德國餐廳 (已結業)

最近天氣好熱，突然間想飲杯啤酒食下炸野。去左元朗食呢間德國野。個餐廳真係好有feel，適合坐低吹水！氣氛真係可以一杯啤酒吹成晚。叫咗個德國豬手，一上菜已經聞到香噴噴既味道！一入口，個豬皮真係好香脆呀！而且豬手唔會太乾，入邊仲有好多水份！超級正！好鍾意豬手同honey mustard一齊食既味道！好香而且mustard唔會太辣，岩岩好！再叫個燒春雞，呢個燒春雞真係好鬆軟！外脆內軟，好香！燒春雞隔離仲有薯角，真係超飽！燒春雞既香料好足，雞肉燒得好香滑！而且餐廳野食既份量係真係鬼佬size，好彩唔係叫左好多，食完已經好飽。今日真係超級滿足，一間細細間既德國餐廳，悠閒既氣氛，加埋無敵既野食，今次真係超幸福！