瑪嘉烈蛋撻店

營業中

休息中

黎瑪嘉烈食葡撻做早餐~我同bf都係第一次黎環境又唔錯bor~ 檯椅擺設都好有風味店員唔會口黑面黑, 都ok~~兩個人叫左4個葡撻一杯熱華田~ 杯熱華田超好味~~ 我bf一入口就問, 點解可以沖到杯華田咁滑咁香？ 我都唔信會同平時o既好大分别, 點知一入口, 就覺得好香奶味~ 真係唔錯bor~~~ 葡撻~ 好香, 又唔算好油, 個皮好鬆好多層, 脆口, 口感一流~ 但係d蛋有少少唔夠滑, 同埋今日似乎無乜味... (有少少蛋味但係無甜味)~ 香港kfc o個個蛋仲滑d同埋甜d, 不過我總係覺得只係今日失準？ 所以我下次會再黎試多一次... 希望下次感覺倒佢真係好好味~ 我就會再返黎比個好評佢

朋友仔帶路, 帶我去呢個幾難搵既地方食葡撻, 話好味又出名。又真係幾多人, 我地叫左葡撻 (大約$7個), 真係好鬼死好味喎~~!!!!!葡撻之最!!! 好難形容點好食法, 佢外皮一層層好有口感, 焗得剛好, 脆扑扑, 內裡既蛋亦感覺多汁, 好香。唔錯呀, 好正, 下次要再去

葡撻酥皮鬆化好脆,蛋漿濃滑不會過甜,絕對保持高水準. 如要比較,安德魯葡撻面層糖漿焗得較燶,但大家都一樣好"油"(葡撻一定"油"o架啦); 總括而言可謂各有好處. 有人話香港KFC都有瑪嘉烈葡撻,但我覺得今次好食好多,始終認為KFC的葡撻唔夠蛋漿,而且焗得唔夠時間(個面完全唔"黑").除葡撻外,另買了個蛋白蛋糕作手信. 同安德魯的蛋白蛋糕比較,瑪嘉烈的乾身一點. 有人說喜歡上次濕一點近似蛋白的質感; 我就比較鍾意乾身的,因為先似食緊件蛋糕o麻...

23-1-09(五)葡撻確是澳門的一流美食，比普通的蛋撻更誘人百倍。吃過路環和澳門大學的安德魯，今次打算吃瑪嘉烈的。這間瑪嘉烈很方便去的，從新葡京往議事亭行就經過，不過要穿過那小巷。鬆脆的外皮，加上濃香的蛋漿，特別是面層香口的焦糖，令人回味無窮。安德魯和瑪嘉烈，各自各精采。

此店老闆娘瑪嘉烈女士，正是葡式蛋撻的鼻祖不過可能食慣了擁有瑪嘉烈秘方的KFC的葡撻，沒太大驚喜，不過就更熱烘烘的，正!!

來到澳門，怎樣也要去吃葡撻吧！在瑪嘉烈和安德魯之間，我們選擇了前者。其實並無特別原因，只是隨意揀一間。葡撻當然走唔甩，每人要了一隻。好幸運是新鮮焗起，燙口又燙手，淨係溫度呢項就要加分。酥皮鬆化，咬落真係會散；撻面焗得有點燶，幾香口，蛋漿既滑溜又夠甜，值得來吃。蘋果批始終不是招牌菜，水準差一截。基本上批和玉桂兩者是分開的，感覺奇怪。加之玉桂不爽脆又不甜美，批亦不香口，可以用難食去形容。我們三個人分一件批，也很勉強才能完成。飲品方面，整杯凍奶茶。沒有冰，用膠杯盛著，有如金鳳的出品。喝一口，無奶味又欠茶味，好似奶茶水咁，始終係香港的奶茶較合口胃。除葡撻有水準之外，其他食物都不好吃，真的幾難俾分。但呢度出名葡撻，自已走去食其他野，只可怪自己茂李。所以，我都係俾個笑面佢。

12/Mar,2009去的，這間店的態度也不是挺好，但蛋撻比較好吃，不會過油，而且有一種類似口袋餅的東西，還真是好吃，裡面的內容可以自已選擇，好吃啦！

黎澳門,點可以唔食葡tart??呢度的tart熱辣辣~蛋味濃皮夠鬆脆$7 一個, 好似貴左少少另外叫左一個椰子蛋糕suppose係熱ge~點知食落係凍的, 麻麻地

28-2-2009第一次接觸瑪嘉烈葡撻係 KFC , 又一直聽聞安德魯 (http://www.openrice.com/restaurant/commentdetail.htm?commentid=1915849) 好食 d, 呢日終於試了澳門總店的出品! 買了 4 隻 (唔知 $7 定 $8 each) 兩個人 share 食當早餐... 酥皮好鬆化, 拎上手好快就成手(牛)油漬, 不過牛油味一般濃; 蛋漿幾滑溜, 夠甜, 但略嫌唔夠香. 同安德魯比, 又真係爭少少, 不過仍然幾好食.另外亦買了無冰凍奶茶 ($10), 茶味幾濃郁, 不過呢個同港式奶茶的茶膽係唔同味道的, 大家千祈唔好平排比較. (味道又係點? 但唔識形容喎...)星期六 11:xx am 先0岩0岩「攝」到「高檯」位, 唔使講都知呢度係「旅遊熱點」, 而又係咪非吃不可? 我又唔覺, 不過一場過到0黎澳門, 都值得「到此一遊」試試的.

今日在澳門下午4時許. 諗住行入新葡京看看. 途中經過小橫街.. 又望到一條人龍. 唔知排什麼~ 我們七人當中己經有人走左去看看~ 原來是為葡撻排隊~看到個個人在行店名坐哂係度食撻於是我們其中兩人又走去排埋一份~ . 哈哈. 又開餐啦. 我們前面也有好多人.. 我們排了數分鐘就入到去. 原來裡面不只賣包. 還有選料的三文治, 牛角包. 墨西哥包選擇~ 我們買了一打12個蛋撻 ~又是新鮮出爐熱烘烘的~ 個個急不及待便咬下去~ 食到個個燒親D牙肉,., 同舌頭. 因為就算我們放左十分鐘, 仍然熱到出煙~望著吃到一半的蛋~ 係做到D蛋識育GA..搖下佢會震~有水份 ~ 皮又做到好薄~ ~ 一個都唔埋會佢賣幾錢~ . 我們買左一件三文治、12個蛋撻、2杯凍奶茶. 比左百二蚊囉.. ~

～★同老公第2次遊澳門之 03篇☺第2次黎呢間瑪嘉烈蛋撻店啦..仲記得上次黎真係燥到爆..個老闆娘真係乞人憎到爆!對呢間店既印象好差好差!!!!!不過既然男朋友話想去多次試試..所以都係去左..但係呢.今次去.因為個老闆娘唔起度..所以食得開心好多"..今次都係叫葡撻, 但就飲檸檬水.. 葡撻男朋友話覺得其實唔係真係咁差..不過唔知係咪印象唔好>>心理作用啦我始終覺得普普通通..冇乜特別..同埋真係幾油囉"咁既質素真係唔係咁值得咁多人黎幫襯同唔值咁出名呢~**BTW,今次個葡撻都真係幾"燶"下..檸檬水至於檸檬水呢..都OK既不過我覺得好似酸左少少..其實呢度環境不錯.."D擺設都不錯..放砂糖包包個兜兜(雞型的)幾得意 --->食物圖片影到丫,望望^^"

呢間瑪嘉烈蛋撻店咁出名，好多旅遊書都有介紹，而且已經成為遊澳門嘅必到景點 (食點) 之一，我都唔駛多講，淨係睇成條街都有幾間食肆，亦有賣蛋撻糕餅，但只有佢門口永遠排晒長龍就可想而知佢受歡迎嘅程度，行過想食，指定動作係排隊先，搵唔搵位坐都冇所謂，因為人太多好多客都係企喺店外就咁食，大家都已經習以為常嘞！ 葡撻：排咗成十五分鐘，咁啱輪到剛出爐嘅一批，今次真係正到「嘩」一聲！個葡撻超熱，心急會辣嘴，我攞起一陣都熱到要放番低！葡撻嘅酥皮一層層咁好鬆脆，食嘅時候又要小心啲，唔係會散晒，整到一身一地都係，好狼狽！葡撻嘅蛋心面頭焗得有啲焦，不過正正加添咗佢嘅賣相同香味，蛋漿要比香港嘅茶餐廳同快餐店更濃郁更有蛋味，味道甜美味醉人而且質感滑溜，雖然賣$7又唔算大個，但物有所值！ 凍奶茶：有熱辣辣嘅嘢食，都整杯凍嘢飲吓，降吓嘴入面嘅溫度！佢嘅奶茶都幾香幾滑，最正係唔加冰都咁濃咁凍，可以一飲！瑪嘉烈嘅門口有好多專為食客而設嘅露天位，好似一個個棚仔咁，側邊又有啲燈飾，再配埋佢自己本身所用嘅黃黃柔和燈光，情調都唔錯！有時間又有位嘅時候坐喺度食吓嘢，同朋友傾吓計都算係一件賞心樂事！不過撞啱假期就唔駛諗嘞，大把人等

再到此店回味萄式蛋撻，保持水準。蛋撻皮香及脆，蛋漿亦滑。不過，味道水準保持，但樣樣都加咗價，而且啲服務水平及態度，不知所謂，無禮貎簡直趕客。總括今次到澳門一遊，一啲比較出咗名的食店，水準還可，不過啲服務水平及態度，就一落千丈。真係人一出名肥咗，就意氣風發。

星期六7:00幾同屋企人來了這裏食萄tart,好彩不是好多人,不用等位,每人一個萄tart,每人一杯意大利咖啡,媽咪叫了一杯鮮榨橙汁,等了一陣,萄tart不是好大個,好鬼死熱,熱辣辣,但都真係好好味,好香入面d蛋好滑,食完一個成身都好暖,意大利咖啡賣相都好靚呀,味道都ok,橙汁我試了一口,好甜呀,真係鮮榨的呀,呢度環境都幾靚的呀,在大街後面有一處這樣舒適的環境讓人安靜的食件萄tart及飲杯咖啡,真係一大享受呀.不過價錢則已加了價,以前一件萄tart只需3元,現在已要7元了.

說真的, 我是從新馬路行去新葡京的時候, 在等過馬路時被它的香味吸引著, 於是就行入去食...我覺得個葡撻幾香同埋d皮都好脆, 但亦都偏甜...$7/個, 影下相, 到此一遊都ok啦!