陳儀興尚潮樓 (英皇道)

Open Now

Now Closed

窩夫與蝦子餅光顧過多次的將軍澳陳儀興飯店，最近以「陳儀興尚潮樓」的品牌進駐鰂魚涌，一於去試試高級潮州菜。窩夫很多年沒有喝過功夫茶了。招牌鵝三寶($298)即鵝肉、鵝肝和鵝腸，底部還有豆腐，十分豐富。滷水汁不會太鹹，味道有層次，窩夫最愛甘香的鵝肝，鵝腸處理得非常妥當，一點肥膏也沒有。頭抽煎英䱽($488)的䱽魚十分新鮮，表面煎得金黃香脆，裡面的魚肉更顯雪白嫩滑。方魚炒芥蘭($118)上桌時排得整整齊齊，芥蘭粗幼適中，口感爽脆。鹹菜胡椒豬肚湯喝得多，點了少見的二十年老菜脯燉鮮豬肚湯($78)，燉湯很鮮甜，有胡椒香，也有來自二十年老菜脯的獨特香味，非常好喝。用上新鮮豬肚，比急凍的好吃得多。

朋友想食潮州菜，所以帶咗佢去一間出色嘅潮州菜館食晚飯。我哋安排咗一張圓枱之後叫了以下菜式；首先店員遞上一盤潮式功夫茶，泡出來茶味甘醇滋味很舒心！招牌鵝三寶$298: 呢度招牌嘅滷水拼盤，三寶包括有鵝腸、鵝肝和鵝肉三種部位，每一種都滷得入味而不失嫩度，鵝腸彈牙、質感爽脆非常；鵝肝口感綿密，鵝肉扎實帶油香、肉味濃郁，肉汁滿滿的，佐酒一流。頭抽煎英䱽片$488:一碟有六件，用頭抽煎香英䱽魚，英䱽魚厚切起肉冇骨，煎至外表金黃色，外脆內嫩，頭抽的香氣提升了魚肉的鮮味，美味可口。潮式魚丸肉碎煮汕頭白$208: 魚丸非常彈牙，碧綠一片既黃芽白菜🥬加上絲絲瑤柱，調味清新，湯頭也很鮮甜，且富有特色，值得一試。 20年老菜脯燉豬肚湯$78: 湯色微紅、味道清甜，還有老菜脯的清香味道，豬肚很腍嫩，不僅能止咳祛痰還能健脾養胃，老少皆宜。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

潮菜精做,精緻潮菜近太古新分店,環境都係咁多間之中最新最舒適,走商務級客人路線感覺上檔次既中菜館太古美食攻略2023由地鐵站走5分鐘樓上七樓,成座大廈都係新開既美食大廈,呢度最熱鬧最有特色平均消費$400左右一個人@SHEUNGCHIULAUQB  @sheungchiulauqb #陳儀興尚潮樓 #鰂魚涌美食 #打冷 #潮州菜 #蠔餅 #滷水鵝白飯及潮州粥頭抽煎英倉滷水拼盤 大腸生腸墨魚,元啼,腩肉,豆腐乾貝春菜煲 (芥菜仔)胡椒咸菜鮮豬肚湯潮式做法,先上2客茶比大家吃茶開味先上滷水盤,都係用新鮮貨,腸中有脂,口感肥嫩爽口,腩肉層層可見味道一流頭抽煎英倉起骨原件魚塊煎香每件尺寸都係相同,精緻菜式先會做每一件菜式都係相同大細,細節位講究一上碟勁香,先係魚味,入口濃厚既頭抽香氣,魚肉鮮嫩無腥味,好吃乾貝春菜煲乾貝碎大量,仲有肉碎蝦米仔,味道豐富香氣十足,春菜鮮嫩,湯都好飲,可拌飯食最後係湯品鮮豬肚口感彈牙,淡淡既咸菜,飲到尾先有胡椒既辣勁,夠平衡,唔會只飲到辣味配飯或潮州粥都係唔錯消費$800評分8/10陳儀興尚潮樓 (鰂魚涌店)@@#陳儀興尚潮樓 (鰂魚涌店)#你好香港#EOSR

✨這家以正宗潮州菜為宗旨嘅食館, 環境舒適寬敞, 裝飾雅緻, 落地大玻璃顯得特別光猛開揚, 非常適合三五知己或一家人嘅歡樂聚餐🥰🧑‍💼入座後店員隨即奉上茶味香濃回甘嘅功夫茶及餐前小吃🐟潮州凍馬友魚身經醃製後清蒸, 待放涼後, 去骨及切好一件件上碟, 啖啖肉, 方便食用😍🥣胡椒鹹菜鮮豬肚湯帶微辛胡椒湯味, 非常醒胃, 豬肚口感腍滑😋✨食潮式小菜, 一定唔少得必點之選嘅：✨鹵水拼盤（生腸,墨魚,鵝腎, 腩肉,元蹄）鹵水汁烹調嘅腩肉及元蹄, 煮得非常入味, 肉質軟淋👍 特別欣賞生腸嘅爽口感😋🥘肚肉苦瓜煲“肚肉“ 係近肚位嘅腩肉, 肉質入口軟腍, 厚切嘅苦瓜片煮得非常入味回甘, 咬口感十足😍

陳儀興 - 近年冒起的集團式餐廳，好像總有一間在附近似的。是夜光顧的陳儀興是潮式茶館，要好好品嚐一下鵝片及其他潮式美食。環境古色古香，座位寬敞舒適；有間隔區分，增添私隱度 👍👍潮式菜館，功夫茶是不可缺少的一環點了小菜數款，先是頭抽煎英䱽 $488不多地方有英䱽菜式，英䱽魚肥大肉厚，輕易開出大大片的魚柳，封煎後外層有點香口，內裏魚肉嫩滑，加上頭抽吊味，完美 😋😋再來滷水鵝片 $188，心心念念的潮式美食！去骨鵝片啖啖肉，獨特的鵝肉香味，再加上滷水汁的味道，百吃不厭！還有滷豆腐墊底 😋😋，中和肥膩感。膳食中不能缺少的菜蔬，厚菇芥菜煲 $128 厚菇斜切，大小厚度適中，芥菜嫩綠無渣！厚菇大大片的 🥰🥰護國菜 $68 雖然沒有預期的太極圖案，但勝在湯底鮮甜，由於有油質封面，內裏保持滾燙，夠熱好飲！還灑上瑤柱絲吊味，佳作！

潮州菜有兩樣必食之選，1是製鹵水鵝，2是凍海鮮。開飯前先來個功夫茶，味濃解膩。護國菜湯是的代表名菜之一，材料非常簡單，是用配以、煨制而成的。味道幾香，有海鮮清甜味。花甲蕃茄酸菜湯，潮州酸菜好香，酸味調中。鹵水三寶，有鵝肝、鵝肉同鵝腸，鹵水味香唔咸。鵝肝軟滑無血腥味。鵝肉有咬口，肉濃唔“梅”。鵝腸晶瑩剔透，爽口彈牙。好味既鹵水一定唔可以過咸但又要有鹵水香，呢個鹵水三寶就可以達到要求，而且價錢又唔算費。凍海鮮我地揀左大眼雞，潮州海鮮通常配上黃豆醬。黃豆香比鼓油香，又唔會影響海鮮既鮮味，但又唔會好咸，好甲味好正!方魚潮州魚丸上湯菜，方魚好似食粥個d柴魚，魚丸爽口彈牙有魚味。

陳儀興尚潮樓🦆 地址: 鰂魚涌英皇道1001號7樓1號舖新蒲崗潮州打冷老字號陳儀興係港島都開咗分店😗我終於去咗試下😗基本上我每次食潮州野都會叫滷水鵝片🦆鵝片滷水入味，鵝肉唔會太肥，肉質唔鞋，鵝片下面仲有豆腐。頭抽煎英䱽🐟我好驚魚腥味，英䱽係一啲腥味都無，魚質嫩滑，頭抽好夾煎魚😋潮式魚丸肉碎煮汕頭白🥬健康啲叫個菜，啲魚丸好大粒彈牙😬胡椒鹹菜鮮豬肚湯🍲超級無敵重胡椒味，飲完個身即刻暖咗，好足料好多豬肚🐖

陳儀興係非常出名嘅潮州菜～ 而且一直都keep到質素，每間分店都有唔少捧場客🔥✨潮洲凍馬友 $398馬友係潮州人必食既魚，成條先醃製後清蒸，非常有鮮味，而值得一讚嘅係上枱前已經起左全條主骨，仲預先切成一件件，非常容易夾，配上少許豆醬，更顯鮮味。✨滷水鵝片 $188例牌鵝片用上滷水豆腐墊底，兩者都滷得好入味，亦唔會太鹹，而且鵝肉切得幾薄，一件一口，大飽口福。✨潮式魚丸肉碎煮汕頭白 $208潮式魚丸口感彈牙，上湯配上津白，更顯菜嘅鮮甜味道～✨胡椒鹹菜鮮豬肚湯 $156 @ 2豬肚洗得好乾淨，亦都煮得好淋～ 入口有陣陣胡椒味，不過唔算好辣😋 配上鹹菜，非常好飲。📍#陳儀興尚潮樓 (英皇道) (鰂魚涌)鰂魚涌英皇道1001號7樓1號舖

🥢最近好想食打冷，又想坐得舒服啲，就同朋輩去左陳儀興尚潮樓，舖頭既裝修偏向古典風🏮🔸招牌鵝三寶打冷點少得滷水，🪿鵝三寶有鵝肉、鵝腸同鵝肝😍滷水好出色，滷水味香唔會過咸，鵝腸脆口，鵝肝又厚又大件，入口即化🤤底下仲有豆腐🔸大眼雞魚飯大眼雞大細適中，預先醃咸左，魚肉白雪雪，除左則邊兩邊，中間既大骨都去左👍🏻咸咸地用黎餸粥岩哂🔸方魚炒芥蘭芥蘭好翠綠，炒得好有鑊氣，唔有苦澀味，仲食到少少酒香，加埋炸香左既大地魚粒，令芥蘭更香😋🔸 二十年老菜脯燉鮮豬肚湯燉湯好香菜脯味，加左少少胡椒粒，🐽豬肚燉好腍，一啲都唔韌，飲落覺得好暖胃🔸 潮州白粥潮州白粥同平時食到既白粥有少少唔同，粥唔係綿密個隻，係食到粒粒既米，軟飽肚🔸功夫茶坐低無耐店員就會送上，🍵茶味香濃回甘

坐低店員先奉上功夫茶開胃苦澀生律 有齊鵝肝 鵝腸 鵝片鵝肝細膩絲滑 無需多餘咀嚼 已溶在口中鵝腸 口感爽 略韌有嚼勁鵝片啖啖肉 夠嫩 點上米醋更惹味潮洲凍馬友魚擺盤非常精美 刀功好肉質夠棉 魚味濃郁油份豐腴甘香可先試原味 再點普寧豆醬更有風味二十年老菜甫燉鮮豬肚湯胡椒鹹菜鮮豬肚湯湯品真材實料 豬肚軟嫩入味湯水濃郁無味精 好滋補的感覺乾貝春菜煲春菜爽脆清甜中和番肉類嘅油膩感我喜歡把乾貝放入潮州白粥同食簡單可口整體來說環境乾淨舒適店員服務親切食物多選擇亦高質素

因為地點就腳，呢間又係新開唔冇幾耐的網紅店，我哋5位舊同事兼好朋友就相約來此聚餐🍻入座揀餸，一如傳聞，呢間陳儀興潮州菜啲價格都幾貴！想試下啲傳統海鮮餸or湯品，但唔係時價就係位上，價格頗剌俐🥲先讚一下餐廳迎客啲鐵觀音功夫茶！甘香潤滑👍，要收費噠，位位@25.-作為精明的美食客，我哋5位睇價揀餸，order了6樣（剔除時價or位計的）1）鵝片 HKD188.- 鵝肉切啲幾薄，滷水味唔重，保留了鵝本身的肉味！但係, 呢度啲鵝片與街坊有質素的潮州鵝相比，並不驚艷！ 同時，餐廳例牌鵝片必定有滷水豆腐墊底，鵝肉量唔多，整體：8/10 分👇🏿2）魚露盡花甲 HKD198.-花甲處理得乾淨，冇沙！賣相唔錯👍，味道中規中矩，也許因為係凍食，我還是鍾意辣炒or清酒煮多啲😅 評分8/10，畢竟有新意.👇🏿3）汕頭煎蠔洛 HKD128.-潮州傳統餸，呢度啲份量好大，蠔餅也厚身. 熱辣辣，其他冇咩特別 ，因為量大，高分啲 8/10 😅 👇🏿4）古法炸粿肉。HKD148.-係用潮州粿粉包住豬肉碎過油炸，真材實料哋豬肉團，好滯！我自己冇食，睇大家也都有啲婉拒，比7/10分啦😂5）方魚炒芥蘭 HK

裝修行古式中國風，牆掛書法，吊上燈籠。茶竟然有菊花，眾所周知唔係處處有。- 排得好靚仲要起哂骨嘅凍魚，油分好夠，超級嫩滑，配埋普寧豆醬無得輸- 有鵝肝鵝腸鵝肉，鵝肝粉粉的完全唔會油膩，鵝腸好甘香，鵝肉亦唔會太乾太老- 好多粒魚丸好彈牙好有魚味，加埋肉碎黃芽白同鮮湯，唔食菜嘅我都好中意- 胡椒好夠辣，越飲越暖身，豬肚又好淋以上餸菜，配上潮州粥同白飯，一流！。服務都好值得讚，話說咁啱落大雨又無帶遮，待應姐姐好細心留意到我哋淋濕晒，即刻俾紙巾同熱茶叫我哋唔好冷親☺️環境有別平時有風味打冷地方，食公事飯或者想坐得舒服啲又想食高質潮州打冷，十分推薦呢間餐廳！

一直都知道陳儀興食打冷好出名，終於係太古個度開左一間分店，當然要去試下啦~我地兩個人去食，分別叫左一個湯三碟餸~一坐低,先來一杯功夫茶~滷水鵝片($188)首先，我地點左滷水鵝片,碟頭充足,鵝片唔會好皮肥,皮下唔會有一大舊肥膏,肉質嫩口,滷汁出色,每一片都好入味,回味無窮~凍大眼雞($398)潮州名菜,大眼雞大大條,配上普寧豆醬,大眼雞肉好鮮甜又結實,好好食呀!胡椒鹹菜鮮豬肚湯($78)食潮州必點既湯,胡椒味唔會太辣口, 鹹菜味道岩岩好,豬肚夠爽口,完美配合厚菇芥菜煲($128)芥菜加上厚花菇,係煲仔度炆煮,上枱時熱辣辣,花菇味煨晒入去芥菜度,真係出街先食到絲苗白飯/潮州白粥($15)咁多餸,一定要叫返飯/白粥送~經典潮州菜令人回味無窮~

話說我係潮州人黎既，所以對於潮州菜都有少少認識。同阿媽食飯好自然都係食中菜多，今次就帶佢去位於鰂魚涌/太古之間既陳儀興尚潮樓食潮州菜~一行到去門口阿姐就好熱情帶我地入座。餐廳裝修都係中式為主，好光猛乾淨。當日坐較入位置冇咁多人，附近有兩大枱人係到聚餐，睇嚟呢度好受啲家庭歡迎。功夫茶一坐低即刻上咗幾杯功夫茶，飲落個味道同我屋企嘅係一模一樣！好回甘。食飯前飲開胃，食完飯飲消滯😂鵝三寶 $298有鵝肉、鵝肝同鵝腸，鵝肉香得黎肥瘦均勻，鵝腸又爽又彈，最好味係鵝肝，口感好綿密，同西式嘅好唔同，呢個完全無油膩感😋凍馬友魚 $398潮州菜經典之一。無加鹽加醋，先蒸熟條魚之後再攤凍。啲魚肉好嫩，加埋普寧豆醬一齊食仲可帶出魚鮮味。不過呢款魚比較多骨，食嘅時候要小心啲啦。潮州魚蛋肉碎煮汕頭白 $208呢個娃娃菜係青綠色嘅，唔係平時食嗰啲黃甘甘。魚蛋好彈牙，份量好多。鹹菜花蛤湯 $78鹹菜胡椒豬肚就食得多啦，鹹菜花蛤都好唔錯。花蛤幾大隻又無沙，碗湯夠鮮。護國菜 $68呢個質地比湯稠少少，飲落係冇味精又好健康嘅感覺，好味。

陳儀興尚潮樓 (英皇道) (鰂魚涌)鰂魚涌英皇道1001號7樓1號舖陳儀興係一個香港老字號，啱啱喺我屋企附近開咗陳儀興尚潮樓，食物混合咗新派同潮菜風格，真係好正啊！我就約咗啲朋友一齊嚟食。1. 頭抽煎鷹倉：呢道鷹倉真係好好味嘅，醬汁有啲甜。鷹倉煎得好酥，啖啖都係鮮嫩多汁，外皮仲有淡淡酒香，好想再食多啲！2. 滷水鵝片：滷水鵝片都好好味，豆腐好滑，鵝肉都好嫩，滷汁都入味，真係好食！3. 潮式魚丸肉碎煮汕頭白：呢個菜真係好特別，魚丸好彈牙，汕頭白同肉碎都吸收咗湯汁嘅鮮味，一齊食真係好開胃啊！4. 20年老菜脯燉豬肚湯：呢道湯真係好香，老菜脯有啲似黑蒜嘅味道，仲有啲黑椒香氣，唔辣又唔膩，豬肚都煮得好軟好滑。好滿足啊！總括嚟講，陳儀興餐廳嘅食物真係好正，每道菜都好好味！佢哋嘅煮法同埋選材都好專業，食物真係好令人垂涎。如果你想試下傳統又有創意嘅香港美食，真係要嚟一試陳儀興餐廳啊！