味道樂居酒屋 (元州街) (Closed)

口水都流嘅鰻魚飯吸引大排長龍，好彩晨早book 左去食。就連筷子托同碟都好得意炭火燒鰻魚飯，勁長鰻魚真係排隊都抵😎，又肥美厚肉，微微焦香味，濃濃嘅鰻魚汁加埋飯，非常滿足。另外必試就係串燒，汁燒大白鱔完全唔腥，燒汁甜甜地，好入味，平時食魚好怕多骨，但呢個得好少骨，所以完全冇難道。一夜干燒的鯛，以前係日本食過，但香港真係唔多餐廳有得食🤔 咁當然要試下懷念下個個味道。聽講一夜干要用鹽腌，風干之後先可以燒。程序都幾繁複架，但係就可以keep 到魚嘅油分，食落去鹹香鹹香咁，用黎送酒應該更正🤓。最衰友人唔飲酒，見到隔離個枱叫左酒，仲有得簡杯，每個杯都係唔同嘅玻璃紋，淨係隔離睇已經覺得好靚。😻對於我呢個雞泡魚乾迷黎講，必試當然係 味淋魚乾😛。佢會比較軟身，但都好香魚味，點下沙律醬更開胃。記得晨早book位，因為都好受歡迎😏

星期六既中午黎到味道樂果然好有居酒屋既感覺餐具好精緻好和式作為鰻魚控既我黎到只有一個目的...原條成田醬炭火燒鰻魚飯($128)上枱好好好震撼 用厚木板上 原條既鰻魚放喺白飯上面就好似放大左100倍既鰻魚壽司咁條鰻魚足足有手臂咁長鋪面既蛋絲同墊底既竹葉帶黎強烈既顏色對比鰻魚有微微炭燒香好厚肉好肥美 食落無泥味亦都無骨外皮微脆 肉質帶少少煙韌 充滿油脂香美中不足係汁雖濃但略為鹹如果甜番少少就真係無得彈啦不過淨係呢個視覺衝擊已經值回票價啦侍應好有禮貌 好殷勤 密密斟茶 綠茶夠熱夠濃 抵讚呢餐真係食得好舒服可能時間尚早 仲未有好多人而且自然光射入黎感覺特別放鬆

呢間餐廳環境及裝修有日本風味，鰻魚飯都好好味又大大件。另外，今次點了afternoon tea set，有9款食品，每款都有特別風味，可以一試。加上，服務態度都良好。原來長沙灣區有此特別餐廳😍

雖然九龍區係我地頭，但係真係好少會係長沙灣區搵食，因為都係工廠同屋邨為主。但係早排有唔少人都介紹呢個長長嘅鰻魚飯，所以就決定去食下，睇下佢有幾長~~星期二嘅夜晚，估唔到有好多人排隊， 就算我地坐低咗之後，都不停有人等位，真係勁啊!! 裝修都係以古舊日本風為主，地方唔太大，座位亦唔多，所以坐得唔係好舒服.....睇餐牌都見到幾多選擇，有串燒之餘，仲有壽司同刺身等等首先黎嘅係小食芝麻雞翼(3隻)，本身都覺得無咩特別，心諗咪又係平時食嗰啲炸雞翼，但一咬真係令人喜出望外，超級香脆嘅外皮，包住肉汁豐富嘅雞肉，嫩滑嘅雞肉，輕輕咬已經可以離骨，整體好惹味，點埋沙律醬一齊食，真係幾好嫁~牛魔王嘅我，又點可以唔嗌番個鹽燒厚切特上牛脷呢？其實係比平時薄切嘅厚少少，調味可能有啲唔均勻，因為食第一舊，味道啱啱好，少少嘅辣味都好惹味，但係第二舊就偏鹹，不過有陣陣嘅牛香，而且都唔算太韌，如果調味輕手啲就好喇下一款燒物係黑蒜黑豚肉卷，將黑豚肉捲埋，再拎去燒烤，邊緣嘅位置燒到脆脆嘅，而中間就微微嫩滑，最後放上一大撮黑蒜醬，味道都幾濃烈，不過同豚肉卷配搭幾好，朋友話味道似豆豉，哈哈~~~~而係黑蒜黑豚肉卷身後嘅係超甜日

特意過黎就係為左相機食先既鰻魚飯,大約8點去到已經滿座,幸好等半個中就入得啦!先ORDER左個蕃茄沙律(HK$58)作前菜,蕃茄鮮甜多汁,估唔到會有迷你紫薯,整體好開胃!芝麻雞翼 ($58)外皮炸至金色,再沾滿芝麻,一咬落去FEEL到香脆惹味,肉質非常嫩滑,一人一隻唔夠喉!款迷你丼飯三文魚籽甜蝦蓉飯(HK$88),價錢有點貴,不過三文魚籽飽滿大粒,而中間係甜蝦刺身整成既蝦蓉,但比較淡味!原條成田醬炭火燒鰻魚飯 (HK$128)真係又肥美又厚呢!食過原條鰻魚配漢堡!今次配飯就真係第1次食!肉質尚算幼嫩,而醬汁味道濃郁,撈飯食真心正!

首先是看到F B雜誌專頁介紹來吃的，2個人晚餐吃了$4xx是合理價錢，但份量少，結果是吃不飽巨峰提子梳打＄42超小的一杯，大啖飲三啖飲完，想不到$42的價錢是漱口杯的份量，而且不是酒呢明太子雞翼＄48(2隻)$24一隻雞翼我覺得是偏貴的，但店家在餐牌也有寫明是兩隻，所以來到的時候覺得還可以，味道是不錯的金菇肥牛卷＄68從沒有見過這般瘦的金菇肥牛卷，大概比手指尾還要幼一點，味道是好的，但分量完全不值這個價錢軟殼蟹反卷＄88這個份量是正常的，但壽司飯鬆散，而且也不太吃得出軟殼蟹的味道，加一後要接近$100，給這個質量鰻魚飯＄128唯一覺得值的就是這個飯，亦是F B介紹的鰻魚飯，份量是偏多，原條鰻魚是厚肉的，我見在場其他客都有點這個飯，可能都是看到介紹來吃的整體來說我覺得味道是可以的，除了反卷，但份量實在太少了，可能是居酒屋吧，兩個人晚餐吃了400多價錢是合理的，但是吃不飽，起碼要多點三樣才夠飽，所以放棄了另外我是大概六點半到的，手上拿著一大盒禮盒，當時只有一台客坐了唯一的雙人枱，店員安排我們坐四人枱所以我先把禮盒放在旁邊，店內座位不多，枱與枱之間也很逼，所以當時心想盡快吃完就走。不久來了另

近排呢間賣原條鰻魚嘅居酒屋好紅喎，趁今日星期六帶爸爸媽媽嚟試吓先！店舖雖然細細，但裝修特別，牆上貼滿舊式日式品牌嘅鐵牌，成間好似係木屋仔咁樣，營造到傳統日式居酒屋嗰種風味香炸三文魚鱗 ($48)平時食開嘅蒸魚都係去晒魚鱗，第一次食炸魚鱗係舊年喺檳城，真係一試難忘。今次難得喺呢度都有呢道小食，一定要再試多次！大大片嘅魚鱗炸後非常香脆，由於最底有張紙吸油，所以食起上嚟都冇咁罪惡（自欺欺人哈哈），咁香口嘅小食，當然瞬間食晒啦原條成田醬炭火燒鰻魚飯 ($128)通常食鰻魚飯都係切開晒一件件咁，好少係成條又肥美又厚，差不多好似我隻手臂咁長，視覺上的確非常震撼！原來大廚會先將鰻魚蒸後再燒兩次，外層有微微炭火燒焦嘅獨特口感，入面就肉質幼嫩，啖啖都好juicy，加上用鰻魚骨、葱、薑、冰糖等材料熬六個鐘而成嘅特製醬汁，味道濃郁，撈飯食真係一流！超級大食嘅我，食完呢個都真係夠晒，好滿足！芝麻雞翼 ($58)3隻連尖嘅雞翼炸得香脆，配合芝麻香嘅口感，非常惹味但炸得有啲過火咗汁燒大白鱔 ($68)魚皮爽脆，入面仍然非常juicy，肉質軟稔冇散修修，但果可以再厚身啲會更滋味！黑蒜黑豚肉卷 ($48)原來係先捲起

同事成日都話樓下間居酒屋幾好食，仲有原條鰻魚咁話。今次一於約個friend 去食下！ 一到門口就有招財貓歡迎我地 睇見用深色木材既裝潢，充滿一種古典日式風味。店內種種佈置都充滿日式居酒屋既感覺。 連餐牌同餐具都充滿日本風味。 一黎就叫左個炸魚片做小食頭盤，脆口得黎又好有咬口。感覺新鮮得黎又有驚喜。 之後係極上牛脷串。原本對牛脷串有d 期望，可惜串燒配料落得太重手，味道有d 咸。牛脷口感幾好，但配料對串燒味道影響太大，可惜可惜。 另外一隻串燒就好唔同，可以話係串燒既清泉：煙肉荔枝卷 係用一粒荔枝肉，再加上一層煙肉包住。有煙肉既香味同時亦有荔枝肉既清香。完全一改串燒熱氣得黎又重口味既感覺。 大大粒新鮮荔枝肉夾係中間，好鮮甜！ 食完串燒，開始食個飽肚d 既鐵板芝士餃子。餃子本身都好軟熟，外皮好薄，加埋微熱既芝士，令口感更加豐富。 食完咁多小食，終於到大家期待已久既原條鰻魚飯！筆者真係勁耐冇食過鰻魚，今次仲要成條上，超感動！！！一整條新鮮鰻魚加上鰻魚汁，享受啖啖鰻魚既軟熟口感，簡直係人生一大樂事！ 鰻魚配飯食一流！ 食埋個鰻魚飯就滿足哂，好耐冇試過食到d 咁正既鰻魚，仲要原

終於可以吃了很多人說的味道樂一直很想是他們的巨型鰻魚飯今次下午來到，也是滿座的等了一會兒便可入座了當然點了一個必點的鰻魚飯和一個牛肉粒飯都是下午套餐喔來正餐前會先埋一份小沙律和湯分量剛剛好 不得不提的就是這個燉蛋，後滑和很香吃完前菜，很快就長主菜了，首先就是我的巨型 鰻魚飯真的沒有誇張跟我預期中的大小差不多這個價錢吃，這個大小的鰻魚絕對抵吃，鰻魚 肉汁很豐富，一點也不腥，超喜歡然後就來牛柳粒飯，這個牛柳粒賣相沒有鰻魚那麼特別， 但是味道一樣吸引不過如果下一次再來我也會選超級鰻魚飯

是咁的，前幾日身癮好想食饅魚飯，所以就搵到黎呢度💁 雖然係星期五晚，但好彩我地早黎，遲少少就要排隊啦🙈🙈其實已經唔洗諗食什麼😏 我的目標只有一個🍴😤 饅魚飯 呵呵呵不過，最美好的東西都是要等待。 等待嘅期間就食住小食先啦，Cp值都好高的說😋登登登櫈! 主角永遠都係最後黎嘅。。。。。。。雖然食完個饅魚飯同啲小食，但我地都好似唔夠喉。終於我地move on to the next station: 松記糖水 科科

今日去咗長沙灣食鰻魚飯✨ 已經收工即刻黎😩 都要等一陣位 大概七點幾 好彩門口有小凳仔 俾人坐住等 唔想等 下次都係訂定位先 成間店係木圍住 感覺好warm 入到去 有幅牆貼滿咗postcard超靚 postcard📮 又正 如果可以儲印仔換 就好啦😂😂鰻魚飯鰻魚屬於偏咸 要配飯一齊食 就會感覺好啲 鰻魚尾巴部份較乾 不過頭同中部 都冇問題 好有口感 鰻魚成條上 真係好吸引同震撼 用木板上 好有原汁原味既感覺 係唔錯嘅燒白鱔係😂就係要食哂人地全家 所以食完鰻魚 要食埋鱔 鱔即叫即燒 一份有2串 熱辣辣 味道冇鰻魚咁濃 不過質感唔同 簡直唔可以比較😂 兩種都要食啲人話食完鰻魚會勁有精神 我都相信我會元氣100%💁🏻

本人一向愛好食鰻魚，有時返工食晏每次見到餐廳有鰻魚定食都會心大心細好想食。今日難得在長沙灣，　就決定要來味道樂朝聖。來到剛好滿座，外面有２，３對人等位。　大概１０分鐘就進去了。　店子不大，　容納到３０人左右吧。裝修很有氣氛。　連碗筷都很有日式味道　。　來說說食物。　首先來了是三文魚子甜蝦肉壽司杯。　看外表就已經很吸引。　三文魚子大大粒鮮甜，　唔腥。　中間都甜蝦肉都很多。整個杯感覺差不多是材料比飯還要多。　啖啖肉。　　另外一個十分欣賞的。　是蘋果黑飛魚子沙律。　份量十足。蘋果食落去係索索聲的。　他的醬是蛋黃醬而不是市面酸酸的沙律醬。　可以中和到蘋果的酸味。　而且沙律料竟然有日甜蕃薯仔，估唔到個味係咁搭。另外還點了流心芝士年糕，雖然不至於真的流心但餡料十足。　用力夾中間Ｄ芝士係會必曬出黎　鐵板芝士餃子。　比較普通，　但擺左一陣都仲係好熱辣辣黑蒜豬肉串。　都是普通，　不過不失。好啦主菜黎啦。　霸氣十足的鰻魚飯。　鰻魚厚而肥美。　冇咩骨。　我好怕有骨，　台北肥前屋那種的我就不喜歡。ＣＵＴ開一半ＳＨＡＲＥ都發現一半　＝　我出面食午間定食的份量所以晚市依個霸氣鰻魚飯＄１２８真係十分抵小插曲。　唔夠

常想搵比較正宗的日式串燒美食，在openrice找到這間像是不錯的，就同同事過來食晚餐。 大約是7時半8時左右，完全坐滿人，想必好食。 拿餐牌來看看。 坐位比較廹，我們和其他人幾乎是拍著一起坐，一個吉位子也沒有。佈置是日式的，令人喜歡！ 首先叫了個燒魚燒得很香，我食了一半才記得影相，可想而知是幾好味道。 接著是燒鰻魚，醬汁無得彈，一件真是不夠的。我開始覺得同同事像在搶食了，因為他比較大食，哈哈！ ' 然後是鹽燒牛舌，是非常好味，又香又軟身，又入味！ 跟著是燒雞翼，這個給同事全部食光了。看他個舔舌樣應該是好好味！ 跟住是燒尢魚，香口，有少少熱氣，但是食得串燒都不介意的了。 最後在我們食飽的時候看到鄰桌竟然有整條的鰻魚飯，個樣靚成咁，遮住哂D飯，下次一定要叫返個。 總結是好好味！

聽聞長沙灣有間居酒屋有好出名嘅原條鰻魚飯，於是就慕名黎試下，基於budget所限，當晚只係叫咗碳烤鰻魚飯，黑松露茶碗蒸同池魚刺身。事真上依間居酒屋仲供應各式串燒，刺身，送酒小食等等，當然仲有酒供應，係劈酒談天嘅好地方。先講環境方面，居酒屋地方比較細，只係有大約8張二人枱嘅範圍，所以等候時間都比較長。當晚平日兩個人食，七點開始等到約八點先入座。店入面環境較暗，但燈光好溫暖，店入面掛滿咗好多日式風味嘅裝飾，有種好親切嘅感覺，亦同日本嘅居酒屋相當似，據聞因為個老闆就係日本人。食物方面，網上大力宣傳佢地嘅鰻魚飯，但其實佢地嘅其他菜色都相當唔錯~碳烤原條鰻魚飯，名符其實好大塊鰻魚鋪喺白飯上面，遠睇似一件巨型鰻魚壽司，份量黎講一人食好大份，兩人食差少少。鰻魚相當值得稱讚，表面烤得適中，頭尾有少少燶，面層有脆嘅質感，食落軟滑有油脂，食開半肥瘦叉嘅朋友會中意依種感覺，配上甜甜嘅鰻魚汁，食落甜溜兼有碳香，送飯食一流，嘴唔刁嘅朋友相信都會覺得好滿足。唯一美中不足嘅地方係，佢比嘅汁太少TT 比多d黎撈下飯就一流啦～黑松露茶碗蒸，非常值得推介，好簡單嘅一碗茶碗蒸加入咗雖然只係黑松露嘅碎，但份量相當多，一打開茶

期待已久今日終於有時間試下傳說中嘅鰻魚飯, 由於我搭正12點到所以唔洗等即刻就可以入座, 可能岩岩開鋪人好少, 而店內日式嘅裝修同擺設令我感到自己去左第二個世界。原本諗住d野無咁快到, 所以叫左小食味淋魚干邊食邊等, 點知佢係我個鰻魚飯食到三分一嘅時候先出現....... 魚干唔會太乾太硬加上鹹鹹甜甜同陣陣酒味, 如果我手上拎住嘅係一杯啤酒, 呢樣會係一個好好嘅小食。今日嘅主角原條成田醬炭火燒鰻魚飯, 點餐無耐就話咁快出現係我眼前,  鰻魚飯賣相相當討好鰻魚肉厚而且腍身無泥味, 但略嫌唔夠肥美同醬汁鹹左d, 加上鰻魚少左陣餐牌所寫嘅炭火燒風味, 其實有d失望......呢個係我家姐點嘅香煎鵝肝雜菌石鍋飯, 我本身好鐘意食內臟特別係肝臟, 所以當石鍋飯放到佢面前我就二話不說咁夾左一忽鵝肝黎食, 鵝肝係口裡面嘅感覺就好似一pat有淡淡肝味嘅肥膏, 恕我唔識食我實在唔識欣賞呢舊"脂肪肝"....... 反而個飯唔錯熱辣辣啖啖雜菌, 好岩今日天氣咁凍食, 不過d汁可以少d等個飯唔好咁濕。鰻魚飯d飯嘅份量我覺得少左d最後都叫左份夀司食,  夀司方面唔係太突出, 只係舊帶子無乜味要點多d豉油, 甜