味道樂居酒屋 (元州街) (Closed)

星期六既中午黎到味道樂果然好有居酒屋既感覺餐具好精緻好和式作為鰻魚控既我黎到只有一個目的...原條成田醬炭火燒鰻魚飯($128)上枱好好好震撼 用厚木板上 原條既鰻魚放喺白飯上面就好似放大左100倍既鰻魚壽司咁條鰻魚足足有手臂咁長鋪面既蛋絲同墊底既竹葉帶黎強烈既顏色對比鰻魚有微微炭燒香好厚肉好肥美 食落無泥味亦都無骨外皮微脆 肉質帶少少煙韌 充滿油脂香美中不足係汁雖濃但略為鹹如果甜番少少就真係無得彈啦不過淨係呢個視覺衝擊已經值回票價啦侍應好有禮貌 好殷勤 密密斟茶 綠茶夠熱夠濃 抵讚呢餐真係食得好舒服可能時間尚早 仲未有好多人而且自然光射入黎感覺特別放鬆