新翠華小廚 (Closed)

07/08/2010: 北角渣華道街市" 新翠華小廚".1:搖柱扒時蔬:扒西蘭花好d(不過瑤柱很多,材料十足)2:沙薑雞腳:雞腳炆得"好林",煮得好入味.3:金蛋黃煎中蝦:其實中蝦夠新鮮嫩滑,廚師炒至咸蛋黃乾身得來薄薄地包著全隻蝦殼,可以說是集咸香鮮於一身.(水準不錯)4:蒜蓉粉絲蒸扇貝:扇貝味道濃而香甜,再加埋啲蒜蓉粉絲好入味.5:蜜椒雞翼:雞翼夠晒大隻,夠脆夠香口又唔係太辣.6:招牌皇帝骨:味道酸酸地,送飯一流,夠醒胃.**由於飯是用炭爐即煲的(原始風味的煲飯法),也知道新翠華小廚炭爐煲仔飯在銅鑼灣很出名,飯香撲鼻之餘亦能感受到炭燒的獨有風味.**7:麻辣海鮮煲仔飯:好特別，第一次試用海鮮整既煲仔飯,麻辣好夠辣,但唔係好夠香.8:滑雞排骨臘腸煲仔飯:飯吸了雞油的味道, 又有焦得剛好的飯焦.p.s:店員非常親切，服務也很殷勤；飯後還會主動問我們食物質素如何云云。係個唔錯的搵食地方,經濟又好食不妨一試這間新翠華小廚吧。GOOD GOOD!! 所以我會繼續來幫襯!!

3條友, 見 東寶人多.所以去間人少的.叫左馬拉盞炒通菜 (碟底兩尺油, 超咸) 雞蛋焗魚腸 (煱底兩尺油, 超咸)個豆腐魚雲湯 OK, 但係都係油多.新翠華炒飯 (油唔算多, 不過已經食左好多油野) 但仍然稍咸新翠華小炒皇, (又黎油......咸)食到有點神情呆滯......蝦仁炒蛋.....有點老.......過左火.....300大元.....食剩........唔知係大碟, 定係太咸.....食到一半, 已經唔想食........食一次便夠.食後見到麗梅姐張相......同電視畫面 capture.....麗梅姐, 咪玩我啦.....

the 煲仔飯 in 新翠華小廚 is not up to standardthe problems of the 煲仔飯 are1. the taste of the meat can't penetrate into the rice2. the meat itself is not very tatsy3. the soy source is too sweet4. no 飯焦 in 煲仔飯and the 煲仔飯 is too expensive la, $50-70 per pot

只從上年吃過坤記煲仔飯,,嚇怕了雖然真的有水準,但礙於等侯的時間(整整一小時),地點比較遠,所以往事只能回味好了!知道新翠華小廚炭爐煲仔飯在銅鑼灣很出名,但還是覺得在熟食中心比較有風味一點~是日點了: 椒鹽豆腐併雞軟骨 ($6x)餐牌上是沒有的,但可以要求雙併~價錢自然也要多付一點了!椒鹽豆腐皮脆內嫩,外層撒上召鹽和炸蒜,十分香口但也要小心燙口~這裡的雞軟骨烹調方法是我最喜歡的類型,只用調味,加上薄薄的炸粉已經好好吃了~不像其他店子用厚厚的調味炸漿包住雞軟骨,到底都不知自己是否食緊雞軟骨大馬站煲味道偏咸份量較少,不建議吃粟米魚肚羹份量十分大!!!我覺得是4人的份量,很多魚肚,應該沒有下味精,因為飲完也不口乾,才$5x就 一大鍋~抵!蝦醬肉眼煲仔飯大約等了25分鐘左右吧!阿姐下完醬油後,要等上三分鐘才能開蓋~香到忘記了影相,是後來才補上的 飯全都熟(已經合格了)粒粒飯都很分明,醬油甜甜的,但又不會蓋過飯的炭香~肉眼根是偏甜的,肉很稔可是沒什麼肉味~要啖真一點才隱約吃到蝦醬味~飯焦大部份也是金黃,只有很少部份焦黑~(已是上品)集合種種條件,新翠華小廚無論等侯時間,服務,款式多和質素也比較

炒菜未見佳處，且看本陣項目炭燒煲仔飯質素如何，分別點選了傳統的鴛鴦腸煲、招牌荔蓉肉碎煲、豉汁白鱔煲與及創新麻辣雞煲。爆場周五夜，肥哥雙掌難敵近百人的需求，唯有著他盡量燒得乾一點，多等半刻鐘無妨。四煲飯同時間上，待水氣蒸發後，打開蓋傳來飯香，飯焗得好，吃起來軟熟通爽，飯粒較坤記濕潤，是新翠話的活個性，飯有飯香可以不蘸豉油了，個人喜歡傳統的鴛鴦腸煲，雖然鴨潤腸乏甘潤，但飯粒吸滿了臘油，更為圓渾可口。更多熟食中心煲仔飯分享＠http://foodxfile.blogspot.com/2010/01/blog-post_17.html

一月中旬生活豈無困惱，只求work hard eat hard，周五「收爐」跟熟稔食友組為食小團，嚐味求新，盛宴乃時、地、人三者構成可貴圖騰，或遇碰壁亦不會氣餒，皆因良朋共聚互相打打氣，這夜一煲一驚心，妙語連珠，好不有趣的炭煲之夜！周五夜從來都是食客快樂、廚子大「鑊」之夜，左手起鑊右手出菜，沒事無幹亦不敢亂開盤，好臨忙變陣大牌檔式小廚，一圍小聚就好了。椒鹽豆腐來到避風塘掛帥的小廚，就成了金蒜炸豆腐了，布包豆腐件頭不少，但乾蒜爆得不夠香，未至於皮脆惹味，還幸同場加映一碗麵自家製沙茶醬，除有夾雜了醬香外，還下了不少瑤柱熬煮，著實替豆腐生色不少！更多Happy Friday驚險炭煲故事分享@http://foodxfile.blogspot.com/2010/01/blog-post_16.html

一說起渣華道街市,有點像條件反射地(包括我自己)想起兩個字-東寳!有誰會留意到燈籠州街的炭爐煲仔飯,原來有分店在這個街市裡面?星期五的小聚首選地點本是西環的坤記,可惜訂不到位.於是便轉場來這裡一試小炒及炭爐煲仔飯!花旗參螺頭燉烏雞----意想不到的濃味!有花旗參的甘甜,有點當歸藥材味,雖然油份略多(欠撇油工序)從湯渣中可見是落足材料.油鹽水煮花蛤----花蛤體積頗大而且無沙,材料新鮮味道自然鮮甜!椒鹽豆腐+米高醬----碟頭份量十足!豆腐炸得香脆,衆食友發現和米高兄帶來的秘制醬是絕配!羊腩煲----大大煲連生菜一碟,羊腩亦切得頗厚身,調味是足夠的!羊皮已軟淋但肉質可以再炆淋一點.豉油王煎蝦----中蝦開邊,做得外殼脆口及入味,惜部份蝦肉不太新鮮.生炒骨----炸得不夠鬆脆,醋酸的味道太強!感到有點刺鼻.椒鹽鱔球----雖粉漿厚了一點及炸得不夠乾身,但鱔肉質素不俗,鮮味彈牙!*炭爐煲仔飯*飯底有一定水準,夠乾身有飯焦,只是調味及配料質數有高低.鴛鴦腸----兩款腸也是味道不太濃,煮熟後香味較淡.飯身油潤感不足.荔蓉肉碎----芋頭蓉搓成球狀,想不到和梅菜的味道這麽合拍.白鱔孖膶腸----

天氣時冷時暖, 教人無所適從, 一直都未為今季的煲仔飯開齋, 在雜誌上看到這裡的介紹, 已經心郁郁; 終於在再轉冷的時候, 一家人來了吃這傳說中的炭爐煲仔飯。時候還早, 我們來到街市的時候, 還只有一兩桌人, 反而隔壁東寶已有不少人了。事前已上來找過有什麼煲仔飯好吃, 所以已大概有點頭緒。由於飯是用炭爐即煲的, 要等上約十分鐘, 也真的見到廚師在收到柯打之後, 隨即埋位切切切的。特地跑到炭爐陣欣賞原始風味的煲飯法, 都是一種招徠的方法來的。四人點了三煲煲仔飯:荔蓉肉碎煲仔飯 ($53) 是最好味的一煲, 因為上桌時店員已代為下了豉油。初來的時候是有兩個很可愛的球形芋蓉在內的, 驟眼看就好像雪糕球, 是要拌勻在飯內來吃的。撈勻了之後就見不到芋頭了, 反令飯身增添了幼滑的食感, 加了豉油的飯混和肉碎惹味非常, 吃到底的飯焦更有炭香, 這就是古法炭爐煲仔飯的迷人之處了。疆土羊肉煲仔飯 ($56) 當然是羊痴我的主意, 也是此店名物之一; 用上孜然粉來醃羊肉, 有點點香辣, 飯不下豉油都好吃; 只嫌羊肉不夠羶勁, 而且肉質很滑, 不似羊肉的質地啊, 真令人費解。玫瑰花茶田雞煲仔飯 (忘了價錢)

一心黎食煲仔飯, 倆人二未夠六點已到熟食中心話明街市地方有幾好呢 ? 相信一衆食客也絕不介意 原來未夠六點, 已有食客等緊在炭爐上的煲仔飯炭爐只開了倆個, 未有狀觀的火場的出現 與大舊商量過後 (其實又係我拍版), 本來點了倆個煲仔飯, 後尾上枱先知點三個餸都可以落錯單只黎左一個飯, 一個咸魚雞粒煲, 一個豆鼓O 魚炒油墨菜 , 沒了我最想食既芋肉碎飯,對我高這個飯痴實在不敬 咸魚雞粒煲先上, 味道十分香濃但有點先過咸, 雞粒頗多, 要叫個白飯相伴送飯真係一流豆鼓O 魚炒油墨菜 : 也是一味比較味濃既菜, 菜炒得青青綠綠, 無意中試左一啖湯汁, 居然十分鮮味, 油份也很小, 直頭可以當湯飲 駝鳥肉煲仔飯 約等15 分鐘 (當時無客人落單) , 伙記為煲仔飯倒下深色豉油再蓋回煲蓋約3-4 分鐘可以食用一開蓋十分香, 濃藥材味, 駝鳥肉肉質纖維比牛肉軟, 但也十分有嚼勁傳來陣陣炭爐飯香, 誰知飯身先令我失望, 米粒粒硬身, 有點生米, 又似唔夠水 … 又痴牙, 要用上雙倍時間咀嚼 食左一碗已無牙力再食駝鳥肉…. 豉油又唔夠甜, 只得深色倆個字, 真係好失望 主打唔好食又落錯單, 喊

星期日晚，是與外家每兩個禮拜一次嘅飯聚。是夜，岳母提議到外食煲仔飯，為遷就腹大便便的太座，於是往渣華道街市嘅「新翠華」。銅鑼灣登龍街都有一間「新翠華」，是否同一分店不得而知，但大家都係用炭爐造煲仔飯的。除咗煲仔飯之外，還點了幾款香口小菜。先有炸得甘香可口的椒鹽雞軟骨及煮得頗入味的沙薑雞腳，之後便是油鹽水煮花蛤。花蛤肉質鮮甜，可是油鹽水是重手了一點；脆皮豆腐味道淡之餘，亦炸得毫不香口，係是晚一眾偏鹹嘅小菜中唯一覺得偏淡嘅菜式；炸黃膳球十分香口，膳肉肥美，墊在膳球底的炸洋蔥，雖然較為肥膩，但食三兩件，也是不可放過嘅恩物；豉椒鴨胸肉炒西芹味道最過鹹，連筆者不喜愛嘅西芹草酸味都掩蓋掉，不用太座指示，筆者都樂於夾上幾件西芹。總體嚟講，小菜嘅印象一般，可幸煲仔飯是十分精采的。一共四款煲仔飯，包括窩蛋牛肉、土魷肉餅、臘味排骨及荔芋肉碎。由於煲仔飯是用炭爐煲嘅緣故，所有煲仔飯都散發出猶有嘅炭香味，其中尤以荔芋肉碎最濃烈。灑上豉油汁，再焗一分鐘，揭開煲蓋，熱騰騰嘅水蒸氣，夾雜著炭香、飯香及豉油香溢出。各人也毫不客氣，你一羹我一羹，去獵取心頭好。飯粒是熟中帶有咬口，如炒飯一般，無論是沾上了少許豉油，抑或是

10月29日（星期四）晚，是晚天氣開始轉涼，又係時候食煲仔飯了。之前吃過西環的坤記，今趟就試試另一間以炭燒煲仔飯而馳名的「新翠華」，但是我們不是去銅鑼灣那間，而是去位于渣華道市政大廈的分店。我們來到二樓，「東寶」依然一枝獨秀，生意幾近不休做，行過了去的另一端才找到「新翠華」，見到所有店員皆穿著了制服，感覺幾有特色。來這裡當然就是為了吃煲仔飯，女友就選擇要鮑貝滑雞煲仔飯，頭痛的是想點多一個小菜。看了一會，我和女友都不約而同想點南乳藕片炒豬頸肉，果然心有靈犀！因煲仔飯製作需時，先上檯的當然是南乳藕片炒豬頸肉，藕片和豬頸肉的份量都比想像中多，藕片爽口無渣，豬頸肉亦不是很肥；南乳汁無論是份量或是濃杰度都很適中，略嫌味道不夠濃。等了差不多二十分鐘，“主角”終於上場了，店員先下少許豉油再蓋上煲蓋，並說等一會才打開蓋，但並沒說等多久才可以開蓋，所以我們等了超過一分鐘才開蓋。鮑貝滑雞煲仔飯很足料，鮑貝和滑雞鋪滿了整個煲，雖然鮑貝和滑雞兩者味道略嫌不足，但總算以份量彌補不足，甚至份量比飯還要多！飯粒軟綿，飯香撲鼻之餘亦能感受到炭燒的獨有風味，如果可以再多些飯就更好了，不過飯焦就不及坤記了。此外，放下煲仔

星期六，一行五人在北角搵飯食，行到北角渣華道街市，見在樓下有個招牌，寫住"新翠華…炭爐煲仔飯"，天氣又涼咗，咪走上去試吓。原來街市都好多人搵食，多人到爆。坐低咗先order兩支啤酒一路飲一路睇吓有咩好食。睇吓睇吓個餐牌，朋友A話想食海鮮，睇到又吾貴，咁咪試吓先，之後有人又話想食辣嘢。當大家有共識後，就點幾款餸……豉油王虎蝦、辣子雞煲、避風塘炒蟹、薑葱蟹、魚湯辣蜆……一定吾少得"炭爐煲仔飯"啦。豉油王虎蝦虎蝦多膏又汁，豉油好香又惹味。最少要2隻，不過又吾貴喎…$15/隻辣子雞煲我哋選了中辣。真係好香又辣，好鬼惹味。啲汁要黎送白飯一流。避風塘炒蟹上菜時，啲蒜香好正。辣味剛剛好(個人意見)，啲干蒜送酒一流。薑葱蟹家常小炒，不過都好有水準。魚湯辣蜆魚湯加蜆，原來可以好鮮，再加上有粉絲，之精華所在。真係好似冬蔭官FEEL。又係送飯之選。"炭爐煲仔飯"送上枱時，有陣陣炭香味。真係吾似其他茶餐聽用石油氣煲。料又新鮮。睇吓睇啲介紹，原來係銅鑼灣，登龍街好鬼出名煲仔飯分店。吾卦之得，有返咁上下水準。P.S. 大排檔環境大家都知道，吾及大酒樓。格局一般。但勝在伙記好NICE，提供應有意見，服務都掂。如大家

聽同事說渣華道熟食中心新開了一間食肆專吃海鮮，我們當然不會錯過吧。新翠華，名字很熟，原來就是銅鑼灣登龍街做炭爐煲仔飯做到街知巷聞的那間。這次它們轉移陣地到北角，以海鮮作招徠，似乎要和鄰旁的東寶硬拚吧！ 新翠華在熟食中心西邊最盡處，環境不用多說，就是一般熟食中心的食肆。大小圓桌放在放滑膠地板上，頭頂是一貫的假天地及黃白光管。但最特別就是廚房外放了數個大魚缸，新鮮魚蝦蟹盡在其中，確是主打海鮮的表現。除此以外，這裡仍然有之前大賣的煲仔飯，亦是用上炭爐泡製，款式亦如老鋪一樣。我們一心來試試海鮮，但除了魚蝦蟹，貝殼類就只有蟶子，我們唯有托未到的同事在北角碼頭自購我們心儀的帶子。本來店員說上來料加工五十元，但最後也只收了三十元吧。 另外，這裡的菜式也頗多，但我們只有三人，只能一試數款吧。 椒鹽鱔片：大碟鱔片炸脆後鋪滿炸蒜，不見辣椒，但椒鹽味道卻十足；鱔片新鮮爽口，佐酒佳品，很好。 美極煎虎蝦：每隻十五元，香煎虎蝦以美極配味，惹味可口；而且虎蝦鮮味十足，連頭煎香，蝦膏也沒有溢出，不錯。 魚湯浸辣蜆：蜆肉連殼以魚湯上，辣味充足，不過連魚湯的鮮味也搶去了，喜歡吃辣的朋友可以一試。 避風塘鮮魷：