影片
更多
2008-12-29
32 瀏覽
呢間瑪嘉烈蛋撻店咁出名，好多旅遊書都有介紹，而且已經成為遊澳門嘅必到景點 (食點) 之一，我都唔駛多講，淨係睇成條街都有幾間食肆，亦有賣蛋撻糕餅，但只有佢門口永遠排晒長龍就可想而知佢受歡迎嘅程度，行過想食，指定動作係排隊先，搵唔搵位坐都冇所謂，因為人太多好多客都係企喺店外就咁食，大家都已經習以為常嘞！ 葡撻：排咗成十五分鐘，咁啱輪到剛出爐嘅一批，今次真係正到「嘩」一聲！個葡撻超熱，心急會辣嘴，我攞起一陣都熱到要放番低！葡撻嘅酥皮一層層咁好鬆脆，食嘅時候又要小心啲，唔係會散晒，整到一身一地都係，好狼狽！葡撻嘅蛋心面頭焗得有啲焦，不過正正加添咗佢嘅賣相同香味，蛋漿要比香港嘅茶餐廳同快餐店更濃郁更有蛋味，味道甜美味醉人而且質感滑溜，雖然賣$7又唔算大個，但物有所值！ 凍奶茶：有熱辣辣嘅嘢食，都整杯凍嘢飲吓，降吓嘴入面嘅溫度！佢嘅奶茶都幾香幾滑，最正係唔加冰都咁濃咁凍，可以一飲！瑪嘉烈嘅門口有好多專為食客而設嘅露天位，好似一個個棚仔咁，側邊又有啲燈飾，再配埋佢自己本身所用嘅黃黃柔和燈光，情調都唔錯！有時間又有位嘅時候坐喺度食吓嘢，同朋友傾吓計都算係一件賞心樂事！不過撞啱假期就唔駛諗嘞，大把人等
呢間瑪嘉烈蛋撻店咁出名，好多旅遊書都有介紹，而且已經成為遊澳門嘅必到景點 (食點) 之一，我都唔駛多講，淨係睇成條街都有幾間食肆，亦有賣蛋撻糕餅，但只有佢門口永遠排晒長龍就可想而知佢受歡迎嘅程度，行過想食，指定動作係排隊先，搵唔搵位坐都冇所謂，因為人太多好多客都係企喺店外就咁食，大家都已經習以為常嘞！
葡撻：排咗成十五分鐘，咁啱輪到剛出爐嘅一批，今次真係正到「嘩」一聲！個葡撻超熱，心急會辣嘴，我攞起一陣都熱到要放番低！葡撻嘅酥皮一層層咁好鬆脆，食嘅時候又要小心啲，唔係會散晒，整到一身一地都係，好狼狽！葡撻嘅蛋心面頭焗得有啲焦，不過正正加添咗佢嘅賣相同香味，蛋漿要比香港嘅茶餐廳同快餐店更濃郁更有蛋味，味道甜美味醉人而且質感滑溜，雖然賣$7又唔算大個，但物有所值！
凍奶茶：有熱辣辣嘅嘢食，都整杯凍嘢飲吓，降吓嘴入面嘅溫度！佢嘅奶茶都幾香幾滑，最正係唔加冰都咁濃咁凍，可以一飲！
瑪嘉烈嘅門口有好多專為食客而設嘅露天位，好似一個個棚仔咁，側邊又有啲燈飾，再配埋佢自己本身所用嘅黃黃柔和燈光，情調都唔錯！有時間又有位嘅時候坐喺度食吓嘢，同朋友傾吓計都算係一件賞心樂事！不過撞啱假期就唔駛諗嘞，大把人等位，食完仲坐會比人鄙視！
講開又講，呢間食店嘅招呼就真係要改善吓，員工嘅語氣有啲呼喝客人嘅感覺；雖然人多就少不免有啲忟，但話晒都係做咁多專登嚟食嘅遊客生意，呢樣嘢都好緊要！
張貼
