沙田新強記燒鵝海鮮酒家

Open Now

Now Closed

同屋企人去開沙田，想搵間中式嘅酒家食晚飯。即刻諗到新強記。呢度最出名就係乳鴿同埋燒鵝，兩樣都皮脆肉嫩。特別鍾意食呢度嘅燒鵝，好有鵝味！來到沙田，梗係要食沙田雞粥。雞粥味道好有鮮味，應該係用咗新鮮雞，啖啖都令人回味無窮。咕嚕肉亦都係我平時食中菜必點，配埋菠蘿，味道酸酸甜甜，送飯一流。椒鹽豆腐炸得外脆內軟，令人食唔停口，落左椒鹽好惹味，不過記得要趁熱食，風味更佳 ！除此之外我哋仲食左炒飯同埋菜。炒飯炒得幾乾身，而金銀蛋炒莧菜我都好中意，好有家常菜嘅風味！

沙田新強記雞粥（大）提起沙田雞粥，一定諗起新強記，D懷舊感覺返晒嚟！粥底口感香滑軟綿，很有底味，雞肉有鹹香味，新鮮嫩滑不嚡口，且份量也不少。新強記燒鵝王（例）嚟到新強記招牌燒鵝亦係必食之列。鵝皮脆香，肥瘦分佈適中，食落有鵝味，肉質不韌不乾。金牌燒乳鴿（兩隻）招牌乳鴿上枱時已每隻一開四，方便食用。BB乳鴿皮薄，炸得香脆，肉雖不多但肉嫩汁多，個人不愛蘸淮鹽，乳鴿底味已鹵得剛好，不會過鹹。菠蘿生炒骨呢味經典家常小菜酸甜可口，最啱呢個炎炎夏日食，老少咸宜。排骨炸得爽脆肉嫩，糖醋汁甜酸度造得恰到好處，再加入菠蘿及燈籠椒，除了賣相吸引外，佐飯亦一流。椒鹽脆豆腐簡簡單單嘅硬豆腐外皮炸得金黃酥脆，加上椒鹽後更是美味可口。金銀蛋浸時蔬呢味家常小菜消暑清甜，青莧入口嫰滑，加入蒜粒、皮蛋粒及咸蛋黃粒，更加惹味。瑤柱蛋白炒飯個人最喜歡呢度嘅炒飯，飯炒得粒粒分明很乾身，不油不膩，蛋白滑溜不過老，有瑤柱香味。

大圍出名多好野食😋Lunch約埋同事一齊去試下出名雞粥乳鴿的新強記覓食先～位置勁方便，正正在大圍站對面。坐低二話不說先點乳鴿+雞粥先，再略略加多幾個點心炒米粉，夠飽啦！先講乳鴿，酥脆好味，燒得剛剛好，唔洗點調味料已好入味好正，識食必須用手拎起食，先食到當中的風味，同事點名要Encore美食然後再講雞粥，好足料啊！舊舊雞啖啖肉，難得用來煲粥後依然食落有雞味，肉質嫩滑，粥底夠綿，唔覺意就食左兩碗，係正嘅！然後點心都唔錯㗎！飲茶必點燒賣，大大粒又唔會話好粉，真材實料，讚👍🏻 另外金錢肚亦必讚，唔韌入夠味，喜歡💕食飽後當然仲要食埋酒樓招牌的綠豆沙糖水先好走啦！重點是免費架嘛～重拾兒時回憶陪阿媽飲茶的糖水🤪

一直對沙田新強記略有所聞，細細個已經聽過呢個名，今日終於有幸同朋友泥到新強記😜➡️滷水鵝掌翼 🐦先來一碟前菜，鵝掌翼滷得入味，而家比較軟淋，拎泥送啤酒確實唔錯🍻➡️四川辣子雞丁 🐓辣子雞丁炒得有鑊氣，傳出傳陣夠嗆夠辣的味道，鍾意食辣嘅朋友不能錯過😎➡️蜜汁叉燒皇 (例)🐷叉燒例牌超級大份，半肥瘦叉燒，外皮少許帶焦，蜜味十足，咬下去非常鬆化，送飯一流😋➡️豉油王海蝦🦐 $88 一份，這個份量可以接受。海蝦過油再拎去炒，海蝦的殻恰似脆片一樣，成隻都可以進食，連殻都可以食埋😳最後仲有紅豆沙送，作為一個晚餐的完美結尾😍

沙田老鋪，多年歷史，沙田人一定認識既餐廳 - 沙田新強記燒鵝海鮮酒家。環境裝修雅緻，而且座位寬躺，與朋友相聚嘅好地方。✔️爽皮燻蹄 (HK$45) 🐷首先叫個前菜，燻蹄份量都幾足，配上酒家特製的酸辣醋汁，作為開胃前菜不過不失🤗✔️椒鹽九肚魚 (HK$98)九肚魚外脆內嫩，魚肉保持鮮嫩，細骨不多，咬下去軟綿綿，扺讚👍✔️沙田新強記雞粥 （例）(HK$98)重頭戲當然係沙田雞粥，滑雞配上絲苗米滾出泥既粥，香氣迫晒出嚟，而且雞件肉質嫩滑，碎骨不多。雞粥滾到入哂味，而且夠綿滑，配上蔥花一流✔️欖菜肉鬆四季豆 (HK$98)四季豆都能炒至水份收乾，炒得乾身而不油膩，送飯一流🍚今餐食得好飽，開心滿足，係幸福嘅味道😇

遲收工又唔舒服嘅日子，本身冇乜胃口食飯，但成日翻屋企都見到呢間，決定自己一個人試試先，入座後有個姐姐特別熱情！睇到我唔舒服仲介紹我點一人雞粥！食完真係好暖胃！推薦一定要點雞粥！好好味啊！加左麻油，好爽口，唔舒服黎一口正到爆！仲有乳鴿！唔使其他調味料！酥脆！不過最好係要切，費事上手剝點了道泰式酸辣鳳爪，推薦還是打包吧，黃瓜太少了，拍點黃瓜絲進去泡著很好吃！點了個招牌燒鵝例牌，趁熱吃！皮是真脆！不過甜品紅豆沙有點普通

今次去到大圍覓食新強記系大圍火車站對面的位置由火車站G出口經過行人天橋再跨過對面馬路記就到 路程只需要3-4分鐘店舖裝修保留傳統酒家的味道～紅色地毯配上水晶吊燈 有一種華麗既感覺牆中亦有一幅很巨型的山水畫 非常有氣派食物方面 今次主要叫了一份「龍躉兩味小菜套餐 」，有粟米龍躉班塊 同 金蒜蒸龍躉頭腩 然後再叫左菠蘿生炒骨，椒鹽九肚魚，只需要$498 非常抵食首先上台的是粟米龍躉班塊，每塊龍躉班塊都很大塊飽滿，而粒粒金黃色粟米芡汁掛在每一塊炸香了的龍躉班塊表面，味道有濃濃的魚香，肉質結實而又不會太老其次就係菠蘿生炒骨，每一粒的生炒骨都掛滿酸酸甜甜的醬汁，肉質彈牙亦有小量的軟骨，口感非常豐富碟上配有黃色的菠蘿、加上紅色及綠色的燈籠椒，色彩非常豐富，酸酸甜甜配上白飯非常一流另外金蒜蒸龍躉頭腩報上滿滿的蒜蓉炸蒜，非常香口，龍躉頭腩肉質非常嫩滑，重重的骨膠原感覺，不得不提到底部的粉絲，吸了龍躉的精華及濃濃的蒜香非常香口最後不得不提既系椒鹽九肚魚，香脆得黎又不失九肚魚的嫩滑肉質，配合淡淡的椒鹽味道值得一讚店員在進餐過程中 好體貼咁定時更換骨碟及添加熱水，最後仲贈送左紅豆沙糖水，非常窩心。紅豆沙糖水

平日夜晚直接walk in都有位，一行四人叫左個4人餐再另外加左個雞粥同乳鴿，勁飽！餐廳好有人情味，店員部長全部都好好傾，好有禮貌，食完飯仲送糖水。4人餐$498(幾抵食)粟米龍躉班塊(4/5)，龍躉一上枱熱辣辣，炸到個皮超脆好香口，好好食，雖然粟米唔算好多，但係都夠撈飯。金蒜蒸龍躉頭腩(3.5/5)蒜蓉同粉絲係完美嘅配搭，雖然多骨左少少，但都好好味。魚湯腐皮浸時蔬(4/5)我哋揀咗菜心，成個菜好健康，魚湯飲完都唔會口渴。菠蘿生炒骨(4/5)成個餸每一樣嘢食都好好食，生炒骨，菠蘿，青椒，全部都唔會太鹹，調味啱啱好。沙田新強記雞粥（例)-$98 (4.5/5)無得輸既雞粥，好香雞味，又唔油，4人食都夠！金牌燒乳鴿-$48(4/5)果然係金牌，燒得好香，雖然唔係好大隻，但都有肉食！總結: 老字號，好推介帶屋企人嚟一齊去食。

今日去到大圍食飯，選擇左一間叫新強記餐廳。當然叫了最多人推介既雞粥啦。另外仲叫左一隻乳鴿同時蔬雞粥（例） 98$金牌燒乳鴿 48$/隻魚湯腐皮浸時蔬 98$雞粥都幾大鍋，雞件數量還可接受，感覺主要是雞胸件，雞粥都煲得好綿好入味有雞味。至於乳鴿都燒得好香脆，不會瘦弱無肉，味道亦很好另外魚湯腐皮浸時蔬，今次時蔬叫了菜心，魚湯配上菜心很清甜爽口。

呢間係我返工附近 一直都好想帶屋企人過嚟試吓聽聞佢哋嘅燒鵝同乳鴿非常之出名😂真係聞名不如見面！！呢間雖然系用酒家嘅形式 環境同普通酒樓冇分別 價錢亦都唔貴 一定要試吓佢哋嘅湯😍香到隔籬枱度問店員呢個係咩湯😂呢款係羊肚菌燉雞湯 一盤可以飲到每個人三四碗😂都只不過係$168 真係好抵飲 裏面仲有半隻新鮮雞 同埋羊肚菌！呢度嘅乳鴿好出色 真係要試吓 我哋三個人叫咗兩隻share 乳鴿好鮮嫩 肉質唔鞋口 最緊要係燒得卜卜脆好香口 肉質必晒出嚟！九肚魚見到都吸引 炸粉好薄之餘 魚肉嫩滑無骨 真係必食推介！屋企老人家鍾意食啲簡單啲嘅嘢😂😂叫咗個南乳齋煲 裏面啲腐竹、粉絲、西蘭花、木耳同香菇都好新鮮 味道濃郁 撈飯食簡直一流！食到最後 店員會奉上紅豆沙/綠豆沙 飽飽好滿足！

⭐️沙田新強記燒鵝海鮮酒家⭐️📍: 大圍積運街2-8號海福花園47-50號地鋪⏰:8:00am-3:45pm; 5:30pm-11:00pm屋企人一向都好鐘意食中菜，今日去左大圍呢間人氣燒鵝海鮮酒家食中菜，🐓羊肚菌燉雞湯 ($168)食中菜我地多數都會叫個燉湯，好似平時食住家飯飲啖靚湯咁，我地揀左羊肚菌燉雞湯，真材實料，湯頭清甜有淡淡菌香，飲多幾碗都得😋😋燒鵝乳鴿小菜套餐 ($398)呢個小菜套餐可以一次過試哂佢地既招牌菜，有燒鵝皇 (例牌)、金牌乳鴿兩隻同兩款小菜，性價比都幾高🌟新強記燒鵝皇 (例)燒鵝皮燒到好有光澤，帶有淡淡既煙燻味，肉質厚實有嚼勁，肥瘦適中唔會好漏啱哂我😍燒鵝汁都好正，送飯一流👍🏻👍🏻👍🏻🌟金牌燒乳鴿 有兩隻乳鴿切好八件唔洗爭，乳鴿皮脆卜卜，肉質鮮嫩多汁，點埋淮鹽就最perfect💯🌟椒鹽九肚魚小菜方面我就叫左個椒鹽九肚魚，上枱熱辣辣聞到好香，炸得非常酥脆，魚肉好鮮嫩，香口惹味十足🥰🥰🌟南乳粗齋煲食左咁多肉要叫返個蔬菜平衡返，揀左呢個南乳粗齋煲，份量都幾多，南乳味香濃，尤其係枝竹最好食，吸收哂南乳汁既精華，好開胃😍食到最尾仲有糖水送，咁近我下次夜晚可以再黎食中菜😄#香

一直對新強記燒鵝所有聽聞，今日專程陪男朋友嚟大圍整車，順便喺呢間餐廳飲茶。男朋友一坐低就叫咗個叉燒切雞飯，佢嘅燒味真係值得一讚，叉燒帶點焦黑嘅邊位食落香脆，而切雞嘅肉相當之嫩，配飯一絕！另外梗係唔少得品嚐佢嘅新強記燒鵝王，一放入口就食到鵝油嘅香，而且好多肉汁，皮薄唔肥膩。點心方面就叫咗：潮州蒸粉棵、蜜汁又燒包、金珠鹹水角。粉棵好大粒，入面加入左花生、芫荽、馬蹄，非常足料，另外蜜汁叉燒包非常鬆軟，食落甜甜地；至於鹹水角，外脆內煙靭，鹹中帶甜！

係大圍站D出口一出，之後上天橋看到酒家嘅蹤影，因為有一排紅色嘅大燈籠🏮掛左酒家嘅門口，好特別！入到去也有一種懷舊7,80年代酒家嘅感覺，雖然有懷舊feel但都好乾乾淨淨，而且很光猛💡🔸麻香海蜇頭 $48我個人覺得夏天食呢一道餸係好透心涼😆海蟄既營養成分都高，有清熱，化痰，消積，通便之功效。海蜇頭好爽脆，香味突出辣辣地，係接受到的辣味。🔸金牌燒乳鴿 $48乳鴿新鮮熱辣辣，皮脆肉嫩多汁😋🔸沙田新強記金牌咖哩皇（牛腩） $108招牌牛腩，不像西餐一樣香濃的汁，咖喱牛腩煲漫漫長夜慢慢吃～這店子讓牛腩鬆軟～好吃之秘訣來了！ 朋友說就是煎完取出之肉塊要立刻放入冰塊水裡浸泡，有多了前置手續，煮出來的咖哩牛腩會軟嫩又有彈性喔，做到港式餐廳咖哩香濃牛腩，棒🔸炸大腸 $98炸到金黃脆邊，盛起稍涼切件，隨意加上芥末/甜醬/辣醬即享用，味道真的不錯！脆皮炸大腸跟街頭炸大腸的不一樣，吃得到用新鮮大腸～加上師傅技巧～棒.🔸盤龍鱔 $167相信不少人也喜歡吃鱔，也想了解一下如何處理一條鱔。這次朋友介紹的這店，豉汁蒸鱔這道菜式，材料包括鱔、豆豉、果皮、蒜頭，鱔片不會太薄，每塊約半吋左右，其間腸臟亦去走。鱔片與調味料拌

去大圍探朋友，之前都係下午過去，朋友就帶我地去新強記嘆點心同大圍三寶，佢既乳鴿真係一試難忘，皮脆肉嫩多汁，食到停唔到口~今次晏左入去，所以去食晚飯~我地叫左個$498餐，另外加白飯~套餐包括大班兩味，要自選兩款小菜~翡翠炒龍躉斑球斑球大件肉厚味鮮，配以甜豆彩椒，以xo醬爆炒，又鮮又香，非常惹味。金蒜蒸龍躉頭腩肉質紮實啖啖肉，粉絲吸收了魚油與鮮味，好吃~西蘭花炒雞片調味跟炒斑球是一樣的，同樣是以xo醬爆炒，嫩滑的雞片配以西蘭花，彩椒，惹味。梅菜扣肉煲肥瘦均勻，肉質鬆化。梅菜扣肉，一定要一山白飯，很下飯！另外仲有燒鵝乳鴿套餐，$398跟兩個自選小菜,很實惠！也有其他套餐供選擇~散叫亦可。今晚大滿足

是晚約三五知己酒局，已經唔係第一次嚟，鍾意呢度小菜有咁上下水準又唔貴，唔使就住嚟叫。見隔離枱碟燒腩仔幾靚仔，我又跟機叫咗碟。 燒腩仔冇肥膏就唔好食，但成口油我都麻麻哋，呢度就恰到好處，夠油潤但都係以瘦肉為主，啱晒健康嘅我。見到餐廳名就知道冇可能唔叫燒鵝皇，真係冇失望。 滿足到我想食燒鵝髀嘅渴求，同埋最鍾意食得層皮嘅位，特別甘香脆口，肉薄得黎幼嫩入味，過癮。炸鮮魷有大排檔風味，脆口乾爽，加少少避風塘炸蒜好香，送啤酒一流。