樸一拉麵

Open Now

Now Closed

這日同囡囡來旺角逛街，行經附近時被門口的大燈籠所吸引，小店裝修頗有日本風情，座位不多，未夠6點半已差不多滿座了，果然是人氣拉麵！有多款湯底，在紙上揀啱自己口味。辛辣叉燒拉麵 ~ 湯底香辣惹味， 麵質爽口微彈，配上香稔日式叉燒，油脂均勻，口感豐富！蟹膏叉燒拉麵～ 這是比較特別的口味，當然要一試... 湯頭蟹膏濃郁香惹，蟹肉嫩滑味美。糖心蛋嫩滑有蛋味，沾上湯底更惹味！攻略小貼士～加上檯上免費供應自家製的辣椒魚干，份外惹味！食完見門口已有不少人排隊等位，人氣拉麵果然名不虛傳！

拉麵好正話說昨日和ENDY哥一齊出去食晚餐，因為之後還有很多工作未完成，所以我們很快就選擇了食拉麵，因為覺得食拉麵等候時間不長，哈哈。結果我們去了樸一拉麵，果然拉麵好快上枱，再加上我們太肚餓，所以整個過程20至25分鐘已經完成了我們的晚餐。埋單大概$180兩個人。平均每個人$90。我們叫了兩個拉麵。分別是豚骨$80，海都$90。湯的濃度可以自由選擇濃或者普通。我們都叫了普通，但吃下去一點都不普通，豚肉味好重。海老更加豐富海鮮味，而且味道都好濃厚。海老拉麵有一隻海蝦，有口感又香口，櫻花蝦份量又好多，整碗拉麵表面都有紅紅的櫻花蝦色。叉燒選了慢煮，因為覺得這樣會比較鬆軟。這間拉麵餐廳還有厚燒選擇。結果所選擇的慢煮風味，也是滿意的，既有豬肉味，又薄切，不硬，軟身肉感，肥膏少，不肥膩。配菜就有木耳或者芽菜，兩者都新鮮有咬口，增添拉麵的口感。麵的軟硬度，就有四個選擇，分別是超硬，硬，普通，軟。我選擇了普通，結果出來的效果其實都偏硬，但有口感，而且拉麵有彈性，所以我是喜歡的。如果平時食拉麵喜歡比較軟身的朋友 ，可以選擇軟。另外還有其他加配或者小食可以選擇，不同項目有不同收費，例如是炸餃子，吉列炸蠔，

講真近年新開嘅拉麵店大部分都係所謂過江龍((̵̵́ ̆ͯ̑͟˚̨̨̩ ̆ͯ̑)̵̵̀) 做唔到日本水準又貴又唔好食反而係啲拉麵小店俾到驚喜我同腦細分別試咗海老拉麵同蟹膏拉麵兩款都唔會濃得嚟死鹹同埋碗麵係夠熱嘅海老拉麵講真好多間有做但有部分會係一入口係好濃呀但隨之而來係勁鹹同要飲好多水呢方面樸一做得好好後勁係鮮味嘅୧⃛(๑⃙⃘◡̈︎๑⃙⃘)୨⃛海老拉麵附上一隻新鮮海蝦食落彈牙另叫嘅溏心蛋都係完美狀態嘅溏心唔會過熟蟹膏拉麵嘅蟹肉同蟹膏都唔算少食一碗拉麵剛好唯一一樣認為可改善嘅係湯底份量可再多少少(๑ ˭̴̵̶᷄൧̑ ˭̴̵̶᷅๑)可能係因為湯頭太好味令我哋唔經唔覺飲太多但都覺得多啲會開心啲～以香港拉麵水準嚟講樸一絕對係唔會浪費quota！

讚1.湯係好既，夠香，唔會過濃而得啲油香果種2.佈置得好後生下，幾有活力彈1.除左湯，其他嘢就好平凡，叉燒無味偏柴，麵質唔夠滑溜或者彈性2.下晝五點十去到，全場得我一個客，都熱到不可思議，冷氣好唔夠下

試咗特別少少嘅海老同蟹膏兩款湯底，兩款都有眼前一亮嘅感覺！海老較濃味，櫻花蝦令成件事upgrade咗😍個人偏愛蟹膏多啲，好少可食碗拉麵可以令我想連啲湯都飲曬😂😂下次會想試埋其他湯底🤗值得一提係佢個蘿蔔十分出色，雖然外表平凡，但食得出係落咗功夫👍🏾👍🏾

今晚和友人到旺角逛逛順便吃晚飯，見到一間拉麵店，而且店鋪招牌及餐牌非常簡潔，非常適合我這類有選擇困難症的人。當拿出點餐紙的時候，發現裏面的選擇彈性非常大，超級細心周到，幾乎整碗拉麵都可以自己去自選調配一樣！ 上餐後，第一啖飲一口湯，真材實料，完全沒有味精的味道，而且味道鮮甜濃鬱，加上材料都用得非常足，啖啖拉麵都可以配上配菜，非常滿足。最喜歡的一定是厚燒叉燒，大大塊之餘燒出來的味道非常香，吃上口時齒頰留香。最重要的是，吃上一餐豐富的拉麵價錢不貴！旺角的鬧市能夠做到貼地價錢，真是難能可貴。

旺角、6:30、真係好耐冇見過咁早開始有人排隊等食啦。見到咁，就排下隊。入到店內，有張大大的龍貓海佈，好靚呀。蟹膏厚燒义燒拉麵拉麵有兩款，有博多白的幼拉麵，但我揀了東京拉麵，麵黃色較粗，應該是平時食開日本拉麵。麵硬度要了普通，是我愛的質地，彈牙而軟硬度剛好。湯底味濃，鹹度都好好，可能有蟹膏，食拉麵時更香。蟹膏拉麵有蟹柳和蟹鉗，蟹柳好甜，和蟹膏拉麵一起食，濃濃蟹膏味，好鮮甜。义燒是厚燒，因為我坐在吧枱位，看得好清楚。燒過真係香啲，义燒好厚，不太肥，食時好有口感，好味。

第一次來，門口排咗約二十分鐘，叫咗佢個海老拉面，再加一個炸生亳，海老湯好好味，賣相也不錯。店內環境不大，坐位也不多，但排隊人不絶，下次再來試吓其他，店員服務好，食物高質.

落單紙上有不少選擇，例如湯底濃淡度，叉燒種類，麵質軟硬等。當中最大的特色是有多達六款湯底，以及有黃麵和白麵可供顧客選擇。我選了較淡的豚骨湯底，入口依然濃郁，味道不會死鹹，湯底呈現好看的奶白色。厚切叉燒真的厚身又大塊，兩面都燒得焦香。我見到師傅先把叉燒放入醬汁中腌製，然後再用火槍炙燒。叉燒很有口感，帶有日本醬油味道，肉汁和油香在口中散發，令人回味。麵類我選擇了白麵，軟硬適中，掛湯能力很好。男朋友就挑選了濃味的辛辣湯底配以黃麵。辛辣湯底是加了辣椒粉的豚骨湯，十分濃郁惹味，又不會太油膩。黃麵厚實滑溜，隱約有陣蛋香。慢煮叉燒入口軟腍腍，薄身但很有肉味。整體而言，這是間有特色的拉麵店。

呢間餐廳嘅店主係拉麵行業工作接近10年🇯🇵店內嘅6-7款湯底都係自己親身準備，包括備料、氽水同熬煮🍲每日份量有限，售完即止😯💗午市小食每日贈送醬煮骨🍖 以秘製醬汁炆煮，帶甜醬油香，非常入味。不過肉質略為粗嚡，而且軟骨部位太硬☹️💗魚介濃湯厚燒叉燒東京拉麵+ 糖心蛋 ($99)湯底用上接近50斤豬骨、雞殼、蔬菜等熬足7-8個鐘🦴然後加入幾種魚仔同魚粉，魚香層次豐富，每啖帶鮮甜嘅魚味🐟；厚燒叉燒揀選五花腩部位，以秘製醬汁慢煮8個鐘，再用火槍燒至焦香。肉質肥瘦相間，入口鬆化即溶，油脂豐富🐖；東京黃身粗麵口感較煙韌🍜；配菜有爽脆嘅木耳絲同芽菜，用秘製葱油炒過🥬；日本溏心蛋用上昆布同秘製醬汁醃製，蛋黃流心甘香🥚💗蟹膏濃湯慢煮叉燒博多拉麵  + 糖心蛋 ($105)以豚骨湯底做基礎，混入日本來貨嘅蟹膏，麵上再放多羹蟹膏同蟹柳絲，啖啖甘甜鹹鮮，蟹味特別濃郁🦀；慢煮叉燒薄切後肉質依然柔軟嫩滑，肉味鹹香🐖；博多白身幼麵掛湯力較強🍜💗唐揚魷魚($28)魷魚炸得金黃酥脆，肉質彈牙鮮味🦑💗涼拌菠菜 ($20)菠菜清爽冇澀味，加入木魚絲同麻油增加香味🥬

旺角女人街一帶的食肆換得很快，沒多久前逛過，現已面目全非。這間拉麵店的裝修很簡約，以白色為主，有不少漫畫卡通人物的擺設，應該是新開的店舖，所以很乾淨，廚房是開放式的，可以看到拉麵師傅我即場製作，我們坐吧枱的位置，真的可以欣賞師傅的手勢。我點了一個蟹膏蟹肉拉麵，湯底10分濃郁，已經很有蟹肉的味道，比較濃縮一點，上面還有蟹膏，每一口拉麵沾上少許蟹膏，更加惹味，另外還有一個小蟹鉗，啖啖肉，我選擇了多葱和木耳絲，配上慢煮豚肉，豚肉十分之腍。拉麵的棉質可以選擇軟硬度，師傅條教得非常好，軟硬適中。朋友叫了一個炙燒豚肉海老拉麵，湯底是濃郁豬骨湯底，隻燒豚肉10分厚切，而且用火槍燒過豚肉的表面，非常之香，而且肥肉喎豬肉的肥瘦均勻，真是齒頰留香，美味極了。另外我們再點了四隻餃子，煎餃子的皮很脆，而且皮薄饀多。

豚骨慢煮叉燒拉麵💰$80😈又一間新開既拉麵小店🍜佢呢到一入口就好似去左日本咁啲師傅會同你打招呼成個裝修都幾好😝今日試左佢個豚骨湯拉麵佢個叉燒有得揀慢煮或煮厚燒不過今日晏左去所以厚燒叉燒已經賣哂😣同埋佢個拉麵底仲可以揀白麵或者黃麵平時食多數係揀軟硬度點知連麵款都有得揀我仲加左$13加左隻溏心蛋好入味佢係原隻唔係切開左一半既🍳整體我覺得個湯底好重豚骨味但飲落唔會好油而麵質地都岩岩好味🐔蜜糖雞翼💰$26😈呢個蜜糖雞翼我都好推介因為我本身以為佢係普通蜜糖雞翼點知佢一黎係開邊炸雞翼個汁係黑黑地原來佢係黑糖整🤤我覺得好好食好特別黑糖唔會話甜到我好唔鍾意仲有佢個黑糖好Match同埋佢呢到飲品都係日本岀品

拉麵之旅來到旺角，雖然大熱天時很多人排隊，有點焗促，但是見到店面的明信片和標語就覺得值得！【海老】選了肥叉燒和較粗的拉麵，一端出來已經被大大隻的鮮蝦吸引著，加上蝦米碎，的確整碗都充滿著蝦味，而作為膽的魚介湯又仍然佔著一席位，有種魚乾味道。肥叉燒燒得甘香，一咬嚐到燒焦過的油脂香味。【魚介】選了肩肉和幼白拉麵，魚介濃郁味道比海老湯底更強烈，湯底真的令人一喝再喝，加上薄薄的肉片，兩樣很夾。喜歡這款細白拉麵比較易掛湯，又吸滿湯汁。絕對會令人回頭的拉麵店！

喺美食多羅羅嘅女人街（通菜街）， 發掘到一間湯底好正嘅日式拉麵店。🍜小小一間店舖， 座位唔多 ，經常都滿座。有一種好熱鬧，親切的感覺。有6款湯底， 並可根據個人口味揀選濃淡囗味， 配料， 麵條款式 ，麵質軟硬度。。 忠於原著， 就揀豬骨湯底， 鹹淡度就揀普通， 因為厚切叉銷售罄， 便選了慢煮叉燒。先試湯底， 呈奶白色， 表面有一層有油份，令整碗拉麵特別香。 湯底好稠， 入口有少少黏嘴唇 ，feel 到有膠質，有煲湯豬筒骨嘅味道～ 是真正的豬骨味， 而非重口味的豬骨合成味湯。揀「普通」 咸度係冇錯，因為唔鍾意重口味嘅湯底。 揀了博多白麵款式， 軟硬度也做得準確， 麵質夠滑亦有少少韌度， 唔會好吸收湯底， 湯和麵嘅味道都可以各自發揮～ 非常回味！慢煮叉燒有驚喜， 肉質超嫩滑， 薄薄的叉燒入口香甜， 充滿肉香，夾雜著豬骨湯底， 別有一番風味～屋企人揀咗蟹膏， 湯底其實都係豬骨味， 多了一份蟹膏和一隻蟹鉗。 蟹膏味道香濃， 唔會好鹹。拉麵好高水準， 外表平平無奇， 湯底令人一試難忘， 把湯喝掉回家也不會口渴。P. S. 看見門口提示：醫護人員和穿校服學生有85折優惠 🍜👍

出品認真仔細 鮮甜濃厚湯底 配上嫩香慢煮叉燒！-呢間小店，連麵條種類都有得揀，一款較滑身，一款較掛汁。不過田中想講嘅係，如果你有選擇困難，應該會由揀湯到揀麵都好困難。-🦐海老慢煮叉燒拉麵 ($90)1️⃣海老湯底蝦鮮味十足，濃厚微稠，混入櫻花蝦，將鮮味提升到另一個境界，總之田中就飲哂！2️⃣配上慢煮叉燒，比厚切叉燒瘦，但勝在肉香嫩滑，而原隻海老亦相當搶眼。👍🏻8.5/10🦑唐揚魷魚 ($28)唔止香脆，係要以酥脆黎形容，非常驚喜，估唔到一間拉麵小店，都將炸物做得咁出色。👍🏻8.5/10🥘汁煮蘿蔔 ($20)另一道驚喜小食，以汁煮方式煮得極其入味，非常淋滑，香甜濃郁，田中encore左多份黎食。👍🏻9.5/10