砵砵車仔麵 (Closed)

講起元朗車仔麵都會先諗起出名到開分店那間，但今次朋友就帶我來食一間叫砵砵車仔麵。我愛食碗仔翅，而砵砵其中一項主打就係三十元一碗的花膠碗仔翅，朋友事前就已經不停叫我一定要叫來食。果然，一坐低睇咗陣車仔麵的落單紙，已經有店員走過來，推薦他們的花膠碗仔翅畀我地。咁好啦，叫一碗講試試佢。而主菜車仔麵的餸款式有好多好多，多到我唔知點揀。所以我同朋友都叫咗幾個餸再交換，咁就可以試多點款啦！花膠碗仔翅先到，有一條size算大的花膠！！都幾抵食喎，三十元就有成舊花膠。當然唔好同上千元的花膠比較啦！但呢舊花膠食落都有馬上提升咗骨膠原的感覺，哈哈！碗仔翅本身都好足料，加埋醋食就最正！另外佢地都有提供麻油，但我個人就唔喜歡麻油所以冇落姐。到主角車仔麵上場啦！同朋友交換咗某部分餸之後，變咗咩餸都有啲咁，好豐富🙂講到我最喜歡嘅餸，就係南乳腩肉同話梅豬手！煮到好腍好滑好入味！正！朋友一向唔食豬皮所以本來打算完全唔試豬手，但畀我極力游說下都試咗啖，食完都話好腍好入味！會食豬手嘅人一定要叫來食！朋友最喜歡就係豬血同冬菇。佢地嘅豬血係堅實點嗰種，唔會溶溶爛爛，朋友話好喜歡呢種口感的豬血。冬菇就煮到好入味同腍，呢個我都幾

放假行過元朗見天氣凍就同朋友是但行入間車仔麵食野暖下身一入去乾淨企理，價錢亦都合理. 首先試左個花膠碗仔翅入面一半就係花膠,大得黎又有口感, 每淡咬落去就好似著住對ULTRA BOOST行路咁, 彈牙得黎又唔會痴牙. 而佢將冬茹同木耳切條加上翅放埋一齊, 令你一啖花膠既軟一啖配料既爽, 就係一碗滿分既碗仔翅。然後, 主菜緊係碗車仔麵, 俗語都有講車仔麵食腸仔丸 不如去打邊爐, 估唔到依間野鋪頭細細餸又唔小, 當中五香牛腩同南乳腩肉仿如玄冥二老, 兩個餸己經差唔多可以打天下, 再加上無根既蘿蔔, 結實既豬血, 同埋爽口既豬肺係旁邊, 正! 最後，叫埋杯菊花露特飲 同 檸茶 菊花露飲落幾清新唔會太甜，平時飲檸茶最怕太澀太甜，幸好飲落去岩岩好！埋單個陣，老闆娘仲好細心咁問夠唔夠食。態度好，食物也不錯，可以 Encore ！

岩岩同朋友踢完波，唔想食飯太飽又咁岩經過想食車仔麵，於是就入去，入到去老闆好熱情好好服務，誠意推介花膠碗仔翅，緊係要試！花膠碗仔翅落足料，有好大舊花膠！食落去好滑口但又唔會過份鬆軟，真心值得推薦！食完翅就食車仔麵啦，有辣汁同沙嗲汁選，餸既話推介麻辣豬肚絲，食得辣既朋友一定要試，非常入味。另外我最愛食車仔麵必選就係豬腸，口感超正，煙煙韌韌，令外要讚的是魷魚，係真正咖哩魷魚，並唔係求其湯水整熟然後淋咖哩汁果種，令外話梅豬手，味道酸酸甜甜，開胃之選。小食方面叫左阿里山茄子，即叫即炸，茄子上面放了老闆秘制醬汁，而袖子蜜雞奕，即叫即炸，食落口甜甜酸酸，因為雞奕係炸，加上袖子蜜，所以食落口無咁熱氣，配搭唔錯！令外朋友叫左店青瓜，本身我自己不好青瓜，但試一試原來青瓜冰冰凍凍，冷食既青瓜好清甜爽口！環境方面，好整潔，地方寬敞坐得舒適，對食物有要求既朋友值得一試！

今日同男朋友放咗工之後就去食下車仔麵🍜真係好耐冇食過啦🐷🐷我哋今次去咗元朗嘅砵砵車仔麵👫一去到就叫左佢地既招牌花膠碗仔翅😋😋真係超足料，睇相都見到佢有好多花膠😋超正😍因為都幾大碗😇建議可以一碗兩份食✋🏻車仔麵當然係狂叫餸嘅時候喇🤤🤤🤤我叫左魷魚🦑芝士丸，鮑汁鳳爪，豆卜，紅腸😳😳男朋友就叫左豬紅，炸豬扒，蘿蔔等等😋炸豬扒超大塊，蘿蔔超入味同埋超冧👍🏻一定要叫呀🙈而我最愛既係佢啲會爆漿既芝士丸，一咬落去啲芝士出哂黎😈我地一人叫左一杯華田脆爆🍹秒清哂兩杯，因為真係超好飲👍🏻華田唔會太甜又多脆脆😻佢地仲有奶茶脆爆，你地試完話我知好唔好飲😝😝真心推薦啊💕鋪頭超有人情味同埋熱誠🔥不斷我哋推薦同介紹佢哋嘅菜式，原來佢哋嘅米粉係經過精挑細選揀出嚟㗎！所以食落去都會覺得特別唔同，特別爽唔會糊狀💁🏻服務質素一流👍🏻希望大家都去支持下呢啲小店啦💕

本身個人都超級中意食車仔麵，每星期都只少食一次，今次就放學後去左試呢間砵砵車仔麵，第一次食，覺得不錯又抵食👍🏻細細間店，地方乾淨利落衛生，店舖裝潢設計簡單，店員友善😃。食物方面:因為個日全日無食到野，勁肚餓，一下子睇中啱食嘅餸就簡曬！款式好多😍基本嘅車餸菜都有！而且仲有一例係非一般必食的，粉腸、話梅豬手、香茅豬扒都有！就叫左個香茅豬扒食，都勁大塊 好味道👍🏻😋湯底款式都好多！我就叫左7樣餸，冬菇、雞翼、芝士丸、雞翼尖、豆卜、菜、魷魚🦑同埋油麵，真係眼闊肚窄🤧份量好足，最推薦嘅係冬菇、雞翼、魷魚。冬菇超大舊😭好有咬口，勁juicy!!!!最好味！雞翼勁大隻，比其他車仔麵大隻好多肉肉好有厚身🤤魷魚有咖哩味，又唔難咬👍🏻麵的份量都算多。另有一個最驚喜的係花膠碗仔翅😳本身超中意食花膠，無諗過車仔麵都有d咁高級嘅食物，花膠好大舊，仲有唔只一舊，幾舊🤤碗仔翅都幾大碗，好足料，味道十足，價格亦相當合理！$30！仲比埋支日本麻油我自己落👍🏻👍🏻👍🏻正！飲品叫左杯華田脆爆，+$12蚊就有大大杯，面頭好多阿華田脆脆！好好味！好甜😋好濃味！另外仲有奶茶脆爆下次要試下先。一間好特別好多唔同野食嘅車仔麵👍🏻

終於去左呢間砵砵車仔麵啦！位於元朗，經常行過！見到佢呢度好似比其他車麵乾淨，所以就決定要試一試啦！入到鋪入面，環境地方比較細，只有幾張枱，但勝在唔太嘈吵，可以安靜咁同朋友食嘢，食番啲香港本土既食物。入面嘢食都幾好食，幾有特式！我朋友係一名素食者，佢叫左好多非肉類食品，例如冬菇，豆卜等等，佢話都唔錯！尤其因爲店裏亦有提供好多醬汁，例如辣椒油，XO醬等等！令素食者都可以食得好滋味。而我呢，就食左店裏皇牌既足料花膠碗仔翅，一個字，正！真係好好味，一定一定要試下啊！另外，阿富山茄子亦係我同朋友最愛！啲似是豉油既汁，令整份茄子更入味，更香濃！仲有，揀嘢食既時候真係超級方便。一張車仔麵紙，自由配搭，剔上想要既餸菜，完全符合每一個既口味。原來佢地仲有砵砵車仔飯，價錢合理，又方便，等我下次放工去試下先!!

早排收工同同事去元朗搵好野食，但對於N年唔入一次元朗既大鄉里，又點知有咩好野食呢？？最尾比我地白撞到呢間車仔麵鋪一開始就比佢門口menu個50蚊花膠翅吸引到入到去佢地個牆掛住左必食推介既牌，我平時都好少留意，但係呢間D牌好靚一入去就緊係要嗌碗花膠翅睇下咩環境先啦！上台既時候真係比佢嚇襯因為都幾大碗下，食完仲洗食麵既？不過佢地真係落吹料，花膠有成手板咁長，而且5係比得一塊就算，有3塊！！！話明碗仔翅，又點止得花膠，爽口既木耳加上一絲絲既雞肉，同埋若即若現既素翅粉絲令人味手指大動。呢碗既翅質地5會太濃稠，食落無想像中咁飽膩，比想像中清得快，而且仲有胃口食車仔麵朋友果碗係清湯底，叫左生菜，粉腸，魷魚，魚蛋同店家自制既原創白榨餃同芹菜木耳餃。白榨餃既涵係大白菜同豬肉，朋友話食落比較脆口，至於芹菜木耳餃就芹菜味好出，但口感無白榨餃好。滷粉腸偷左朋友幾舊黎食，食落完全5韌好入味，而且愈食愈香我果碗就望落吸引得多，腩汁湯底加上話梅豬手，鮑汁鳳爪，大腸，炆冬菇！簡直係無敵組合首先要一提既係佢個湯底，佢個腩汁我飲左一啖已經叫救命，即使5叫餸，有佢個腩汁湯底D麵已經好好食。個腩汁味好出，但濃之餘佢完全5會

今日放假，去元朗逛街，無意中發現了一間叫呠呠車仔麵，感覺個名好得意，便進入去嘗試下！門面和店內乾淨企理，佈置簡單！餐單上的價錢十分合理，款式繁多，還有些是其他車仔麵店沒有的款式。我們叫了招牌花膠碗仔翅，花膠碗仔翅十分足料，內有木耳、肉絲、粉絲，還有兩隻湯匙大的花膠，女生的至愛，店員還跟我們說用很長的時間慢火煮岀來，十分入味，相對街外的碗仔翅，30元的價錢一定食不到這碗用心足料的碗，一定要試👍🏻阿里山茄子（冷盤小食），用上秘制醬汁十分野味，配搭茄子味道一流，值得推介，茄子不會太油膩，醬汁令茄子更入味。醬汁不會太鹹，完全是絕配。非常值得一試！香茅豬排味道雖然普通，但並不油膩。不會食到滿口油。油温控制得剛剛好！抽子蜜雞翼，雞翼大隻，肉質鮮甜，嫩滑，連雞肉都有抽子蜜味，食下去好滋潤，不會搶雞肉的風采，酸酸甜甜十分開胃。店員推薦雜錦油麵，內有魚蛋，豬紅，豬腸，豬皮，豬手，牛腩，餃子，鮑汁鳳爪，羅白等等多種食物，大大碗，味道比起其他店舖更為入味，由其豬手，以話梅來醃製，味道好夾，鐘意食豬手既朋友一定要叫呢個來試👍，另外值得一試辣汁豬肺，本來不喜愛食豬肺既我，比佢既辣汁吸引左，食落去無果種腥味，不錯

今日天氣好凍，諗住去元朗掃街，但係最後放棄左，諗住搵間室內餐廳入去食就算數，我見到呢間車仔麵叫做砵砵幾得意，而且睇落環境都幾乾淨，就諗都唔諗入左去先算。原來佢除咗車仔麵都有飯食，好似幾吸引但都係下次有機會先。佢張剔剔紙都幾多野食，我同友人專登揀唔同，食多d款，而且我地都係無辣不歡，好多野都想試，最後一個沙爹一個咖哩湯底。佢一黎碗麵，最吸引我就係麻辣肚絲，我原本以為係豬耳，但食起黎唔係爽係彈，問左之後先知係豬肚，佢個麻辣汁夠辣夠香愛辣之人必吃，建議未撈均就好食，免得d汁同湯撈埋哂...魚皮餃唔係包裝打邊爐無魚味皮又厚嗰d又多汁，非常加分，其餘ge湯底、菜心同雞翼都合格有餘啊！價錢中上 但食物質素對得起個價錢啊而友人就最欣賞d蘿蔔同辣汁豬肺~~不過我最驚喜反而係個熱飲，可能因為天氣凍啦，蜂蜜菊花茶又暖身又清甜，真係好正，不過我覺得差咁朵假菊花係面囉😂😂

元朗係一個出名多好西食嘅地方，今次我就去食呢間新開無耐但好評如潮嘅地道車仔麵，睇吓係咪真係咁正先。去到門面已經比餐牌同埋招牌吸引，價錢又相宜梗係即刻入去試吓啦！行入去間鋪好光猛整潔，門外仲有個CCTV俾你如果有泊車可以看管着車嘅安全，十分細心抵讚！一坐低即刻試佢嘅招牌花膠碗仔翅，一食起已經有三舊大大嚿嘅足料花膠，碗仔翅亦都好香，十分十分之足料，呢個價錢食到呢個品質真係無得輸！之後就叫嘢食，當然一定要叫王牌嘅香茅豬扒同甜酸正齋，亦都有叫其他正野碗面未埋到枱，已經聞到各配料嘅濃烈香味，碗麵埋到你面前當然熱辣辣同十分大碗，好抵佢嘅王牌豬扒外皮十分脆口，豬肉亦都相當多汁真係無得輸！甜酸齋就當然煮得更加出色，甜酸度恰到好處令人忍唔住再食多幾舊！最後，咁凍嘅天氣就叫咗兩碗熱飲，分別係菊花蜜同柑桔蜜，兩碗飲品甜度十分適中，而且熱辣辣，送到埋你仲有煙𠻹！呢間地道車仔麵，真係無得輸，無論幾時食你都會覺得正，我相信好快我又會再去幫襯！

好耐冇入黎元朗覓食啦，今日甘岩行過鳳琴街見到有間新鋪，睇落幾企理，又見好耐冇食過車仔麵，就search左下間餐廳，見評價吾錯，決定同朋友一試！見到餐牌有四款特飲，菊花露，洛神花蜜，柑桔蜜同埋韓國柚子茶。我同朋友就簡咗一人一杯菊花露，個菊花路真係幾清甜，如果夏天飲就更解渴啦我地一人一碗面，叫左碟油菜，同碟豬扒，仲有見店員極力推薦碗碗仔翅，話係必食，我地都叫左碗share，真係要比一百分！份量多，最重要係足料呀！兩大塊花膠係面，個底仲有，食完痴實個嘴，即時覺到補充番晒骨膠原，大滿足！油菜落既蠔油岩岩好，吾會多到好咸，好新鮮，最中意啲菜夠嫩！塊香茅豬扒都好香，好重香茅，完全吾省料，吾會炸得太乾身，肉質夠嫩滑！我極力推薦大家食佢嗰啲蟹子丸同埋芝士丸，真係好正！食車仔面梗係要食番粒丸啦！個老細都好大方咁拎支麻油俾我哋任落。我最鐘意呢道嘅餃子，叫左個芹菜木耳餃，食咗一啖精神為之一振，用料新鮮，超爽口，入面芹菜同木耳嘅比例岩岩好，加埋係手作嘅，真係誠意十足。講番我地碗面先，我叫左豬腸、牛腩、牛筋、雞翼、雞翼尖。其實每樣都好好食，豬腸爽口無渣，洗得好乾淨呀，又吾會成舊肥膏，吾會食到好膩。牛腩、牛筋切到

講到元朗車仔麵，大家可以發掘下不少其他用心小店，唔洗排隊，坐得舒服，最緊要係店中每位都好親切，好nice。今次我食嘅車仔麵叫砵砵車仔麵，一嚟餐廳職員就介紹我食花膠碗仔翅（$30），勁足料。啖啖食落都有料，份量足，味道夠，值得推介。然後緊係要點杯野飲啦，叫左杯得意d嘅野飲，叫華田脆爆（$12），要左少甜，當然都係阿華田嘅味道，但上面加左d朱古力脆脆，都幾好味。到主角車仔麵喇，我要左粗麵，豬紅，豬腸同冬菇，加要雲南酸辣汁，加埋$36，大大碗。冬菇用秘制醬汁整，好入味，豬紅豬腸真係車仔麵必食嘅配答黎，超正，份量又多。最重要係個雲南酸辣汁，個汁蒜味重，酸酸甜甜，好開胃，我就覺得一d都唔辣，再辣d會開心d。清哂台面嘅野之後，真係勁飽。好滿足，又平又抵食，大家得閒都試下小店啦，媲美到名牌車仔麵店嫁。

因為由細食車仔麵食大嘅我 有新開嘅車仔麵店梗係要捧下場啦 呢間砵砵車仔麵開咗冇耐 已經好多雜誌訪問 今日就嚟食下睇下佢有咩咁巴閉喇 我同朋友七點鐘左右嚟到 人唔太多裝修比較家庭式 坐得迫少少叫咗個花膠碗仔翅share食 大大碗入面有兩舊幾大舊嘅花膠 上面嘅翅仲超豐富 碗仔翅味道似街邊食嘅 雞湯味亦都好濃 不過偏鹹 花膠煮得好淋夠入味 膠質好豐富 食完即刻覺得皮膚好咗 哈哈 翅都好夠咬口 條條牙籤咁粗 呢到主菜車仔麵 我就叫咗個油麵底 配咗酸梅豬手 麻辣豬肺 甜酸齋同埋豬腸 加腩汁 酸梅豬手有兩大舊 啲皮係橙色 超入味同‘炆得好林 真係有大大粒酸梅 食落口味酸而且甜甜地 完全唔覺得有膩麻辣豬肺真係幾辣 豬肺冇腥味冇揸 而且炆得好林 口感特別酸甜齋同喺齋舖食嘅有分別 感覺冇咁油 但係甜酸味道好濃 麵筋好有咬口 豬腸係用咗鹵水汁去整 份量都幾多 入面洗得好乾淨 鹵水整得好入味同埋好冧 油麵好彈牙 加上腩汁嘅湯底夠曬惹未有華田脆脆既凍華田 口感好特別 阿華田味超濃

  元朗好多好嘢食就係人都知，今日同朋友一行兩個人嚟左依間叫呠呠車仔面，一人叫左一碗車仔面，仲特别想試佢地餐廳嘅花膠碗仔翅。因為本人真係好中意食碗仔翅，特别係有誠意、有特色嘅！落左單唔夠兩分鐘，一大碗花膠碗仔翅就送到啦！我同同行朋友都係女仔，見到咁大碗，即刻大叫好彩只係叫左一碗，如果一人食一碗，真係驚食唔哂呀！碗仔翅好足料，好鮮味，鮮味到嗜醋嘅我唔捨得落醋，食哂。入面嘅冬菇唔係好大隻，好屈機！一定要提碗入面每一舊都有兩三隻湯羹咁大嘅花膠，足足有兩大舊。花膠真係女生最愛！低卡、大量骨膠原，食左面仔俾骨膠原充滿，脹卜卜。一路食，有街訪特登嚟買碗仔翅外賣返上樓食，就知佢個翅真係遠近馳名！老闆細心，見我同朋友食完翅，就拎我地order左嘅車仔面呢到枱度。我同朋友第一次嚟，緊係主力試佢地鋪嘅自家製車仔餸，五香牛腩、話梅豬手、香茅豬扒、仲有南乳腩肉。五香牛腩真係好入味，香料味好好但唔會蓋過牛嘅清香；話梅豬手好有特色，甜香、肉香、口感爽跪；本人大推香茅豬扒，點解可以咁好味咖？連豬扒肥肉部分炸得剛剛好，入口即熔，食完成碗面仲係跪身咖！南乳腩肉好好食，好多舊，好滿足。下次一定會再嚟！環境乾淨，好坐，鋪頭

今天在元朗返工，就約了朋友去吃車仔麵。聽說砵砵車仔麵平靚正，環境舒適，決定一試。我們先點了一碗碗仔翅，這和我們平常吃的不一樣，這是因為加了一大塊的花膠在裡面，非常滋補養生。我們還滴了幾下麻油，特有的麻油香味和稠稠的碗仔翅很配。只需$30就可以有一碗足料的碗仔翅，很值呢！我和朋友各點了一碗車仔麵，我選了河粉，湯底是雲南酸辣汁，至於菜款，點了辣汁豬肺，辣辣的很開胃。很大個的秘制冬菇，惹味的話梅豬手，還有鮑汁蘿蔔都是必試之選。朋友就點了腩汁公仔麵，選了豬紅、鹵水雞翼、芝士丸和鮑汁鳳爪，朋友吃得很滋味！另外小食香矛豬扒煎得剛好，有肉汁，很好吃。柑桔蜜和洛神茶是必點的滋補之選。最後，我和朋友吃飽飲足，對這一餐很滿意，下次還會再光臨砵砵車仔麵。