熊場 (Closed)

剛剛上星期先在此食完好滿足的宵夜, 心諗有好野緊係益自己人, 撞正媽媽生日, 於是一早訂位, 做個孝順仔帶父母來試吓, 結果就出事啦我地7點前到達, 餐廳未滿座, 但門口的職員指示我地坐外面露台, 我有要求坐室內, 但佢話有人book了, 我心諗, 我都有book位ga, 不過在父母面前, 避免吵鬧 去了座位, 職員問我清唔清楚收費, 我話我知, 並表示父母都已經到65年歲, 有長者咭, 是否2個都收長者價錢, 佢話1個成人只可有1個長者價, 另外的長者要收回正常成人價, 有沒搞錯, 整張宣傳單張都沒寫這條rule, book個時又沒講, 不過為了同母親大人慶祝生日我先照樣食咋, 好在當日有點秋意, 如果唔係一定熱到出汗, 佢地係有提供風機的, 但不算好涼. 有檯客見到要坐外面露台, 坐了一陣頂唔順走人 後來有另外一檯客坐, 佢同d friend講, 可否食煙呢? 佢話見到有煙灰缸, 即可以食煙啦, 我心諗, 大大隻字寫明"場外禁煙", 你唔好玩笑啦我張台望到幾位師傅同廚房的叫了幾轉刺生, 得第一轉的刺生是最ok的, 其餘幾次都唔得, 吞拿魚有根, 三文魚有魚鱗有d壽司我地沒叫, 職

尋晚同班Artist姐妹完成畫展後,由於作戰多日冇啖好食太肚餓既關係之下,去左比較就腳既一間尖沙咀日式放題估唔到係有驚喜! 入門口前侍應姐姐就親切提醒話比我地知佢地係連室外都係禁煙的,我同班姐妹即刻放下心頭大石,因為我地實在頂唔順食食下野個陣一陣陣濃煙! 坐低左之後我地平時一班愛靚既姐妹們都唔客氣啦!猛咁tick壽司同魚生, 我地黎個陣差不多10:30 - 11:00左右,人不多, order上桌之後魚生竟然都仲係好新鮮,我平時以為放題宵夜時間都係D比較唔新鮮既野(所以其實班姐妹話黎之前我都有顧忌), 但點知係出奇地新鮮同爽口! 係度特別推介甜蝦同三文魚, 甜蝦肉質痴牙,鮮甜,食完全身仲可以啜埋個蝦頭既膏,極之鮮甜! 三文魚筋肉分別,而且唔會好似出面D三文魚咁冇魚味,一個字正! 壽司我地其實叫左不多,但我自己就一定要介紹燒芝士鰻魚壽司, 濃濃既奶白芝士,Juicy多汁既鰻魚配上甜甜的日本燒汁,正呀! 叫左一碟之後成班姐妹都跟曬我,係咁叫,攪到侍應哥哥都打左個突(因為張單叫左好多客...) 呢間放題仲有裝修都落足心機,估唔到出面睇平平無奇,但內裏竟然驚喜處處,而且無煙環境,實在係我地呢D

昨天係某雜誌睇到,好似幾吸引,就打去訂位啦~一行5人,晚上10:30去到,個場得幾檯客....一座低冇幾耐就自動送上刺身,甜蝦90分,其他正正常常,冇乜特別串燒真係唔錯,我自己就鐘意一口牛,一共叫左4轉個糖心旦,普普通通天婦羅都係普通,起碼唔係凍冰冰壽司......冇乜難食=.=" 又係普通水準個雞翼出奇地好味,一D都唔干~我自己一人都食左6隻個火鍋可食可唔食,冇乜特別~呢間野食物同環境都幾好,可惜服務完全唔得~唔合格,大部份都好冇禮貌問佢野又扮聽唔到漏單情況只有刺身會嚴重漏單囉.....食左2個小時..除左一座低就比第1轉......竟然到最尾要我地吹佢,先黎幾件...整體上環境有8分食物都有7-8分服務就唔合格啦.....比2分你啦漏單情況.....只有刺身會嚴重漏單囉最後總結:以差不多价錢.....我唔會再食呢間....同區大把選擇比呢間好甜蝦必食(可惜嚴重漏單,只係食到3隻)一口牛都必食

家姐發起一家人食晚飯, 重要又係放題....老實講真係有點怕, 不過唔緊要難得一家人就到時間又約埋亞叔一起食.地點係家姐建議既熊場, 老豆係魚生怪,所以一來就選左幾款不同刺身, 喜歡此店既帶子刺身夠大夠厚身而且好鮮甜.其他如三文魚, 甜蝦, 就連希靈魚都好好味. 壽司都做得唔錯, 飯團都握得夠實唔會一夾就散,只係覺得飯偏淋身.另外串燒方面, 燒粟米夠甜, 牛柳粒都唔錯.此店既天婦羅係我食過放題之中最欣賞, 粉薄身用料新鮮加上炸得香脆而不油膩我地一家好香口野都要左幾盤炸物.家姐最愛就係此店既三文魚頭, 佢自己一個人就ENCORE左3次.此店既食物好有水準, 基本上樣樣食物都好新鮮味道又好.

之前上open rice睇到D人話呢間野價錢合理而且刺身質素ok, 好食既刺身所以我地1個男仔同4個女個同事決定一放工就去征戰呢間放題由於係平日既關係,所以人不多,等左大約10分鍾就有位坐啦! 一坐低我地幾個睇見menu已經開心到唔知選擇咩好,於是叫左waiter哥哥黎問下佢有咩好介紹,佢就話呢度D刺身同甜蝦好出名,而且串燒都唔錯喎!聽見佢咁講我地已經起筆狂tick啦首先個個刺身拼盤就黎先!我同D frd就最鍾意食tuna,點知佢D tuna真係好鬼厚,而且有冰底坐住,真係夏天擺得耐都冇所謂呀!食之前黎個大特寫先!食完刺身之後我地就串燒時間啦! 始終人地女仔胃口細,只係想淺嘗D串燒,所以我地叫左D份量較少既雞腎,車厘茄牛肉粒同香腸的的式式而且唔會一大陣油膩味! 我地幾個女仔最鍾意就係雞腎,好爽口而且食極都唔厭!食完一輪主菜之後我地就諗住食過冷烏冬,因為食完串燒個人開始熱返,就諗住冷卻一下! 烏冬竟然唔係淋遮遮喎,我懷疑廚師同D烏冬過過冷河所以比較爽身,好味! 同場因為有人鍾意食旦,所以一個叫就全部都叫, 燉旦黎到表面好似冇咩特別,但有人話可以用黎送冷烏冬,點知又OK喎!一冷一熱,而且2

晚上十點幾, 想找個環境舒服的地方讓我們一班喪食男出動, 結果有朋友提意熊場 Kumaba一上到去, 有幾檯客用餐中, 服務員問了我地幾位後, 便直接帶我地入餐廳內坐, 不用等位, 正環境的當幾好好似加$25有酒飲當個個人睇緊有甚麼好食時, 服務員已為我地準備了2隻刺生船, 佢地標榜食材由日本築地運到, 都幾新鮮, 正安格斯牛肉鍋, 壽司賣相ok, 食落都好滿意沙律的份量超大價錢貼在大門口, 一目了然

每日放工既時候都會約埋班friend周圍去食下飯,啤啤下,之後抱住滿足既心情返屋企大覺訓聽日再博殺平時同同人食得太多大排檔,熱氣之餘好快悶所以今晚放工就黎左tst既熊場,試下放題,食下日本野,refresh下自己既味覺大大個logo而且撓埋手,幾有霸氣!!haha!去到等左大約10分鍾就入得去,而且侍應姐姐都好有禮貌,一定要比個good啦一入到去大大個招牌,very good啦!有要求同埋睇得出老闆為左餐廳食客著想!裝修都幾有味道,冇話光到會令人頭暈,面對幾有日本feel,食都食得開心D以上就係餐廳比我既頭一個印象! 而且呢度宵夜既人唔多,唔會人山人海迫到死,落order時可以跟足,放題就係呢D service先似樣!而且宵夜時間唔多人,我地成班是非精就選擇左住露台位! 好舒服,一路食野一路吹下水!返工係office,連放工都要室內就唔好啦值得一提就係呢度既刺身,真係幾好食! 魚新鮮唔會有腥味同雪味,而且質素絕對OK,好食過連鎖壽司店顏色鮮艷,幾肥美而且冇筋,食落去好舒服不過熟食都OK喎!特別係燒物!三文魚既燒物真係出色,脆脆地唔腥,連我呢D唔鍾意食熟魚既人都想再叫特別推介牛乳火煱,因

話說尋晚收8點半，男友就話黎接我收工，係尖沙咀到搵野食咁我就上openrice搵下有乜好食啦我同男友成日都搵放題食所以就俾我搵到熊場,可能是閒日，因此唔係好多人可能位置問題(我都搵左一陣),9點去到好快有位，野食方面好快到，不過又有d意外驚喜, 先黎既刺身唔錯, 一個拼盤先,三文魚夠厚，又夠新鮮炸物同燒物都好味，尤其係個一口牛,入口即想再食第二粒,另外個炸蠔好好味，如果係其他放題食炸蠔通常咬左一啖就唔會再食lee到個炸蠔咬左一淡，好多汁，好夠新鮮我仲叫左個烏冬食，但個湯濃D會好D,d侍應服務都好好,忙都會應你請你稍等,第二度忙都唔理你,落枱食物都會有話你聽係咩黎,都好有禮貌,換碟又快總結整體令滿意所以一定會再去食

頭x免費newspaper介紹係放題專門店,一定要試,. 一來到,非常體貼一個魚生船,嘩,三文魚真係入口甘香,超讚,.其他北寄貝,甜蝦,真係好新鮮同好鮮味,因為係我至愛,再叫了三文魚,吞拿魚,北寄貝甜蝦,其他還有希靈魚,帶子…叫了4輪,真的超讚!其他幾款魚生就普普通通.尤其帶子好細隻....壽司:食咗火灸三文魚,軟殼蟹卷,上面的料好大件,味道就一般, D飯仲要有D散燒物:有三文魚頭魚其魚駮,D肉又滑燒得好香口,好有鮮味,一口牛正入口未食完已經想再食,所有燒物都燒得非常好心機,外脆內軟,如果全部都加多些咸味,更帶出燒烤的肉味.....炸物:天婦羅蝦,細細隻,但係粉不多,熱辣辣,蝦肉好爽,也不錯,外面炸得脆脆其他料理:,牛油栗米goodgood,炒什菜,牛乳鍋一般,,普普通通,不過有樣好,夠大小食:蟹籽沙律,,.....也是一般, 枝豆無味,同樣多一點咸味較好.,我地3個人,真係食咗好多款....一般放提只有1小時30分鐘,又點會食到咁多. 而且上菜又快,漏單小小,真係直得一讚再讚. 仲要汽水任飲..........真的抱住個肚走........只可以講 有下次堂食等位時間: 10 分鐘用

對於長期係外國既我,每年都會返2次香港既時間簡直係我食野既快樂時光今次落機之後,個晚我老死就帶我去尖咀呢間熊場食放題,佢同我講話呢間野價錢中等得黎D野都幾好食我仲心諗: 平野都有好野?香港地有冇可能呀?!仲要係尖咀區喎!去到個陣大約7:30左右,見到人潮湧湧,但等位時間都唔係話太長,都係等左大約10分鍾到而且侍應們都好合作,每次問佢都會好合作,永無黑面,呢個係抵讚!入到去之後梗係拿拿聲叫甜蝦刺身啦!我同朋友今次既主打目標都係呢樣架咋!!果然黎到冇令到我失望!條條都比我食過既放題甜蝦長,而且好"痴牙",不過個人唔鍾意食蝦頭,所以比曬個frd慢慢"啜"lu!不過落單記得要落多D!相比之下就比甜蝦失色左少少,但都係好食既!最起碼三文魚係長過舊飯,因為我最憎係叫壽司魚短過飯,仲要勁薄而且舊飯唔會暖粒粒,基本出錯既野,呢間野都冇錯,不過不失架啦!呢款壽司我推介比大家試下,因為自己本身鍾意食芝士,而且配番蟹子,一個濃厚一個爽脆,絕對好食不過我建議大家留位個胃比其它正野啦最後附上價錢牌比大家參考個人感想: 如果你係要追求5星酒店級質素既,你大可唔洗睇我呢篇文,但如果你追求中等價錢而食物OK既,你絕對

放題...不嬲都係我至愛...食過好多其他餐廳...但呢一間...真係逼到我呢個CD-ROM都要開個ACCOUNT講下早一日打去BOOK左位去到唔洗等...一坐低咩都未叫就拎左刺身叫我地食住先...賣相普通食落去都唔係特別新鮮...不過二百幾既放題我會EXPECT質數會係好D點其他野食...講下唯一可取既...一口牛...食完都會想食多一粒既...但其他...真係會令人憤怒非常鮑魚雞粥...嘩....點解會係酸酸地既...唔係講笑...食多兩啖都想嘔...再入單叫刺身...等丫等丫等....足足等左半粒鐘都唔黎...吹一吹WAITER又好似愛理不理咁...過多一陣黎到..三文魚係長條型的...唔新鮮仲有筋...講真...你成條上我自己切好過帶子刺身...係臭既...即吐溫泉蛋...唔係熱都算...但點解會係冰既??牛乳火煱...成個煱但你俾4塊牛我...薯蓉...又係凍既..甜品冇...鯖魚冇想飲野??唔該自己行出去斟第一次食放題係唔飽咁走人食到一肚火...俾錢買難受大家真係要三思

在報紙看到廣告"直送築地鮮海產"想試新野. 預先訂左台.室內座位都係卡座, 都算闊落, 坐得舒服.一去到經理帶我地坐係一道門隔離, 開頭少人無為意原來隔離道門一開就會好大風. 仲要經常有人出入.同侍應反映佢地採取不理態度!!呢度每張台都有一個鐘. 你按鐘SUPPOSE會有人黎. 我地按左好多次諗住落ORDER係無人理我地!一坐低話會上魚生船俾我地但過左20-25分鐘先上到.第一樣上GE係軟殼蟹手卷同幾件牛油果軟殼蟹卷+炸蠔卷一咬落去個軟殼蟹手卷度, 件軟殼蟹已經係凍晒同林晒!!! 件牛油果軟殼蟹卷牛油果綠中帶黑, 只好挑走佢. 再試下炸蠔卷, 都係一樣.我地都唔想浪費食物但真係唔想食. 擺係台邊等人收走. 侍應一黎就話我地浪費. 同佢反映(完全無諗住投訴)D涵已經凍晒同林晒佢都係堅持講到出口話我地浪費同叫我地要盡量食左佢. 食咁耐放題真係未見過D侍應態度係咁! 上左幾碟沙律, 係成晚好最食GE野.我地ORDER左個北海道牛乳牛肉鍋, 另外一個 鍋入面有已經熟左GE菜,烏冬,芋絲.另上有4片自稱係"安格斯"牛肉. 一上鍋侍應就幫我地點火.但由於我地坐係個"風口位"D火唔太穩定. 諗住等

食物無質素!!!態度超差!!!「貼錢買難受」，永不再去!說來話長，當初為甚麼要選這間餐廳，是因為看了頭X日報及飲食XX的廣告，說什麼"魚生天天從日本進口"所吸引，本人本著一試無妨的心理，決定試一次。但打開OPENRICE裡面的食評，負面居多，我一向對那些食評有所保留，常認為那些只是「行家打行家」的招數，經過今天，我這個觀念也改變了......首先，那些魚生比在香港百佳買來的，還要差十倍，質地梅梅的，很不新鮮......吃完後，喉嚨還癢癢的，我的天!!!!!!!我以前去別的放題，也沒吃過那麼難吃又不新鮮的魚生!!!!!!!!那些串燒.......很多油.......什麼烤帶子?? 哈!!!大概只有帶子裙邊吧!真可笑!!!還有就是那個金菇肥牛，肥牛有陣味....好不想吃!其實，單是食物差也不會令我要花那麼長的邊幅來寫，最重要的，是店員的服務態度令我很激氣!!!!!!!有一個穿便服的女人來收碗，他看到我有兩隻雞翼只咬了幾口，就用了好串的態度質問我為什麼不吃掉那兩隻雞翼，我就說：雞翼都唔熟，點食?你要不要試下?跟住佢用了超輕佻同串的態度回了幾句就走了。我真的好激氣!!!!!!食物差已經不在話下

上星期睇咗雜誌「飲食xx」介紹熊場於是星期五打電話去訂枱星期一晚去食一去到都未夠鐘個經理帶咗我地坐出面。我地就問可唔可以坐入面因為出面冇冷氣。個經理話入面訂哂枱冇位。嗰時已經開始「慶」，不過都要坐。坐低之後啲侍應拎咗一盤賣相好靚嘅刺身嚟。侍應叫我地刺身就食住嗰盤先，食完唔夠先再叫跟住我地再叫咗其他食物。我地三個人叫咗六件海膽壽司，點知嚟得三件。叫一件三文魚壽司就嚟咗三件。。。叫蒸蛋佢冇嚟。要追兩次先有。啲蛋蒸得好老。好難食！牛肉粒串焼就等於叫牛肥膏串焼！鮑魚雞絲粥係凍嘅。焗帶子我係搵唔到有帶子淨係有帶子裙邊！加埋一大pat凍嘅薯蓉！食完佢第一盤魚生之後我地再入過單叫刺身點知佢遲遲唔嚟。叫個侍應吹單佢竟然話唔見咗張單叫我地再落過！再落過之後又唔嚟！再催佢地就死死地氣拎一碟嚟呢一碟核突到呢。。。啲甜蝦甩頭。帶子勁薄片！跟住食食下突然聞到有煙味！見到有人食煙！叫個侍應問佢乜食得煙咩？佢竟然答係！真係痴線！我入坐嘅時候個經理問都冇問我地食唔食煙！又冇同我地講話出面係吸煙區！真係離哂譜！！！我地問坐入面又唔俾話訂哂位！有人話要轉又得喎！仲有食物款色真係好少。。。一句講哂，真係好差！一定唔會再去！

今日生日同朋友試新開既日式放題，一入到去環境超舒服，一坐下先上一個份量十足的刺身船，入面咩刺身都有，令人口水流，再來串焼一口牛，肉汁一咬就必出來，又冇筋，正，到天婦羅出埸，無敵。份量足仲擺得好靚，一絶也。到最後牛乳鍋出埸，牛肉入口溶，湯底濃郁，無得頂，最開心生日蛋糕氣氛超正，仲有dj祝你生日快樂，連其他枱的客人都同你鼔掌，下次一定要再來。