最近去咗灣仔試下，餐廳裝修簡約雅緻，帶日式氛圍。坐吧枱可以近距離睇師傅手藝，感覺幾舒服。
午市Omakase $498起，價錢合理。沙律菜新鮮爽脆，醬汁酸甜開胃。茶碗蒸嫩滑有蛋香，加入白子更添鮮味。
刺身部分有四款，見到顏色都幾新鮮。
壽司共有八貫，食材新鮮。充滿油脂香氣嘅拖羅一定係我嘅最愛。
手卷可以加錢升級做「彩羽大卷」，卷物內有海膽、拖羅、醬油漬蛋黃等，口感層次豐富。
最後以味噌湯同甜品作結。甜品可選日式雪糕或即刨雪花冰，冰品質地幼細，清甜解膩。
整體而言，呢度環境舒適，食物質素不錯，午市套餐性價比高，適合想試Omakase又唔想太貴嘅朋友。
