Corner Garden Crepes & Drinks

營業中

休息中

我真係極少會影低相寫食評，今次真係第一次！這間店名不副實，班戟價錢貴之餘味道好一般。性價比低不在話下，店員係兩個老人家，態度惡劣，好似吾志在有冇人幫襯咁，唔使旨意再去幫襯。

入到長洲，見到這間店pancake好似幾特別，所以買來試下，等咗半個小時，食時覺得香焦味道已經怪怪地，不以為意，點知回程時就開始肚痛，在船上痾咗兩次。近排天氣熱咗，生果切開容易變壞，大家食時小心Ｄ啦。

經典榛子香蕉班戟結合了榛子醬、香蕉和班戟的口感和風味。班戟上面鋪滿了香蕉片，再加上一些榛子醬，忌廉。裝飾有朱古力蛋卷。班戟即叫即製，新鮮暖香，香蕉香甜，但餅皮煎到偏乾，因為沒有水份配料幫補，整體口感偏乾，麻麻地。#長洲美食#長洲#foodie#hkfoodie#長洲必食#甜品#長洲甜品#香港必食#香港美食#香港网红打卡#香港美食探店#甜品推薦#Corner Garden Crepes & Drinks#美食推薦#長洲美食探店#moodzfoodie#moodzfoodz

趁暑假期間，入去長洲玩個短trip!偶爾發現小巷入面嘅Corner Garden ，佢哋主打輕食，好似pancake同各式咖啡、梳打、手調飲品。我哋試咗芒果忌廉pancake 、Oreo 木槺pancake 同埋力讚嘅牛油果火炙pancake ！當中嘅牛油果火炙pancake，店主塗上醬料然後用火微燒過牛油果，再加上適量嘅海鹽調味，未放入口已經聞到一陣陣好香嘅味道，就好似三文魚腩火灸嘅惹味～ 食落口，店主特製嘅pancake 皮同外面嘅唔同，蛋香非常之濃，就好似食緊千層蛋糕嘅餅皮嗰種感覺，而被燒過嘅牛油果有輕微嘅咸味，中和咗嗰種牛油果嘅油膩感，成件事係prefect match ！喺現今嘅香港，當人人都因為通關外遊，或者北上消費嘅時候，其實都不妨抽幾日時間，喺香港嘅離島幫趁一下小店，支持返本土，佢哋嘅食物其實都唔錯㗎！

This is a small but very cozy and tidy place. The owner takes pride in making delicious crepes and drinks. We had the classic crepe and the lava crepe, both were made to perfection. We also highly recommend the Yuzu soda drink. Super refreshing! We encountered pouring rain on the island but when it was time to move on, the owner was so kind to gift us an old umbrella. It was a huge help and we are truly grateful for it. Thank you!

每次嚟到長洲一定尋回他的味道⋯呢間即點即做嘅可麗餅…用料新鮮、分量十足⋯最鍾意現場睇住製作過程香噴噴…熱辣辣奉上…由其最愛呢間Cream 味道…同外間嘅味道不同…外皮食落軟軟仲有蛋香味添～～正呀

長洲岀名食海鮮，但特色cafe&甜品都有好多😍但要左穿右插好好搵下，先搵到岩自己口味嘅野呢間餐廳係同隔籬舖頭合併埋一齊用，設計簡簡單單，但門面好適合打卡，個感覺好似坐咗係特色開窗西餐廳咁📸而座位數量有限，先到先得唷，如果唔係就手拎住企喺度食，都方便既👍🏻廚房既位置同買嘢食既位置好近，全程可以望住廚師係到整，過程中其中一個班戟係要用火槍整，超級震撼😂完全好似睇表演咁我recommend ⭐️。招牌火焰牛油果 ($52)⭐️⭐️製作過程中既牛油果份量好多，之後再加沙律醬&少少海鹽，而表面用火槍燒一燒，令到個味道更加提升。班戟皮比較濕少少，食起尼整體鹹鹹地，味道感覺少少似三文魚沙律壽司😂。比利時73%黑朱古力 ($45)⭐️⭐️⭐️呢個班戟皮會烘得比較熱少少，而且比較脆口，裏面有棉花糖&比利時朱古力粒，因為棉花糖比熱力整溶左，所以食既時候會有軟綿綿既感覺，而且表面再有朱古力醬，外面甜裏面少少苦，味道好豐富😍Drinks 。朱古力樂園 ($40)⭐️佢係一個朱古力特飲，奶味比較濃，而且cream好滑身，幾好飲👍🏻回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰(人均消費$69)環境

朱古力香蕉Crepe 皮夠軟熟料又夠多加上好多cream 同埋朱古力醬，另外加上一球雪糕就仲正！辣雞芝士Crepe 皮夠脆熱辣辣好好味！火焰牛油 Crepe 都非常好味！咖啡有非常專業嘅咖啡師調配，味道可口！環境非常舒適，但座位就唔算多，就啱唔多人嘅時候可以坐低慢慢食服務態度細心專業，態度親切週末會比較多人，需要排隊，又因為每個Crepe都即叫即整所以需要等小小時間，等嘅時間係合理嘅。位置係橫街小行但唔難揾！

老闆好熱情！係長洲獨有嘅人情味。對自己嘅產品好自信，亦好熱心介紹。裝潢現代，又用搪瓷碟襯托些許復古氣氛。也是小島上為數不多的法式輕食。在小巷裏鬧中取靜，可以暫時逃離大街嘅煩囂。

Corner Garden Crepes & Drinks 🥞📍 長洲大新街61號地下AB舖♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎長洲咁多好野食，如果要逐一介紹，真係有排開post😂, 所以小編就選擇左d 比較特別，同埋比較少人介紹既小店去重點出post😎。今次要介紹既，就係呢間位於長洲既小店🙆🏻‍♀️，主打班戟，由其是佢地既牛油果班戟🥑都好多人買😍，有機會真係要試下🤤。🌟 經典榛子香蕉班戟 $38軟熟既班戟皮，包住榛子醬🌰同埋新鮮香蕉🍌，甜甜地，好好味😋，而且一份都幾飽肚，個人認為放假食下d 小編，周圍行下，都係一個唔錯既活動🙇🏻‍♀️。整體推介指數：❤️❤️❤️❤️🤍♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥

•辣雞肉芝士班戟一值都想試今次終於有機會食到！一落完order店員即刻整，過咗一陣已經開始聞到陣陣蛋香味，忍唔住想即刻食！果然冇令我失望！crepe皮口感外脆之餘又不失軟檽感，辣芝士雞肉，辣味啱啱好，雞肉嫩滑，可以一試👍🏻

見網上介紹呢間pancake 店，於是一試～試咗最出名的火焰牛油果pancake，同埋另一款都受歡迎的香蕉榛子pancake~.火焰牛油果pancake好味度：⭐️⭐️⭐️主要食到火槍的燒味，因為本身牛油果味道不突出，整體都幾香幾特別.過程～.香蕉榛子pancake 好味度：⭐️⭐️⭐️⭐️個人比較鍾意食呢個。。香蕉味，加榛子都是完美配搭，層次多一些～同埋望落好靚，好似朵花😀👍🏻.見佢都仲有好多種味道選擇～.朋友們都帶了公仔去打卡～

入長洲前已經做定功課，呢間班戟就係我book mark咗要必試美食之一。舖頭開係巷仔裡面，唔細心搵好易略過。舖頭位置都偏細，裡面都有提供幾個座位。而班戟嘅種類都好多，有齊曬鹹同甜口味，今次就試咁甜嘅先。經典榛子香蕉 $38班戟都係即叫即整，係小店內係可以睇曬成個製作過程，拎上手絕對係熱辣辣嘅。餅底同想像嘅唔同，係偏軟身。而呢個口味一定唔伏，香蕉同甜甜嘅榛子醬係絕配，食完都滿足。班戟價錢唔算貴，下次都會想再試埋牛油果🥑口味。

放假想去長洲，所以預先睇定長洲有啲咩好食～ 見到呢間新開嘅crepe店，好似幾吸引就試吓！店鋪較細，內裏只有幾張吧枱櫈～當日坐滿人，買完要企出面食。佢有鹹味班戟同甜味班戟揀，自己偏好甜味班戟，所以叫咗一個榛子香蕉味。佢哋嘅雪糕係用movenpick，有3個口味選擇，包括瑞士朱古力、士多啤梨同雲呢拿。經典榛子香蕉+瑞士朱古力雪糕 $38+$42=$80🍌🍫Crepe皮薄，有蛋香味～ 加埋香蕉、朱古力雪糕食，一定好食。 但未去到超級好食，價錢亦偏貴～

呢間小店個位置唔係大街，搵咗一陣先搵到，如果大家嚟到長洲唔想再食大魚旦同海鮮，可以嚟試吓呢間新派pancake，佢有好多種口味選擇，有鹹味甜，味道配搭非常有創意，同出面色嘅傳統班戟有啲唔同可以嚟試吓！店面環境不大，係夏威夷度假風格，之前係睇YouTuber Kiki and may介紹所以來試下吞拿魚他他班戟 $35我想講佢個餅底做得超好食！比起坊間嘅班戟厚身少少，好香蛋味，我估佢個蛋漿加咗牛奶令到個奶香味好滑好好食！配埋吞拿魚他他醬呢個配搭簡直係冇得輸呀！真心好食！不過價錢都唔算平但係係幾高質幾好食嘅！推介大家來食！🥰😋因為長洲太多美食啦，今次淨係試呢左喱款吞拿魚他他，下次會來試個甜嘅！I will be back ！🤩