華苑印尼餐廳 (已結業)

對，這是我第一次食印尼餐。一直以來我都忽略了，也未曾注意。今日偶然地終於吃到了。坐下來，看了牆上的雜誌剪報，就選椰汁黃薑飯及青檸梳打。青檸梳打沒欺場內有半個青檸，沒要求少甜但甜度仍然適中，正好正和半個青檸的酸，像新鮮健康的汽水。椰汁黃薑飯有炆好的牛腩和雞肉，雜菜有佛手瓜、荳角、醃蘿蔔青瓜，還有薯餅。中間有一大碗黃薑飯，面頭舖了蛋絲及蝦片。先說碟底的醬汁，是微酸帶辣重香料味的，有點像帶香茅味淡身的印度咖喱。椰汁黃薑飯一入口就有強烈薑的辛香，應該是加黃薑粉再額外加薑汁的。咀嚼兩下隨之而來就有陣陣椰汁香。 牛腩雞肉夠入味，略帶甜味，炆久了也不要求嫩滑了。佛手瓜和荳角是另外煮好的，像煲湯的湯渣一樣腍而夠味。醃蘿蔔青瓜應該是自家製的，不過酸過甜，剛剛好。薯餅是用手製薯蓉炮製(我一邊吃一邊看店員用一跟木頭壓薯仔)，雖不脆但沾醬汁吃也不錯。蝦片雖香但有少許油益味。Overall是好吃的。店員們都很健談，服務也很好。未來有機會再吃!

同朋友黎呢度食飯,叫了十五夜唔知咩飯團, 黃薑飯, 印尼炒米, 醬燒雞飯, 椰汁雜菜, 一杯咖啡個飯團好得意!!!!!佢個樣, 好似一舊瓜, 但其實係飯!椰汁底, 同埋好多瓜~(所以遠睇像一大碗瓜-__-) 幾好味!!黃薑飯d飯好好味! 因為我未試過黃薑飯所以我覺得好得意少少辣辣地的....配菜有牛肉餅, 牛肉, 仲有d野既好似..印尼炒米, hmm, 係好味但唔係一些特別既野啦所以都係一般炒米hahhaha醬燒雞飯!!! 呢個好好味!!!!!d汁係甜辣!!! 怕辣就大鑊了因為好似我咁食左一舊已頂唔順好想食也食唔到了...但呢個真係好好味的!!!!椰汁雜菜...well我地以為係菜...但原來係瓜...基本上就係十五夜個個汁同瓜...係一樣的...咖啡...我試左一啖好香!!hahha 得閒再試其他!!

為了慶祝劍青小友畢業成功，今次的小友飯局就由他建議吃甚麼菜。他體內流着的是來自星馬的血液，自不然馬上便說要吃東南亞菜了。忽想到沒有帶過他們吃印尼東西，既然要選吃印尼菜，個人的第一選擇便要數到在觀塘區內的"華苑"....之前來吃過一趟，知道東西價錢十分相亷，就算是叫一整桌菜都花不了多少銀両。望着menu，樣樣都想叫 (特別是那個一向眼闊肚窄的小姐)。可惜胃納有限，只能叫四碟東西，不然就真的太浪費了.....吃之前先叫杯珍多冰過一過口癮。甜味及椰香皆十足，而且又夠冰凍。綠豆條口感軟滑，椰子糖帶着椰子的香氣及濃甜，加上椰漿，自不然是又甜又滑.....欲吃些沙律開開味蕾，加多加多是唯一之選。材料如青瓜、芽菜、薯仔、豆腐及開邊烚蛋全部落齊。最重要的部份當然是那帶着濃厚花生味的醬料，鹹鹹辣辣的惹味十足。最後固之然少不了洒在沙律面上那堆脆得來又帶濃郁蝦味之正宗印尼蝦片....每次到印尼菜館必備的 (若店方有供應的話) 亦有稱作十五夜的。靈魂當然是落在既帶濕又帶黏的如糯米般的飯團身上。這裡的就做得頗對路，將飯團醮上成半湯水的辣醬汁，惹味之餘也能消去糯糯飯團應有的膩滯。配料是一貫的大雜燴 ---- 巴東

點解只需等零分鐘, 因為當日車住印傭想搵正宗家鄉菜, 用部iPod搵到呢間, 仲有網友留言, 好! 就信一次OpenRice, 因為當時只係六點半, 既然大家都肚餓食得落, 泊好車就即刻入去睇睇...今次由印傭發板任佢叫, 滿足下佢離開家鄉咁耐要成日食麵咁慘既創傷, 佢叫左:加多加多, 烤雞, 黃薑飯, 牛尾湯, 三杯冰, 埋單$199, 唔好討論貴唔貴喇, 我就覺得好好食, 不過比較熱氣, 印尼野係咁, 一次半次無所謂.最重要評分係, 連印傭都大讚okay, 仲話價錢合理 另外要提: 店員好有禮 門外就有泊車位, 雖然唔係合法位, 當日我又好易泊到, 食完行出門口攞車走, 又幾yeah喎!個人意見:會再帶爹地媽咪及朋友黎多次

係官塘返工，成日lunch都是是但但一餐，於是忍唔住上openrice，睇下有咩好介紹！呢間印尼餐廳，Ｄ人食完都話唔錯，今日lunch一於同同事來呢間印尼餐廳試下先！鋪面唔係好大，唔留心都唔意搵到，佢唔係大街度，比較僻Ｄ，真係多得同事帶路！我一早做足功課，一入到去就點左２個飯！先來黃薑飯$40 ─ 粒粒飯都炒得好干身, 好有黃薑味! 個員工超nice, 行來問食過未呢, 我地話未, 佢續樣續介紹, (蝦片, 巴東牛肉, 炸雞翼, 薯仔餅, 佛手瓜, 酸青瓜仲有花生)十五夜飯卷 $40 ─ 食呢盤時, 個員工又行來問我地食過未呢? 我地又係答未丫, 佢又介紹俾我知地邊樣打邊樣, (米卷（我地食落覺得似米粽既感覺）, 雞翼, 豆角, 佛手瓜, 烚蛋, 巴東牛肉同花生) 我地叫完先知, 原來D配料同黃薑飯差唔多! 只不過1個係干身, 1個係濕身! 不過我同同事對呢個都係一般, 可能唔太慣加左椰汁撈飯! 不過當我地食完2碟之後, 完來已經非常飽, 真係飽到捧住個肚走! 我地見隔離檯食緊巴東燒雞飯, 好似好好味, 食完1碟又再叫多碟, 下次我地一於去試佢呢個巴東燒雞飯同埋小食拼盤

食過好多次，最中意食佢個十五夜飯卷叫左個魚，個汁超好食，酸酸甜甜，食多左碗飯，仲有巴東燒雞，小食拼盆，真係好好味，食過好多次，食黎食去都係呢幾樣，但都食唔厭，真係好正。唔食辣就要考慮下

見呀媽話要去KT就上OPEN RICE睇下KT有咩未食過又好食既野~睇到哩間印尼野排咁前又好似幾有特色咁D野食,個名又幾得意就想離試下~哩間野既位置真係唔上網睇到都唔去行去果度,都唔會知有間咁既野係度其實睇佢個款都應該好舊下間野,不過既然開到咁耐又滿晒人咁,都應該真係唔錯的點左_加多加多 - 印尼式沙拉 $38(加多加多其實係沙拉醬料既名, 內容物有_烚蛋,薯仔, 豆腐,菜瓜同芽菜。)佢D蝦片幾好味的,其他料其實都係普通貨色,主要就真係食個汁囉,個汁真係OK架,甜甜的帶點花生醬的香,個人都幾鍾意。同埋_十五夜 $40(十五夜係一大碟食物浸在一大泡湯汁裡面,內容物有蝦片, 烚蛋,巴東牛肉 ,佛手瓜,豆角,雞脾肉同米粽。) 哩味其實不太喜=3= 碟野真係好多汁,浸左D料既一半。諗住佢有牛肉,就好期待咁兜野食左舊所謂既巴多牛,不過.. .食完都唔覺自己食左舊牛,打邊邊D肥牛好食過佢好多件雞,, ,不嬲唔太喜雞,我冇食到~重有所謂既米粽,其實佢只係一舊飯整到一舊野咁,圓筒形外有層染左綠色的,似竹咁既樣"不過真係唔多好食囉,平時自己屋企D飯重好食.. .其他料都又係普通到唔普通咁啦 食食下真係發

五月廿一日(星期五)同老公仔睇完電影後,開始餓了...近排我們都大食了!肚腩又大了,看來要勤加做運動呢...真的是晴天霹靂...行去吃華苑時天氣還好的吃了一會就下大雨...看過之前網友的食評,推介的有黃薑飯和加多加多我們對黃薑飯都一般!再問問店員加多加多是什麼來?原來是雜菜加花生醬和其他配料,如蝦片,正好合我的胃口呢!就要一次吧!老公仔再點了巴東燒雞飯和沙嗲串燒半打(牛肉和豬肉)加多加多的確吃!很多不同的蔬菜,上面還有蝦片,推介!巴東燒雞飯是分開上的,汁也很特別老公仔用來撈飯,特別醒胃呢,雞蛋很滑沙嗲串燒半打(牛肉和豬肉),牛肉比較好吃,豬肉比較老了點,但是也不差!老公仔見到我喜歡吃蝦片,給我買了一袋走($14)!真是又食又拎呢!!!!

喺Openrice見到觀塘哩間餐廳口碑不錯，一路都好想試卟，今晚終於有機會同女友去試一試。晚上約八時左右到達，在很陝小的店門往餐廳內看，樓面很細，最多能容納廿多人，當時已經座滿。幸運地，在店外只等了片刻便有位。店內不講究裝修，更可說有點簡陋，但卻很有異鄉味道。老闆娘看似是印尼華僑，店內亦有不少印尼人光顧。我們點了以下東西:椰汁海底椰冰($20): 味道幾甜，椰汁味濃，亦有些海底椰果肉，不過哩度嚟講價錢都唔算平...... 沙嗲牛肉(半打): 牛肉燒得久了點，有點乾，不過醃得夠入味，味道ok~ 印尼小食拼盤: 有粟米餅、春卷及牛肉餅。整個拼盤端上枱時給人油淋淋的感覺，粟米餅是今晚最好味的，一粒粒炸得又脆又軟的粟米，豐富了口感。至於牛肉餅及春卷，沒什麼特別，不用一試! 巴東牛肉飯: 又係超味精的.....醬汁中略有些微香料味，味道頗辣且鹹，而牛肉的味道一般般，煮得有點老，所以肉質不嫩滑。 其實這餐廳蠻有地道風味的，只不過味精落得太重，食物亦沒預期般好吃，有點兒失望，

不常來觀塘找吃的~但對此區的印尼小店尤其有興趣~~~就找了一晚特意來這裡吃Gado Gado~~~此區三印~選了較為易找和名氣一點點的華苑先試~~六點的Early Bird時段只有零星的客人~我倆反而挑了靠牆有點迫的二人位~~~免得一會要搭檯調位之類的搞作~~~看著兩版文字menu~都不難找到想吃的~而且價位確實吸引~~先叫了必吃的Gado Gado~~另外就是常用來作評分的黃薑飯~再加小食拼盤加多加多[$34] : 印尼其一最著名的沙律~~除了椰菜薯仔芽菜之外~也有通菜烚蛋節瓜豆腐豆角~面面灑落弄碎的自家蝦片和炸蒜~~~當然~~這道沙律的靈魂在於其自家製的沙嗲醬~~在當地每家每戶都會用自已的秘方去調配~這裡的濃稠惹味~~當中摻有粗粒的花生碎~~較娘惹吃到的更為豐富~椰汁黃薑飯[$39] :這個可算是印尼菜中的tasting menu~樣樣都會有少少~而用黃薑粉等香料煮起的飯粒粒分明~~巴東牛肉~薯仔牛肉餅~炸雞~加上瓜菜~蝦片等~~巴東牛肉炆至入味淋身醬汁盡收~就算拌白飯都好吃~現在加上香口的黃薑飯更勝一籌~~吃過濃味醬汁菜式後~又可吃點酸菜清一清小食拼盤[$34] : 這裡的薯仔牛

我都同過印尼人來呢間店....印尼人都話好正宗.可惜.因觀塘重建.此店會暫時倒閉.要一段長時間先會重開.....服務都有禮....食物.黃薑飯,飯好香薑味,而不辣.仲有香草味......有雞同薯仔拌碟,好林,雞串沙爹汁甜中帶辣.雞肉唔滑,,但點沙爹汁都好好食...雜菜反而普通.的汁又唔香....

自問對印尼食品印象, 只限於印尼蝦片。今天, 為慶祝友人順利畢業, 我們特別遷就他的喜好, 跑到觀塘尋覓地道的印尼美食。其實印尼食品的一大特色, 便是大雜燴, 每一道碟頭上的食物, 可謂甚麼都有：瓜, 菜, 肉, 炸物 (特別是蝦片, 好脆好香口~!)... 另一特色, 當然是食物多伴以「許多」醬汁或湯汁, 偶有辛辣, 味道濃郁, 迎合大眾的口味。讓我為大家介紹一下這次我們點的菜吧!加多加多 - 印尼的沙拉加多加多其實是這沙拉醬料的名字。如照片所見, 材料主要有瓜菜,薯仔, 豆腐,芽菜和烚蛋。一點不喜歡吃花生的我, 竟然很喜歡加多加多裏強烈的花生醬味道! 感覺其實蠻像稍稀的沙嗲醬呢! 推介推介。十五夜 -正宗的印尼餐館才有這道菜蔡瀾先生曾說過, 只要一間印尼餐廳有十五夜這個菜才是正宗, 由於十五夜是印尼華僑每逢農曆十五必吃的食物, 故因而得名。十五夜是一大碟食物浸在一大泡湯汁之中。食物包括巴東牛肉, 米粽, 雞脾肉, 豆角, 佛手瓜, 烚蛋和蝦片。 個人尤其鍾愛很香很入味的巴東牛肉, 米粽口感特別, 稔身的米飯, 黏在一塊。 黃薑飯這道炒飯很不俗。飯炒得乾身, 粒粒分明而著色, 味道

今日屋企冇飯食(啊媽參加團年). 就去試一試印尼餐廳. 其實D間餐廳都開左好耐. 不過一直都冇去過.一入去就聞到一陣 "up" 味. 感覺大打折扣. 不過都入到就試一試. 叫左一個 黃彊飯, 十五夜飯, 串燒 (羊+ 雞) . 水準都係好一般. 冇咩特別. 不過價錢就幾平.十五夜飯 - d 飯捲就幾特別可以一試.黃彊飯 - HKD40十五夜飯 - HKD40串燒 - HKD38啤酒 - HKD10

想食好耐,難得今日夠腳就去試下去到要等下位大約5-10min4人去叫左巴東牛肉飯巴東燒雞飯峇里辣雞飯十五夜飯卷(每個飯大約$40)小食拼盤加多加多(價錢忘記了)味道睇上面描述服務不錯,會經常幫忙添茶但味道其實同附近的某間金x印尼餐廳比比較遜色了點..而且店員唔夠親切價錢都比較貴..但始終呢間舒適度都會比較好睇自己想點選擇

這店位置不是處於大街上﹐而是在橫街內及很多時被在等乘客中的小巴遮蓋。徐了掛在店上那黃綠色的招牌外﹐店門不顯眼亦沒有擺放什麼廣告牌來吸引顧客﹐但在觀塘區內﹐這是一間獲比較多好評而又是獨特的印尼菜。店內環境不大﹐可容立大概30人﹐牆上貼了很多年前某食家到此店用餐的情境。 第一次來品嘗這店的印尼菜﹐當然叫了好幾款印尼地道菜色來試試其實力﹐包括有﹕串燒沙爹﹐加多加多﹐十五夜飯卷以及椰汁黃薑飯。串燒沙爹 $37 – 3 串羊﹐3串豬。串燒燒得很香﹐不太燶﹐但因這店串燒的醬汁不是另上而是淋在串燒上﹐所以很難吃得出那串是羊﹐那串是豬。沙爹醬汁炒得很香﹐味道甜多辣少﹐吃落有很重的花生味道及層次感。用來舔什麼食物都很夾。加多加多$35 - 面頭淋上味道甜甜的醬汁再放上一大片蝦片。內裡的餡料有椰菜、薯仔、西洋菜、芽菜、烚蛋、炸豆腐、蒜片、佛手瓜及花生碎。這些食材用料新鮮﹐與在面頭濃濃的沙爹汁很配合﹐一濃一淡。 在用餐中段吃得過辣或過濃的食物時﹐這道菜亦能作清洗味蕾的用途﹐令每口都能真正吃到各款不同菜色的味道。十五夜飯卷 $40 - 賣相不太好﹐各食材包括米粽、雞脾、豆角、玉米心﹐炸蒜片、佛手瓜、烚蛋、巴東