沙田新強記燒鵝海鮮酒家

Open Now

Now Closed

現在改上夜班，那平日就可以約約朋友一起去酒樓喝個中午茶，吃個點心！重點是平日又會比較便宜！新強記燒鵝飯（58元）平日午市優惠會便宜10元的！今天運氣不錯，拿到燒鵝腿的位置，吃起來肉質彈牙，鵝香十足，而且挺多肉汁的，特別是帶點肥的部份，真的是肥而不膩，吃起來滿口油香，燒鵝的香甜口味！酸梅汁的梅香挺突出的，配起來也很解膩！新強記蝦餃皇 ( 特 ) （30元）很多地方都是一籠三件的，但這裡是有四件，這個真的好評，剛好一家四口每人都吃到！蝦餃挺足料的，每個至少有2個蝦仁，搭配了小量得豬肉，吃起來鮮甜爽滑，帶點肉香！豉汁蒸鳳爪 ( 中 ) （25元）這個吃起來非常濃香，每隻鳳爪都煮得非常軟糯，配上惹味的豉汁，吃起來也不會太鹹，份量也不錯！蟹子燒賣皇 ( 特 ) （30元）這個豬肉跟蝦肉的份量差不多，兩種不同口味和質感都能吃到，不過這個的豬肉也是非常有彈性的，這個就會有更多的肉香！薑蔥牛柏葉 （ 大 ） （28元）這個滿滿的一大碗，不單有牛柏葉，還有大量得薑蔥和西芹，吃起來味道清爽，薑蔥惹味，牛柏葉爽滑嫩的！陳皮紅豆沙 ( 小 ) （17元）這個吃起來紅豆味非常香濃，質感綿滑，有陳皮香味！脆脆紅米

好耐無嚟飲茶，今日同屋企人嚟飲下午茶！貪呢度方便，多點心揀，最緊要係突然好想食乳鴿同雞粥。下午茶2點開始，有下午茶🫖孖寶好抵食！$18.8一款，$28.8有兩款！揀咗菜苗餃及牛肉腸粉。菜苗餃一籠有3件，好大件。入面爆滿菜苗，有蝦。牛肉腸粉牛肉餡飽滿，腸粉幾滑。呢度招牌雞粥配金牌燒乳鴿，絕配！雞粥一碗已夠兩個人食到飽飽。雞粥夠綿滑有雞味，入邊仲有好多雞。乳鴿新鮮外皮香脆，啖啖肉！小食叫咁蜆介鯪魚球熱辣辣，啖啖魚肉，點埋個蜆介鹹鹹地唔錯！椒鹽豆腐勁大碟，炸得好香脆！叫返個白灼菜心，夠健康。傳統糯米包呢度都有，一份有三件！黃黃嘅皮入邊包住飽滿嘅糯米，煙煙韌韌！

前排同屋企人晚上食飯傳統粵菜係佢地嘅至愛大圍新強記正好滿足到佢地嘅需要晚市乳鴿燒鵝套餐，連兩個小菜簡簡單單都唔算貴最重要地點方便就腳一出地鐵站就係。加上餐廳地方寛敝，一大幅壁畫仲提醒番我以前踩完單車屋企人總會黎呢到開餐，香港情懷，我愛。-乳鴿燒鵝二人套餐包兩隻乳鴿，燒鵝同兩個小菜，小菜款式多，有肉有菜，大眾化粵菜老少咸宜。兩隻乳鴿剛剛炸起，滷水咸香有序皮脆肉嫩，外皮色澤仲要閃閃發光，入口肉嫩唔覺霉。-燒鵝都一大碟，一睇外皮就知燒得靚鵝肉肉嫰，油香滿滿外皮食落仲要超脆。-小菜簡單叫左生炒骨及海味粉絲煲生炒骨落鑊炸至金黃鬆化酸甜汁調較得好,開胃下飯。-海味粉絲煲都超多菜魷魚乾蝦米仔增加左成個煲的咸香。-黎得新強記梗係要叫埋雞粥熱騰騰的雞粥正合初秋的季節雞汁精華就用來煲粥，加埋滿滿酒香每一口都能吃到滿滿的雞香最重要係雞肉嫩滑唔會柴仍然係記憶中的沙田雞粥啊～

食得新派潮流野多，水煮魚啊，雞煲果d, 食得多都會覺得膩偶爾想起老字號餐廳的乳鴿，反而更加讓人口水直流。上網望下新強記晚市乳鴿燒鵝二人套餐，E, 價錢都幾相宜😍二話不說起程去食夜晚。餐廳地方大，一大幅壁畫，仲要樓底高，坐得舒服。-乳鴿燒鵝二人套餐有兩隻乳鴿，燒鵝就例牌仲包兩個小菜，有肉有菜，咩款式都有乳鴿皮脆肉嫩，上檯時色澤紅亮，-燒得香口而肉嫩-燒鵝份量都大方，外皮燒到起晒格食得出肉實而唔會霉，有鵝油香撈飯食一流。-小菜叫左生炒骨同海味粉絲煲生炒骨有驚喜無論色水同味道都非常OK,生炒骨肉爽有骨有哨頭，酸甜開胃。-海味粉絲煲都好多魷魚乾，菜又多蝦米仔都好多，夠咸香。-最後仲叫多左個雞粥粥底煲得綿，而味道都非常OK, 有雞肉香又有酒香，而雞肉仍嫩滑，最重要係大蔥超甜，大愛🥰🥰

新強記係一間沙田老字號，街坊一定知佢最出名係雞粥、燒鵝同乳鴿。今晚食飯，都見到唔小人枱上都有呢幾款食物。座位闊落，平日晚上人流都幾多，侍應姐姐都話我地個位今晚已翻左幾枱客。新強記雞粥 $98一大窩上，都有5-6碗，粥底夠綿，雞汁味突出，雞件都唔小，而且滑嫩，絕對唔會令你失望。金牌咖哩牛腩 $128上枱熱辣辣，咖哩味好香同惹味，辣辣地送飯正。牛筋同牛腩都幾多同入味。椒鹽脆豆腐 $98外皮夠香脆，表面完全冇油份，內層既豆腐保留到軟滑。最後，仲會送湯水，有綠豆沙同紅豆沙，食完好滿足🥰

同屋企人喺大圍就係要食新強記，雖然係平日但係都幾多人架。見到餐牌有好多海鮮孖寶，仲要有叉燒送，所以揀咗一個海鮮孖寶A，有翡翠炒斑球，蒜蓉蒸頭腩。翡翠炒斑球，炒得好香，魚塊唔會散，另外佢亦都炒得好有鑊氣，加埋有荷蘭豆，加埋一齊食不錯。另外仲有蒜蓉蒸頭腩，魚塊好滑，另外下邊仲有粉絲墊住，再加上撈白飯超正，我會比較推薦呢個。另外蜜汁叉燒皇，雖然唔係好多塊，但係一碟有肥有瘦，啱晒一家人唔同口味。另外仲叫咗招牌雞粥，只係叫咗例牌已經好大碗，我哋四個人食都爭啲食唔晒，入邊好多雞，一放低已經聞到好香，大家食完一碗都想再食多碗。金牌燒乳鴿個皮燒得好香好脆，仲有唔少肉，仲可以叫佢切開上，非常方便幾個人食。最後仲叫咗椒鹽鮮尤，係新鮮即刻整，所以食落熱辣辣，不過如果下次個皮冇咁厚會更加好。最後仲有糖水送！每次同屋企人諗唔到都會食新強記，因為多選擇，下次都會再嚟。

屋企人好鍾意食燒鵝，住喺附近呢間都幾出名，所以就帶佢地黎試試，望個套餐有幾抵食， 398又四碟餸，本身以為燒鵝例牌都唔係好大份，點知都差唔多成¼隻燒鵝，啲肉好嫩滑，皮夠脆，唔多肥膏，值得比讚！兩隻乳鴿擺盤好靚，啲肉都滑，估唔到兩個餸都整得咁出色！屋企人都食到好滿意！又覺得啲裝修同服務態度都唔錯！揀咗兩個自選小菜，椒鹽九肚魚皮脆肉嫩，係多骨咗少少，仲有金銀蛋炒莧菜，平衡返咁多肉，成件事非常抵食，份量都多，抵食過大排檔多多聲，但係價錢又唔貴，又坐得舒服，同屋企人再嚟！

住喺沙田好耐，成日經過見到好多紅色燈籠，都想試好耐，當初以為依間嘢會唔會好貴，睇個Menu又覺得幾抵食， 398套餐真係勁抵！有燒鵝例牌，兩隻乳鴿，再加兩個自選小菜，三個人食食唔晒，我諗應該都真係四個人份量啦。燒鵝勁大份，燒到個皮勁脆啲肉厚身就好Juice個乳鴿擺盤值得加分，整到好似比翼雙飛咁，乳鴿肉好鮮嫩好好食，小菜都整得好出色，我揀咗椒鹽九肚魚同埋金銀蛋炒莧菜，屋企人都大贊好好食，想下次再叫埋其他親戚一齊嚟食，計埋菜錢加一人均百幾左右，好抵食！個阿姐仲走埋嚟問我哋食唔食糖水，請咗我哋食紅豆沙同埋綠豆沙，有舊式酒樓個種人情味

爸爸對新強記的乳鴿情有獨鍾，今日襯放假帶佢出去行下，順便帶佢落沙田新強記燒鵝海鮮酒家食佢最鐘意的乳鴿，餐廳除左乳鴿，雞粥和燒鵝都一樣好出名。餐廳門外掛滿了一排的紅燈籠，內外裝潢都非常懷舊，餐廳環境寬敞，乾淨企理，坐得舒適。金牌燒乳鴿（2隻）爸爸第一時間就點了2隻燒乳鴿，乳鴿依然保持表皮香脆，肉質好juicy 。柱侯牛腩煲牛腩和牛筋都炆得非常入味，而且炆得勁腍，底下白菜仔吸盡牛腩的精華，味道夠惹味，送飯一流。西蘭花炒班球班球不會散開，鮮美無腥味，加了少許豆瓣醬，變得更惹味，而且西蘭花煮得剛好，不會太淋和太硬。瑤柱蛋白炒飯瑤柱蛋白炒飯份量十足，瑤柱蛋白炒飯得好香，不會太濕太乾，炒得好有穫氣，粒粒分明，吃進口有彈性，充滿瑤柱汁香，口感好豐富有層次。

身為一名沙田友最印象深刻嘅晚餐就係雞粥、乳鴿、燒鵝細細個就好鍾意跟阿爸阿媽去食前排久違地去左沙田新強記燒鵝海鮮酒家就可以一次過滿足哂三個願望了🥢燒鵝乳鴿小菜套餐($398*)套餐入面包含左4款菜色👉🏻燒鵝例牌例牌燒鵝份量都幾多 熱辣辣上檯淡淡香嫰鵝肉配上烤得油香脆口嘅鵝皮果然係馳名嘅燒鵝海鮮酒家👉🏻燒乳鴿2隻BB乳鴿兩隻 肉質分佈平均香口惹味嘅鹹香燒乳鴿 應該要配埋枝啤酒就最正了👉🏻自選菜色兩款 選了「菠蘿生炒骨」和「西蘭花炒雞片」見到menu仲有雞粥 好想食 但小菜份量都好多 唯有放棄了以酒樓黎講 呢個set都真係幾抵食份量都真係比得好多最後食完仲有糖水綠豆沙送真係食到捧住個肚離開 滿足

中秋節同屋企人去做節，我地去左沙田新強記燒鵝海鮮酒家食晚飯，好彩一早book 定位，已經9成滿座。餐牌有單點小菜，有多款套餐選擇，價錢合理。我地點左燒鵝乳鴿小菜套餐（$398）有新強記燒鵝皇（例）、金牌燒乳鴿2隻、自選小菜兩款。新強記燒鵝皇（例）燒鵝外皮香脆，鵝肉質吃起來不會太老，醃得夠入味，皮和肉的中間還帶有一層肥美的油脂，啖啖油香，油脂豐盈不膩。金牌燒乳鴿2隻即叫即燒，燒得剛剛好，一開四，皮相當香脆，乳鴿肉香多汁。椒鹽鮮魷炸粉薄又脆，炸到金黃色，鮮魷爽口彈牙，椒鹽味重但不會過咸。西檸脆雞球雞球外脆內軟，味道酸甜可口，有着濃郁檸檬清香，非常開胃。

今日同朋友約咗去大圍飲茶，貪方便決定去最近火車站嘅新強記，估唔到平日中午人流都幾乎爆滿。坐低後即刻點返隻乳鴿$48兩個人share，一上枱就聞到烤香味，水準唔差，皮脆肉帶汁軟滑，點上喼汁更加惹味。荷香糯米雞$28好鬼大件，配料好豐富，有雞肉、冬菇、蝦米、豬肉、鹹蛋黃，味道啱啱好，唔會過鹹，飽肚又好味。蜜汁叉燒腸$28$28有三條抵食，叉燒份量都唔會太單薄，味道不過不失。鮑汁雞腳$48雞腳炆得啱啱好，有些少趙口，配有好多花生，味道正宗，有濃郁嘅鮑汁味，正！金珠鹹水角$25係我朋友每次飲茶必點嘅點心，佢話呢度嘅鹹水角外皮脆同煙靭，食落鹹甜鹹甜，好味道，推薦！另外仲叫咗份薑汁雞包仔$25，估唔到薑味幾夠濃，水準都不錯。古法千層糕$25入口甜絲絲，充滿鹹蛋香味，糕質軟綿，冇點錯！😋坐咗個幾鐘，食咗咁多嘢，只係二百幾蚊，朋友話真係抵食～見今晚晚飯仔女都唔係到，直接嗌多碗梅菜肉餅飯$28帶返去今晚食，平靚正！

踩完單車，梗係醫下個肚啦。酒家門口大紅燈籠高高掛，入去試吓啲燒鵝先。例牌燒鵝王， $150 ，份量OK，雖然唔熱，但皮脆，肉質亦不錯，唔肥，贊！紅燒乳鴿一隻，上枱熱辣辣，皮脆，香，肉質亦不柴，食到舔舔脷，再叫多一隻。每隻$48。例牌雞粥，熱辣辣香噴噴，例牌可以足夠四人享用。多謝$98。椒鹽鮮尤，椒鹽九肚魚，每例$98 ，椒鹽小菜，都係同大排檔出品差不多。最好啤啤佢，大樽生力啤酒，每支$30 ，天氣熱一口氣共飲咗3枝。

沙田新強記燒鵝海鮮酒家📍大圍海福花園47-50號地下🌄環境用餐環境比一般嘅酒樓要闊落，唔會有好逼夾嘅感覺，枱櫈地下全部都好乾淨唔會有食物嘅殘渣或者油淋淋💯裝修完全係傳統茶樓風格，值得一提嘅係有一幅山水畫，熱鬧飲茶嘅同時望一望，有一番喺江南水鄉旁飲茶嘅感覺🤣🥢食物🧡金牌燒乳鴿 $48呢個不愧係金牌，一啲都冇辜負呢個名，一上檯就覺得好香，皮燒得比較脆乾，但食落去肉質嫩滑，每一啖充滿油香，富有汁水，係十分令人滿足嘅！推薦度：😋😋😋😋🧡招牌雞粥 $40雖然係一人份量嘅雞粥，估唔到入邊有成四舊雞，足料扺食😋粥底夠綿，加咗少少胡椒粉提鮮，飲落去雞味十足，食到乾乾淨淨，煲都唔使洗🤣推薦度：😋😋😋🧡椒鹽九肚魚 $98份量比一般餐廳嘅小菜多好多，炸粉部分比較厚身，我諗係爲咗鎖住九肚魚嘅汁水，令佢唔會太乾，keep到九肚魚嘅香滑，做到外脆內軟嘅感覺，再加埋少少辣椒粉喺上面，風味十足，十分香口，同埋我覺得佢火候幾好，連啲小骨都整到淋晒，細節處理得好好！😋推薦度：😋😋😋😋😋🧡肉骨茶小籠包 $27未食過肉骨茶味嘅小籠包，食落去幾有驚喜，估唔到其實幾夾~肉骨茶味好出！小籠包細細隻一啲都唔影響佢嘅風味，反而有種將味

人哋話大圍呢間係老字號一於同屋企人去試試以一間有歷史嘅酒樓嚟講 環境衛生乾淨點了香片 呢個夠香 要讚啲必食嘢梗係點啦例牌燒鵝($150)真係好好食 啲皮又薄又脆少少肥又爆汁好香鵝油乳鴿($48)點咗一隻覺得好食 再點多隻唔算話好多汁水 不過皮脆肉嫩例牌雞粥($98)就算例牌都係一鍋上所以分量都多足夠四人份 啲雞滾完粥唔算話好鞋 仲好滑粥底夠甜椒鹽九肚魚和椒鹽鮮魷($98)調味就好正啦 好夠椒鹽味一開始食夠脆 不過凍咗之後就開始腍炸皮唔算好薄