沙田新強記燒鵝海鮮酒家

Open Now

Now Closed

同屋企人嚟老字號新強記食飯，見佢個套餐好抵食！有呢度嘅皇牌燒鵝同乳鴿，仲可以揀多2個小菜都只不過係$398！真係好抵食👍🏻燒鵝乳鴿小菜套餐 $398 有沙田新強記燒鵝皇 (例牌)、金牌燒乳鴿(2隻)、菠蘿咕嚕雞球(自選小菜)、欖菜肉鬆四季豆(自選小菜)！燒鵝皮脆但係有啲啲偏瘦🤔我同爸爸鐘意肥燒鵝，不過熱辣辣食都唔錯！但係媽咪同家姐就鐘意冇咁肥，覺得好好味👏🏻乳鴿仍然好正😋皮脆肉嫰！肉質帶咸味，而且都算大隻啖啖用👍🏻果然係呢度號皇牌！如果重口味鐘意食咸嘅仲可以點淮鹽加味！唔錯👍🏻菠蘿咕嚕雞球啲菠蘿俾家姐掃晒😒因為佢係菠蘿控話好好味喎！我就覺得雞球炸得唔錯，外脆內滑！外皮仲帶啲啲脆卜卜😋咕嚕汁酸may may又幾開胃喎！欖菜四季豆最岩用黎撈飯😂但係我哋今次食雞粥！不過將啲欖菜加落個粥到食，我覺得味道又唔錯喎！四季豆份量都幾多，食極都有😆抵食！新強記雞粥 $168 (大)今次我哋成家人衝住呢個雞粥而嚟🤣因為終於可以一試聞名於世嘅沙田雞粥！果然慕名而來嘅我哋冇錯👍🏻雞粥好鮮甜又滑！雞肉都幾多，而且肉質都幾嫰唔嚡口🤔不過個粥有啲雞骨碎，食用時要小心！豐富嘅一餐就咁完結啦！我們這一家終於一嚐到馳名

之前嚟新強記都係午市食點心，感覺已經都好好，仲會外賣佢地嘅招牌燒乳鴿比外父嘆。今次嚟到大圍係晚飯時間，所以都唸到想試吓酒樓有住中國風外表，掛滿紅燈籠好易認，而入面裝修就同傳統酒樓相約，環境衛生，空間寬闊舒適。今晚就點咗個大班倆食套餐，夠四人用。餐包括翡翠炒龍躉班球金蒜蒸龍躉頭腩另外指定小菜內自選倆款首先睇吓個翡翠炒龍躉班球翠綠嘅甜豆配以xo醬炒龍躉班球，相當惹味，班球厚切口感豐富，食落新鮮，好下飯。金蒜蒸龍躉頭腩--入口即溶嘅魚油，粉絲吸盡魚汁，倆度都好滿意。自選我地揀左西蘭花炒雞片--呢度餸都唔錯，但大至上同炒班球嘅調味差唔多，如果落單時位同事有比個温馨提示，我地就可以試多樣較唔同嘅嘢。另一味自選小菜我地揀左梅菜扣肉煲，上菜時熱辣辣，而且每塊肉都肥瘦均勻，淡淡嘅梅菜香，如果多啲梅菜會更好味。四人用都係$600頭，都算掋食，下次會再嚟

由細到大都住沙田嘅女朋友(正宗沙田友)大力推介哩間海鮮酒家💪🏻話細細個已經成日同屋企人黎開飯！仲話自己係食哩度嘅乳鴿大🕊所以佢就突如其來組織左今次嘅“見家長”飯聚啦！😱初次見家長最緊要第一印象👍🏻一早book咗位唔駛walkin喺出面又熱又曬拎飛等位！印象分第一步✔️第二個step就係投其所好👍🏻問定女朋友平時auntie同uncle鐘意食啲咩餸！喺適當嘅時候附和一下 好感度🆙️UP！✔️👨🏻uncle同👩🏻‍🦱auntie鐘意食燒鵝🦢同乳鴿🕊咁啱就係新強記嘅招牌菜😏呢次真係天助我也！哈哈哈！而且仲做緊個優惠套餐🍽有齊晒兩款招牌菜 當然立即order‘’表忠‘’啦！😆燒鵝乳鴿小菜套餐 $398 -沙田新強記燒鵝皇 (例牌)-金牌燒乳鴿(2隻)-2個自選菜式(菠蘿咕嚕雞球,欖菜肉鬆四季豆)乳鴿外皮脆卜卜😋肉質又整得幾嫰滑喎🥰外脆內軟 真係一試難忘！香氣十足嘅同時都幾厚肉！食極都有幾襟食👍🏻uncle口味真係唔錯喎！燒鵝皇雖然係例牌不過都份量十足🤩四個人完全夠食！而且一上枱就聞到個種燒鵝嘅油香👃🏻睇到佢肉汁豐富🌊咬落去滿嘴油香🦢鵝肉鮮嫰🔥燒嘅火候啱啱好！難怪auntie食到lam lam脷啦😋女

一年前嚟過印象唔錯，尤其鍾意座位之間用大量透明易拉架隔開，感覺好衛生，今晚嚟到附近就encore下。豉椒炒蟶子 ($168)蟶子份量十足，厚肉爽口彈牙，真係有成隻手咁長咁大隻，媲美海鮮酒家嘅質素。 豉汁炒，惹味又有鑊氣，洋蔥、青椒、紅椒香到同朋友爭住食。脆皮燒腩仔 ($118)半肥瘦唔會太肥，瘦肉部份夠入味有肉汁，皮脆肉嫩，比起平時斬料買到嘅燒腩仔更加靚。椒鹽鮮魷 ($98)鮮魷本身好新鮮，難得地大隻厚肉得黎，肉質依然好有彈性，食到鮮魷嘅鮮甜味。 炸得非常脆、熱辣辣，唔會太油膩，如果粉漿可以再薄啲就完美喇。

今日去「威爾斯」抽血，回程時途經大圍，醒起已經有好一段日子冇幫襯過「新強記」，提議過去飲個中午茶。店舖好易認，門口及外圍都掛滿了紅燈籠，配上正門嘅金漆招牌，懷舊味濃。燒鵝、乳鴿同雞粥都係酒家嘅名物，一場嚟到，當然唔可以錯過。金牌燒乳鴿 ($48)  隻乳鴿一上檯已經聞到陣陣香味，外皮燒得超級香口，皮下只有薄薄一層脂肪，鴿肉軟滑又入味，用手拿著來吃特別有風味。沙田新強記雞粥 ($40)  雞粥以位上，用瓦煲仔盛載。雞件嘅分量好足，肉質嫩滑有雞味。粥底綿而滑，入口有米香，加上盡收雞肉精華，啖啖滋味。新強記燒鵝飯 ($58)  雖然只係點咗碟頭飯，但燒鵝嘅分量都唔少，鵝皮油光發亮，鵝肉鮮甜又多肉汁，而且肉質唔會太實，脂肪比例亦啱啱好，令人食得好滿足。椒鹽魷魚鬚 ($58)  魷魚鬚即點即炸，食嘅時候仲係熱辣辣，椒鹽嘅分量亦拿捏得剛剛好，做到惹味又不過鹹，入口酥脆又唔油膩，正。香煎芋絲餅 ($25)  呢款芋絲餅平時喺外面嘅酒樓真係好難會食得到，外面煎至金黃鬆脆，裡面係一片片嘅芋頭，一層疊一層，真材實料，入口充滿芋香，絕對值得一試。古法千層糕 ($25)  千層糕以糖冬瓜、鹹蛋黃、椰絲拌成餡，

通常入嚟大圍或者沙田 都會諗起沙田雞粥或乳鴿所以今次入嚟大圍 就同朋友食新強記燒鵝海鮮酒家餐廳可以叫套餐或單點難得嚟到 我哋就叫咗燒鵝乳鴿小菜套餐有一份例牌燒鵝 兩隻乳鴿 同兩份小菜乳鴿燒得外皮香脆內裏仍然可以保留到乳鴿嘅肉汁燒得唔錯而且味道啱啱好唔洗點淮鹽都好夠味叫得燒鵝餐廳 梗係要試吓佢哋嘅燒鵝啦以一份例牌燒鵝嘅份量嚟㗎都算幾多燒鵝肥瘦適中亦都嫩滑👍🏻小菜方面 我哋叫咗一份椒鹽鮮魷魷魚外層既粉漿唔會太厚外脆內軟上湯海味雜菜煲雜菜煲好足料蝦米瑤柱令到雜菜煲更加香而且仲有粉絲索左啲味之後 十分惹味而且個湯仲好好飲叫咗四個餸 仲要有茶飲都只係$468呢個份量夠一家三口嚟食都得CP值好高下次可以再嚟食過😋😋😋

沙田食乳鴿/燒鵝第一時間會諗去邊度，梗係諗起大圍新強記。今日約左幾個個朋友喺大圍食飯，約咗喺大圍新強記等。由於有個朋友話要早啲走所以我哋就約早啲食，所以六點就去到。朋友話今日一定要食沙田三寶燒鵝乳鴿同埋雞粥入到去個侍應介紹咗話佢哋依排主打既套餐，好受歡迎，$398有燒鵝例牌+兩隻乳鴿再任選兩個餸。燒鵝（例牌）：燒鵝每日新鮮自家製做，外皮好脆，肥瘦適中，價錢相宜。招牌乳鴿：兩隻乳鴿新鮮即叫即炸，好食到，朋友激讚，一咬落去d肉汁流晒出黎。梅菜扣肉煲：好少酒樓會用煲仔上梅菜扣肉，因為咁樣先會keep到個溫度，扣肉夠淋，梅菜咸甜適中，飯都可以食到幾碗。欖茶肉鬆四季豆：依個欖菜豆角炒得好出色，條條豆角都沾滿欖菜，肉碎個份量都好多。4個人食咁少野邊夠，再叫多2樣野食先。沙田新強記雞粥：真係食過咁多間，係新強記既雞粥最好食，個粥底好棉，隻雞又唔會太油，d粥入晒味，雞都好滑，一陣已經俾我地4個人清晒。椒鹽九肚魚：之前食過佢地既椒鹽魷魚，炸得好出色，今次就試下九肚魚，一樣炸得咁香脆，條條金黃色，而且入晒味。

自從放寬咗之後都未有時間同屋企人聚餐，今日趁收早就約埋媽子/老婆同外母一齊出去食飯。媽子即時話要去大圍（新強記）食餐好。我做阿仔梗係順佢意。（新強記）真係一段時間冇黎，呢啲老店真係買少見少，真係好掛住佢地既燒鵝/招牌乳鴿/沙田雞粥。入到去d侍應好熱情咁招待，仲介紹咗一個超抵色嘅套餐畀我哋$398（燒鵝乳鴿小菜套餐）有燒鵝（例牌）+2隻乳鴿及2個小菜。新強記招牌燒鵝皇（例）：知道媽子唔食得太肥膩，同佢地講揀一隻冇咁肥，燒鵝好快就到，好靚外皮脆肉質嫩肥瘦均勻，好香。金牌燒乳鴿：呢個餐超級抵仲包埋兩隻乳鴿，仲要即叫即炸，炸得剛剛好唔會太乾，仲保留到肉汁。 梅菜扣肉煲：伙記話呢個係佢哋嘅招牌菜，加上梅菜扣肉喺屋企都好少自己整，所以決定試下，依個扣肉煲超級多扣肉，肥瘦均勻，淨係啲梅菜都夠餸飯。欖菜肉鬆四季豆：欖菜好香炒到啲四季豆好入味同埋夠曬乾身唔會好油膩。總結：呢個餐4個人食都好夠食，真係超級抵食，碟碟都咁大碟而且咁好味，阿媽都話超值。我哋食早一輪到走嗰時已經差唔多有八成滿座，再遲啲應該要等位。

放假同朋友仔踩單車，踩完之後去大圍搵食醫肚，早已bookmark咗沙田新強記，試吓佢出名的雞粥、乳鴿同燒鵝！入到去見到有套餐，太肚餓的關係見到樣樣都想食，於是叫咗一個套餐加一碗雞粥，再來一支青島，天氣熱辣辣飲杯冰凍啤酒，好爽呀！套餐真心抵食，有例牌燒鵝、兩隻乳鴿，再加兩款自選小菜，小菜的選項仲有26款，一定唔會揀唔到，我地揀咗沙嗲牛肉炒菜心和咖哩牛腩煲，就算3-4人都好夠食。特別推介燒鵝好有鵝香，燒鵝皮燒得香脆，就算肥都要食埋佢呀，朋友話比某馳名燒鵝更好味！我就覺得雞粥唔錯，雖然有少少碎骨，但係啲粥煲得綿香細滑，啲雞味入晒去，好滋味！至於乳鴿對比下就未算太突出，可能燒鵝實在太吸引了！順帶一提交通真係好方便，行過對面就係大圍站，下次想食可以再嚟過！

大圍站G出口一出閘就係天橋，對面有間有多年歷史嘅新強記，燒鵝乳鴿雞粥方面，係區內一定係數一數二😀 價錢其實都算公數 (而家物價真係升得好快！) 主要有「套餐」同「小菜推介」，筆者偏向散叫，可以選擇自己想食嘅野😎金塊燒乳鴿 $48即叫即整，熱辣辣，皮脆肉嫩。如果鍾意成隻拎住食，記住落單叫佢原隻上蜜汁叉燒皇 $118肥瘦分明，大約有2成係肥，火喉剛好，食不停口🙈沙田新強記雞粥 $98用得鋪頭名作餸菜名，唔洗講都知係招牌菜，鮮甜入味，至少可以refill到六次，個份量都幾多，仲有專人幫忙盛裝粥，今時今日服務態度係可以的！

Passed by Tai Wai the other day and found this traditional Chinese restaurant with lantern decorations outside, checked their Roasted Goose & Pigeon Set menu was quite reasonably priced so I went in for a casual dinner. The set included 4 dishes, including the Signature Roasted Goose 新強記燒鵝皇 - flavourful with the marination and ample goose oil notes from the fattiness. The Roasted Pigeon 金牌燒乳鴿 was also a popular item, with 2 whole birds included in the set for 2, good value! We also got to choose

呢日朋友要去大圍交收園藝用品，已經有一段時間冇入過嚟大圍，決定喺附近搵野食，遇啱落大雨，就睇吓火車站附近有咩嘢食，離遠望到《新強記》啲紅燈籠，入去食返隻乳鴿同碗雞粥懷緬一吓都好喎～ 🥸一入酒樓，嘩～～～ 細個同屋企人食飯、讀書時同宿友宵夜嘅回憶湧晒出嚟～🤓酒樓保留住舊時嘅裝修牆壁一大幅桂林象山山水畫鋪滿紅色紙皮石嘅大圓柱收銀處仲保留住舊式嘅大玻璃酒櫃(好似去咗博物館咁🤭）懷緬一番後，點菜醫肚先🔸金牌燒乳鴿肉嫰juicy，皮香味濃，基本上唔使再點華鹽水準保持得好好不愧多年來長佔推介菜式名單之上 🏅可以點原隻、一開二，或者一開四上碟～🔸椒鹽九肚魚炸漿香脆、薄身魚肉嫰滑，炸得香口就咁食又得，點一點配附嘅醋食又得加埋炸蒜夠哂惹味～🔸金銀蛋浸時蔬時蔬係莧菜，幼嫰無渣鹹蛋、皮蛋同肉碎足料個上湯底夠哂味，就咁飲都好好味呢三樣餸食到差唔多先至叫侍應上埋個粥，想滾熱辣咁食嘛～🔸沙田新強記雞粥(例牌)原本以為例牌係一大碗，原來都成窩咁上喎！份量比預期多 （真係好耐冇嚟喇～）至於味道呢～～～ 保持到記憶中沙田雞粥嗰份美味雞件有咬感👍🏻 雞油令到個粥更加香滑仲有蔥香味同薑味食得開心又滿足 ☺️食完飯仲有”綠豆沙

去大圍揾朋友，佢建議我地嚟呢間食晚飯。好近地鐵站，門口大大招牌好易認😁 見到餐牌有個特價餐，喂HK$398 有4樣嘢🤩 有signature燒鵝、2隻乳鴿、2款小菜 (choose from list) --- 即刻諗都唔諗就決定要呢個餐啦！例牌燒鵝嚟到好大碟！燒鵝皮望落好有光澤立立令🤩 食落夠肥美，肉滑，正😋 乳鴿細細隻，肉嫩，皮脆👍🏻 兩個小菜我哋揀咗 西蘭花炒鷄柳 同埋 蝦醬通菜炒牛肉，份量大！夠鑊氣，送飯下酒啱哂🤗 我諗其實呢個餐啱3 - 4 個人食，加碗白飯 or 炒粉炒飯就一定超飽😉😉 好味，性價比高～

新強記喺大圍都開咗好多年啦，算得上係區內嘅老字號。門面都幾有中國色彩，掛滿紅燈籠🏮如果有外國朋友嚟香港，佢哋應該都會覺得幾得意。店員推介我哋食呢個龍躉兩味小菜套餐。價錢$498。菜式包括：-大班兩味：🥢翡翠炒龍躉班球🥢金蒜蒸龍躉頭腩🥢再加兩個小菜，我哋叫咗沙嗲牛肉炒芥蘭、栗子炆雞煲翡翠炒龍躉班球翡翠原來係荷蘭豆，班球肉質嫩滑彈牙。金蒜蒸龍躉頭腩個人鍾意呢碟餸多啲，粉絲索晒魚肉嘅味道，好食而且份量都幾多。沙嗲牛肉炒芥蘭牛肉份量都幾多，個沙嗲醬味都幾濃栗子炆雞煲上碟時候熱辣辣，雞肉有預先煎過，栗子都夠淋。呢個餐都幾抵食。

今天姑媽生日，她心情很好，也帶了我到這個酒家吃一個晚餐，店內的感覺很有親切感。豉汁蒸鱔蒜蓉味重，到街市買餸，間中會煮豉汁蒸鱔。可惜現今鱔的價格已升數倍，買半條鱔的價錢與買一條同樣重的海斑也是差不多也，通貨膨脹真是太利害～所以來這店，會叫蒸白鱔呢，滑嫩惹味，簡單又呃得人～鱔切片鋪平去蒸，正！出得廳堂之豉汁盤龍鱔！豉汁鱔除去內臟後，切開一舊舊後，豉汁蒸白鱔不會油膩～豉汁秘方也令豆豉好吃，鱔片與蠔油料拌勻，更香，更有鮮味，豉汁蒸白鱔要看看食譜去潺劏鱔，作為新手必讀，爽口沒有腥味，棒。港式椰汁咖喱牛腩煲濃香四溢～椰汁咖喱牛肉的做法不易，咖喱來源於印度，這個許多之香料加在一起煮的意思，味道強烈濃郁。咖喱牛肉是咖喱中最常做也是最經典的菜，牛肉含有鐵質，吃到牛肉香，一鍋咖喱牛腩出來～香氣咖喱牛腩～炆牛肋條好吃，有自家做感覺，不會失禮客人～好味！配薯仔棒酥炸肥腸炸大腸是傳統港式小食，自己製作也不易。去腥味小撇步，師傅技巧一定很高的呢！一般大腸頭最常做的料理就是滷，這個做法好吃，可以拿來做用炸呱，炸到顏色好看也美味