沙田新強記燒鵝海鮮酒家

Open Now

Now Closed

老伴話想食大圍新強記， 咁我梗係陪啦。首先試下個馳名燒鵝先啦。 比想像中好食。 上次喺深井食過的一間燒鹅 餐廳 唔係幾滿意，今次有點超出預期。鹅肉好軟熟， 唔靭唔鞋口，調味都不錯， 令人有想一口 接一口嘅感覺。 另外點嘅係 招牌雞粥。幾夠味，雞肉唔鞋。 小菜有菠蘿咕嚕雞球。 老伴和我一致認同， 呢個係好食嘅咕嚕雞。首先係份量十足，而且即炒好有鑊氣。 冇骨嘅雞球好容易入 ，估計用雞扒起肉， 所以食落好滑。最重要係冇雪藏味！ 咕嚕汁酸酸甜甜好開胃，出色!燒鵝幾好食 ，有啲唔夠喉，所以 叫多咗兩隻乳鴿，又幾好食喎 。外皮香脆 ，內裡肉嫩。 椒鹽鮮魷外表唔太吸引 ，感覺炸皮可能會太厚。然而食落去又是另一回事 ，都做到香酥嘅感覺。食物和服務都幾超出預期，很不錯。

火車經過大圍成日見到樓下新強記 大紅燈籠高高掛的門口，一直都想試下。今晚終於約咗朋友嚟食晚飯。其實都幾近車站，都幾方便。一入去，阿姐就好好招呼，係親切的招待，第一印象良好。我哋揀咗2人餐有例牌燒鵝兩隻乳鴿招牌雞粥兩個小菜唔知係咪好耐冇食燒鵝，我覺得呢度燒鵝好好味！肉質嫩滑，夠入味但唔會過鹹，唯一係個皮雖然好香，但唔算好脆。話朋友鍾意佢嘅乳鴿，即刻炸起好新鮮，肉質都唔錯，唔會乾柴。招牌雞粥好夠味呀！ 好多料，雞肉好滑，呢樣真係唔係間間可以做得到，果然名不虛傳。 不過，由於有其他餸菜，兩個人食一碗例牌，都真係比較多。而且食得多會覺得有點鹹，下次可能會請一位嘅份量就算啦。椒鹽鮮魷呢間既做法同我想像有點出入， 不過都ok好食咕嚕雞球看雞球嘅形狀以為不好吃，點知出乎意料咁好食。雞塊帶一點脆皮，好處係咬落有脆口，又不會過厚，又食到啖啖肉。個汁都調配得好好，酸甜平衡度做得非常出色。整體嚟講，呢一餐好滿意。

新強記為一老字號海鮮酒家，由大圍火車站只需5分鐘到，都算交通方便，入到酒家已坐滿人，裝修簡單，價錢亦因此降低，當中亦不小既懷舊點心，例如：鮮豬潤燒賣、百花釀魚肚、古法燒腩卷、懷舊糯米包、肉骨茶小籠包等等但當然以燒鵝乳鴿為名，而枱枱都機乎見到有燒味、燒鵝時，我又點能夠唔叫嚟食吓呢😁燒鵝食落鵝皮香脆, 食落有油花, 肥而不膩, 燒腩仔香脆, 惹味可口, 乳鴿肉多汁鬆軟、外層好脆👍🏻點心方面都叫咗不小，最驚喜係鮮豬潤燒賣、同我兒時回憶既芝麻菲林卷🤣，呢兩樣都唔知機耐無喺酒樓見過，真心懷念，今日過足癮，食個痛快😁

傳統酒樓所剩無幾，新強記難得依然大紅燈籠高高掛，唔係新式餐廳同樣放一排就可以模仿到既韻味。酒家外紅牆綠瓦，照射著金漆招牌既鵝同店名，別具霸氣，離遠係火車站一望就見。內裡廣闊寬敞，有著如桂林山水既巨型掛畫，懷舊氣氛何處尋。如果有外地朋友黎香港玩或者回港探親，首選一定推介新強記~新強記燒鵝皇皮薄身脆，部份中間隔著一小層膏，難怪件件多肉都仍然咁嫩滑！最好最靚既燒鵝就應如此！金牌燒乳鴿乳鴿香噴噴，燒到色澤紅亮香酥，肉滑多汁唔乾身。唔叫就好似無黎過新強記一樣！椒鹽九肚魚係我最愛既菜式之一，九肚魚大塊，外皮香脆。魚肉既比例比一般的多，所以會食到中間質感軟嫩既魚肉~ 食極停唔到口！香桃咕嚕肉大碟得黎仲啖啖肉，酸酸甜甜好餸飯~最後仲送左個糖水，紅豆沙真材實料，滋潤不甜膩，仲有淡淡果皮香, 秋天到食番碗岩哂~咪諗住係老字號就一定係老奉串串貢，呢度既夥計個個都好nice 有禮，酒家範圍連洗手間都好企理乾淨！

性價比：7.5/10 (但燒鵝飯9分!)人均消費：$100美味指數：❤️❤️❤️ (燒鵝飯係❤️❤️❤️❤️❤️)突然好想食燒味，但只想食有質素嘅燒味，於是決定試吓傳說中話燒鵝好食既新強記，大圍站G出口一分鐘就到。👉🏻 #燒鵝飯 ($68)OMGGGG!!!! 係近年食過最好食既燒鵝之一，皮脆得嚟有保留少量油脂，每一啖都係滿滿既鵝油香，撈飯一流。本身預期只係鵝肉六至七件，但竟然發現另外舖上六片鵝皮，成件事超抵食～呢碟性價比滿分👍🏼👉🏻 #蜜汁叉燒 ($68)之前睇 IG 食評表示叉燒唔錯，但今次發現有三分一既肉係硬到咬唔到既，蜜汁亦唔夠香。叉燒都係要幫襯大圍小館至得😂👉🏻 #炸雲吞 ($28)有三粒，正常發揮，純粹過口癮。👉🏻茶芥 ($12 一位)茶既質素唔好要求太多🤣

沙田大圍的新強記，坐火車時都會都見到，招牌非常觸目，所以今日來到沙田，就專程到來食 。餐廳一整個大廳都好寬敞舒適，門口見到一片紅的燈籠，好有氣氛。椒鹽海中蝦$138 海中蝦經輕走油，近蝦尾的位置炸到連殼都帶點脆，去殼後啖啖肉，很鮮味，配上椒鹽及蒜粒，香香辣辣，更為惹味！鹵水鵝掌翼 $58 鹵水鵝掌翼份量都算多，鵝掌翼味道帶點甜，夠腍又夠滑的。金牌燒乳鴿$58沙田乳鴿最出名，當然會要個乳鴿，乳鴿外表炸到啡金色，肉質嫩滑多汁，真的很香口。食完後，餐廳還送上海帶綠豆糖沙甜品，頗大碗，綠豆軟綿很香，不會太甜，食完煎炸餸，配這個海帶綠豆沙甜品真是絕配。

現在改上夜班，那平日就可以約約朋友一起去酒樓喝個中午茶，吃個點心！重點是平日又會比較便宜！新強記燒鵝飯（58元）平日午市優惠會便宜10元的！今天運氣不錯，拿到燒鵝腿的位置，吃起來肉質彈牙，鵝香十足，而且挺多肉汁的，特別是帶點肥的部份，真的是肥而不膩，吃起來滿口油香，燒鵝的香甜口味！酸梅汁的梅香挺突出的，配起來也很解膩！新強記蝦餃皇 ( 特 ) （30元）很多地方都是一籠三件的，但這裡是有四件，這個真的好評，剛好一家四口每人都吃到！蝦餃挺足料的，每個至少有2個蝦仁，搭配了小量得豬肉，吃起來鮮甜爽滑，帶點肉香！豉汁蒸鳳爪 ( 中 ) （25元）這個吃起來非常濃香，每隻鳳爪都煮得非常軟糯，配上惹味的豉汁，吃起來也不會太鹹，份量也不錯！蟹子燒賣皇 ( 特 ) （30元）這個豬肉跟蝦肉的份量差不多，兩種不同口味和質感都能吃到，不過這個的豬肉也是非常有彈性的，這個就會有更多的肉香！薑蔥牛柏葉 （ 大 ） （28元）這個滿滿的一大碗，不單有牛柏葉，還有大量得薑蔥和西芹，吃起來味道清爽，薑蔥惹味，牛柏葉爽滑嫩的！陳皮紅豆沙 ( 小 ) （17元）這個吃起來紅豆味非常香濃，質感綿滑，有陳皮香味！脆脆紅米

好耐無嚟飲茶，今日同屋企人嚟飲下午茶！貪呢度方便，多點心揀，最緊要係突然好想食乳鴿同雞粥。下午茶2點開始，有下午茶🫖孖寶好抵食！$18.8一款，$28.8有兩款！揀咗菜苗餃及牛肉腸粉。菜苗餃一籠有3件，好大件。入面爆滿菜苗，有蝦。牛肉腸粉牛肉餡飽滿，腸粉幾滑。呢度招牌雞粥配金牌燒乳鴿，絕配！雞粥一碗已夠兩個人食到飽飽。雞粥夠綿滑有雞味，入邊仲有好多雞。乳鴿新鮮外皮香脆，啖啖肉！小食叫咁蜆介鯪魚球熱辣辣，啖啖魚肉，點埋個蜆介鹹鹹地唔錯！椒鹽豆腐勁大碟，炸得好香脆！叫返個白灼菜心，夠健康。傳統糯米包呢度都有，一份有三件！黃黃嘅皮入邊包住飽滿嘅糯米，煙煙韌韌！

前排同屋企人晚上食飯傳統粵菜係佢地嘅至愛大圍新強記正好滿足到佢地嘅需要晚市乳鴿燒鵝套餐，連兩個小菜簡簡單單都唔算貴最重要地點方便就腳一出地鐵站就係。加上餐廳地方寛敝，一大幅壁畫仲提醒番我以前踩完單車屋企人總會黎呢到開餐，香港情懷，我愛。-乳鴿燒鵝二人套餐包兩隻乳鴿，燒鵝同兩個小菜，小菜款式多，有肉有菜，大眾化粵菜老少咸宜。兩隻乳鴿剛剛炸起，滷水咸香有序皮脆肉嫩，外皮色澤仲要閃閃發光，入口肉嫩唔覺霉。-燒鵝都一大碟，一睇外皮就知燒得靚鵝肉肉嫰，油香滿滿外皮食落仲要超脆。-小菜簡單叫左生炒骨及海味粉絲煲生炒骨落鑊炸至金黃鬆化酸甜汁調較得好,開胃下飯。-海味粉絲煲都超多菜魷魚乾蝦米仔增加左成個煲的咸香。-黎得新強記梗係要叫埋雞粥熱騰騰的雞粥正合初秋的季節雞汁精華就用來煲粥，加埋滿滿酒香每一口都能吃到滿滿的雞香最重要係雞肉嫩滑唔會柴仍然係記憶中的沙田雞粥啊～

食得新派潮流野多，水煮魚啊，雞煲果d, 食得多都會覺得膩偶爾想起老字號餐廳的乳鴿，反而更加讓人口水直流。上網望下新強記晚市乳鴿燒鵝二人套餐，E, 價錢都幾相宜😍二話不說起程去食夜晚。餐廳地方大，一大幅壁畫，仲要樓底高，坐得舒服。-乳鴿燒鵝二人套餐有兩隻乳鴿，燒鵝就例牌仲包兩個小菜，有肉有菜，咩款式都有乳鴿皮脆肉嫩，上檯時色澤紅亮，-燒得香口而肉嫩-燒鵝份量都大方，外皮燒到起晒格食得出肉實而唔會霉，有鵝油香撈飯食一流。-小菜叫左生炒骨同海味粉絲煲生炒骨有驚喜無論色水同味道都非常OK,生炒骨肉爽有骨有哨頭，酸甜開胃。-海味粉絲煲都好多魷魚乾，菜又多蝦米仔都好多，夠咸香。-最後仲叫多左個雞粥粥底煲得綿，而味道都非常OK, 有雞肉香又有酒香，而雞肉仍嫩滑，最重要係大蔥超甜，大愛🥰🥰

新強記係一間沙田老字號，街坊一定知佢最出名係雞粥、燒鵝同乳鴿。今晚食飯，都見到唔小人枱上都有呢幾款食物。座位闊落，平日晚上人流都幾多，侍應姐姐都話我地個位今晚已翻左幾枱客。新強記雞粥 $98一大窩上，都有5-6碗，粥底夠綿，雞汁味突出，雞件都唔小，而且滑嫩，絕對唔會令你失望。金牌咖哩牛腩 $128上枱熱辣辣，咖哩味好香同惹味，辣辣地送飯正。牛筋同牛腩都幾多同入味。椒鹽脆豆腐 $98外皮夠香脆，表面完全冇油份，內層既豆腐保留到軟滑。最後，仲會送湯水，有綠豆沙同紅豆沙，食完好滿足🥰

同屋企人喺大圍就係要食新強記，雖然係平日但係都幾多人架。見到餐牌有好多海鮮孖寶，仲要有叉燒送，所以揀咗一個海鮮孖寶A，有翡翠炒斑球，蒜蓉蒸頭腩。翡翠炒斑球，炒得好香，魚塊唔會散，另外佢亦都炒得好有鑊氣，加埋有荷蘭豆，加埋一齊食不錯。另外仲有蒜蓉蒸頭腩，魚塊好滑，另外下邊仲有粉絲墊住，再加上撈白飯超正，我會比較推薦呢個。另外蜜汁叉燒皇，雖然唔係好多塊，但係一碟有肥有瘦，啱晒一家人唔同口味。另外仲叫咗招牌雞粥，只係叫咗例牌已經好大碗，我哋四個人食都爭啲食唔晒，入邊好多雞，一放低已經聞到好香，大家食完一碗都想再食多碗。金牌燒乳鴿個皮燒得好香好脆，仲有唔少肉，仲可以叫佢切開上，非常方便幾個人食。最後仲叫咗椒鹽鮮尤，係新鮮即刻整，所以食落熱辣辣，不過如果下次個皮冇咁厚會更加好。最後仲有糖水送！每次同屋企人諗唔到都會食新強記，因為多選擇，下次都會再嚟。

屋企人好鍾意食燒鵝，住喺附近呢間都幾出名，所以就帶佢地黎試試，望個套餐有幾抵食， 398又四碟餸，本身以為燒鵝例牌都唔係好大份，點知都差唔多成¼隻燒鵝，啲肉好嫩滑，皮夠脆，唔多肥膏，值得比讚！兩隻乳鴿擺盤好靚，啲肉都滑，估唔到兩個餸都整得咁出色！屋企人都食到好滿意！又覺得啲裝修同服務態度都唔錯！揀咗兩個自選小菜，椒鹽九肚魚皮脆肉嫩，係多骨咗少少，仲有金銀蛋炒莧菜，平衡返咁多肉，成件事非常抵食，份量都多，抵食過大排檔多多聲，但係價錢又唔貴，又坐得舒服，同屋企人再嚟！

住喺沙田好耐，成日經過見到好多紅色燈籠，都想試好耐，當初以為依間嘢會唔會好貴，睇個Menu又覺得幾抵食， 398套餐真係勁抵！有燒鵝例牌，兩隻乳鴿，再加兩個自選小菜，三個人食食唔晒，我諗應該都真係四個人份量啦。燒鵝勁大份，燒到個皮勁脆啲肉厚身就好Juice個乳鴿擺盤值得加分，整到好似比翼雙飛咁，乳鴿肉好鮮嫩好好食，小菜都整得好出色，我揀咗椒鹽九肚魚同埋金銀蛋炒莧菜，屋企人都大贊好好食，想下次再叫埋其他親戚一齊嚟食，計埋菜錢加一人均百幾左右，好抵食！個阿姐仲走埋嚟問我哋食唔食糖水，請咗我哋食紅豆沙同埋綠豆沙，有舊式酒樓個種人情味

爸爸對新強記的乳鴿情有獨鍾，今日襯放假帶佢出去行下，順便帶佢落沙田新強記燒鵝海鮮酒家食佢最鐘意的乳鴿，餐廳除左乳鴿，雞粥和燒鵝都一樣好出名。餐廳門外掛滿了一排的紅燈籠，內外裝潢都非常懷舊，餐廳環境寬敞，乾淨企理，坐得舒適。金牌燒乳鴿（2隻）爸爸第一時間就點了2隻燒乳鴿，乳鴿依然保持表皮香脆，肉質好juicy 。柱侯牛腩煲牛腩和牛筋都炆得非常入味，而且炆得勁腍，底下白菜仔吸盡牛腩的精華，味道夠惹味，送飯一流。西蘭花炒班球班球不會散開，鮮美無腥味，加了少許豆瓣醬，變得更惹味，而且西蘭花煮得剛好，不會太淋和太硬。瑤柱蛋白炒飯瑤柱蛋白炒飯份量十足，瑤柱蛋白炒飯得好香，不會太濕太乾，炒得好有穫氣，粒粒分明，吃進口有彈性，充滿瑤柱汁香，口感好豐富有層次。