影片
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒，讓你盡情品嚐「兩燒」美食。
繼續閱讀
營業時間
今日營業
12:00 - 15:30
18:00 - 22:30
星期一至日
12:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
今晚和朋友來到灣仔的「秋田鐵板燒刺身專門店」享用馳名的鐵板燒。餐廳在QRE Plaza 8樓.，日式風格的木系裝修，座位圍爐，即燒即食。我們點了非常豐盛的“二人前套餐”，共有十二道菜。“季節沙律”，有新鮮蔬菜、車厘茄等，配上日式芝麻醬，是開胃的前菜。“魚籽鵝肝蒸蛋”，蒸蛋夾住鵝肝粒，上面蓋上魚籽，鵝肝油滲入香滑的蛋中，多重口感和味道。鮮活海鮮，即場炮製。“鮮活時令龍蝦”，還在動的龍蝦，切開後在鐵板上燒，肉質鮮嫩可口，而且更淋上蝦膏煮成醬汁，特別惹味。“原隻鮮活南非鮑魚”，由師傅即場切花，煎香，爽口彈牙，香味濃郁，配菜還有昆布、忌廉、海苔等。“季節時令海鮮”，新鮮帆立貝，用鐵板煎香，用脆口紫蘇葉包住食，特別美味。“香煎頂級鵝肝”，外面焦脆，裏面綿滑鬆化，甘香可口，配上黑醋汁，能夠中和油膩口感。“鹿兒島霜降和牛薄燒卷”，肉質鮮嫩，呈粉紅色，雪花均勻，爽住爽口的蔬菜餡料，非常香口。“鹿兒島霜降和牛厚燒”，厚切和牛，牛肉味濃，腍軟可口，配上山葵、岩鹽和昆布鹽，更加釣出牛肉的鮮味。“秋田炒飯”，珍珠米飯粒粒分明，加入櫻花蝦、煙肉、蔥粒、雞蛋、韭菜等一齊炒香，份外滋味。“炒野菜”，材料有冬菇、椰菜、韭菜等爽口蔬菜，炒得熱焫焫，香噴噴。“龍蝦清湯”，鮮甜清澈。“精選甜品”，銅鑼燒和雪糕球，銅鐵燒夾住粒粒紅豆，雪糕球分別有黑芝麻味和綠茶味，雙重口感，食完鐵板燒後再食冰涼甜品真是滿足。
繼續閱讀
元組鐵板燒一定係秋田鐵板燒😆灣仔呢間座位私隱度好高，裝修新淨企理非常之日本傳統風格，同去咗日本冇分別❤️今晚嘅生日餐好正，師傅用鐵板燒畫公仔同埋寫字，慶祝節日真係好難忘！前菜係黑魚子鵝肝蒸蛋，鵝肝嘅油香滲曬落蒸蛋入面，所以蒸蛋香滑得來又有鵝肝香，蒸蛋嘅底部有粒粒鵝肝，好奢侈😍之後到龍蝦多士，師傅三兩下手勢就處理好龍蝦，仲有一個打卡位就係師傅會加酒啲火燒到好高視覺效果一流，將龍蝦膏拎出嚟用來烹調醬汁，龍蝦肉大大件非常之爽口，可以細細啖慢慢食。龍蝦膏同龍蝦油滲落多士嗰度，成塊食晒好正鵝肝多士超正，嗰塊鵝肝真係好厚😍我最鍾意呢種油脂滿滿嘅感覺南非鮑魚經過師傅清洗處理後，用鐵板燒方法炒熱，師傅認真烹調，令鮑魚爽口彈牙帶濃郁香味，然後配上新鮮紫菜忌廉汁。清酒煮北寄貝本身都覺得北寄貝非常鮮甜，燒完之後超香，加咗啲清酒更能帶出佢嘅鮮味，貝彈牙佢啲湯好好飲😊鹿兒島霜降和牛薄燒卷最鍾意食和牛😊和牛薄燒見到佢油花比例靚，係雪花狀態煎完仲係粉紅色，入面夾住好多蔥好香。鹿兒島霜降和牛厚燒和牛真係好屈機，夠厚咬落好有層次，非常軟滑牛肉味香濃，裏面軟綿綿超好食！最後有味噌湯去清一清味，梗係唔少得炒飯。終於去到最後壓軸，師傅即場用食材喺鐵板燒上面寫字，師傅準備你喜歡嘅公仔出嚟，技術真係一流❤️
繼續閱讀
今晚同閨蜜揀咗一間日式鐵板燒餐廳，裝修以木系為主，我哋坐喺鐵板燒位，一路欣賞女師傅功架，一邊傾偈享受美食。秋田二人前套餐（每位$888）季節沙律沙律菜新鮮，口感清新。魚籽鵝肝蒸蛋用鐵板焗熟蒸蛋，入口柔軟細滑，加入味道濃郁嘅鵝肝同埋魚籽醬帶來一份奢華感。鮮活時令龍蝦活伊勢海老食材非常新鮮，龍蝦仲郁緊，師傅用左龍蝦膏煮，令龍蝦肉口感更鮮美，龍蝦肉質細嫩而富有彈性，師傅仲會表演火燒龍蝦頭，非常有架勢，龍蝦頭會用來熬湯。原隻鮮活南非鮑魚鮑魚用左昆布焗，肉質堅實有嚼勁，搭配昆布碎和忌廉海苔，平衡鮑魚微妙鹹味。季節時令海鮮今晚係新鮮運到嘅帆立貝，煮至半生熟，肉質鮮嫩，入口細膩，有一種溫和嘅甜味，加入柚子味胡椒帶來了一絲清新嘅柑橘香氣和微妙嘅辛辣感，仲可以夾住紫菜/紫蘇葉一齊食。香煎頂級鵝肝鵝肝煎至外皮焦脆，口感綿滑，在口中化開，搭配黑醋一齊食中和油膩感，魚籽醬金箔裝飾帶來極致嘅奢華感。鹿兒島霜降和牛薄燒卷/鹿兒島霜降和牛厚燒鹿兒島霜降和牛脂肪紋理分佈均勻，肉質柔軟，肉汁豐富，伴碟嘅岩鹽粉、鹽昆布突出肉質嘅鮮美，可以夾住Wasabi/蒜片食，別有風味。秋田炒飯炒飯粒粒分明而且配料豐富，加咗櫻花蝦、煙肉、蔥粒、雞蛋同韭菜花粒，口感豐富。炒野菜蔬菜入口清爽。龍蝦清湯 湯頭清澈，入口鮮甜、細膩。精選甜品 師傅即整紅豆銅鑼燒，用左來自日本北海道嘅十勝紅豆，甜味自然；雪糕可以揀芝麻/綠茶味，綠茶味清香，芝麻香氣獨特，雪糕入口冰涼滑順。
繼續閱讀
朋友話要過嚟灣仔搵我食飯，咁我就梗係帶佢食好嘢啦，一坐低師傅問我哋會唔會有咩慶祝，原來最後嘅炒飯係可以寫慶祝子句，咁我哋就寫咗friendship forever 黎慶祝我哋就嚟識咗一年啦😆二人前套餐（$1,150pp）沙律🥗有蔬菜、粟米，仲加咗蒟蒻師係增加口感🥰味醂魚乾🐟用咗日本甜酒味醂醃過，味道好濃郁，好啱用嚟送酒👍🏻魚籽鵝肝蒸蛋🥚鵝肝好濃郁，仲配上魚子， 再加上蛋好香滑🫶🏻鮮活龍蝦半隻🦞佢哋嘅龍蝦超新鮮，煮嘅時候仲肯識得郁，龍蝦結實彈牙，個汁係用返龍蝦嘅膏嚟整嘅，下面坐墊咗個香脆麵包❤️ 師傅仲表演火燒龍蝦頭，場面好震撼🫶🏻原隻鮮活南非鮑魚同樣都係好新鮮，鮑魚用鹽同昆布焗一焗，再配左用忌廉加新鮮紫菜嘅汁，鮑魚好彈牙同個忌廉汁好夾， 好食🫶🏻香煎北海道帆立貝北海道帶子係刺身級嘅， 煮到半生熟，再加上柚子胡椒，可以用紫菜或者紫蘇葉包住黎食😍西班牙黑毛豬🐖其實本身佢係跟咗鹿兒島霜降和牛厚燒/和牛薄燒， 但因為我皮膚敏感，所以餐廳好好轉左豬肉俾我👍🏻 仲跟咗幾種唔同嘅醬料，包括鹽昆布、Wasabi、新鮮磨出嚟嘅岩鹽膽埋蒜片❤️ 豬肉肉顏色很嫩，口感軟熟😍炒雜菜🥬秋田炒飯🍚啲飯裏面加咗蔥粒、櫻花蝦、煙肉、雞蛋同韭菜花粒，粒粒分明😍龍蝦清湯用返鮮活龍蝦頭黎煲精選甜品🍮係紅豆銅鑼燒加抹茶雪糕🍦
繼續閱讀
朋友生日🎂book咗位於灣仔秋田鐵板燒同佢慶祝🎉我地點咗二人前套餐 $1,150位生日當然要點番支sake慶祝啦😍食物包括有🔹️季節沙律新鮮爽脆非常醍胃🔹️雞泡魚干很香口餸酒一流🍶🔹️魚籽鵝肝蒸蛋魚籽加鵝肝配上嫩滑蒸蛋味，令人回味無窮🤤🔹️鮮活龍蝦每人半隻🦞未開始烹調仲係識郁架😋龍蝦肉質好彈牙非常鮮甜🔹️原隻鮮活南非鮑魚師傅先將昆布蓋住加酒加鹽焗一焗鮑魚，所以吃落又香好彈牙，啖啖肉😋我好喜歡配上忌廉海苔汁🔹️香煎北海道帆立貝帆立貝厚肉肥美，加上柚子胡椒更加清新 ，紫菜包住來吃，吃落有不同嘅風味😋🔹️鹿兒島霜降和牛肉厚燒5成熟就剛剛好，肉質很嫩，旁邊有岩鹽、鹽昆布及wasabi，可配不同調味吃🔹️龍蝦清湯 將開始嘅新鮮龍蝦腳及殼熬製的，飲落非常清甜又鮮味十足👍🔹️炒野菜炒得唔油膩🔹️秋田炒飯 炒飯粒粒分明，炒得很乾身又夠香🔹️甜品 除了有雪糕，師傅整咗個銅鑼燒（即係多啦A夢豆沙餅）😂裡面係用新鮮紅豆，熱辣辣好好食，又不太甜好啱我地食除了碟上寫了Happy Birthday 另外鐵板上乜寫上生日祝福語🎉🤎朋友都很開心🎂哩度店員真係好親切，又好服務，女師傅又好好傾，我地食得很開心🤎
繼續閱讀