華苑印尼餐廳 (已結業)

原本話做到4月30日,所以4月29日星期日諗住去捧場為官塘老鋪作一番謝意不過4月29日這天晚上,門上貼上最後今天,多謝各位新舊街坊多年支持,我諗係4月30日要留番來執野交場俾重建局掛.....是晚7:30去到,入去拿飛等位已經話廚房冇乜野淨,冇乜野可食,唯有是但叫左個印尼炒飯,印尼炒米外賣印尼炒飯要左有少少spicy既,好香口又開胃,炒米d米粉幼得黎爽口彈牙,可惜之後冇得再食lu因為d街坊話老細搵唔到同區咁既鋪位租,地方岩租金又貴到負擔唔到,可惜可惜.........

知道這間印尼菜小店會因為觀塘重建在即而要暫時結業時（當晚吃飯時聽到店方與熟客說有計劃找新店重開，但租金貴，目前還沒確定），已很想再來吃一次。一直沒的起心肝起行，直到這日。一出裕民坊，發覺不知何時起很多店鋪已關了，貼上等市建局重建的牌。市容與我腦海中觀塘的印象差很遠呢。來到時門外有約10人等位。還好我這是一個人，免等位直接可安排入座搭枱。這小店座位是擠逼了點，不過反正大家吃完就走也無太大所謂。本來想吃黃姜飯，但已賣完。於是點了份巴東牛肉飯($45)和香豆炒豆腐($55)。本來還想要椰青，但亦已賣完了。巴東牛肉飯：牛肉很入味，有椰奶、香茅、姜和淡淡辣椒等香味，肉質稍微偏乾了一點。送飯吃，好吃！香豆炒豆腐：香豆，其實又名臭豆，不過管他什麼名，總之我覺得好吃，有豆香。豆腐是炸過，皮脆內嫩滑，伴已炒的有鮮蕃茄，洋蔥絲，辣椒等，和鹹鮮醬汁，好吃。我雖不是印尼菜的專家，但覺得這小店的味道很有印尼家庭菜的風味。因為這裡的味道真的很像在印尼華僑朋友家吃到的味道，與一般港式的東南亞菜餐廳很不一樣。

小店還有十多天結業，為免大家想吃但摸門丁，想吃的朋友就要快一點了。華苑在觀塘開業多年，它總在我的wishing list 內但因時機未到而未曾一試。上年年尾三人行吃過一次後，心思思再來一次。就算如何好奇嘗新的我，也總認為好吃的店子是可以返兜的。店子小小的坐得不太舒服，如果有其他客人結帳，更要隨時站起來才可讓身旁的人離開。對平民小店從來不會把環境放重，我比較關心吃的質素。十五夜內最難發現就是它的飯，我想來這兒又未嘗過一次的朋友總會問飯在哪兒，其實這個飯是相中圓筒型的外層呈綠色的飯漿。我用飯漿是因為都黏得實實的，口感是煙煙韌韌的，但我不太喜歡這樣的口感。其他的送也是拼拼湊湊而味道大多來自獨特的椰香，這椰香就是十五夜的精髓吧。那醬燒雞真的想推介給大家，兩次來所給予雞的位置有分別，依然是相當好吃的。雞肉夠嫩滑而汁也滲入雞中，最重要的是那醬汁的味道調得恰到好處，醬油味道間隱約帶點甜味，多吃幾次也不會厭。黃薑飯內吃到十五夜同樣的椰汁香味，也有些酸瓜，有些是咖哩味，湊湊合合而成，整體的味道還好但每一口也有點不同，所以不太深刻，而當中最喜歡的是薯球。這兒的粟米餅也好吃。加了蛋漿炸得金黃鬆脆有蠔餅般，但

今天下午即興相約在觀塘區工作的Cara一起吃晚飯，幸運地她可應約呢! 既然我也在觀塘，所以便選觀塘的食肆。腦海突然浮現華苑印尼餐廳快將結業的新聞，雖然我住在觀塘幾年，也從未來過此餐廳。反而Cara曾到這兒多次，既然是最後機會，她也同意來回味一番。沿路經過附近街道才發現九成的商店已經給市建局接收了，約一個月沒走經附近街道，真不知變化這麼大了。我們六時多已到達餐廳，店內還不算太多人。在店內的當眼處，貼上了告別通知。看完餐牌，再問問店員推介，最後我們點了十五夜飯卷、沙嗲牛柳(3串)、沙嗲豬肉(3串)及粟米餅。沙嗲牛柳與豬肉也不錯，其實我們都不懂分辨牛與豬，但每串都很好味，不會太乾或太硬。粟米餅味道不錯，餅上滿佈粟米粒，略嫌燶了一點，我怕熱氣呢! 十五夜飯卷，到寫食評這刻我才發現，剛才顧住食，忘了為飯卷拍照呢! 很喜愛這個十五夜飯卷，內有蝦片、牛腩、雞肉、雜菜與飯卷。 起初我還奇怪為何全碟沒有飯卷，經Cara一說，我才發現我誤會了飯卷是節瓜。 因為混上了汁，飯卷變上了淺綠色，遠看真的好像節瓜件。 這個汁配上飯卷真的惹味。可惜，兩個人的胃容量有限，希望在四月三十日前，可以再試試這兒的招牌黃薑飯

今日同肥妹仔突然想食印尼菜,於是諗下諗下就諗起華苑喇,華苑印尼菜的確幾掂, 幾好味!!不過排隊真係排好耐... 無辦法!!佢個鋪頭真係好細, 容納人客唔多,而且坐得幾迫下, 成日都會同隔離枱客撞手掙...唉... 有時叫多D餸都擺唔落張枱度!!不過無計, 好味自然多客, 多人排隊!!我地食左咖哩牛腩, 加多加多沙律, 小食拼盤...黃咖哩味道夠濃夠香, +埋牛腩一流!!最緊要加個"靚仔"白飯...!!好獨特既味道, 好難形容!!但真係好好味, 個醬甜甜, 辣辣...又好似有D花生醬味!!上面D蝦片+埋個汁, 正!!最正係炸粟米餅同炸牛肉餅!!不過擺明係千年油炸, 色水好黑!!但間唔中一餐半餐都好OK!!有機會大可一試, 不過要早少少去!!唔係有排排隊哦......

華苑位置其實都算幾隱蔽, 小巴總站的附近。由於是平日的關係, 不用等位, 店內位置不多, 記得最好先行訂位 小妹很喜歡食印尼菜, 可能小妹由細食到大, 再加上懂少少印尼語的我, 感覺份外親切華苑小妹好細個已經食過, 是一個老字號的印尼餐廳, 食物質素仍然保持, 值得一讚~店內的一些剪報, 平民格局...卻有親切的服務態度椰汁黃薑飯 - 薑味夠香、椰香味濃, 很有水準。配上蝦片、青瓜、牛肉、雞、小魚仔等等配料, 香口豐富...必試推介 (因為買完即止)~加多加多 - 即係印尼沙律, 小妹超愛食, 但由於太地道, 未必個個人喜歡食。香濃的花生醬、配上芽菜、蛋、椰菜、通菜, 撈伴即可~上海冰 - 內有生果粒、紅豆, 解渴之選~~~由於華苑附近進行清拆工程, 將會搬去第二個位置, 問過老闆未知新址會搬在那裏, 最好打過電話確認下, 以免白行一趟~~~

嘩,好開心丫!食到正宗印尼菜!經友人介紹,特意黎呢到食! 因為有家人係印尼人,我都經常食到,但出去餐廳食就第一次點左印尼沙律 --- 加多加多飯卷友人點左 椰汁黃姜飯 同 梭多雞湯飯加多加多同我家整ge醬料差唔多,份量好大碟,好好味!!沙嗲醬伴住d蔬菜食,特別好味! 再加上已經有咸味ge飯卷,有成5-6個架!真係好滿足,好飽!!友人ge梭多雞湯 個湯酸酸地,好好味!!送飯一流!至於椰汁黃姜飯,原來都有好多料,我就試左少少薯仔牛肉餅,好豐富ge涵!!不過缺少牛肉味! 呢個飯可選辣唔辣,友人點左辣,我怕辣所以無試太多!整體都好like!只係場地太細,或者呢d鋪位先可以俾小店生存!希望觀塘重建唔好拆呢到啦....

觀塘快要重建了, 今天特地到來懷緬一番。本來打算到合興吃牛什及牛丸, 但途經物華街時, 看到好評甚多的華苑,想到日後重建, 可能會沒有機會吃到, 我們的腳步不自覺被吸引入內。自己甚少吃印尼菜, 亦是第一次到華苑, 入內一看, 原來是一間簡樸的小店,店內的冷氣亦不足, 不過店內有一股獨特的香料味, 吸引我停下步伐, 並坐下來。分別點了巴東牛肉飯, 印尼炒飯及小食併盤。巴東牛肉飯: 醬汁香濃而帶少辣, 牛肉淋身, 入囗即化。印尼炒飯: 泰式炒飯一直是我的摰愛, 但這個炒飯令我對印尼食物改觀, 炒飯夠鑊氣,含有不少香料, 香味四溢, 令我的味蕾為之一振, 回味無窮。小食併盤: 有粟米餅, 牛肉薯蓉餅及春卷。 粟米餅香脆可囗, 而牛肉餅及 春卷卻較多油略失色。整體而言, 這間小店令我有意外的驚喜。我們又打算在重建前再來一次呢。

第一次去食哩間～網評話好味～～我地就覺得麻麻地！！椰汁黃薑飯～最OK沙爹牛肉～甜。乾乾地！！個人唔中意！加多加多～蔬菜沙拉。。都oK。。無特別！八寶雞髀～麻麻地！15夜飯～～真係好似擺咗15夜噤耐。。。賣相好差。。。D料都好普通可能我唔係好中意食。。。食咗230～～但唔覺得食到D咩！！下次都係食泰國菜好D！

食嚟食去都係快餐、日本嘢、中餐等，有D悶，就搵D新意，食下印尼嘢先。去到第一個感覺地方狹窄，但差唔多已經坐無虛席，睇睇Menu，分類清晰價錢合理，就根據網民推介嗌咗個黃薑飯(唔辣)、小食併盆及蝦醬炒芥蘭苗。小食併盆有粟米餅、薯仔球並春卷，熱食係非常嘅好食，其中非常喜歡薯仔球(可能因為之前印尼傭工經常整)，無偷工減料，落足薯仔打成球，成落鬆軟，但無空洞的感覺，食薯仔球唔食飯都得呀！黃薑飯就差D喇，雖然有唔同嘅配料，但每樣只屬平均，未見突出，所以下次可以改食另一款。蝦醬炒芥蘭苗未食淨聞就已經食指大動，夠晒鑊氣，蝦醬又落得足，芥蘭苗又唔會炒得過火，嫩口野味無得彈！

唔知點解經IPHONE上傳的幾份食評都無登，今次俾心機由頭再寫過，因為老婆想去觀塘行街，印傭同ＢＢ都一起來，所以在ＯＰＥＮＲＩＣＥ找了最好印尼食店，去到覺得面門好差，但信ＯＰＥＮＲＩＣＥ一次，膽粗粗去試，講真坐位真的不太舒服，但入到店內已聞到食物的香味，經印傭介紹，我們叫了很多食物：有椰汁黃薑飯，巴東牛肉飯，印尼菠蘿炒飯,併盤等等黃薑飯十分好味，內有很多不同的配菜，印傭一邊食一邊讚好，我的巴東牛肉椰汁味夠，而併盤內的粟米餅十分美味，值得一試。這區已快要重建了，希望各位把握機會試一下。連續打了幾篇食評，已很累，錯了一些別字，已無心較正，希望大家見諒。

今日一家人一起去食，地方真係坐得唔係太舒服，老闆又不停在門口吸煙，煙味飄晒入店內，環境可以話係差。但係朋友介紹，又特登坐車去觀塘，無理由唔食，我們叫了巴東牛肉飯，黃薑飯，pineapple炒飯再加小食拼盤，估不到味道真的很不錯。巴東牛肉需要不夠ＳＰＩＣＹ，但比起其他店，這間椰汁味夠，香料亦夠，黃薑飯等更是好味，我個印尼工人都話正宗好味，粟米餅也十分好味，怕熱氣的老婆都食左成塊。相信這區要重建，不知這間美食還會存在多久，我如有機會必定會再試。

今日同男友去完聯合醫院探男友既婆婆,探完都成晚上8:00,當然係時候搵間餐廳醫下肚啦!! 男友提議去食蛇羹,但我又覺得天氣未夠凍,唔想食,跟住佢又提議去大排檔,點知一行入大排檔範圍,唔得la,我頂唔順,張張枱都有喺度食煙,當然立即走人la,行下行下,見到蛇羹旁邊有間印尼餐廳 ~ 華苑印尼餐廳,ok喎!! 男友話未試過食印尼菜,一於去試下la,等咗5-10分鐘就有位la,我地order咗加多加多 ~ 幾好味wor,男友係咁食、係咁食印尼小食拼盤 ~ 有粟米餅(咸咗少少)、春卷(好味道)、牛肉薯蓉(yummy yummy)醬燒雞飯 ~ 必食推介ar,因為d汁勁好味、d雞又滑,正ar!!呢餐飯可以用「平、靚、正」來形容!!

今次見OPENRICE 咁多人試就黎試下可能係早黎, 無咩人等位, 但攞飛果時, 個員工已話要等半個鐘內會有位但其實等左15MIN 左右就有份LA~. 其實間鋪都幾細, 同埋D 位都幾逼, 真係覺得坐唔內, 但佢裝修真係好懷舊FEEL我地叫左個"十五夜飯卷" 同 "巴東燒雞"十五夜飯卷有得叫唔辣, 雖然唔辣, 但有好香既椰汁味. 幾特別.巴東燒雞D 雞好瘦同埋好細, 雖然少, 但幾好味最抵就係個飯, $7 真係好大碟.

難得星期天有空, 在apm逛了一會後, 友人提議到這間有很多"笑臉"的小店進餐, 我也沒有異議.才七時許, 門外已聚集不少慕名而來的人客在等候. 侍應哥哥告訴我們還要等八張桌, 於是我們在附近再多逛一會兒, 但不消半句鐘, 就已經有空桌了! 我倆原本最想吃黃薑飯, 可惜售罄了, 唯有選了以下三款印尼特式菜試試看:1) 加多加多: 是次我最喜歡的一道菜! 其實這是印尼沙律, 有瓜, 菜, 薯仔, 芽菜, 烚蛋, 蝦片等, 拌以有花生味的沙爹醬, 又甜又惹味!2) 沙爹豬肉/雞肉: 一客有六條串燒, 加$1可以任選豬肉/雞肉/牛肉/羊肉, 我們是次試了前兩種肉類. 不知是否珠玉在前 (可參看本人對另一印尼小店之食評: http://www.openrice.com/restaurant/commentdetail.htm?commentid=1922673), 硬是覺得這兒的串燒有所不足. 豬肉串烤得有點焦, 不過肉質尚可, 可是雞肉卻是烤得太乾, 還有點"鞋", 而沙爹汁又不夠濃稠, 我把串燒蘸了醬汁幾次, 都只有少許沙爹汁停留在串燒上......3) 十五夜飯卷: