沙田新強記燒鵝海鮮酒家

Open Now

Now Closed

一直對新強記燒鵝所有聽聞，今日專程陪男朋友嚟大圍整車，順便喺呢間餐廳飲茶。男朋友一坐低就叫咗個叉燒切雞飯，佢嘅燒味真係值得一讚，叉燒帶點焦黑嘅邊位食落香脆，而切雞嘅肉相當之嫩，配飯一絕！另外梗係唔少得品嚐佢嘅新強記燒鵝王，一放入口就食到鵝油嘅香，而且好多肉汁，皮薄唔肥膩。點心方面就叫咗：潮州蒸粉棵、蜜汁又燒包、金珠鹹水角。粉棵好大粒，入面加入左花生、芫荽、馬蹄，非常足料，另外蜜汁叉燒包非常鬆軟，食落甜甜地；至於鹹水角，外脆內煙靭，鹹中帶甜！