瑪嘉烈蛋撻店

營業中

休息中

來到澳門，怎樣也要去吃葡撻吧！在瑪嘉烈和安德魯之間，我們選擇了前者。其實並無特別原因，只是隨意揀一間。葡撻當然走唔甩，每人要了一隻。好幸運是新鮮焗起，燙口又燙手，淨係溫度呢項就要加分。酥皮鬆化，咬落真係會散；撻面焗得有點燶，幾香口，蛋漿既滑溜又夠甜，值得來吃。蘋果批始終不是招牌菜，水準差一截。基本上批和玉桂兩者是分開的，感覺奇怪。加之玉桂不爽脆又不甜美，批亦不香口，可以用難食去形容。我們三個人分一件批，也很勉強才能完成。飲品方面，整杯凍奶茶。沒有冰，用膠杯盛著，有如金鳳的出品。喝一口，無奶味又欠茶味，好似奶茶水咁，始終係香港的奶茶較合口胃。除葡撻有水準之外，其他食物都不好吃，真的幾難俾分。但呢度出名葡撻，自已走去食其他野，只可怪自己茂李。所以，我都係俾個笑面佢。