究極堂 (永光中心)

營業中

休息中

位於銅鑼灣的「究整堂」，餐廳環境開揚，樓底高，擁落地大玻璃窗，空間感強❤️如果一大班朋友gathering，仲可以book VIP房，私隱度十足 (銅鑼灣分店和炮台山分店都有架🥰)菜單內食物款式選擇好多，包括刺身、壽司、海鮮丼、沙律、小食、pizza、鐵板料理、一品料理及串燒等，每款菜式都擺盤精美👍🏻 鮪魚套餐 $248性價比高👍🏻👍🏻鮪魚套餐包括有山芋泥碎拖羅丼、灸燒大拖羅壽司、大拖羅壽司、中拖羅壽司、赤身壽司、麵豉湯及沙律，非常豐富呢‼️山芋整成泥蓉，口感綿密帶有黏口感；拖羅蓉的鮮美又能中和光吃魚生的油膩感❤️❤️ 究極海鮮杯 $98刺身逐層疊起放於高腳透明酒杯中，包括有鱈魚片、黑魚子、三文魚籽、海膽、吞拿魚蓉、蟹肉、蜜柑及果凍，每啖口感綿密，味道鮮甜，非常豐富。 海膽右口魚邊蝦卷 $78卷物入面包著炸蝦🦐，面頭放有甘香肥美的右口魚邊和鮮甜creamy的海膽，食落唔會好膩，味道好豐富。 帶子他他 $38吉列帶子的外皮非常香酥，裡面的帶子厚身又嫩滑，味道濃郁鮮甜，面頭配上他他醬及三文魚籽一齊食，非常甘香可口✔️ 海苔墨魚他他 $28海苔墨魚他他的金黃色賣相吸引，墨魚味道濃郁，口感酥脆又彈牙，配

究極堂 Kyukyoku Do📍 (永光中心) (銅鑼灣)銅鑼灣登龍街28號永光中心11樓兩年前嘅3月14，我認識咗經常喺我食評入面被提及嘅「朋友」，2024年嘅3月14，係我哋相識兩周年嘅紀念日，所以我決定帶佢去食佢最近成日話想食嘅魚生飯，慶祝呢個大日子。講到我哋鄰近美食匯聚嘅地區，絕對非銅鑼灣莫屬。之前去過登龍街幾次搵食，都留下唔錯嘅印象，今次我就book咗位於永光中心11樓嘅究極堂。仲有幸坐到朋友最愛坐嘅吧檯，邊食邊欣賞窗外嘅街景同師傅認真料理。餐廳嘅裝修好有格調，唔似一般打住和風旗號嘅餐廳裝修咁俗氣，偏暗嘅環境配上暖色系燈光，都幾浪漫。呢度環境同座位舒適，非常適合約會、三五知己小聚或者同一大班朋友搞聚會，仲可以book VIP房，而且炮台山都有分店，如果早啲知，之前就唔洗為諗去邊搞gathering咁頭痕啦！ 💰$218究極丼 🍱入正題，同大家介紹下今晚嘅主角── 究極丼！淨係睇相都見到呢碗海鮮丼有幾足料啦，師傅選用赤醋飯做飯底，酸度柔和易入口，配新鮮海產食，簡直一流。加入赤醋後嘅米飯味道比一般白飯香醇，加上香口味濃嘅飯素同食到中段拌入嘅醬油漬蛋黃，整碗丼飯口感順滑，味道極佳。

究極丼 推介丼飯上擺滿左赤蝦，三文魚，帶子，三文魚子，海膽同埋油甘魚。刺身非常新鮮，海膽好甜。仲附上一個蛋黃海帶絲撈飯用。 雙色魚生冷豆腐呢道菜睇落好精緻，充滿了色彩和層次感。魚生的鮮味和冷豆腐的柔滑口感相互融合，帶來了一種清新的味道。清酒煮蜆 用清酒為基底煮熟的蜆，除咗有濃郁嘅清酒味，佢仲爆咗啲日本大蔥，成個湯底好鮮甜。它的酒香和蜆肉的嫩滑簡直絕配。 梅花爛漫入口好香，又唔係好濃郁嘅梅酒。 食日本菜成日都會想飲清酒梅酒呢一啲，呢一間嘅選擇都好多。 京姬柚子檸檬酒這款柚子檸檬洒帶有清新的柚子香氣和微酸的檸檬味道，非常適合作為餐前或餐後的一杯酒。侍應有介紹呢一杯係偏酸，朋友飲落覺得都幾開胃，中和左酒嘅濃味。濃湯番茄咖哩生肉鳥冬濃湯以番茄和咖哩為基底，味道酸酸辣辣，加入生肉本身牛味好重，成個湯底好惹味。紫蘇梅醬軟骨雞肉好似出邊食嘅軟骨雞肉棒，不過佢嘅軟骨比較大粒，更加有口感 。軟骨雞肉的口感嫩滑，搭配梅醬的酸甜味道，成個Combo配合得好好。避風塘炒枝豆一上菜已經聞到避風塘嘅味，非常香。 食落去有牛油嘅香味亦有避風塘嘅惹味。 係一個非常適合送酒嘅菜。

🎎🏯【 究極堂 】🏯🎎⋄ —————⧫♟⧫————— ⋄銅鑼灣精緻日本料理🪻✨ 環境燈光昏暗有格調，食物高質用心，聚餐、約會都好合適💕必點招牌「究極丼」，一碗集齊多款魚生刺身，件件厚切肥美，牡丹蝦更係重量級，簡直係豪華陣容🦐 加入日本生雞蛋拌勻，回味無窮🤭「究極海鮮杯」小小一杯，有海膽、蟹肉、吞拿魚蓉、三文魚子、黑松露、金箔、芒果🥭搭配得宜，又甜又鮮美🥄除銅鑼灣外，「究極堂」於炮台山亦有分店，一大班朋友gathering，可以book VIP房，勁歎😍🎉🎊⋄ ┄ ┄ ┄ ┄ ❖ ┄ ┄ ┄ ┄ ⋄⚜️🐟海鮮丼🐟⚜️▪️究極丼（$218）⚜️🦀刺身🦀⚜️▪️究極海鮮杯($98)⚜️🍣壽司🍣⚜️▪️右口魚邊醬油漬($22)▪️七味姜燒帆立貝($22)▪️黑松露燒帆立貝($22)▪️原條海鰻($22)▪️海膽醬燒赤蝦($22)▪️牛肉海膽($38)⚜️🍤卷物 🍤⚜️▪️海膽右口魚邊蝦卷($78)⚜️🍸Cocktail 日式雞尾酒🍸⚜️▪️雜果賓治（$75）⚜️🥛Soft Drinks 無酒精飲品🥛⚜️▪️朱古力抹茶牛奶（$48）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：究極堂 (銅鑼灣)銅鑼灣登龍街28號永光中心11樓⋄⋄

今晚約左朋友在銅鑼灣食飯朋友帶我來到位於銅鑼灣永光中心既一間日本料理餐廳呢度環境真心唔錯坐位舒適燈光帶少少情調餐桌之間有相當的距離不會被騷擾絕對是朋友相聚傾計既好地方 //韓式鐵板雞頸肉 $88//雞頸肉份量幾多賣相同普通雞柳差唔多邊皮微脆 肉質比較爽配埋韓式大醬, 椰菜, 泡菜一起炒食落令人胃口大增 //麻婆豆腐炸雞蛋包飯 $118//呢個crossover又幾得滑蛋蛋包飯超大份炸雞外面脆卜卜 內裡的肉質仍然保持鮮嫩多汁滑蛋又做得相當流心入口好滑加上麻婆豆腐超好送飯呢個飯好快就被清空 //明太子什菌地雞薄餅 $118//薄餅底入口好鬆脆明太子味夠出之餘什菌味濃郁地雞雞肉好嫩滑加埋芝士 整個口感好豐富//炸雞軟骨配海膽醬 $58//炸到脆卜卜入口爽脆有嚼勁再配埋海膽醬好好食食唔停口 //啤酒薯條配蜜糖芥末醬 $48//啤酒味薯條本身已調味鹹味剛剛好入口有輕微啤酒味外脆內軟比一般薯條更滋味再配埋個少少甜的蜜糖芥末醬更添美味//薯蓉廣島蠔 $108//呢個值得再食廣島蠔一咬開超多蠔汁薯蓉入口柔軟有豐富奶油味再加上芝士好香口//果汁燒酎 $68//呢個又幾得意 叫左西柚燒酎原來餐廳會比半個西

出到銅鑼灣，想搵個舒服嘅地方歎下日本屋酒屋美食🍶，喺Times Square附近嘅永光中心，由銅鑼灣港鐵站行過去只需要2、3分鐘，超方便。新派日系簡約設計，仲有私穩度高嘅VIP房💁🏻‍♀️究極丼$208擺盤精緻💁🏻‍♀️有帶子、赤蝦、厚切既吞拿肉、左口魚、油甘魚、魚生、三文魚、三文魚籽、紫菜天婦羅、海膽食落啖啖肉好鮮甜，超滿足明太子芝士玉子燒 $78熱辣辣玉子燒😋蛋包飯既雞蛋!超級軟棉棉☁️ 芝士藏在中間🧀每一口都係蟹子同醬汁紫蘇梅醬軟骨雞肉 $28軟骨爽口，雞胸肉嫩滑， 一脆一軟嘅口感火炙壽司拼盤配烏冬 $158究極堂 (永光中心)📍銅鑼灣登龍街28號永光中心11樓#究極堂 #日式料理專門店 #居酒屋 #銅鑼灣 #登龍街 #銅鑼灣美食 #炮台山美食 #北角美食 #CausewayBay #JapaneseCuisine #JapanFood #hkfoodie #hkfoodblogger #外賣自取 #TakeAway

究極堂主打日式fusion料理，料理嘅種類好多，有海鮮丼、刺身、卷物、日式鐵板燒、和風薄餅、佐酒小食等，有啲推介賣相好吸引，非常igable😍🍽️ 究極炎之丼非常推介，啱晒唔太好生野又想試吓日本丼嘅朋友。一碗就有多款燒過嘅刺身，有帶子、左口魚、三文魚粒，唔單止厚切肥美，更加有火炙嘅香味。🍽️ 明太子芝士玉子燒蛋味好重，有爆漿嘅口感，加埋明太子醬同蟹籽，食到停唔到口😛🍽️ 究極海鮮杯一定要讚吓佢嘅賣相，成個雪糕甜品杯咁，望到都好開心😆 細細一杯有齊海膽、蟹肉、吞拿魚蓉、三文魚子、黑松露、金箔、芒果。全部海鮮搭配埋一齊好夾，好有口感。🍽️ 蟹膏豆腐鱈魚乾好特別嘅菜式，蟹膏同豆腐磨成蓉，鹹鹹香香，連埋烤得好香嘅鱈魚乾，佐酒一流。🍽️ 醬燒三文魚炸蝦卷一客有三件，三文魚燒到好香，厚切又肥美，加上特製醬汁，味道濃郁。究極堂 (永光中心) 📍銅鑼灣登龍街28號永光中心11樓

之前有去過炮台山嘅分店，今日就嚟銅鑼灣呢間試吓😌佢哋兩間都有party房，正😝大班人嚟幾大聲都唔緊要🤣🤣我今次係專程嚟試佢嘅明太子玉子燒，因為已經聽過兩三個朋友講好好味，☺️今日就要試下先入到去地方都幾乾淨舒服，雖然唔係話好大間，但係個個座位都幾寬敞要講野食啦😝😝呢個係海膽左口魚炸蝦卷，左口魚嘅油脂同海膽好夾，入口即溶，我真係第一次試呢個配搭😍另外壽司嘅質素都好好，尤其是右手邊呢舊究極卷😌係兩嚿好厚嘅帶子刺身，包住一舊細細舊嘅飯，上面仲有三文魚子同魚子醬🤤🤤🤤真係要成啖擺落口先會有幸福嘅感覺🤣呢件超推介終於到咗，我最期待嘅明太子玉子燒😍平時喺其他餐廳食開嘅玉子燒都係比較實淨，偏甜，但係呢度係做到流心嘅效果，所以用埋落啲明太子醬度真係好香好滑，呢個都係必食佢仲有好似大阪好出名嘅炸串咁，我就叫咗一個炸豚肉腸，同炸牛油果雞卷表面都炸得幾脆，但係又唔會有太油膩嘅感覺，送走一流🤤咁當然係要飲返一支啤酒啦，呢度嘅生啤好似係買一送一添😮😮呢個炸雞軟骨好特別，咁配咗海膽醬，又係送酒一流🤣最後要食返啲溫和啲嘅嘢，呢個清酒煮蜆個湯好甜，蜆亦都新鮮我本人係好鍾意食海葡萄，但係唔係好多餐廳有，所以一見到有海葡萄

以前係北角返工，佢新開個陣已經食過幾次，因為性價比幾高，食物有質素隔左一排今次去銅記分店，坐window seat望住登龍街仲正，裝修有格調，環境唔嘈吵，傾計舒服，價錢依舊親民蟹膏豆腐鱈魚乾次次都會叫呢個，好送酒既小食～鱈魚乾咸咸地又夠薄脆，配埋上面既蟹膏豆腐好夾比起魚生丼飯我更鍾意佢哋嘅壽司油甘魚，赤身都好新鮮又夠油份，入口軟腍冇筋。右口魚邊醬油漬每次都會叫，炙燒過有微微焦香，入口即融🤍最鍾意究極之戀，用帆立貝砌成一朵花，上面有海膽同魚子，好似食左個大海入口，大滿足芝士忌廉京葱地雞第一次叫呢個，原來配埋薯條，幼身薯條炸得好香脆，雞球都好大件，呢碟野只係$68咋，抵食滑蛋吉列黑豚飯金黃色既吉列豬扒，外層酥脆唔油膩，入面都算juicy，滑蛋包裹住煮到好淋既洋蔥絲，每啖都有豐富嘅口感之後可以同同事尼包間房，仲有privacy，慢慢傾慢慢飲

喺銅鑼灣食午餐，呢一個刺身飯好抵食，又有海膽，又有三文魚子，三文魚又係厚切，仲有兩隻蝦，仲有帶子油甘魚蟹膏吞拿魚蓉。 跟住仲有醬油蛋黃。 要特別提到嘅係海膽份量都唔少，係鮮甜嗰啲海膽，冇苦澀味，二百幾蚊呢個價位我覺得好抵食。 仲叫多咗一個小食，海膽醬炸雞軟骨，個份量都好大，雞軟骨炸得好香脆，冇油益味，出街食嘢最驚嗰陣油味。 我見佢仲有其他好抵食嘅lunch set，都係70幾蚊左右，喺銅鑼灣嚟講呢個價位真係非常之抵食。

今晚同呀姨發掘到間有誠意嘅日本餐廳🎏餐廳座位寬敞，店員亦好親切💯<脆洋蔥蕃茄沙律>店員好細心，知道我唔食洋蔥，幫我轉脆蒜🥰蕃茄配沙律菜、粟米，好refreshing。<明太子芝士玉子燒>咬落係超多明太子，仲有拉到絲嘅芝士，好邪惡呀🤭<究極炎之丼>推介！帶子、吞拿魚蓉、池魚、左口魚燒到充滿油香，拌飯一流💯<四重芝士炸蝦卷>芝士fans唔可以錯過，芝士微微炙燒過，好香口😍配炸蝦好夾，呢個卷送酒一流。<中拖羅壽司>入口溶，但唔會太油膩。<炙燒海膽醬燒赤蝦壽司>海膽醬配爽口赤蝦，想再encore！<炙燒黑松露燒帆立貝壽司>帆立貝燒到半熟，配我最中意嘅黑松露🫶🏻<心形焦糖玉子>心形好cute 😆薄薄一層焦糖，好似食crème brûlée咁，滿足了。

今日去左食銅鑼灣一間新派日本餐廳, 款式多而且質素都幾高，原來仲可以book VIP房, 下次約埋班friend再戰究極炎之丼首先叫左究極炎之丼, 呢款丼有好多款魚生配料e.g. 帆立貝, 蝦, 吞拿魚蓉等, 全部都勁鮮甜唔會腥, 有微微燒過, 而下面嘅丼飯吸收左魚生嘅鮮味精華, 同時帶點醋香都幾開胃👍🏻黑松露牛油果軟殼蟹卷黑松露牛油果軟殼蟹卷口感豐富, 首先食到軟殼蟹炸到好酥脆, 再搭配濃郁黑松露醬同牛油果，牛油果軟嘅texture同軟殼蟹脆嫩有對比, 而且卷嘅表面都沾滿左芝麻～牛油帆立貝（粟米汁）配薯條牛油帆立貝一共有4粒全部都好大隻, 成功吸收曬牛油香, mix埋粟米汁同埋其他配料進一步提升overall惹味程度, 薯條同樣炸到熱辣辣好脆口炸串炸串total試左4款~ 芝士咖哩飯卷呢款好特別, 係將咖哩飯整成類似食團咁再拎去炸, 每粒飯都沾滿左咖哩汁同芝士, 有驚喜👍🏻; 紫蘇梅醬軟骨雞肉帶淡淡嘅酸甜味, 軟骨雞肉扎實彈牙; 帶子他他都同樣出色, 他他醬唔會搶左主角帶子嘅鮮味, 面頭仲鋪左少少三文魚子; 最後日本雞柳配牛油果蓉, 雞柳即使炸完口感都岩岩好唔會太韌抹茶牛奶（朱古力）

好耐冇食日本嘢，今日去咗銅鑼灣一間日式餐廳，環境幾舒服，由窗望出去就係銅鑼灣嘅街景，而且職員都幾有禮貌網上見到好多人都叫究極丼，原來足足有八款海鮮包括大蝦、帶子、三文魚、碎拖羅、左口魚、蝦子、魷魚同埋海膽，食材種類真係好豐富，而且每一樣都好新鮮，好似喺日本食緊魚生一樣，份量亦都好足夠，完全唔需要點醬油，賣相亦好精緻而海膽左口魚邊蝦卷都好出色，海膽味鮮甜，左口魚油脂豐富，配上中間的炸蝦，口感一流油甘魚刺身有四片，每片都切得很厚，食得出很新鮮，食完很滿足另外在叫咗個醬汁日本黑豚豬扒飯，豬扒炸得很香脆，裏面保持肉汁，亦都好厚身，配上少少醬汁更加帶出豬扒的肉味，而且飯量十分多，一定夠飽餐廳仲做緊生啤買一送一優惠，叫咗杯Orion生啤，飲下啤酒令氣氛更一流原來餐廳仲有另一間分店喺炮台山，如果一大班人食飯，職員話可以訂VIP房，咁就方便大家聚首一堂啦當日的精選餐牌選擇都幾多，可以試最新鮮的食材

今日係銅鑼灣食左間好高質既居酒屋, 餐廳係登龍街, 需要上樓~呢間餐廳都唔少款式既野食, 除左平時居酒屋既傳統日本野食之外, 仲有炸串同埋和風料理首先黎到日本餐廳, 冇理由唔叫刺身壽司食既, 我地叫左油甘魚刺身同埋鰻魚卷, 油甘魚好新鮮, 而且好肥美, 好食, 鰻魚卷都OK另外前菜我地仲叫左芥辣八爪魚同埋雙色魚生冷豆腐, 八爪魚好新鮮, 口感好爽脆, 芥辣味都足夠豆腐就好滑, 加埋魚生一齊食個味道昇華左, 冇就咁食咁淡味, 都值得推薦之後就係主食啦, 我地叫左個炎之丼, 其實就係火炙刺身, 主要有蝦, 白身魚同埋吞拿魚蓉岩岩上個陣仲有少少熱熱地, 刺身都好新鮮, 有魚味, 而且燒完之後半生半熟咁好有口感, 飯既份量都多, 夠曬抵食我地另一個小食叫左個蕃茄咖喱牛肉烏冬, 比較特別既係好少會有蕃茄同埋咖哩既配搭不過食落都有驚喜, 有蕃茄粒既口感, 酸酸地加埋辣辣地既咖哩, 又意想唔到咁夾, 不過我就覺得蕃茄味可以再濃少少我地另外仲叫左個鐵板魷魚, 有薯條跟, 鐵板魷魚好彈牙, 仲有海量芝士係面, 好邪惡!薯條就新鮮炸起, 熱辣辣又脆! 超級推薦呢個菜黎到最後我地叫左個蘋果雪葩做甜品, 估唔

究極海鮮杯($98)，海鮮杯之前都有食過，用料食材大致上相同，但今次底層係用左柑肉做成既啫喱，有助解魚蓉既油膩感。究極丼($218)，可以一次過食到咁多款魚生，感覺好滿足，牡丹蝦和海膽較突出，蝦好大隻而且口感夠黏好新鮮，海膽鮮甜冇苦味而且順滑，另外配一個蛋黃紫菜汁，拌飯食一流。蟹皇丼($138)，蟹皇香味濃郁，炙燒過帶少少焦香更香口，整個飯攪勻之後，粒粒飯都沾有蟹皇既味道，另外將蟹皇飯放上鰹魚片上一齊食，口感層次增加左煙韌口感。海膽右口魚邊蝦卷($78)，軟綿綿入口即溶既右口魚，夾埋酥脆既炸蝦，形成一軟一脆口感。七味炙燒帆立貝($22)，海膽醬燒赤蝦($22)，炙燒過帶點焦香係我喜愛既口味，賣相都唔錯，色香味俱全，兩款壽司都好新鮮。