桃園 (已結業)

餐廳喺澳門金沙城中心入面，餐廳好舒適，空間感好足夠。我地一行三人, 想坐得舒舒服服。食物方面，選擇都好多。食物質素亦有，每碟食物送上都係熱辣辣新鮮煮好。點心我最鍾意招牌黑松露水晶蝦餃，黑松露味超香!!甜酸果粒豬爽肉都好好味，酸酸甜甜好開胃。椰青蟲草花螺頭燉雞湯 - 好足料!! 超正呀!!蟹子燒賣皇粒粒蟹子食落口卜卜聲爆開。 避風塘銀鱈魚粒, 辣味好香, 但就有少少遮蓋左魚嘅鮮味。鮮蝦芝士腐皮卷, 芝士味唔算好重, 但整體好食嘅。古法馬拉糕, 好鬆軟好食呀雪映榴槤, 榴槤好香。 不過就唔算好平，但環境同食物質素係正嘅。