瑪嘉烈蛋撻店

營業中

休息中

如相中示，叫了葡撻、蘋果批、薯仔蛋糕、奶茶、熱朱古力。食物全部ok，不過蘋果批、薯仔蛋糕記住要求叮熱的，否則唔好食，佢唔會問你熱定凍，由你買走就算數。葡撻脆脆地又香~ 不過都要七蚊個，貴。飲品全部都唔ok，朱古力奶多過乜，奶茶無味不提神。入得去幫襯，睇耐dd，收銀女工就黑口黑面，問非所答，買野食要小心d。

說真的，瑪嘉烈的葡撻真的不是特別好吃，但每次來澳門，總是要吃一吃，當中最大的原因，是因為這裡地點方便~~~總會經過大馬路的這個路口位吧！總好過悠長遠路的過大橋去找豬扒包。這裡是差不多全自助的，先去霸位，再去排隊比錢，最後等叫號碼拿食物。拿食物還分開葡撻或非葡撻的，極度難搞。總之一切，只方便佢，佢理得你c。又係一句：「你唔去食，大把人在後面排緊隊」，都幾厲害。所以每次來都只吃葡撻及喝杯咖啡就算。葡撻流量快，酥皮雖然油膩到盡，但鬆脆可口。蛋餡夠香，上面的焦糖又香又甜，不知誰發現這種吃法的，實在美味。所以每次也吃兩個葡撻，喝杯齋啡，就那裡的葡撻也不用再吃了。人均消費25MOP左右，便宜的。睇下條人龍，佢真收錢收到手軟。

叫左2個葡撻同凍朱古力咖啡朱古力咖啡都幾貴, 要$16葡撻...好正...皮脆入面既蛋好滑好香, 仲要係熱嫁...好開心...欲罷不能食完一個唔夠再買多兩個同埋買左一盒柑仔茶, 其實係紙盒檸檬茶D fd,但就香過檸檬茶, 同埋冇咁甜, 好鍾意之後0個兩個葡撻係岩岩出爐, 勁熱...我將佢放埋一邊等左一陣先食都仲係好熱同樣都係好好味

由板樟堂街走出大街，一直走，竟然發現了瑪嘉烈蛋撻店，原來是位於小巷內的，怪不得我每次都找不到 嘻，一步入店內，那古老風扇噴出來的水令人涼快，這設計真的一流!點了兩個葡撻(MOP$7@)，認真的，不太知道怎樣才是一個靚葡撻，但瑪嘉烈出品的，一邊食不會一邊散，那蛋心像布丁的滑，外皮不脆但帶有層次感，真的很好呢，總比香港某快餐店的出品好吧!

五月廿五日(星期日)今年5月中到澳門一遊,因當時未有澳門Openrice…而家終於有機會同大家分享11時出發,我地竟然同鄭融坐同一條船呀!佢仲要坐係我地前面…明星都係坐呢d位,有點古怪…好la,一落船,搭免費車到新葡京看一看近來好heat既”自助山”,為下次作準備,接著就”順路經過”此店…老公仔覺得味道唔錯,不過唔係太特出,佢話香港有一間叫”多多”既餅店賣既葡撻都唔錯,大家可以去試一試而我就當然覺得好吃才帶老公來試呢!這裡的葡撻出爐時都會有人等候......而本身亦介紹大家試試他們的pizza,雖然不太特別,但勝在新鮮,鬆軟的批,令我回味!.....

參觀完葡萄酒博物館並且試飲過那裡的葡萄酒後,為了中和一下口中的酸性便決定乘坐10A巴士,坐約六、七個站前往澳門著名的瑪嘉烈蛋撻店.到達蛋撻店便如平常一樣在內外拍照,當入內拍照時,遭職員阻止,已我厚臉皮的個性,又豈會輕易罷休?出外轉過頭,很快地又再入內拍照。吃葡撻像是到澳門要做的指定動作,到達瑪嘉烈蛋撻店又是一條長長的人龍,人龍越長,往往代表好吃指標的可靠性越大。真是一個人山人海的地方,想必容易引起附近食店眼紅。要了四件葡撻,很困難地找到露天小亭近門的長條座位。一坐下便急不及待品嚐名店出品的葡撻,第一口已燙傷舌頭,但這也代表瑪嘉烈蛋撻店的葡撻每一件都新鮮出爐啊!我不會怪任何人,只會怪自己心急。蛋漿既香且滑,充滿蛋香。而葡撻在餡面所掃上的一層楓糖，更增添一份焦香的味道。撻皮夠酥脆,咬一口! 皮塊已即時散開到各處,吃相甚為狼狽。吃到第四件,依然熨熱非常,有些時候,親新鮮出爐熱吃,必需負出代價。

佢既葡撻好食就係人都知, 但其實三文治都好好食.由於澳門較少地方可以自己選料夾三文治, 所以每逢中午食飯時間都會有好多上班一族黎排隊買飽.包可以選擇白方包, 麥方包, 白中東包, 麥中東包, 洋蔥包, 鮮奶餐包, 牛角包同豬仔包, 其中中東包算係比較特別, 因為唔係到到可以食到, 口感唔錯, 而且可以包到好多好多料!! 料則有成超過二十款任你選.另外推介佢既西梅蛋糕同薯仔布甸, 好夠味, 唔好睇薯仔布甸細細件, 由於幾足料, 所以食完會超飽. 飲品方面除左一般既咖啡奶茶外, 木瓜牛奶同原味乳酪都值得一試, 但原味乳酪由於完全冇糖冇味, 所以唔係個個人o岩飲.講到服務就真係不願致評, 每次去買野都好似前世欠左o的阿姐咁既, 硬係要受佢地冷言冷語+呼呼喝喝......唔係睇住o的食物既份上真係唔想去.

基本上像露天攤檔，自助式，無人招呼。不打緊，我一進雪櫃打算自己拿奶茶，再去付錢，有一名阿姐頗不耐煩說先要付錢。其實規矩你定，我做客人都會跟足，但喺你又唔講，又唔寫清楚，又無人招呼，我自己攞奶茶再去畀錢，你又咁不耐煩，真喺唔知你想點。要了兩件葡撻，味道確實好，熱辣辣，好吸引。其實人流咁多，做生意唔易，服務再改善一吓，等大家食完乜都滿意，都喺爭一步啫。

We saw this restaurant from the Macau guide book, so we went to try. Theres lots of ppl queing and we queue for at least 10 min. I thought theres only Po Tart to eat, but theres lots of other things that i really want to try, but too full that day so we just ordered two po tarts. The po tart is very hot and its very good, the sweetness is just right. The middle is very soft and the surface is just burnt, the pastry is very crispy but its a bit oily, Its so good that makes me want to have one mor

五月份曾去過澳門, 係瑪嘉烈有極不愉快經歷 , 本來當時已經想出食評, 但剛好撞正澳門開飯 revamp 未重開, 谷住一肚氣, 終於等到澳門開飯返來啦, 可以發洩一下!本來去之前都見 openrice 上面好多人話佢 service 衰, 但因為五, 六年前來既時候都唔錯, 冇為意, 點知真係出事! 一行四人去到坐低, 因為唔知要自己入去叫野, 又搵唔到檯面有menu, 所以想問 阿姐, 點知立刻比位木口木面既阿姐 "得" 左一句 "呢度要自己入去叫野, 坐係度冇用架!" 雖然都有少少愕然, 但都不大為意.跟住有兩個朋友入去叫野啦, 過左陣佢地出來時已經嘈晒! 話乜咁差呀d service! 後來問佢地發生乜事, 原來真係極唔掂---佢地去雪櫃揀飲品, 係雪櫃度想揀下有冇邊d凍d, 阿姐就話 "杯杯都一樣凍架啦, 唔好揀亂晒, 畀左錢先我拎比你!" 阿姐拎左4杯野出去, 但我 friend 本來話要3杯奶茶一杯果汁, 佢自己攪錯左拎左4杯奶茶, 我friend 話要其中一杯係果汁喎! 佢居然話"自己快d去拎返岩咪得囉, 咪阻住其他人!" 佢地另外叫豬扒飽, 阿姐就顯得好唔耐煩, 話豬

系個本地人介紹我地來呢度食,拒話呢度出名0我但食落又真系唔覺有0羊好食，完全無WOW既感覺。杯Mocha咖啡完全無朱古力味。初時，男友還以為我杯cappuccino同拒杯mocha掉亂左，兩杯都試吓，Mocha果杯只系比cappuccino甜0的0的（就真系好0的0的架0者）。如果唔留意，都可能唔察覺有difference.同其他澳門餐廳一樣，服務態度就真系要等劉德華教教

食完黃枝記唔夠飽, 於是來了瑪嘉烈餅店再食. 叫了:葡撻(MOP6)- 大失所望! 雖然叮熱左, 但係個皮好油, 又唔鬆脆, 重差過KFC既葡撻!!芝士煙肉批(MOP10)- 原本叫雜菜批, 但係阿姐叮錯左, 重大大聲話"芝士煙肉批好食過雜菜批啦!".芝士煙肉批好鹹, 味道麻麻.豬柳飽(MOP8)- 個飽唔多脆, D豬柳又韌又鹹, 唔得!原味乳酪(MOP10)- 又係好一般的水準, 而且有點過酸!一句講晒---唔掂!

撻：同本地雞記快餐的味道沒太大分別，可以講係新鮮D囉！但個人認為撻同飲品都係安德魯香好D，論招呼同環境亦都係安德魯好Ｄ。但有樣好，就係一朝早，牛角包新鮮出爐勁正，但九點打後灘凍左可以唔駛買......。老闆娘真係串得很，早上心情好可以俾你自行開櫃拎飲品食物，買食物唔同時段有唔同政策，買野時請小心。

食瑪嘉烈蛋撻....yummy~~~雖然同香港差唔多但係尼到食落好似真係唔同d.....

2007年11月27日，瑪嘉烈為了留肚，只買了葡撻和自家制yogurt drink。葡撻的蛋漿比香港家鄉雞的濃和有雞蛋味，yogurt是濃了，但不夠滑。但最想它改善的，反而是老闆娘的招呼。叫客人先買票好像軍官落指令一般，聽得人很不順耳。