影片
營業時間
星期一至四
全日休息
星期五至日
11:00 - 21:00
以上資料只供參考, 請與餐廳確認詳情
近幾年同太太到澳渡週未，每次入住路氹金沙城，星期日早上就如在港一樣要嘆茶食點心，某次在商場內好容易就揾到桃園坐低，地方乾淨舒適，食物出品中上，遊客價錢我還可以接受，在雨天留在室內吃喝玩樂算不錯了。選咗幾款喜好的點心，没驚喜，没失望，追加咗豉油王炒麫，色香味全超出預期，為呢餐劃上完美句號。
繼續閱讀
金光飛航來回200元，所以全家坐艇過大海。第二天酒店退房後，來到這邊享用午餐。 本來想要自助午餐，但為了節省時間，盡快到＜PLANET J全日任玩＞，剛好店門的職員表示可以馬上入座，所以選擇這家中菜餐廳。內堂樓底很高，地方又夠大，令人身心康泰。也許是旅行總帶著輕鬆的心情吧！下單後，著小米先去洗手間。四川口水雞 凍冰冰的口水雞，連雞胸肉也如此滑溜，我倆很快地將其消滅了！ 紅油抄手 三粒 看到抄手時，才醒覺抄手和口水雞都是又紅又辣的小食，佔了整個午餐的五份之二。 每個抄手裡至少有二件蝦仁，心知是長期雪藏貨，但有香辣的醬料作調味，整體還ＯＫ！ 連續二碟都是辣的！！！！ 生煎包 三件 表面有紅色的絲絲點綴，但發現這個紅絲會甩色。58個大洋，應該不會奉上Ｘ紅花吧！ 由於不知道是否人造色素加工染出來的，唯有撥開這些紅色絲絲，享用豬肉生煎包。 白色皮很厚身，餡料以菜為主，肉不多。正面的說法：生煎包菜多肉少很健康，以及蘊含足夠的碳水化合物。 由於剛才二碟都是辣的小食，所以覺得這個生煎包帶甜。而最重要是，小米把餡料的椰菜都吞下去。小米食菜，心感欣慰！ 蟹子燒賣皇 很正常的燒賣。在五星酒店商場的餐廳裡，享用38元的燒賣，價格合理。 瑤柱蛋白炒野米飯 長身的白米，也有紫米，伴有菜心粒粒，松子仁。雖然看來油光閃閃，但炒飯裡混有菜心粒粒，小米就在不知不覺間又食到蔬菜了！還算健康吧！ 完成午餐後，向PLANET J 出發！ 金沙會員有九折，即是免加一！ 全單320個大洋！不過茶位每位10元！
繼續閱讀
桃園其實食過好多次，但第一次寫食評。我同家人黎澳門多數住金沙城，所以都經常幫襯桃園，貪佢响樓下夠晒近，仲要响賭場出面，食完又可以繼續搏殺！桃園嘅點心同其餘幾間食點心嘅食店黎比較，質素差不多，無話特別好食啲定吾好食啲，正常水準，但今次黎好似款色少左，我記得以前係有雞扎嘅而家無左啦！同埋呢度食點心都吾平，加埋一閒閒地要$40一籠，咁我覺得食其他野性價比會高啲，所以點心只係叫左個燒賣($38)食下！我地叫左個口水雞($58)，佢黎到都吾似口水雞而係似吾知咩醬雞咁，不過我鐘意呢隻仲多個口水雞，所以無搵職員問了😁。估吾到一個$58蚊嘅小食竟然有咁多份量，仲比左雞脾位我地添，雞肉好嫩滑，個汁食落開胃仲加左芝麻增加口感，呢個我覺得好抵好好食！👍另外叫左個一口炸豆腐($68)，呢個就失色好多，以前食過係外脆內軟嘅黃金豆腐黎嘅，而家變成加左啲辣椒碎嘅炸豆腐，豆腐無以前咁脆口，味道差一截之餘份量仲少左一半，下次吾會再食佢！😣最後加多個楊州炒飯($88)，炒飯粒粒分明，材料豐富而且份量好足，又係另一抵食推介！😎提提大家，只要係金沙城酒店嘅住客，桃園都會送茶俾大家飲(平時茶位每位$10，飲水就免費的)，慳番幾十蚊之餘，再用埋佢近期做嘅優惠..食夠$200減$50(coupon 响上船時職員會派)，真係抵上加抵！
繼續閱讀
餐廳喺澳門金沙城中心入面，餐廳好舒適，空間感好足夠。我地一行三人, 想坐得舒舒服服。食物方面，選擇都好多。食物質素亦有，每碟食物送上都係熱辣辣新鮮煮好。點心我最鍾意招牌黑松露水晶蝦餃，黑松露味超香!!甜酸果粒豬爽肉都好好味，酸酸甜甜好開胃。椰青蟲草花螺頭燉雞湯 - 好足料!! 超正呀!!蟹子燒賣皇粒粒蟹子食落口卜卜聲爆開。 避風塘銀鱈魚粒, 辣味好香, 但就有少少遮蓋左魚嘅鮮味。鮮蝦芝士腐皮卷, 芝士味唔算好重, 但整體好食嘅。古法馬拉糕, 好鬆軟好食呀雪映榴槤, 榴槤好香。 不過就唔算好平，但環境同食物質素係正嘅。
繼續閱讀
早了來到澳門, 但check in時間又未到, 所以想就近隨便找家餐廳邊食邊等; 但酒店附近的餐廳大部分都貴 (劏遊客你懂的), 而且不是午市任食火鍋就是自助午餐, 實在有點過火了....最後找到這家價格較相宜又可以單點的中菜館。鮮蝦餃皇外皮用筷子一夾即爛雖然有原隻鮮蝦做餡, 但餡料調味不夠, 很一般!蟹子燒賣內餡有蝦, 冬菇和豬肉, 本應不錯, 但可惜混入太多肥肉, 比較油膩, 調味同樣不夠金蒜粉絲墨魚片墨魚新鮮, 爽口不韌, 不過蒜味很淡, 都只有胡椒粉味, 其實除了胡椒粉外, 根本吃不到有其他味道, 而且份量很少呢！金箔竹炭芝士奶皇包最最最難食就是這個奶皇包, 包子賣相挺好, 外皮亦鬆軟, 但太厚了！芝士奶皇餡料質地太稠, 都起結塊的, 完全不軟滑, 亦完全沒芝士味, 只有極淡而不香的奶皇味, 很差! 而且餡料份量也極少, 店方能給點誠意做好點心嗎?食物質素強差人意, 就連服務都是, 我們坐下後一直沒茶水 (茶水是很基本的東西來吧？), 最後主動問侍應, 他說立即安排, 但當時並沒有告訴我們要茶要額外收費$40....最後埋單約$270, 如果服務好和食物高質, 那是物有所值, 但這間的質素不值這個價耶！下次要小心慎選餐廳.....
繼續閱讀