影片
更多
2021-04-06
629 瀏覽
黎緊會介紹一連串長洲既美食，等大家放假嗰時可以去長洲覓食！講起長洲大家諗起咩，大魚蛋？芒果糯米糍？而家長洲應該有好多小店同美食，好多甚至喺長洲以外係食唔到，好似今次介紹既呢間小店。呢間係一間主打班戟嘅人氣長洲小店，店內除咗常見嘅水果班戟同雪糕班戟之外仲有招牌嘅火炙牛油果班戟，同其他鹹味嘅班戟。呢間小店位置隱蔽，去咗咁多次長洲都冇特登經過依啲巷仔，但如果跟住Google Maps去就好易搵到。當日去係星期日，所以店內都幾多人幫襯，尤其好多都係成家人帶埋細佬仔一齊去，啱啱去到嗰時比一兩家啲人塞滿左間店，店內雖然有兩張枱但係都坐滿左，不過等到個cream整好個時其他人都已經食完走咗，所以就可以坐喺度慢慢咁食。小店嘅裝修唔錯，入邊會有一個充滿crepe食物sample既櫥窗俾你做背景打卡，而且佢係半開放廚房，可以俾你睇到製作crepe同埋燒牛油果嘅過程，非常之治癒。-1️⃣ 招牌火焰牛油果鹹味班戟 💰45（👅: 8/10）呢個係一個鹹味嘅crepe，店舖會將一啲熟到啱啱好嘅牛油果，加啲蛋黃醬擺喺上面燒，燒到啲油溶溶地，令油脂感爆燈。班戟都係即叫即整，食落溫度係足夠同新鮮。Crepe食落係比較煙韌，
黎緊會介紹一連串長洲既美食，等大家放假嗰時可以去長洲覓食！
講起長洲大家諗起咩，大魚蛋？芒果糯米糍？而家長洲應該有好多小店同美食，好多甚至喺長洲以外係食唔到，好似今次介紹既呢間小店。
呢間係一間主打班戟嘅人氣長洲小店，店內除咗常見嘅水果班戟同雪糕班戟之外仲有招牌嘅火炙牛油果班戟，同其他鹹味嘅班戟。
呢間小店位置隱蔽，去咗咁多次長洲都冇特登經過依啲巷仔，但如果跟住Google Maps去就好易搵到。當日去係星期日，所以店內都幾多人幫襯，尤其好多都係成家人帶埋細佬仔一齊去，啱啱去到嗰時比一兩家啲人塞滿左間店，店內雖然有兩張枱但係都坐滿左，不過等到個cream整好個時其他人都已經食完走咗，所以就可以坐喺度慢慢咁食。
小店嘅裝修唔錯，入邊會有一個充滿crepe食物sample既櫥窗俾你做背景打卡，而且佢係半開放廚房，可以俾你睇到製作crepe同埋燒牛油果嘅過程，非常之治癒。
-
1️⃣ 招牌火焰牛油果鹹味班戟 💰45（👅: 8/10）
招牌火焰牛油果鹹味班戟
$45
12 瀏覽
1 讚好
0 留言
呢個係一個鹹味嘅crepe，店舖會將一啲熟到啱啱好嘅牛油果，加啲蛋黃醬擺喺上面燒，燒到啲油溶溶地，令油脂感爆燈。
班戟都係即叫即整，食落溫度係足夠同新鮮。Crepe食落係比較煙韌，唔會好乾，會有小小脆邊，蛋落得夠所以有蛋香味，皮唔會太厚夠薄身。
牛油果同班戟既組合第一次但食落係意外地夾，牛油果燒到油脂感豐富，食落夠軟滑creamy。牛油果主要集中喺crepe嘅上大半部份，食到最尾可能會食晒啲牛油果，但佢嘅油脂味同埋蛋黃醬燒過嘅咸香味道，都會留喺crepe嘅最尾，所以即使食晒牛油果，滿足感依然，甜味鹹味不斷縱橫交雜。
-
2️⃣⃣ Movepick雪糕班戟 (瑞士朱古力) 💰42（👅: 8/10）
Movepick雪糕班戟
$42
10 瀏覽
1 讚好
0 留言
食完一個鹹嘅crepe就食咗個甜嘅crepe，呢個係一個由Movepick雪糕整成嘅班戟，出邊好少可以食到Movepick雪糕嘅甜品，可能成本問題平時都可能係雀巢多，我覺得Movepick雪糕唔會輸比Häagen-Dazs。
班戟除左有朱古力雪糕、碎碎、cream、同朱古力棒。雪糕食落唔係好甜，有啲似食雪芭，朱古力味重但唔過甜。雖然所有嘢睇落都係好邪惡嘅成分，但食落唔會覺得過甜。
-
招牌火焰牛油果鹹味班戟
$45
6 瀏覽
1 讚好
0 留言
🌟Crepe既質數唔錯，算中上水平，雖然香港有好多地方Crepe，有法式、有日式，競爭激烈，長洲呢間小店雖然未做到香港最好食，但係長洲已經係一個唔錯既甜品同小食既選擇。
如果你牛油果控嘅人，非常值得去長洲嗰時一試。除咗班戟都有提供好多咖啡、梳打氣泡飲品、手調特飲。
-
👅味道: 8/10
🍴環境: 7.5/10
💰消費: $87 (服務費: NA)
張貼
