味TIM!北海道牛乳牛肉窩.D牛肉好好咪,湯都好鮮甜!串燒選擇唔多,但係其中個豬肉串燒得岩岩好,好野味都好想講下呢到D服務生,佢地好好人,好NICE,又好有禮貌(有個女服務生樣子OK架)其中有個小肥仔經理(好似叫IVAN)佢服務態度好好,好有笑容!仲有我地食完野之後大家坐係到傾下計,講下笑,過左2個鐘頭都冇趕我地走!埋單每人連加一都係230.好抵.因為食物同服務態度都好好!我其實都算食過曬香港大部份既放題,通常食完就算,但係呢間野我會再黎!因為佢地D食物真係好過其他既放題,地方又唔會迫,同埋服務態度好好,唔會好似某D放題咁想趕你走咁!

同事係雜誌見到呢間野既廣告,講到話係日本直送新鮮食材班同事最後就決定左係呢度攪farewell party,係我去外國之前送我最後一"餐"!一去到之前已經醒目訂位,所以唔係等左好耐,之後侍應姐姐仲話你地咁多人坐卡位出出入入唔方便,不如坐番普通位啦!我地梗係即刻話好啦!求之不得tim呀!我最怕迫迫窄窄!一去到已經點菜,我地一共order左魚生壽司串燒等等,唔洗5分鍾魚生已經送上!嘩一大盤咁片片都咁靚,真係流曬口水最抵讚係甜蝦,真係好大條! (最衰掛住食冇影相)壽司我就覺得佢地呢度D魷魚同燒壽司好好食! 最正係佢地有限定壽司,唔知係咪時時有呢?呢度既熟食其實都唔差過壽司同魚生,因為佢地夠曬新鮮熱辣辣! 我自己最欣賞就係天婦羅,炸粉唔厚夠曬薄! 熟食仲有提供唔同既汁比你點,夠曬多元化總括黎講,今餐真係好抵比,而且一大班人氣分好好!下次返黎香港一定要再約埋一大班人擦過!

入去到尖咀見到每間有放題做主題的餐廳價錢都最小200以上... 真係好難選擇但係去到寶勒巷附近比我搵到一間正野!位於那處附近的兩樓樓上放題店 人流勁爆 (2130之後都要等到十點果一轉)人多到爆不過服務都一流 見到D人企到累仲主動比埋位放係出面加坐位比人坐 服務一流!!!入到戲肉 一坐落去 二話不說 立即有個勁豪華既魚生拼盤哇哇哇！一坐落黎即刻有得食...仲有入面有位主任叫IVAN完全係好介紹!!!立即話比我地知道有限定食物 和牛壽司賣相一流 和牛入口即溶VERY GOOD!!!至於壽司賣相都一流唔會話頭一轉係好之後就衰到爆一般果D放題...去到第二,三轉都已經好遠 又唔足料 服務態度又差但呢間就唔同 無論你食到點佢都唔會點叫你走以上係之後果幾轉 都係咁足料 真係VERY GOOD特別稱讚入面位主任IVAN由頭服務到尾 仲要係咩都幫到你 呢D咪叫SERVICE真係GOOD到爆 以為埋單好貴 點知5條友都唔過1000抵食到爆 不過去之前一定要訂位 如果唔係都幾難食到仲有佢入面我發現 勁多人 係入面搞生日勁有氣氛 又會為生日果位整特別既煙花蛋糕真係非常得