家後

Open Now

Now Closed

去深水埗探朋友，順便食lunch。朋友推薦呢間餃子小店，話好好味。我地好好彩，唔洗等位，我地食食下，已經見到有人等位。我地叫咗煎韭菜豬肉餃，湯雲耳椰菜豬肉餃，炸小雲吞，麻辣雞腎同日式手作芝士蛋糕。~~煎韭菜豬肉餃煎得好香脆，餃子粒粒好大隻。好足料，好香韭菜味，食落好juicy。~~湯雲耳椰菜豬肉餃湯底好清甜，完全冇味精。仲有，紅蘿蔔，粟米同生菜做配料。椰菜好爽口同豬肉好爽，好好味。~~炸小雲吞即叫即炸，炸得好香。一啖一口，好方便。食落好鬆脆，好快就食完。~~麻辣雞腎雞腎好爽口，大大碟，加埋麻辣，好惹味。~~日式手作芝士蛋糕超推薦。芝士味好香濃，食落好creamy，好滑。