味道樂居酒屋 (元州街) (Closed)

雖然九龍區係我地頭，但係真係好少會係長沙灣區搵食，因為都係工廠同屋邨為主。但係早排有唔少人都介紹呢個長長嘅鰻魚飯，所以就決定去食下，睇下佢有幾長~~星期二嘅夜晚，估唔到有好多人排隊， 就算我地坐低咗之後，都不停有人等位，真係勁啊!! 裝修都係以古舊日本風為主，地方唔太大，座位亦唔多，所以坐得唔係好舒服.....睇餐牌都見到幾多選擇，有串燒之餘，仲有壽司同刺身等等首先黎嘅係小食芝麻雞翼(3隻)，本身都覺得無咩特別，心諗咪又係平時食嗰啲炸雞翼，但一咬真係令人喜出望外，超級香脆嘅外皮，包住肉汁豐富嘅雞肉，嫩滑嘅雞肉，輕輕咬已經可以離骨，整體好惹味，點埋沙律醬一齊食，真係幾好嫁~牛魔王嘅我，又點可以唔嗌番個鹽燒厚切特上牛脷呢？其實係比平時薄切嘅厚少少，調味可能有啲唔均勻，因為食第一舊，味道啱啱好，少少嘅辣味都好惹味，但係第二舊就偏鹹，不過有陣陣嘅牛香，而且都唔算太韌，如果調味輕手啲就好喇下一款燒物係黑蒜黑豚肉卷，將黑豚肉捲埋，再拎去燒烤，邊緣嘅位置燒到脆脆嘅，而中間就微微嫩滑，最後放上一大撮黑蒜醬，味道都幾濃烈，不過同豚肉卷配搭幾好，朋友話味道似豆豉，哈哈~~~~而係黑蒜黑豚肉卷身後嘅係超甜日