Read full review
2021-08-14
48 views
家後相信好多香港人都中意食餃子,我自己就比較中意食厚皮,帶煙韌口感既餃子。餃子當然餡料要夠飽滿,甘樣先夠滿足。今日就黎到位於深水埗既家後,試下佢地既手工餃子,同埋!竟然有甜品。真系第一次見食餃子既餐廳有甜品食埋。真系一次過滿足我兩個願望。食完飯更系要食翻個甜品做結尾啦。雲耳椰菜豬肉湯餃 $36/8餃子大大粒,餡料超級飽滿。餃子皮唔會太厚,唔會太薄,口感煙韌。調味剛剛好。雲耳椰菜口感爽脆。湯底方面很鮮甜,使用了紅蘿蔔,雞腳,仲有一d甘蔗的甜味。飲完唔會口乾,如果一個人吃一碗,飲埋湯,真系會好滿足。韭菜豬肉煎餃 $40/8韭菜豬肉餃新鮮,系自家制既味道,唔似平時雪藏既韭菜豬肉餃味。煎餃煎到金黃,十分脆,熱辣辣食,脆卜卜。佢地仲有辣菜脯,真系好夠辣,加埋落去個湯度又系另一種風味。白菜豬肉湯餃菠菜麵 $40/6白菜豬肉餃特別鮮甜。入面既白菜真系好甜。豬肉新鮮,無雪藏味。每一隻都好飽滿。湯底同湯餃子既湯一樣甘鮮甜。菠菜麵食得出有纖維感。玫瑰雞翼 $30我覺得尼間既雞翼真系做得幾出色。濃郁,味道豐富。唔會太鹹,甜度適中。仲要每一隻都超大隻,好肥美。啖啖肉。日式手作原味巴斯克 $25巴斯克蛋糕做得都
相信好多香港人都中意食餃子,我自己就比較中意食厚皮,帶煙韌口感既餃子。餃子當然餡料要夠飽滿,甘樣先夠滿足。今日就黎到位於深水埗既家後,試下佢地既手工餃子,同埋!竟然有甜品。真系第一次見食餃子既餐廳有甜品食埋。真系一次過滿足我兩個願望。食完飯更系要食翻個甜品做結尾啦。
雲耳椰菜豬肉湯餃 $36/8
餃子大大粒,餡料超級飽滿。餃子皮唔會太厚,唔會太薄,口感煙韌。調味剛剛好。雲耳椰菜口感爽脆。湯底方面很鮮甜,使用了紅蘿蔔,雞腳,仲有一d甘蔗的甜味。飲完唔會口乾,如果一個人吃一碗,飲埋湯,真系會好滿足。
韭菜豬肉煎餃 $40/8
韭菜豬肉餃新鮮,系自家制既味道,唔似平時雪藏既韭菜豬肉餃味。煎餃煎到金黃,十分脆,熱辣辣食,脆卜卜。佢地仲有辣菜脯,真系好夠辣,加埋落去個湯度又系另一種風味。
白菜豬肉湯餃菠菜麵 $40/6
白菜豬肉餃特別鮮甜。入面既白菜真系好甜。豬肉新鮮,無雪藏味。每一隻都好飽滿。湯底同湯餃子既湯一樣甘鮮甜。菠菜麵食得出有纖維感。
玫瑰雞翼 $30
我覺得尼間既雞翼真系做得幾出色。濃郁,味道豐富。唔會太鹹,甜度適中。仲要每一隻都超大隻,好肥美。啖啖肉。
日式手作原味巴斯克 $25
巴斯克蛋糕做得都唔錯,有好多食客都會外賣翻屋企。佢地除左有原味,仲有好多口味,例如抹茶,開心果,咖啡。今次食原味。好creamy, 味道濃郁,除左有芝士既咸香,仲有乳酪既酸味,整體唔會好漏。
日式焦糖布甸 $25
佢地使用左3.6牛乳製作,整體好creamy,甜度適中,配上底既焦糖醬,味道融合,很不錯。高質!
Post