砵砵車仔麵 (Closed)

終於去左呢間砵砵車仔麵啦！位於元朗，經常行過！見到佢呢度好似比其他車麵乾淨，所以就決定要試一試啦！入到鋪入面，環境地方比較細，只有幾張枱，但勝在唔太嘈吵，可以安靜咁同朋友食嘢，食番啲香港本土既食物。入面嘢食都幾好食，幾有特式！我朋友係一名素食者，佢叫左好多非肉類食品，例如冬菇，豆卜等等，佢話都唔錯！尤其因爲店裏亦有提供好多醬汁，例如辣椒油，XO醬等等！令素食者都可以食得好滋味。而我呢，就食左店裏皇牌既足料花膠碗仔翅，一個字，正！真係好好味，一定一定要試下啊！另外，阿富山茄子亦係我同朋友最愛！啲似是豉油既汁，令整份茄子更入味，更香濃！仲有，揀嘢食既時候真係超級方便。一張車仔麵紙，自由配搭，剔上想要既餸菜，完全符合每一個既口味。原來佢地仲有砵砵車仔飯，價錢合理，又方便，等我下次放工去試下先!!