家後

Open Now

Now Closed

小店位於較少會去嘅深水埗😙如果唔係經友人推介一試嘅話！真係好易睇漏眼"走寶"🤭🤭大家有機會都支持吓小店吖!!老闆好nice店員都好friendly！！. ✨雙拼手工水餃 $40 (八隻)(+$2雙拼)鍾意香口嘢！梗係點煎架啦！分別要咗"洋蔥豬肉餃"& "香菇粟米雞肉餃"🤗除咗餡料好足啖啖飽滿之外！仲煎到外皮脆卜卜！Be大推洋蔥果款！煎餃果然係呢度名物之一！務必試試！！. ✨牛腩飯 $42 (連例湯/飲品)因為見餐牌有大姆指所以叫咗☺️牛腩炆得好入味又夠哂色水！半筋半肉唔會過柴/過油膩！咬落又腍又有牛味！撈埋牛腩汁配飯幾唔錯👍👍重點CP值高到暈！！. ✨秘製炸雞翼 $25 (四隻) 呢款炸法好有細個食嘅炸雞翼味道！食得出酒醃嘅香味！又夠脆口！唔係話好特別勁好食！但係俾到Be有童年回憶嘅感覺😚😚. ✨雙拼湯麵 $32 (配飲品+$5)配料要咗鹵水豬大腸$8,金錢肚$9,金錢展$9,鹵水雞翼$8,白菜$6！每款都醃得入味又軟身！配咗好多年無食過嘅生麵！不過不失👌. ✨日式手作芝士蛋糕(開心果味) $30必必必需食！小店嚟講有呢個質素真係世界級好味👏👏 濃郁豐盛嘅芝士味十級creamy！厚實得嚟

聽舊同學介紹，今晚和朋友來一個簡單晚飯。據說餃子是出名的，揀了芫荽豬肉湯餃，菠菜豬肉煎餃，小雲吞，再加炸雞和雞翼，並預留一件綠茶芝士蛋糕作飯後甜品。雖然是星期日晚，人流不少，等了10分鐘才有四人枱。服務阿姐忙到有少少炆憎，可理解。我們四人最喜歡是芫荽豬肉湯餃，鮮味但不搶喉。從煎餃的顏色均勻，看得出廚房用心製作。自家製日式綠茶芝士蛋糕軟滑，甜度剛好。意外地看到有即磨咖啡提供，跟餐更只是$10一杯，純想飲咖啡的話，不是要坐在靚靚環境打卡，這是一個很經濟的選擇。

最近都不斷見人分享呢間餃子店，最吸引我其實係佢地嘅巴斯克芝士蛋糕，今次放工終於有機會去一試。先講講佢地主打嘅餃子，有好多唔同口味，當然要試晒湯餃同煎餃。今日湯頭係赤小豆煲葛湯，清甜之外仲見到有啲料係湯入面，真材實料呢！我揀咗雲耳椰菜豬肉餃配芹菜豬肉餃，前者椰菜鮮甜雲耳增添咬口。後者芹菜味唔算好重，反而豬肉咸味出啲。煎餃煎得好靚仔，點咗韭菜豬肉餃配白菜豬肉餃，韭菜無得輸，4款之中最濃味，一咬落去見到勁多韭菜。而白菜清而不淡，另外都聽講洋蔥豬肉餃煎都好好食，下次要試呢款啦！湯餃同煎餃都有加$15轉套餐，可配粉麵/小食，我地揀咗配辛辣麵同埋滷水雞翼。滷水雞翼都幾入味，如再腍嫩啲就更好啦！嚟到全晚亮點—巴斯克芝士蛋糕，一上枱見到雖然唔大件，但一揭開見到中間軟心部分就知一定好食！食落芝士味恰到好處，重點內裡超順滑，而外面個焦香效果又啱啱好，$25絕對超值！真心想請教點整，太神了！

焦糖牛奶布甸sold out 於是我哋就叫咗兩件芝士蛋糕食，咁佢嘅芝士蛋糕應該係用6吋嘅模整出嚟。所以一件切餅就唔係好大份，幾適合作為甜品嘅份量。原味芝士蛋糕🍰 開心果味芝士蛋糕。兩款蛋糕都有靚靚咖啡色嘅外層，似係電飯煲焗出嚟嗰陣嘅感覺。裏面嘅texture 係軟綿綿，似雞蛋糖心蛋口感。而且開心果味道都幾濃郁！不過件蛋糕好”嘢”痰 如果最尾有一杯紅茶一齊食，咁就最夾煎餃子🥟餃子三面之中有其中一面係煎到脆卜卜，幾乎好似咬落薯片咁😍 好開心芫荽豬肉餃，芫荽味極之夠！湯餃子煎餃子🥟 兩種餃子都好，其實都好需要有少少辣多多趣嘅菜脯加埋一齊食，咁樣就好惹味！日本飯團$15 ，都幾抵食，如果最尾唔夠飽，可以叫一個兩個人分

餃子癮起就上網搵下附近邊度水餃出名， 其實選擇有好幾間，但係俾呢間的巴斯克蛋糕吸引， 果然去到係要等位嘅， 等咗都大約半個鐘，終於有得入去食, 中途見到唔少人一早電話預留個芝士蛋糕外賣， 心諗會唔會入到去冇得食， 果然係賣完咗， 好在有替代的甜品， 令到我成餐飯都好滿足。我哋兩人一人叫了一個煎餃餐，一個豬大腸湯羹, 一碟鹵水雞翼, 一人一個唔同味芝士蛋糕， 食完真係好飽呀。煎餃四十蚊有八隻，雙拼加兩蚊，我哋總共揀咗 四款味道， 芫茜豬肉，芹菜豬肉，洋蔥豬肉，菠菜豬肉， 每隻都好好食， 大小適中，皮煎到金黃香脆， 內裏保有肉汁，最欣賞就係菠菜豬肉， 每隻都煎得好有心機，不可猛火煎，所以需要花點時間等，即叫即煎。等待途中隻不然會繼續再叫嘢食， 點咗個家後大腸羹$35同埋鹵水雞翼$25,因為價錢平所以本身以為會係超細碟，一人份,但個大腸羹超大份,用新鮮大腸，洗淨，沒鹵過, 另有一番味道， 加 胡椒粉同醋一齊食，，超好味。雞翼係大大隻，好肥美，有5隻， 每隻都脹卜卜，冇煮到柴咗。到個重頭戲就係開心果芝士蛋糕，oreo芝士蛋糕，每件$30，有濃厚芝士味，開心果味最驚喜, 開心果嘅香味配濃郁芝士，

家後店舖被類近嘅大排檔遮擋咗，夜晚嚟會比較難搵到。不過贏在夠哂人氣，過咗馬路後見到有好多人喺分店門外等候，就會知道喺深水埗好出名嘅時日精選湯底為主配上自家製餃子😋💁🏻‍♀️今次叫咗2️⃣小食2️⃣個主食1️⃣個甜品🐷滷水豬大腸💰20家後嘅豬大腸夠哂瘦，食落去唔會覺得滿口油膩感外，更有個小驚喜係大腸滷得夠哂味，唔洗驚會有陣怪味，而且份量亦岩岩好唔會太大碟😋🐔日式炸雞（4件）💰25新鮮脆炸粒粒金黃色嘅炸雞球，配以旁邊嘅酸甜辣醬，簡直增添咗雞球嘅味道層次。俾個溫馨提示大家，因為雞球係新鮮炸好，所以食嘅時侯要小心啲咬，唔係會好容易辣到個嘴🙈🥟韮菜豬肉餃+原味雞翼💰51每款單點湯餃都可以加$15轉套餐，套餐可以選擇麵類/採用日本米製造嘅時日飯糰/原味或麻辣雞翼（2隻）及凍或熱飲品😝自家包製嘅韮菜豬肉餃，皮薄餡香，韮菜嘅比例剛好唔會蓋過肉味，值得一贊嘅就係個老火湯底，採用咗冬瓜薏米湯為底，一路食餃子一路飲埋個消暑下火湯👍🏻雞翼個滷味對比滷水豬大腸就稍為無咁出色，但肉質都夠哂嫩滑～🥟香菇粟米雞肉餃+麻辣雞翼💰51同樣加$15轉了套餐，本身想試吓個時日飯糰，但一早就沽清哂😭所以就揀埋麻辣雞翼試下，麻辣味相當出色，連

聽講深水埗有間食餃子又有賣埋芝士蛋糕好好食，今日行開深水埗，終於可以試下，我地6點左右去到，雖然唔使等位，但入面已經差唔多滿晒，坐低一陣就見到出面開始要等位。見到menu 嘅款式都幾多，有啲係比較少食，所以我地叫咗椰菜雲耳豬肉湯餃同埋芫荽豬肉湯餃嘅雙拼，雙拼加兩蚊。同埋韭菜豬肉煎餃、洋蔥豬肉煎餃嘅雙拼，咁就可以試多幾款餃子！其中一個我地加咗做套餐，+$15揀咗要兩隻麻辣雞翼同埋熱菜蜜。 套餐仲可以揀麵或者飯團，但我地驚太飽就冇叫到呢兩款。呢四款水餃都係皮薄餡多，非常多汁！椰菜雲耳豬肉湯餃非常清甜，入面有爽脆嘅雲耳同埋椰菜絲，食落口感十足。芫荽豬肉湯餃呢個絕對係鍾意食芫荽嘅人嘅必食之選，有超多芫荽，好重芫荽味！湯餃嘅湯底係赤小豆粉葛湯，好有家的味道，真材實料，好鮮甜，冇味精味！食餃子嘅時候連埋飲湯，超級搭。韭菜豬肉煎餃韭菜嘅我比較鍾意煎餃，覺得煎先可以帶出韭菜嘅香味。洋蔥豬肉煎餃同樣，煎洋蔥餃超香，食落又甜。 相比湯餃，我更加鍾意煎餃，呢兩款煎餃都超級好食，煎得好好，外皮超級香脆，咬落仲有汁係入面。除咗餃子好好食之外，呢度嘅芝士蛋糕都好出名。今日有好多款可以揀，有開心果味、抹茶、咖啡、原

家後餃子同basque cheesecake一直好高評價，前排特登去深水埗拜訪佢👻·🥟雙拼湯餃（$38）點選了雲耳椰菜豬肉餃 x 韭菜豬肉餃💓餃子湯底係自家老火湯，雖然無味精飲左唔覺口渴但我覺得略淡～餃子足料，菜肉比例平均，好味啊～·🍙自家製飯團（$15）大食仔好喜歡. 爽口牛蒡絲，微微燒汁香，眨下眼俾大食仔消滅左🤣·🍰日式手作芝士蛋糕（$25）期待左好耐！今次試下未食過既開心果味😍估唔到咁夾，好creamy好滑·📍 家後深水埗基隆街211號地鋪

今日食「家後」，黎到門口7:00幾，排左好多人，我排左15分鐘入到去，店員好細心服務，見到我地有袋就預備左櫈俾我地放野，咁叫餐時我叫左一份雙併煎餃-香菇粟米雞肉餃併洋蔥豬肉餃（加$2雙併 $42/8隻）、湯餃（雲耳椰菜豬肉餃併菠菜豬肉餃（$36/8隻，加$2雙併），我不禁要讚嘆佢嘅湯餃，湯餃嘅湯係用自家炮製嘅老火湯蓮藕花生排骨湯，仲要店員推介嘅字加辣菜圃，絕對是推介黎到必食，兩份餃也加$15跟餐加了份滷水雞翼（每份兩隻，共四隻$30），跟餐有飲品包埋，我叫了凍菜蜜同凍檸茶，檸茶的茶味好香，抵得一試。我叫了幾款小食，有滷水豬腸（$20），我覺得滷水豬腸同滷水雞翼一樣，滷得十分入味香口，豬腸十分彈牙爽口。仲有酥脆炸肉丸（$25/10-12粒），最後小編叫了店內人氣必食既日式手作芝士蛋糕（$25/1件）有幾款口味選擇，有原味、咖啡……最後埋單合共$180，食左咁多野食物份量適中，我留意到店內好多鄰近住的人及熟客，服務態度十分殷勤，熱情招待，真係令人有回家嘅感覺，家後絕對值得黎食。

今晚約左中學同學 近近地兩個食下平野叫左六隻湯餃子麵（無影相）湯底普通 加小小辣菜“補”都不錯上海麵比較幼 無特別餃子幾好食 叫左椰菜豬肉餃單純講餃子麵，我會毫不猶豫選擇旺角出名良心餃子店♥️😻不過呢間鋪最吸引嘅係呢個$25嘅巴斯克芝士蛋糕 甜度適中 口感柔軟順滑 呢個價錢同味道我比9分😻 有下次Openrice價錢💸：9/10抵食👍：7.5/10環境🤳：6.5/10味道😻：7/10份量🍽️：6.5/10良心♥️：N/A

深水埗餃子店十分多，間間都話係老字號。所以好難揀食邊間。抱住一個有位就入嘅心態，行左幾間都超爆，lunch hour 嘅關係。最後去到依間有一個單邊位，所以稔都唔稔就直入。最後竟然有驚喜。其實都有人等緊位 可惜佢地係幾個，我一個人先可以直入。menu 好簡單，兩張紙睇哂。出名食餃子，所以叫咗兩款出面比較少見嘅煎餃試吓，有菠菜豬肉同洋蔥豬肉。洋蔥豬肉十分足料真係食到洋蔥味，洋蔥冇嗰陣生味但有鮮甜味係到。同豬肉好夾。菠菜豬肉呢個組合10分少見但有驚喜菠菜味好夠，有一種健康又香嘅感覺，可以調出豬肉嘅香味出黎。麻辣雞翼十分入味又就夠辣，好開胃。日式住家飯團好住家feel有肉同醬油嘅味，好開胃。豬手炆到好淋，好入味啲骨一咬就開。好重骨膠原。menu 冇嘅，要問。老闆推介開心果芝士蛋糕。好重開心果味，估唔到喺深水埗依啲餃子店竟然食到開心果芝士蛋糕。

最近都想食得清淡啲，於是就揀咗食水餃 🥟呢個湯水餃好有住家風味，因為個湯底係愛心靚湯，即係粉葛湯。水餃口味就揀咗韭菜豬肉餃同埋云爾椰菜豬肉餃。水餃嘅size都幾大隻，雙拼一碗有8隻，都夠飽，連湯都飲埋。滷水雞腎，諗住小食個份量應該唔會好多，點知其實夠兩個人食配埋個凍檸賓，夏天炎炎，爽最後見到隔離枱好多人都叫芝士蛋糕，我亦都嘗試吓。叫咗件原味蛋糕，幾好味，對得住$25呢個價錢。同埋特別之處都係買水餃嘅舖頭竟然有買埋芝士蛋糕呢個甜品。

今日同朋友喺深水埗行完鴨寮街，買完啲又平又抵又正嘅平貨之後，見咁難得嚟到深水埗，梗係想搵下啲嘢食食啦！身為餃子控嘅我哋，行到去基隆街呢度，條街有好多大排檔擺曬啲枱出嚟，好似周星馳嗰啲戲入面嘅畫面，跟住就見到大大個招牌，門口有好多人原來係食水餃㗎！！所以呢我哋二話不說， 就入咗去喇！舖頭長長， 應該係一家人經營嘅，全部人都好笑容可掬佢有好多款餃子，每個款有湯嘅，有煎嘅，你可以雙拼， 加幾蚊嘅啫咁我哋就叫咗洋蔥豬肉餃子同埋韭菜豬肉餃子煎嘅， 嘩佢個皮邊度翠咯咯架，咬落去有好多肉汁，另外湯個款呢， 佢個湯底係粉葛湯好好飲， 跟住我哋叫咗個菠菜豬肉， 同埋白菜豬肉， 配湯嘅有配湯有鮮味，煎有煎嘅香脆我哋仲叫多咗個巴斯克芝士蛋糕可惜佢冇曬原味， 佢畀咗個抹茶味我哋， 喺餃子店入麵食蛋糕好似好奇怪， 但係呢個蛋糕真係好出色大家有機會一定要試下！！

家後，呢間餐廳其實好出名，只不過一路冇時間嚟深水埗食，所以今日專程喺附近行街然後過嚟排隊食。我就揀咗湯餃雙拼，包括韭菜豬肉同埋雲耳椰菜豬肉，轉餐，包一杯凍檸賓同埋滷水雞翼兩隻，加䭎滷水豬大腸同菜全走。好食，全部都好食，食到裏面嘅味道，呢兩款味都幾啱做湯。同埋個湯係粉葛湯，幾少見但係唔水唔稀上菜速度都唔慢，最重要係久違的凍檸賓幾正。因為呢個年代冇幾多餐廳有做。豬大腸其實有少少肥不過都預咗。成餐都幾值，下次嚟深水埗都會食。

為咗食餃子同cheesecake，特登一早嚟深水埗食飯，真係要早啲嚟，一到12點已經好多人排隊椰菜豬肉湯餃，8粒大大隻，加上無味精粉葛赤小豆湯，真係好有家的感覺 真係好好食！！聽好多人叫粟米雞肉、芫荽、洋蔥豬肉餃，下次再試試佢我叫咗套餐B配飯團一個，雖然8粒餃子加埋湯女仔嚟講都夠飽，但飯團真係好推介！細細地一個但論味道同口感都無可挑剔，下次都會揀返套餐B，依家諗返都好掛住呢個飯團同個cheesecake睇漏咗套餐跟冷熱飲品一杯，我又係飲凍檸茶，因為嗰日熱到爆炸救命！！！！最令人期待嘅芝士蛋糕嚟喇！！佢size唔會好大所以就算飽飽地就有位俾佢 第一啖食覺得普通，之後越食越香，口感棉滑但又唔膩，我之後特登返轉頭買多一個，但要等老闆娘切餅因為對上一個客買咗100件（唔知有冇聽錯），叫呢個做飯後甜品真係大滿足！必點之選！！！