影片
港鐵尖沙咀/尖東站 A1 出口, 步行約2分鐘
繼續閱讀
電話號碼
27018928
開飯介紹
台式任飲任食火鍋，按所選肉類來收費，另有多款台灣直送的火鍋配料、蔬菜及飮品等可於自助食品區自取。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
以上資料只供參考, 請與餐廳確認詳情
有關獎賞計劃
相關文章
買完手搖飲品見到隔離宣傳有芫茜皮蛋湯底火鍋任食！芫茜迷朋友即話要試！仲話夏天涼住冷氣打邊鍋，有另一番滋味！笑死我！為左佢的芫茜湯底，真係咩理由都搵到。我地六點半入到等左一陣就有位，環境又大又闊落，好坐。湯底有十款可供選擇，揀咗牛御品餐，靚牛配靚湯。#M9和牛、#高質牛小排、牛舌片，一口和牛，任叫任食，入口即化，牛肉味香，有驚喜，爽口彈牙唔韌。可以食到超正的日本宮崎縣A5和牛，好滿足。最重要都無漏單，出餐快。而我仍最愛海鮮為主，有大大隻鮮鮑魚，爽口彈牙，好食。鮮蝦及卜卜蜆都一樣好出色！特別係蜆，大大粒，無沙，鮮味十足！大愛！除咗落單食物，出面仲有不同的自助區・火鍋料食物區，一般丸類、菜類、菇類、等等。飲品區，一般罐裝飲品，選擇好多，總有一款岩你！仲可以配樓下的春陽茶事飲品，即可享折扣價$20一杯(原價需$30-39不等)。甜品及雪糕自助區，大推！自由配搭口味，份量自選，絕不能錯過！而雪糕仲要係haagen dazs，多款可選，好好味！抵食，性價比極高，台灣直送火鍋配料、地道夜市小食、精選海鮮及飲品等，款式豐富，以親民價格讓客人品嚐最原本最高質的台灣味道，值得欣賞及再來。
繼續閱讀
我和家人去咗尖沙咀樂道「牛品」食台式火鍋，火鍋店坐滿咗顧客，好熱鬧。我哋揀咗120分鐘晚市食到飽嘅牛御品套餐。如果你5:00至6:30pm入座仲係$319，比7:00pm先入座平$40。呢期食火鍋仲送春陽茶事嘅飲品。係免費嘅，每人一杯。我哋要咗珍珠鮮奶茶同埋翡翠檸檬綠茶。好飲。 今期有新嘅湯底，綠野仙蹤濃湯鍋，主要係芫荽皮蛋豆腐，今次食完火鍋真係冇覺得熱氣同埋有燥底喎。👍我好鍾意呢個湯底。每個客人會有一隻鮮鮑魚，我哋叫咗美國風門柳、澳洲M9肩胛肉，牛肉好嫩滑，仲有蝦、台灣魷魚仔、蜆等任叫任食，西班牙栗子豬肉、紐西蘭羊肉卷、花雕酒雞件、麻辣鴨血、原味香腸、魚肚等等，款式多，有鮮味。 其他嘅丸仔，鮮菜、響鈴卷、魚皮、炸番薯條、蝦片等出邊都有好多好豐富任你選擇，真係出嚟打邊爐好方便。仲有啲熟食好似豬肚、燉湯⋯⋯非常之全面。其他啲台灣烏龍茶、洛神花茶、汽水全部都任飲任食，咁嘅價錢其實真係好抵。火窩店有飄雪綿綿冰，顧客可以喺冰上邊任意加Häagen-Dazs雪糕，芋丸、仙草、紅豆呢啲甜品都幾得意，食完火鍋食返啲甜品非常之正。食完我都會推薦啲朋友嚟呢度敘舊同埋打邊爐，真係慳水慳力兼好食抵食。
繼續閱讀
最近搵到尖沙咀有間台式火鍋，地點方便易搵，就喺尖沙咀isquare 附近，唔使行好遠就可以食到幾有台灣風味既火鍋店首先，佢哋嘅120分鐘任食火鍋套餐都幾抵食，我地當晚揀左牛御品套餐，$359加一，仲送春陽茶事台式飲品！佢哋湯底就真係多到你唔知揀邊個好，一共有10款，全部都好想試！我地最後揀左元氣養生湯底，真係滋味濃郁，令你一啖之間就覺得身體好滋好潤！佢仲送兩隻大大隻鮑魚添佢哋嘅肉類選擇都好豐富，有澳洲M9和牛、美國牛小排、一口牛同埋封門柳等等，仲有西班牙豬梅肉，五花肉同羊肉！真係好多選擇，我個人最鐘意澳洲M9和牛，入口溶化而個牛味都係最出除咗肉類，佢哋仲有唔少其他嘅選擇，例如醉雞件同埋海鮮，有蝦、青口同埋蜆！唔係咁鐘意食肉嘅朋友都可以試下佢哋嘅豐富蔬菜同埋菇菌，真係好多款式可以揀擇！如果你鍾意小食，佢哋嘅鹽酥雞、地瓜丸同埋香腸都好好食，一定要叫埋！最後梗要食埋佢地d甜品啦！佢哋雖然係主打台式火鍋但係都有好多甜品選擇！你可以自己DIY飄雪綿綿冰，仲有台式芋圓吧加返你鍾意嘅toppings，仲有4款Haagen Dazs雪糕添！呢度食物多種類，味道好味，地點方便，坐得舒服，QR code 落完單上菜都好快手，絕對係一個好適合聚會同食飯地方。
繼續閱讀
餐廳由屢獲殊榮嘅台灣廚師李龍翔師傅主理，主打120分鐘任飲任食台式火鍋放題，主打正宗台式風味湯底，亦有供應多款台灣直送配料同小食，座位闊落，空間感十足，值得到訪！肉有齊豬牛雞羊，海鮮亦有唔少選擇，M9肩胛肉牛味香濃，帶點咬感、第一次喺火鍋食一口牛，要注意時間、蝦夠大隻，爽口彈牙、水蓮菜比較少見，台灣special、蝦滑同花枝漿都唔錯，仲有嫩口鮮甜嘅深海魚柳同花雕醉雞，質素👍🏻比起肉/海鮮/蔬菜類，呢度最特別莫過於台式小食！款式總多，淨係食呢啲已經飽咗一半，鹽酥雞、椒鹽蝦、牛三寶、炸地瓜丸、甜不辣、香腸、蔥餡餅、黃金魚蛋，應有盡有，眼花撩亂🥹個人最鍾意蘭陽糕渣，宜蘭傳統手路菜，外冷內熱，外脆內煙韌，超級特別，越食越上癮、墨魚仔大大粒，QQ地，爽口彈牙、皮蛋豆腐入口滑溜，配上醬汁好惹味，呢幾款encore唔少次！最後唔少得呢度嘅甜品區域，一定要留肚食，可以自製飄雪綿綿冰，再加toppings、雪糕同醬汁，薏仁、紅豆、寒天、西米、椰果、愛玉、仙草、芋圓、紫米、花奶、黑糖、糖漿、雪糕筒、我全都要！食到好興奮，好瘋狂，大滿足❤️
繼續閱讀
今日同同事去了附近食中午打邊燒～同事介紹價錢實惠，75分鐘午市定食套餐可以選兩款肉類，最緊要係有多款台式甜品選擇，可以喺芋圓吧自由加toppings /雪糕 -//台式麻辣湯底//精選美國牛胸腹//加拿大頂級牛板腱//自助區餐廳同時設有自助區，有大量丸類、蔬菜、粉麵、飲品等提供，還有滷肉和白飯任添，風味十足//甜品區這裡的特點推介，每人都可以選多款甜品，嘆返個DIY飄雪綿綿冰 ，加埋仙草、芋圓及雪糕，另外仲有黑糖、糖漿，淡奶調配出各種唔同口味嘅綿綿冰。值得一提呢到環境不錯，坐位寛闊，入秋可以再來
繼續閱讀
您可能會有興趣的...