francisg712345's Profile

去沙田新城市廣場行完街，就想搵一間性價比高又坐得舒服嘅西餐廳。今次介紹嘅Butlery就符合晒我嘅要求。而且佢哋出名係Pancake，每次食完飯都必點。Mango Pomelo Sago Pancake $138呢個真係為打卡而生📸！班戟疊到高高，上面鋪滿芒果同柚肉，淋上芒果醬之後視覺滿分～班戟口感鬆軟帶蛋香，同芒果柚子嘅酸甜幾夾，唔會太膩，適合兩個人 share 食。Maple Bacon Cheese & Chips $148薯條炸得香脆，漢堡包就用咗安格斯牛肉，而且包身都幾鬆軟，所以食落都好多肉汁。Hanger Steak Tagliatelle $248驚喜之作！牛腹肉扒煎得剛剛好，可以見到內層肉質仲係粉嫩，而且意大利粉用咗闊條麵，所以口感都特別煙靭㗎。…Read More

灣仔高質廚師發辦｜$498起午市Omakase｜脆紫菜・彩羽大卷・即刨刨冰】最近去咗灣仔試下，餐廳裝修簡約雅緻，帶日式氛圍。坐吧枱可以近距離睇師傅手藝，感覺幾舒服。午市Omakase $498起，價錢合理。沙律菜新鮮爽脆，醬汁酸甜開胃。茶碗蒸嫩滑有蛋香，加入白子更添鮮味。刺身部分有四款，見到顏色都幾新鮮。壽司共有八貫，食材新鮮。充滿油脂香氣嘅拖羅一定係我嘅最愛。手卷可以加錢升級做「彩羽大卷」，卷物內有海膽、拖羅、醬油漬蛋黃等，口感層次豐富。最後以味噌湯同甜品作結。甜品可選日式雪糕或即刨雪花冰，冰品質地幼細，清甜解膩。整體而言，呢度環境舒適，食物質素不錯，午市套餐性價比高，適合想試Omakase又唔想太貴嘅朋友。…Read More

最近去咗中環大館入面嘅PAZTA試咗佢哋嘅節日套餐，環境好有格調，玻璃望住聖誕樹食飯，感覺幾chill～ 套餐每位$498起，份量同款式都幾足，適合一班朋友share。✨前菜：黑松露蘑菇湯可以見到湯入面有好多蘑菇粒，其中更加加入咗黑松露，食一啖都係蘑菇獨有嘅香氣。醃生吞拿加入咗青瓜、薄荷和百香果，所以整體味道清新。番茄醬意大利肉丸配玉米糕meatball口感上比較唸身，食落滿滿嘅肉汁和蕃茄酸味。🍝主菜：白松露醬輪子芝士細寬麵配新鮮黑松露店員會即蓆刨上新鮮黑松露，白松露醬和黑松露兩種味道都充滿成個口腔。慢煮野豬肉醬配意大利玉米粥估唔到意大利菜都會見到粥，用咗細小嘅意大利玉米和慢煮豬肉，口感會比中式嘅更加豐富。🍰甜品：朱古力心太軟用咗金箔做裝飾，切開係朱古力流心，有朱古力嘅苦味和甜味。黃金意大利芝士餅其實就係提拉米蘇，口感幼滑有酒香。…Read More

港式大排檔風味真係買少見少，係飲食業寒冬嘅之一，反而做就咗新餐廳嘅進駐。講緊嘅就係灣仔嘅「美麗小廚」，主打即叫即做嘅煲仔飯、鑊氣小炒和蒸飯。親民嘅價格，新開嘅時候都已經座無虛席。🔥 必食推介：煲仔飯系列佢哋嘅煲仔飯真係即叫即煲，大廚就話油先係最重要，餐廳自煉豬油所以連飯粒都夠香。鋒哥三寶煲仔飯 $138選用奢華玫瑰五五臘腸、鵝肝潤腸同埋諾鄧鹽封肉，油脂連同豬油滲哂入飯粒入邊，每一啖都係齒頰留香。另外仲有輝少三金鮑魚煲仔飯$198 和麗姐海陸空煲仔飯$198，前者用咗三款黃金食材「金蒜、鹹蛋黃和金蠔」，後者融合咗海味鮑魚、臘味和滑雞」，兩款都可以帶出豐富嘅層次感。除此之外，我就最鍾意大紅袍脆皮雞$300半隻，原先用咗大紅袍去醃製雞肉，所以肉質都會充滿茶香，同時啖啖肉汁。另外主菜仲可以試埋脆米蜜椒番薯牛柳粒，牛柳粒軟腍又有蜜糖嘅甜味。第二推介自家製金湯酸菜魚，金黃色嘅湯底夠哂酸，魚肉嫩滑入味。仲有其他小菜推介：✨烏魚子墨汁香腸✨辣酒花螺✨烏魚子銀魚仔小炒王…Read More

今次同大家介紹一間隱藏喺萬事昌廣場嘅印度菜寶藏餐廳！作為素食者都可以大飽口福，每道菜都充滿驚喜✨BOMBAY BASKET CHAAT脆脆麵粉籃子裝住酸香鷹嘴豆醬、薯蓉、乳酪同甜酸醬，仲有石榴同香料點綴！一啖放入口，酸甜辣鹹一次過爆發，口感層次多到數唔晒😋SABZ AUR METHI KI SABZI時令蔬菜用洋蔥番茄醬燴煮，面頭鋪滿炸香嘅 Fenugreek leaves，香氣撲鼻！蔬菜煮得啱啱好，唔會太淋，配薄餅食一流～MASALA CHEESE NAAN熱辣辣嘅Naan面包包住濃郁芝士同香料，拉絲效果滿分！芝士控絕對唔可以錯過，食完成個人都幸福晒MUSHROOM IN PEPPER GARLIC蘑菇炒得香口，黑胡椒同蒜香完美融合，惹味得嚟唔會太辣，送飯或者就咁食都得！VEG KHEEMA PAV自家製咖喱用咗 Nutrela 同蘑菇煮成，配上軟熟面包、洋蔥同檸檬，地道風味十足！麵包點咖喱汁食，真係停唔到口～…Read More

啟德作為新發展嘅地段，入面有好多新嘅餐廳等緊我試。今次就專程去試人氣嘅負86°髒髒咖啡，等我同大家分享吓食咗啲咩先。韓風甜麵醬煙豬腩肉比薩新嘗試！韓式甜麵醬配煙燻豬腩肉，鹹甜交織超惹味～餅底薄脆，芝士拉絲，食落仲有少少辣辣哋，好過癮！負86°髒髒咖啡凍飲+椰子奶蓋，入口超順滑！咖啡味濃得嚟唔苦，仲有陣陣椰香，飲完成個人醒神晒～ 沙嗲青芒大蝦沙律個名長到呢～但係真係好足料！青芒爽口，大蝦彈牙，加埋自家製酸奶醬，清新得嚟又開胃！仲跟咗6片佛卡夏麵包，點醬食一流～龍蝦汁海鮮卷卷意大利粉首先卷卷意粉好有彈性， 龍蝦汁完美包裹意粉，配搭新鮮嘅海鮮，每一啖都係海鮮嘅鮮味。🍫 三重朱古力麻糬配朱古力雪糕朱古力控必點！麻糬軟糯，朱古力味濃到爆，再加埋冰凍雪糕，冷熱交融，邪惡但係忍唔住食晒～…Read More

打工仔福音！喺Eastcore發現呢間新派西餐「NON KITCHEN HUB」，晚餐$228就品嚐到精緻嘅新派fusion西餐，菜式賣相本身都好靚，食物嘅配搭絕對係少見。前菜▪️抹茶炸雞配手打忌廉：估唔到抹茶粉撞炸雞可以咁夾！雞件爆肉汁，沾埋綿滑手打忌廉，鹹甜交織好過癮。▪️蒜蓉焗田螺蒜香嘅味道滲哂入田螺入邊，田螺口感彈牙。🍚 主菜（強烈推薦加購）➤ 香煎鵝肝燒廣島蠔鍋飯 +$38鵝肝煎到外脆內溶，蠔肉飽滿爆汁！飯底吸盡鵝肝油香同蠔汁，飯焦脆卜卜，絕對有驚喜。➤ 炸洋蔥絲吉列肉眼漢堡漢堡包上面放滿炸洋蔥絲，淨係睇埋相都好吸引。肉眼扒每一啖都係肉汁，配搭熱熔嘅芝士確實好邪惡。🍰 甜品▫️巴斯克蛋糕：中層有預留奶油流心嘅感覺。▫️柚子雪葩配清酒啫喱：清新柚子雪葩配搭充滿彈性嘅清酒啫喱，口感同味道都好清新。…Read More

今次真係要尖叫啦～ Terrace in seaside 同Sanrio人氣角色USAHANA首次合作，成間又一城分店化身成夢幻舞蹈室🎀 粉嫩花卉加格仔佈置，簡直係打卡天堂！重點推介兩款期間限定套餐：🌸「USAHANA花漾派對套餐」▫️花花雞蛋飯卷 - 韓式芝麻海苔飯配帕馬火腿▫️彩虹軟糖乳酸西柚梳打 - 酸甜氣泡閃閃發亮成個set繽紛到唔捨得食！雞蛋飯卷口感層次豐富，飲品仲有彩虹軟糖，真係少女心大爆發💖🍊「USAHANA心動甜心派套餐」▫️香橙雪葩窩夫 - 鬆軟窩夫配清新香橙果肉▫️朱古力泡泡 - 濃郁香滑又唔會太甜靈感來自USAHANA最愛嘅香橙雪葩，食落真係有種幸福嘅感覺～…Read More

今次終於book到人氣爆燈嘅「鮨山月」！成個omakase體驗簡直係味蕾旅行， 師傅手勢超班，每道菜都精緻到唔忍心食落去啊～✨ 前菜三品 ✨• 野生真鯛配柚子醋 - 清新到爆！真鯛肉質爽甜，柚子醋吊出鮮味，完美開場• 煙燻鰆魚 - 洋蔥粒嘅辛香同魚油香超夾，食落層次感滿分• 醬燒帆立貝 - 外層微焦，內裡嫩滑到癲！醬汁甜而不膩，正到拍枱🍣 壽司十貫 深夜池魚｜鮮味爆炸！魚味濃郁帶回甘赤貝｜爽脆新鮮鰤魚｜油脂分布靚到犯規，入口即化炭燒銀雪魚｜炭香逼人！魚皮脆肉嫩滑鯖魚扒｜醋漬處理恰到好處，完全冇腥味醬油漬赤身｜醬油香滲透每絲魚肉，鹹鮮平衡中拖羅｜油脂感溫柔包裹口腔，幸福到暈池魚薑蔥｜創意配搭！薑蔥惹味帶出池魚鮮甜右口魚裙邊｜邪惡程度爆燈，火炙後魚油香噴發海膽三文魚籽杯 馬糞海膽多到滿瀉！creamy到不得了，配上卜卜脆三文魚籽，海洋嘅鮮味一次過爆發🌊 食到呢度已經覺得值回票價！🍲 魚湯 奶白色魚湯熬足功夫，飲落濃郁順喉，暖笠笠超舒服～🍨 開心果雪糕 自家製雪糕堅有驚喜！開心果味香濃到不得了，為呢餐畫上完美句號…Read More

泰國菜迷出動！今次同大家分享尖沙咀人氣泰國餐廳「阿閒泰」～ 餐廳環境chill爆，食物水準超高，絕對係同朋友gathering嘅好地方！今次試咗幾款招牌菜，款款都有驚喜。🐔 棕櫚糖炭燒三黃雞必食推薦！雞皮燒到金黃香脆，仲有淡淡棕櫚糖嘅甜香～肉質超嫩滑，點埋佢哋特製嘅酸辣醬，真係停唔到口！呢個真係我食過數一數二好味嘅泰式燒雞💯🍖 泰式醉貓炒黑毛豬肉鑊氣十足！黑毛豬肉嫩滑入味，加入咗泰式香料同辣椒爆炒，香辣惹味～果然無改錯名，真係會食到好似醉貓咁唔願走啊。🔥 炭燒泰北豬頸肉配青芒沙律豬頸肉炭香味十足，外脆內軟～配埋清新爽脆嘅青芒沙律，完美平衡咗油膩感！呢個配搭真係絕配，口感同味道都滿分。🥥 椰香滑冰食完濃味嘢，當然要整返個甜品啦！椰香滑冰椰奶味超濃郁，入口即化～清甜唔膩，為呢餐畫上完美句號。總括嚟講，阿閒泰無論環境同食物都咁正，絕對係我會encore嘅泰國餐廳！尖沙咀搵食嘅朋友，快啲去試下啦～…Read More

今次同班friend去咗九龍灣分店嘅「B.0.T.H.」試吓佢哋嘅dinner set，真係有驚喜喎！價錢唔算貴，食物選擇都夠多，同埋最緊要好坐，約一大班朋友就啱晒。澳洲M3和牛西冷牛 ($381) 叫咗五成熟，切開仲係粉嫩嫩，肉質軟淋得嚟又有咬口。個牛肝菌燒汁超濃郁，掛滿每塊牛肉，仲有配菜同薯角，夠晒滿足！酥脆巴馬臣芝士焗比目魚柳 ($163)朋友叫呢個，一上枱就聞到芝士香！魚柳外層焗到脆卜卜，裡面仲keep住嫩滑，配白酒忌廉汁好夾。法式慢煮五香脆皮燜鴨 ($153)鴨皮真係脆到不得了！慢煮關係，肉質一啲都唔韌，仲好juicy。個香草青柑汁清新得嚟平衡返鴨嘅油膩，配埋焗薯角同烤蔬菜，夠晒均衡🍟 黑松露薯條 + 🥗 羅馬沙律溫泉蛋薯條炸得金黃，松露味勁香，忍唔住一條接一條！沙律嘅溫泉蛋流心效果完美，撈勻啲菜食好正～☕ 飲品方面叫咗糠子咖啡同朱古力咖啡，我杯咖啡叫咗「小冰少甜」，剛剛好～朋友杯士多啤梨奶昔就係Pink Panther，打卡必點！…Read More

講到香港特色小炒，今次介紹嘅「艇王」就值得關注。新鮮海鮮加上廚師夠鑊氣嘅烹調手法，重現港式獨特風味。【必點黃金陣容】✨ 金沙豆腐粒 ▸ 外脆內嫩充滿豆香✨ 椒鹽九肚魚 ▸香濃椒鹽味，咬開係鮮嫩魚肉✨ 避風塘炒辣蟹 ▸ 椒鹽味滲哂入蟹肉入邊✨ 南非鮑魚仔 ▸香脆嘅外層包裹住煙靭嘅鮑魚🍲【暖心傳統味】▪️ 泥鯭粥 ▸鮮甜又綿密嘅粥▪️ 艇王三鮮蒸肉餅 ▸ 鹹香海鮮味餸飯一流▪️ 豉油皇炒麵 ▸ 鑊氣十足的街邊經典🐷【驚喜創意菜】🔸 黑椒金薯牛柳粒 ▸連薯仔一樣咁好食🔸 酥炸德國鹹豬手 ▸香脆豬皮肉質咸香🔸 XO醬小炒皇 ▸韭菜爽口夠鑊氣🦐【海鮮控狂歡】► 豉油王煎海中蝦 ▸連蝦殼都入哂味► 自家剁椒蒸大魚頭 ▸ 魚頭嫩滑微辣► 白灼拼盤 ▸魷魚嘅爽脆就食到原汁原味🍮 香芒布甸超級超彈嘅又香甜嘅芒果布甸。…Read More

今日收工唔想煮飯，專登搭兩個站車去楊記麻辣魚館。$68左右就食到晚餐，見到個招牌酸菜魚飯已經流晒口水，果然無令我失望～【酸菜魚飯(晚)】$90揀咗小辣版本啱啱好，魚片嫩滑充滿酸菜香。可以自由選擇辣度，個人口味少辣就可以，酸菜魚最緊要就係夠酸，加埋蘋果醋天地一號真係絕配。【大盆花菜飯(晚)】$70花菜炒到鑊氣十足，外層微微香脆，醬汁滲晒入菜中，完全唔會乾身。【手撕雞飯(晚)】$68可以見到雞絲都好多，食落都夠晒肉汁熟度剛好。…Read More

AOMORI TUNA TARTARE青森吞拿魚他他有煙韌感同時微甜。配搭鹹香嘅金黃色烏魚子和清新嘅青瓜，有開胃嘅作用。 HOMEMADE TAGLIATELLE (雙人盛宴)龍蝦與蜆肉的海洋二重奏！手工闊麵掛滿濃縮海鮮精華，每條都係滋味載體。烏魚子粉末暗中撒網，將鮮味推向高峰～ ROASTED PING YUEN CHICKEN (團聚必點)本地雞大熱勝出，雞肉味比出邊嘅更加濃郁。同時金黃色嘅雞皮真係好香脆，而內層嘅雞肉都保持到嫩滑。SEA URCHIN LINGUINE選用入口即溶嘅日本海膽，配搭金黃色嘅濃厚醬汁，手工麵條掛汁又夠濃稠。PEAR TART焦糖燉梨酸甜配搭熱辣辣嘅雪糕，完美嘅結尾。…Read More

成日覺得廚師發辦來來去去都係嗰啲嘢？我呢次真係要大大力推呢間「一石二料」俾大家！佢將日本料理嘅精髓，同中菜嘅調味智慧玩到出神入化，每道菜都係一個驚喜，真心睇到師傅嘅功力同創意！✨等我同大家分享下今次個Menu有咩正野食先：• 桑煮神奈川真蛸 | 京都水茄子/靜岡暮茄果凍個章魚煮到超淋超入味，個茄果凍酸酸地，好開胃！• 北海道毛蟹 - 茅台嗜喱呢個組合真係諗都冇諗過！毛蟹嘅鮮甜，加埋一浸好含蓄嘅茅台酒香，好高級嘅感覺。• 本日の季節刺身五点重點係件熟成20日拖羅，入口真係即溶，油脂香爆棚！仲有備長炭輕輕燒過件鯖魚，炭香味好正。• 鮑 - 木の芽 - 冬瓜 - 一番出汁個鮑魚爽口到不得了，個冬瓜索晒鰹魚湯嘅精華，鮮到呢～• 松葉蟹燒賣 - 京都黑醋與柑橘細絲日式燒賣你食過未？上面滴咗黑醋同柑橘絲，清新得嚟又唔會膩，好得意！• 宮保風新鮮龍蝦龍蝦肉爽彈！宮保嘅香辣味好惹味，但唔會蓋過龍蝦嘅鮮味，個平衡做得好好。• 椒麻乳鴿乳鴿慢煎，肉汁鎖到實一實！椒麻味香噴噴，食完個口仲有餘韻，正！• 壽司五貫由清甜嘅目一鯛，到濃郁嘅北海道海膽，師傅手握嘅功夫無得彈。• 北海道喜之次配酸湯汁靈感來自酸菜魚！件喜之次魚皮香脆，肉質嫩滑，個酸湯好醒胃，好有驚喜！• 青嵐抹茶手打擔擔麵全晚最意想不到！抹茶麵條係綠色，食落有淡淡茶香，個擔擔醬麻辣夠香，crossover得毫無違和感！• 大和蜆味噌汁最後飲返碗暖笠笠嘅蜆湯，完美收官。…Read More