Video
Read full review
2009-12-09
8 views
星期日晚，是與外家每兩個禮拜一次嘅飯聚。是夜，岳母提議到外食煲仔飯，為遷就腹大便便的太座，於是往渣華道街市嘅「新翠華」。銅鑼灣登龍街都有一間「新翠華」，是否同一分店不得而知，但大家都係用炭爐造煲仔飯的。除咗煲仔飯之外，還點了幾款香口小菜。先有炸得甘香可口的椒鹽雞軟骨及煮得頗入味的沙薑雞腳，之後便是油鹽水煮花蛤。花蛤肉質鮮甜，可是油鹽水是重手了一點；脆皮豆腐味道淡之餘，亦炸得毫不香口，係是晚一眾偏鹹嘅小菜中唯一覺得偏淡嘅菜式；炸黃膳球十分香口，膳肉肥美，墊在膳球底的炸洋蔥，雖然較為肥膩，但食三兩件，也是不可放過嘅恩物；豉椒鴨胸肉炒西芹味道最過鹹，連筆者不喜愛嘅西芹草酸味都掩蓋掉，不用太座指示，筆者都樂於夾上幾件西芹。總體嚟講，小菜嘅印象一般，可幸煲仔飯是十分精采的。一共四款煲仔飯，包括窩蛋牛肉、土魷肉餅、臘味排骨及荔芋肉碎。由於煲仔飯是用炭爐煲嘅緣故，所有煲仔飯都散發出猶有嘅炭香味，其中尤以荔芋肉碎最濃烈。灑上豉油汁，再焗一分鐘，揭開煲蓋，熱騰騰嘅水蒸氣，夾雜著炭香、飯香及豉油香溢出。各人也毫不客氣，你一羹我一羹，去獵取心頭好。飯粒是熟中帶有咬口，如炒飯一般，無論是沾上了少許豉油，抑或是
銅鑼灣登龍街都有一間「新翠華」，是否同一分店不得而知，但大家都係用炭爐造煲仔飯的。除咗煲仔飯之外，還點了幾款香口小菜。先有炸得甘香可口的椒鹽雞軟骨及煮得頗入味的沙薑雞腳，之後便是油鹽水煮花蛤。花蛤肉質鮮甜，可是油鹽水是重手了一點；脆皮豆腐味道淡之餘，亦炸得毫不香口，係是晚一眾偏鹹嘅小菜中唯一覺得偏淡嘅菜式；炸黃膳球十分香口，膳肉肥美，墊在膳球底的炸洋蔥，雖然較為肥膩，但食三兩件，也是不可放過嘅恩物；豉椒鴨胸肉炒西芹味道最過鹹，連筆者不喜愛嘅西芹草酸味都掩蓋掉，不用太座指示，筆者都樂於夾上幾件西芹。
總體嚟講，小菜嘅印象一般，可幸煲仔飯是十分精采的。一共四款煲仔飯，包括窩蛋牛肉、土魷肉餅、臘味排骨及荔芋肉碎。由於煲仔飯是用炭爐煲嘅緣故，所有煲仔飯都散發出猶有嘅炭香味，其中尤以荔芋肉碎最濃烈。灑上豉油汁，再焗一分鐘，揭開煲蓋，熱騰騰嘅水蒸氣，夾雜著炭香、飯香及豉油香溢出。各人也毫不客氣，你一羹我一羹，去獵取心頭好。飯粒是熟中帶有咬口，如炒飯一般，無論是沾上了少許豉油，抑或是經帶豉油味嘅水汽薰陶，飯香裡帶點鹹香，十分可口。當中，臘味排骨滲出嘅油脂，俱被飯吸收，有多兩重享受，味道更有層次感；荔芋肉碎則以香味取勝，這是芋頭香氣嘅功勞。吃煲仔飯，又怎能錯過鍋巴，用鐵羹一塊一塊的刮下來吃，脆脆的，是一種另類享受。鍋巴平均分佈在瓦煲上，用一般石油氣，追求產量快，絕對不能做得到，這亦是除了炭爐香之外，另一個食煲仔飯一定要用炭爐嘅原因。
太座要求荔芋肉碎煲加多一粒荔芋，一應做到。岳父最善長作弄店員，以測試其情緒商數，均合格過關。
八個人食飯，共銀只需六百四十蚊，平均每人八十蚊，十分抵食。與丁才兩旺嘅「東寶」相比，在這邊的「新翠華」顯得份外冷清。不過，筆者不會吝惜腳骨力，行遠一點，再嚐其煲仔飯。
Post
