Video
Read full review
2017-01-14
106 views
期待已久今日終於有時間試下傳說中嘅鰻魚飯, 由於我搭正12點到所以唔洗等即刻就可以入座, 可能岩岩開鋪人好少, 而店內日式嘅裝修同擺設令我感到自己去左第二個世界。原本諗住d野無咁快到, 所以叫左小食味淋魚干邊食邊等, 點知佢係我個鰻魚飯食到三分一嘅時候先出現....... 魚干唔會太乾太硬加上鹹鹹甜甜同陣陣酒味, 如果我手上拎住嘅係一杯啤酒, 呢樣會係一個好好嘅小食。今日嘅主角原條成田醬炭火燒鰻魚飯, 點餐無耐就話咁快出現係我眼前, 鰻魚飯賣相相當討好鰻魚肉厚而且腍身無泥味, 但略嫌唔夠肥美同醬汁鹹左d, 加上鰻魚少左陣餐牌所寫嘅炭火燒風味, 其實有d失望......呢個係我家姐點嘅香煎鵝肝雜菌石鍋飯, 我本身好鐘意食內臟特別係肝臟, 所以當石鍋飯放到佢面前我就二話不說咁夾左一忽鵝肝黎食, 鵝肝係口裡面嘅感覺就好似一pat有淡淡肝味嘅肥膏, 恕我唔識食我實在唔識欣賞呢舊"脂肪肝"....... 反而個飯唔錯熱辣辣啖啖雜菌, 好岩今日天氣咁凍食, 不過d汁可以少d等個飯唔好咁濕。鰻魚飯d飯嘅份量我覺得少左d最後都叫左份夀司食, 夀司方面唔係太突出, 只係舊帶子無乜味要點多d豉油, 甜
期待已久今日終於有時間試下傳說中嘅鰻魚飯, 由於我搭正12點到所以唔洗等即刻就可以入座, 可能岩岩開鋪人好少, 而店內日式嘅裝修同擺設令我感到自己去左第二個世界。
原本諗住d野無咁快到, 所以叫左小食味淋魚干邊食邊等, 點知佢係我個鰻魚飯食到三分一嘅時候先出現....... 魚干唔會太乾太硬加上鹹鹹甜甜同陣陣酒味, 如果我手上拎住嘅係一杯啤酒, 呢樣會係一個好好嘅小食。
今日嘅主角原條成田醬炭火燒鰻魚飯, 點餐無耐就話咁快出現係我眼前, 鰻魚飯賣相相當討好鰻魚肉厚而且腍身無泥味, 但略嫌唔夠肥美同醬汁鹹左d, 加上鰻魚少左陣餐牌所寫嘅炭火燒風味, 其實有d失望......
呢個係我家姐點嘅香煎鵝肝雜菌石鍋飯, 我本身好鐘意食內臟特別係肝臟, 所以當石鍋飯放到佢面前我就二話不說咁夾左一忽鵝肝黎食, 鵝肝係口裡面嘅感覺就好似一pat有淡淡肝味嘅肥膏, 恕我唔識食我實在唔識欣賞呢舊"脂肪肝"....... 反而個飯唔錯熱辣辣啖啖雜菌, 好岩今日天氣咁凍食, 不過d汁可以少d等個飯唔好咁濕。
鰻魚飯d飯嘅份量我覺得少左d最後都叫左份夀司食, 夀司方面唔係太突出, 只係舊帶子無乜味要點多d豉油, 甜蝦同三文魚子都還可以, 反而蟹膏夀司有d驚喜, 強烈嘅蟹味同陣陣鹹香岩我呢d咁重口味嘅人。食飽飽最後$536埋單
Post
