華苑印尼餐廳 (已結業)

約朋友食飯, 點知佢又唔想去得遠, 就響佢屋企附近既觀塘度搵野食......根據手機版既openrice指引, 黎左呢間印尼野開餐~~八點去到, 可能落雨既關係, 冇乜人, 得兩檯本地客....之後坐低左叫野食, 一路食野, d印尼客就慢慢入黎, 外賣加埋堂食, 應該都有十個以上既印尼人幫襯, 試o下佢係咪真係咁印尼先!~嗌野食, 朋友唔食得辣, order左個走辣既十五夜同加多加多, 仲有一個小食併盤....加多加多既味道ok啦, 朋友都覺得佐敦峇里好食d~~十五夜味道好d, 但都唔算係突出, 平淡左d(其實可能係走辣先會淡口左啦)......小食併盤係最好味既, 粟米餅炸得好透, 脆身又唔會好易散, 朋友最鐘意食呢樣.....我就覺得薯仔餅好味d喇, 薯仔餅入面既香料好好味, 似食緊一舊撈好左既薯蓉, 正~~服務質素都唔錯, 有d家庭式既feel, 地方就細左少少仲有d舊舊地....不過整體都ok.....

一年客易又過去, 寫點回憶味重一點的食評吧。來到觀塘辦事, 午飯時間一時沒有頭緒, 想起以前來過的華苑。以前在此買過黃薑飯回家吃, 但以這天的胃口來說, 那實在太大堆頭, 而且今次趕時間, 不如吃點別的。經過大半小時車程回到家，打開飯盒，蝦片同汁分別用膠袋裝開，咁就唔怕淋嘞。黃薑飯餸料多到爆，包括印尼蝦片（OK）、椰汁什菜（好味）、炸雞（炸的太乾）、巴東牛肉（好淋好入味，再破戒都抵）牛肉薯球（呢個真係破咗戒嘞）、酸瓜和花生。落單前阿叔問我要不要辣，我話要少少。辣椒是有少許的，可整個飯都完全不辣，且椰香味濃。分量十足，晚飯可都不用吃了。]牆上雜誌剪報推介燒醬雞, 就要了燒醬雞飯 ($38)。不消三分鐘已有得吃了。有三件炸雞, 上有香口炸蒜片和帶甜不辣的棕色醬汁, 難得的是雞肉肉雖然是炸的, 不但不韌而且還有點肉汁 (少少啫剛好肉不會乾), 可是飯有點冷和硬。午市高峰期客人不算多, 倒有一枱學生哥; 這兒的價位對學生來說是豪了一點, 不過菜色就應該幾地道, 因為後來又有一大群印尼鄉里捧場了。

食物不夠熱! Order 了 3樣 ....... Total: $131 埋單 for 2! 1) 黃疆飯 D飯凍的! 這是最基本要求, 飯不能不熱, 而且飯質不靚, 一入口就有冇攪錯 - 唔熱連暖都沒有!2) 巴東燒雞 又是只暖暖地, 應該是一早整好, 但連返熱都冇做, 感覺甚差3) 拚盤 只有栗米是即炸 - 都幾好食, 春卷是返炸的 - 都很熱OK 冇特別, 薯仔牛肉餅只暖暖地 - 冇口感, 做得不好, 好似D薯仔唔夠新鮮, 食落沒甚麼味!我都唔知點解我個朋友話D間好食, 介紹我來吃! 我應該不會再來了!

半日假同男友去觀塘逛逛臨行上開飯喇睇睇食評 就決定食華苑啦!因為得兩丁友食得唔多 諗住叫一飯兩小食點知侍應竟然話黃薑飯賣晒 咁就是是但但咁叫左個炸雞飯仲有半打串燒 羊+牛 同埋叫左估小食拼盤 ( 咁就冇得叫加多加多喇)炸雞飯 睇落好乾 食落雞都算有汁 不過唔算必食之選串燒 唔算香 甚至覺得佢過咸 肉只有少少少少肉味 可以唔叫小食拼盤 有牛肉薯餅 春卷同粟米餅 我唔食牛 只食左春卷同粟米餅...個春卷好似旺角街邊買到果D...唔食都罷 但係個粟米餅真係值得一讚 又脆又香唔太油膩 如果下次再要黎 都係為左佢總括黎講 價錢唔算貴 但唔好咁大期望係物超所值而且當晚侍應可能心情唔好同同事傾計大笑個樣同對客個樣完全兩回事 "吱"都唔笑 要扣分可能冇試佢黃薑飯 又冇試加多加多 翻啅慾望好低

當天中午, 看了食評來吃點了這些-巴東牛肉因我本身很愛吃巴東牛肉, 所以每見到有都會點的(其實是十多年前在觀塘廣場 六口褔吃而愛上此食品 六口褔老闆說是特地到星馬學的....不過這不是重點!! 重點係真係好好食, 仲要$3x就有得食!!!!!, 不過, 六口褔已結業了)這裏的巴東牛肉, 一般啦....可以吃....-串燒一點必X之選, 上檯見燒得OK以為應該都好食啦, 點知, 好神奇!!食落可以無燒GEI香味!!我覺得係提早燒好一批, 有ORDER就唔知蒸定叮咁!! 真係....串燒有燒GEI痕跡無燒GEI香氣, 勁!!暫時只此一家....-印尼凍啡反而我幾LIKE!!凍啡味都香濃!!唔會再去食!!仲有, 其實室內空調有一陣氣味...我食過GEI 尖咀好時, 佐敦峇里餐廳都正好多!!

也很少在觀塘區覓食，今天襯有點時間，拉了女友走遠一點，來吃觀塘人氣的食店，第一間要試的是這所在觀塘區的印尼菜。印尼菜在香港的受歡迎程度屬中等吧，在云云東南亞菜中，很多人也愛吃泰菜、甚或是星馬、越南等，之後才可能是印尼菜，但怎說也比被遺忘的菲律賓菜好，真的可說是比上不足，比下有餘。也在假日的晚上晚飯時間來到店子，人頭湧湧，幸好也只費了不足十分鐘時間，也被安排入座，與女友坐進了窄窄的座位，也開始研究餐牌，一看之下，見其價位真的非常吸引，真的怪不得搵食兄說出那番說話，原先也決定點其招牌的黃薑飯及巴東牛肉，再加個多菜的加多加多，就又夠吃又可試到其手勢了，可惜招牌之一的黃薑飯賣光了，最後唯有補選印尼菜另一有名的食物十五夜在我們的餐單內。先來的是開胃菜加多加多，其實真的可以說是印尼人的沙律，華苑的加多加多，比正宗的可能更多料，用匙羹翻兩翻，已經見到有椰菜、薯仔、通菜、芽菜、烚蛋、炸豆腐、蒜片、節瓜及花生碎，在其面撒上了一點碎的蝦片，蝦片很脆，而且不是太油，上述每款的餡料都不錯，菜類的鮮嫩爽口，薯仔雖然沒太大薯香，但勝在夠粉，豆腐炸過配合花生醬來吃，與爽口的菜一起吃有多重口感，而且花生醬味濃，配合了

為慶祝好友新居入伙之喜，大伙兒跑到了觀塘 APM 買禮物。那想到行程困難重重，指定的無塵袋式吸塵機只得寥寥數款，價錢更是出乎意料的高昂，未有收鑊只好鳴金收兵，先食個晚飯補充體力，卻對 food court 內的一眾食肆不感興趣，而眾人銀包內都只得五十大元，幾近乾塘實在選擇不多，結果一行六人找到了位於銀都戲院後的華苑試試相當平民的印尼菜。這間餐廳環境不大，只得約二十個座位，地方無可避免地有點狹迫，但若主攻附近街坊生意的話，已綽綽有餘。對印尼菜不大熟悉的朋友，穩陣的點了印尼炒飯及椰汁雞飯；較進取的朋友則選擇了咖哩牛脷飯；而我就只對招牌黃薑飯情有獨鐘，另外再加一客小食拚盤共享，當晚完全是以價為本，平均人頭消費不用五十元。以黃薑粉煮成的飯一向是我的至愛，實在喜歡其較煙韌質感，飯香撲鼻之餘，黃油油的賣相更令人開胃。每一家印尼餐廳的黃薑飯都各有特色，所選用的配料更可盡顯店方的心思。味道方面，當晚吃到的黃薑飯不算得出色，飯不夠粒粒分明，而是一舊舊的，不夠乾身下，無可避免打了點折扣。配料方面可以「百搭」形容，包括兩大片爽脆的自家製蝦片、炸雞一件、巴東牛肉一件、最特別的是有一件薯仔牛肉餅，配以酸菜、花生

二點幾先去食lunch非常好,只有一枱客點左黃薑飯同小食拼盤好快就上菜黃薑飯好好食,有少少辣,好惹味;側邊有一件牛肉薯仔,一件雞腿,兩塊蝦片,同埋一件牛肉件牛肉唔知係咩名堂,個樣好似好UN,但係食落好軟身,好入味!!個小食併盤就一般,有牛肉薯仔兩件,粟米餅兩件,春卷兩件牛肉薯仔好味(不過唔係好食到牛肉味),春卷麻麻地,因為佢加左我最唔鍾意既紅蘿蔔,又加左西芹,D味怪怪地,粟米餅就OK,都幾大塊,略嫌煎得太乾身個後生仔職員都好好,成日自動幫我地添水食食下,坐O係我對面既男友定眼望住幅牆見到佢咁,我就問:做咩呀???佢話:唔好望我就估到......係我最怕既生物----蟑螂我唔望O者...但係隻野行行下就行左入我既視線範圍喇...好大隻.....好似仲大隻過平時O係街度見O個D仲好似識飛添...個後生仔職員應該見到....但係佢冇去打死佢...可能驚驚動其他客...之後...隻野唔見左隔左陣...我男友見到堆職員一齊去踩隻野....最後俾老闆踩死男友話老闆仲要踩完拖隻野埋一邊先執...而呢件事就發生O係我隔離....我真係郁都唔敢郁....服務同食物都唔錯....但係有蟑螂就搞到D野食背脊

天氣好熱，好彩等左陣就有位係一間好細ge店嚟叫左十五夜飯卷: 其實幾特別，係個咖哩浸住ge糯米飯球，不過唔arm口味椰汁黃薑飯: 好食，有幾樣餸，巴東牛、雞、菜...夠香又夠味燒醬魚: 條魚幾嫩，似甜酸魚ge煮法不過換左d sauce 環境幾舊，不過唔似其它出名ge舖頭服務好nice，特別係個後生仔，要讚下

這裡的粟米餅和串燒都很不錯 ~粟米餅炸得鬆脆、不太油膩、粟米夠甜 ~串燒燒得夠香、沙爹味濃 ~可惜塵埃怕等位, 所以不常來 ~

係2個月之前食架喇, 成日都唔記得打食評當日叫左1. 十五夜飯卷2. 蕉葉魚3. 小食拼盤4. 牛尾湯5. 半打串燒1. 十五夜飯卷; 幾特別, 差唔多有齊所有印尼特色食物.有 蝦片, 東巴牛肉, 有雞.....之後個d唔記得.....開頭以為咩黎, 點食丫......之後侍應小姐見我咁迷惘, 就同我解釋入面有d咩. 同埋佢唔講我都唔知綠色一舊舊個d原來就係飯卷成碗野都係d湯度浸住, d湯色似咖哩, 但唔係咖哩味, 幾香, 味道ok!蝦片好食, 下次會淨叫蝦片.件雞淨係記得幾滑.....其他已經無咩印象....2. 蕉葉魚; 感覺上唔多扺. size 偏細, 味道辣辣地, 都算香. 但唔係幾岩口味.3. 小食拼盤; 有春卷, 牛肉薯餅同粟米餅. 春卷味道唔太突出, 油份適中. 牛肉薯餅幾好味, 都幾飽肚下. 粟米餅最好, 真係由一粒粒粟米炸成. 幾可口, 而且唔會好"制"可以食好多都得.點埋d醬會更好味同開胃.4. 牛尾湯; 味道一流, 一碗份量夠2人用, 配料十足, 必點之選.5. 半打串燒; 點左咩肉都無咩印象啦, 好似3牛3羊. 幾香, d沙爹汁都好好味. 都算扺食.會再去試其他

很久沒有吃印尼菜了，記憶中上一次已經是三年前的事。由於今晚人在觀塘，順道在「搵食名單」中找找有甚麼店子可作晚餐，不想花太多時間細想，就吃印尼菜吧，於是便選了「華苑印尼餐廳」。小小的店子瑟縮在「仁信里」的紅色小巴站內，由於小巴長期排得滿滿，如不走進內街一點，是不容易發現此店。到步後的時間尚早，店內還有位，如晚多十五分鐘到來，恐怕要傷腦筋來另覓地方。點了「印尼牛尾湯」($34.00)、「蝦醬炒雜菜」($34.00)、「印尼炆牛脷」($54.00)、「白飯」($7.00)一碗及在吃完主菜後才點的「印尼熱咖啡」($16.00)，及後發現原來漏點了「加多加多」，但怕已點的食物份量太多，唯有作罷。「蝦醬炒雜茶」先來，蝦醬味夠搶，雜菜炒得剛剛好，夠青嫩爽口，是有水準的炒菜。「印尼牛尾湯」的質地雖不濃郁，但味道清得來有強烈的蔬菜味，牛尾的油份滲了出來並浮在湯面，令初嚐的數啖油香豐腴。牛尾有三件，份量不多但每件也是膠質豐滿，腍身而入味。「印尼炆牛脷」來用炆牛脷的香料茨汁十分不錯，帶有強烈的南洋香料味道，可是另一種常用的香料胡椒卻未有在口腔出現，或許只是份量太少，難以察覺吧。牛脷厚身而腍，唯獨我最愛的牛脷

每次去親觀塘好多時都會幫襯!香港好少可有d咁正宗既印尼食廳因為真係好好味ar...雖然d炸既野食係多油左d, 但係真係好味!^^叫左一個飯(炸雞肉, 酸青瓜, 幾塊印尼炸蝦片, 仲有印尼菜 + 雞肉串燒 + 小食拼盤(有春卷, 薯蓉,炸玉米餅) , 正ar!!唔食就走寶...而且都大碟, 真係好值得再食!兩個人食得好飽, 仲要食剩

朋友仔食唔慣加多加多的醬, 故今次試新菜, 無叫一直至愛的加多加多 椰汁黃薑飯 ($39) -- 叫左小辣, 因朋友仔唔受得辣 飯--以前未食過黃薑飯, 原來只係好淡好淡的椰汁, 而一d薑味都無 餸 -- 蝦片, 巴東牛肉, 炸雞, 牛肉薯餅--巴東牛肉: 夠稔, 但鞋口, 炆得唔夠入味--炸雞: 好乾及鞋, 唯一優點係落重香料去醃--薯餅: 食唔出有牛肉, 薯餅過稔, 無薯仔香, 好似溝左好多水係薯蓉度------------------------------------------------- 印尼炒米粉 ($34) --- 本身不辣--原本想食炒麵, 但朋友仔怕油, 炒米粉少油d--只係用左好少印尼香料, 故味道像家鄉炒米粉, 朋友仔嫌太過普通--配料較多蛋絲及白菜仔, 而蝦就少少, 蝦硬身兼無味, 唔好食--另附一碟仔青瓜撈茄汁

半朝的有趣對話結束後，來吃個午餐再到附近入貨，在愉景灣吃過這裡的粟米餅，到真正坐到舖頭吃頓正餐，已是兩年後的事。門牌是4號A，原來位於小巴站則，掛著不少飾物佈置，甚有特色的印尼餐廳，亦有唔少雜誌報導。菜式兩頁紙可見，街坊熟客吃飯餐的多，只有自己一檯在吃蝦醬沙律、炆牛脷同牛尾湯，還有一杯周末閒情印尼咖啡～蝦醬沙律，靚姐先問過辣度，要了少辣，印尼蝦片下是青瓜、荷蘭豆、炸豆腐再撈上充滿著花生碎粒的醬汁，一副不修篇幅的樣子。幾味時蔬都是白灼的，比較喜歡清爽的青瓜，配偏辣的花生醬是幾開胃的，花生醬很香卻吃不出蝦醬的味兒，這裡的炸蝦片香脆沒油朕味，配上炸蒜頭餸啤酒一流。炆牛脷是家常做法，用上五香料慢煮，特厚的切件牛脷炆得夠身，軟腍帶滷水鹹香，微微香辛令牛脷味道變得豐富而無雜羶味，油脂度亦因此輕盈半分，軟腍不散的口感，簡單卻吃得出住家式的美味。牛尾湯下了不少香料來煮起，也吃到鮮番茄的清甜，是幾原味的吃法，也不錯，但比較起之前炆牛脷，印象並不如前者般深刻。印尼咖啡如越南咖啡同樣是蒸餾做法，分別是杯底沒墊以練奶，咖啡滴流後靚姐收回茶部調校，然後是一杯幾甜帶濃香的得意之作，是日心情很好，再加杯悠閒咖啡，是