影片
港鐵尖沙咀/尖東站 B1 出口, 步行約2分鐘
繼續閱讀
營業時間
星期一至日
11:30 - 21:30
以上資料只供參考, 請與餐廳確認詳情
餐牌得兩款拉麵揀，可以轉套餐（包小食一款+拉麵多咗隻半熟蛋）別天神套餐（$105），即是豚骨湯麵，湯底十分濃厚，但口感好滑，好啱重口味人士；麵底係幼身麵，可選擇不同軟硬度；三片叉燒正常；半熟蛋合格。蝦味噌套餐（$115），湯底同樣濃郁，但不同嘅係加上蝦味，味道不錯。如果二選一，我會推薦揀呢款。
繼續閱讀
呢間黃店聞名已久，但一直唔敢食😅聽聞依家食物既質素進步左,即儘入去試下🍜叫左個豚骨拉麵同味噌櫻花蝦🍤湯拉麵，另外叫左個餃子🥟（唔記得影相sosad) 隔離位話豚骨拉麵既湯底有陣奶味，但店家寫明湯底只落豚骨同水，無加牛奶🤷🏻♀️佢話食完好漏。。。而我既味噌櫻花蝦湯底既味道就偏淡，完全無味噌既咸味，的確係敗筆。叉燒幾驚喜，切到半肥瘦，加上微微烤過，香口之餘，油脂恰到好處，正👍麵既軟硬適中，食晒成碗麵都唔會變軟。總括黎講，佢地要努力下研究湯底💪🏻但又未至於劣食既～～不專業評分，僅供參考食物：⭐️⭐️⭐️環境：⭐️⭐️⭐服務：⭐️⭐️⭐
繼續閱讀
朋友一直都好推祟別天神嘅拉麵，不過以前第一次食嗰陣覺得麻麻個豚骨湯唔知加左啲咩特別野落去硬係有陣怪味，後尾問左朋友得知其實佢最推薦嘅係櫻花蝦嗰隻，自此就轉食櫻花蝦湯底，果然係唔錯嘅首先個湯係夠熱嘅呢樣係拉麵至關重要，櫻花蝦湯底會比起豚肉會多少少蝦嘅鮮味，濃度都好適中我最怕嘅成層油喺面嘅情況冇出現至於麵質，硬度如果喺出面有得揀嗰啲，佢就係屬於偏硬，我自己就好鍾意呢個硬度但呢樣就見仁見智，如果鍾意食軟嘅最好問下有冇得揀先唯一要彈係配料偏少同埋叉燒好普通，未至於柴但都係偏瘦削總結：有時一支公行開行埋見冇人會食下，但唔會特登排隊食
繼續閱讀
咁啱睇完戲搵野食，環境普通，但食物一流，個湯好濃，然後舖頭話係得豚骨同水，真心覺得勁！個麵彈牙，係我鍾意嘅口感，最欣賞係可以揀麵既口感，加埋7味粉簡直係畫龍點睛，叉燒okay，連唔鐘意食豬既我都會試，糖心蛋同餃子都好味，值得再幫襯！
繼續閱讀
之前成日都嚟食，但近排少咗，因為好幾次也發現水凖下降了很多。無論份量/味道/賣相，都唔似以前，究竟發生咩事？？嗰兩塊叉燒又細又薄，想點？考刀功嗎？😒切到嗰兩塊薄到咁嘅叉燒，賣相好似食人地食剩/比人咬咗啖咁！😣 真心好唔開心，亦唔鍾意咁食飯。同店員反映，佢話可能切細咗，但唔到佢控制🙄🙄🙄🙄（咁即係答咗咩？） 我從來覺得可以支持食店理念，但也不是盲目追捧。難得可以坐下除口罩食一餐，但卻令人失望而回。希望店長留意及接受意見啦。
繼續閱讀