華苑印尼餐廳 (已結業)

當日就到同<實實梨>一齊食午餐, 佢提議去食印尼餐, 而我又未食過, 就試下啦. 呢間餐廳叫做<華苑印尼餐廳>, 我地十二點九前去到, 都唔係好多人. 最鐘意就係冇咁多人, 唔洗坐得咁迫!!! 1. 椰汁黃薑飯 ($39) ~ <實實梨>話一定要試, 開頭我仲以為係薑味好重0既飯, 但實實梨話唔會的. 碟飯0黎到0既時候, 一睇又真係幾有特別, 有雞, 巴東牛肉, 蝦片, 而個汁都唔錯喎. 整體0黎講, 係值得一試的!!! 2. 燒醬雞飯 ($37) ~ 呢碟個燒醬汁就一般, 可能我唔係咁鐘意有d甜味. 相反件雞就炸得幾香口, 而且雞肉都幾滑. 下次應該會試下炒米粉或炒麵!!! 3. 椰汁紅豆冰 ($18) ~ 上次飲茶見到心心係度飲, 所以今次見到, 就想飲啦, 哈哈!!! 一飲入口, 勁香椰香味, 不過味道就偏淡, 仲有d紅豆接近冇味, 而且冇咬口, Too Bad!!!整體評價：不過不失, 可以再試!!!

晏晝經同學介紹下專程去左華苑入到去第一眼既感覺係裝修係略有心思的之後與同學夾埋一齊要左4個黃彊飯當黃彊到來時 已經感覺到d飯好香而且飯亦都冇想像中肥膩但係咖哩牛腩對我黎講就唔夠辣另外旁邊既腌菜食落口既感覺酸既味道唔會太強 好岩食而且辣醬好"野"味仲夠哂辣服務方面亦都唔錯 當你隻杯既水少過一半就已經自動加水

我見到D人說呢間食店好味, 於是便去試下啦, 但完全唔得.首先係個咩加多加多, 凍的, 沒味,(點D汁會好D), 另個牛尾湯,D牛尾好硬, D湯非常的一般, 但要買成30幾元/一碗 (不值),另個黃薑飯內D牛肉 & 雞, (好鞋) 都沒下次的了.

上星期日，特登去觀塘試呢間印尼，雜誌有介紹，OR亦好多好評，一試之下果然無令人失望。我地三個人，叫到成都係食。最後亦要打包番屋企。加多加多：印尼沙律，估佢唔到咁好食，有似有沙嗲醬味；有芽菜、蛋、椰菜、通菜等，仲有幾片蝦片，非常惹味。巴東牛肉：好多汁，辣辣地，用黎送飯就最好。牛肉入味，亦淋。黃薑飯：配料勁多，有炆到好淋佛手瓜& carrot，牛肉薯餅、炸雞、炆牛腩。黃薑飯一粒粒，軟硬適中。小食拼盤：有春卷、牛肉薯餅、粟米餅。春卷係齋黎，無肉，只得菜絲，但味道同口感都唔會好齋喎，幾好味。粟米餅炸到呈啡色，是corn and flour 撈埋一齊去炸，味道是幾好的，只是我怕熱氣。牛肉薯餅好味，薯仔猜到好淋，加埋牛肉碎，口感不俗。牛尾湯：面頭有層油，不過雖然oily, 但湯很清，很濃牛肉味，還有carrot & potato...最重要是有中國芹菜把整體味道帶了出來。牛尾亦很多肉，亦有筋好味。珍多冰，好重椰味，not mu cup of tea~地方好逼好逼，有時要起立讓其他食客進位。整體價錢合理，有機會會再黎。

放工OT到八點, 個人已經無乜心情, 慶幸男友仔黎同我食飯...其實個人已經好攰, 都唔太想食野, 結果去左呢間印尼餐廳, 經伙計介紹下, 叫左兩碟飯一碟菜...醬燒雞 - 好特別既汁, 非常惹味, 唔辡, 有少少甜甜地既感覺, D雞好滑...好好味~!咖哩牛腩 - 初初見到伙計放低碟餸, 第一個反應係...嘩...咁少牛腩既?? 好似淨係見到薯仔咋喎...之後慢慢發現, 都有5-6舊牛腩...估唔到個兜仔細細,放到咁多餸~~ 牛腩幾淋, 咖啡唔辡, 但個人覺得麻麻蝦醬炒通菜 - 菜炒得好爽, 又係惹味之作, 有少少辡, 但令人愈食愈想食總括黎講, 呢一餐算唔錯....尤其個醬燒雞...真係好正呢...^^

話說有次收工路經此地，知道openrice好多人讚於是來試下﹗睇見餐牌入面0的飯全部又峇里又印尼真係唔知點叫好，最後望一望牆上既廣告招徠點左個巴東牛肉飯﹗先來支十蚊雞的燕京鮮啤，無味的，難飲到嘔，平野真係無好﹗牆上仲見到好多蔡瀾我諗都好耐之前來過的照片，見佢手上仲係食住煙的，哈哈﹗巴東牛肉來了，入口好重咖哩味，個汁似有0的粉狀既物質我又唔知係咩來的﹗應該是香料吧﹗牛是牛腩肉，煮得好腍，吸哂0的汁好入味。其實都幾辣的，有支鮮啤頂一頂會好0的﹗

因為女友o既公公婆婆都係印尼人成日聽佢講有關印尼菜o既野所以帶佢去食試下叫左一個黃姜飯 一個十五夜飯團 一個燒醬雞 一杯珍多冰同一杯亞答冰正唔正中我就唔知如果好食就唔需要理會只少我食得出印尼家常菜o既風味全部都好足料但係我建議黃姜飯同十五夜飯團唔好一齊叫因為兩個除左個飯唔同之外配料(巴東朱肉等)都係差唔多可以試下其他燒醬雞個汁就好送飯，而且雞好淋但係唔太滑當大家都集中係佢o既野食o既同時原來飲品都好好味好重椰未唔會淡如水

閒日8時到達,店面細細的,要同人搭台. 一坐抵巳聞到隔離位碟"食送" 好香.我地2人order 左加多加多飯卷 & 椰汁黃薑飯. 加多加多有雜菜同幾粒飯卷,我真係第一次食飯卷,原來係咁0既,可能我食唔慣啦.好怪呀~ 中間好淡. 但雜菜同d 汁都好好味.薯片淋左d. 而黃薑飯就好味喎,有椰汁味,另外牛肉雞肉薯餅我都好鐘意,各有特色. 下次想試十五夜.

今晚出奇地沒有下雨呢,我跟朋友在觀塘尋覓這間店真的很隱很隱,要不是我眼睛好,真的看不到呢 ^^一入到去,只是覺得地方很細但見到其他客人食得好開心我地就坐低點野食我點左:: 香辣雜菜飯 nasi campur ( $40 )朋友點左 :: 巴東牛肉飯 ($ 40)2份仲叫左半打沙嗲($ 35 )問一問先知原來可以兩溝架!!!溝左 牛同羊肉 每樣3支首先黎到既係牛肉飯 , 唔算辣, 呢個好食既 !香辣雜菜飯就同我平時食既有分別 平時食既 nasi campur 就一碟飯入面,撈晒好多唔同既餸 , 雞,雞蛋 肉,豆,等等但今次佢係菜同飯分開上 , 搞到好似食印度咖哩咁 .有親戚係印尼人, 經常可以接觸到印尼野食, 我覺得呢個飯麻麻地沙嗲原來先係今晚的主角 我喜歡食羊肉, 肉很淋, 牛也很好吃所以下次都會嗌返沙嗲 我覺得間野雖然係隱蔽, 但都有少少名大過實的感覺我吃過其他的印尼餐廳,我覺得比較好

5/7(六) 7:15pm傍晚時份,離開油塘,相約組長於觀塘,迎合其口味,加多加多的擁護者!於香港,印尼菜的市場佔有率著實頗低,腦海僅浮現三數家印尼菜館,可再叩門的,"華苑"必屬其一.七時許,僅守候門外若干分鐘,真走運!除鐵膽加多加多飯卷$36,另點了椰汁黃薑飯$39及芙蓉蟹$52.加多加多飯卷--水準如一的加多加多加上軟糯的飯卷,相當豐足!椰汁黃薑飯--大集會之作;蛋絲,清甜合掌瓜及紅蘿蔔,酸脆青瓜,香軟薯餅,脆度等閒的蝦片花生,乾柴炆雞件,軟腍牛腩,以及富椰香黃薑飯,合二人之力也沒法跑畢全程!倘若雞件肉質嫩口點會更佳!芙蓉蟹--長相如煎薄餅般,色澤深棕,青豆蔥花撒面;細啖一口,口中的雞蛋,洋蔥,蘿蔔絲,香料,跟肉質彈鮮的蟹肉,以及甜度偏重的濃醬,搭配得天衣無縫!非同凡響的菜式!華苑,仍舊在我心坎佔一席位!

呢間野都幾難搵下...我同傻baby都搵左好耐下...今次係第一次去華苑,發覺又唔錯喎...黃姜飯:好香,d肉好軟稔,唔錯~十五夜飯卷:第一次食,口感幾得意,好似飯糕咁,好煙韌~個汁要左少辣,好鬼惹味,用泥撈飯一流呀~以咁既價錢食晚飯都幾抵下~

可能是評語太好，是日又無黃薑飯，我先略有丁點失望。兩個人，先叫加多加多，再叫醬燒雞，一碟炒通菜，一碟雜錦飯。紅豆冰與海底椰冰。加多加多麻醬略多，食落有點膩，似乎有別我在其他店舖食到的，不評。醬燒雞好味，汁濃，雖然是雪藏雞，但醬汁味已蓋過，肉不un，算是上品。東南亞的炒菜一向好食，這裡一樣，香料辣椒絲適量加入，火喉十足，菜嫩，味香。印度雜錦飯是侍應推介，貪佢乜都有，食落飯香，材料夠，三十幾元的碟頭飯，算是色香味俱全了。最好的，其實是濃厚的印度風味，不賣豪華，不講包裝，這種舖，抵食，又臨近絕跡，唔駛蔡瀾推介都值得支持啦。

『華苑』可算是主人與奴隸獸在觀塘區內較為喜歡的食店之一。隔一段時間就會去光顧一次，當夜我們又再幫襯，點了我們喜歡的：1. 椰汁黃薑飯（HK$39）：黃薑飯的味道非常濃郁，飯爽身，不肥膩。餸料有巴東牛肉、烤雞、牛肉薯餅、蛋及雜菜等等。牛肉入味夠腍。雞肉硬實，較為失準。但整體來說，味道依然不錯。2. 十五夜飯卷（HK$39）：飯卷是用蕉葉捲起米蒸熟的飯糰，一『舊舊』，看似實實的，但口感軟身，與椰汁咖哩同食，非常美味。餸料有巴東牛肉、椰汁雞、雜菜等等，非常豐富呢！食飽飽，回家寫食評吧！！

星期五和朋友2人去了食晚飯點了牛尾湯十五夜(?)飯通菜粟米餅巴東牛肉最好食係粟米餅不過本人食得比較清淡這里的味道比較正宗...味很濃各位要有心理準備另外環境比較擠迫坐得並不會很舒服

今日係我同女友0既「特別日子」，想揀間好0既餐廳食。上OpenRice 見到呢間餐廳0既評語唔錯，就去呢間食。叫0左椰汁黃姜飯、燒醬雞飯、印尼炸蝦餅同蝦醬炒通菜。椰汁黃姜飯：我自己就唔多食薑0既，但呢碟飯係呢間餐廳0既招牌菜，冇理由唔試。但食落唔係好辣，仲幾香口，飯係幾好的。而碟飯有一件巴東牛肉、一個牛肉薯仔球、一件炸雞腿。件巴東牛肉同牛肉薯仔球都OK，但件炸雞腿就略嫌「鞋」同硬。燒醬雞飯：係一客燒醬雞(3 件)，跟一碟白飯。相比起黃薑飯件雞，呢件比較好食。醬汁有少少甜，幾好食。印尼炸蝦餅：呢個炸蝦餅幾彈牙，而且會見到有細蝦仔蝦餅入面，不過就咁食就冇味道，要點醬食。蝦醬炒通菜：不過不失啦，普通貨色。