108
6
0
港鐵尖沙咀/尖東站 B1 出口, 步行約2分鐘 繼續閱讀
所有分店 (8)
電話號碼
34881321
營業時間
今日營業
11:00 - 22:00
星期一至日
11:00 - 22:00
付款方式
現金
食評 (120)
等級4 2019-10-03
11 瀏覽
每次經過the one別天神拉麵都一定會好多人所以今日早收工找特登早啲去食避開人流別天神最出名既兩個拉麵🍜就係豚骨湯面同埋蝦味噌豚骨湯麵因為想試吓個小龍蝦蟹子沙律同埋餃子🥟所以一個叫咗套餐另一個就散叫小龍蝦蟹子沙律🥗入面有粒粒嘅龍蝦肉食落嘅味道亦都非常開胃包埋個紫菜食未到就啱啱好跟餐仲有餃子🥟餃子係即叫即煎餃子皮煎完之後夠晒脆但又唔會煎得太過硬咬開一半仲會食到有肉汁豚骨湯麵 🍜套餐價$105成日話拉麵嘅靈魂就係湯底別天神嘅豚骨湯底濃而不膩一試就飲得出用豬骨熬製左好多個鐘而且拉麵嘅軟硬度適中叉燒嘅油脂分布亦都好平均半熟蛋嘅蛋黃晶瑩剔透每一啖食落都好似啫喱咁蝦味增豚骨湯麵 $85淡淡的櫻花蝦味唔會蓋過左湯底嘅豬骨湯味反而更凸顯出櫻花蝦嘅味道🍤而且櫻花蝦嘅份量亦都好多呢個價錢食到呢個質素嘅拉麵性價比的確幾高而且呢度有任食嘅辣芽菜食落真係非常香口所以我忍唔住食晒佢成兜芽菜鍾意食豬骨湯底嘅朋友不妨可以試吓別天神拉麵🍜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-06
218 瀏覽
博多拉麵別天神在香港有多間分店,店面全部都是窄長形,但唯獨The One這間分店店面最寬敞,坐得亦比較舒服。因為在The One買了電影戲票,所以就在別天神先吃個拉麵才看電影。**************拉麵店採自助下單方式,食客先在門口這部自助點餐機下單,可以用八達通或估用卡結帳,之後店員便會把食物送上。每張餐桌上都有多款調味料、配菜和麥茶提供。牆上有建議怎樣調配隱藏口味的湯底。拉麵和小吃向有兩款選擇,我們就每款點一個分吃。小龍蝦蟹籽沙律沙律內都有幾多小龍蝦肉,一球份量都不少,紫菜沒有受潮,包著沙律吃都幾好味。餃子一客有四大隻,都幾飽肚。餃子輕煎過,不會太油,餃皮碟薄適中,味道都可以。蝦味噌套餐($115)蝦味噌豚骨湯麵有叉燒、半熟蛋、粟米、蔥花和櫻花蝦。半熟蛋蛋黃中間不會過熟,味道對版。蝦味噌湯底味道挺濃,但質感如果再濃稠一點更好。叉燒有兩大塊,肥瘦適中,口感軟滑。拉麵份量很多,吃完一碗一定夠飽,麵質不會太腍。別天神套餐($105)豚骨湯麵同樣有叉燒、半熟蛋和蔥花,但配菜則換上木耳絲。豚骨湯底味道沒有蝦味噌濃味,建議可加入辣芽菜和七味粉調味。麵拉同皮不會過腍,不過我最喜歡是配菜木耳絲,非常爽口。總結,拉麵味道都可以,勝在抵食,座位也沒有一般拉麵般擠迫。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-30
128 瀏覽
呀!好好味呀!呢個就係我第一次係銅鑼灣總店一嚐博多別天神既回憶語錄,可以令我將呢份味道收錄係腦裡,間唔中拎返出黎回味,的確唔多。別天神可以話係我係香港比較吸引我食拉麵既小店之一!👇 📌別天神套餐 - $105▪ 豚肉湯麵 ▫ 分店一樣照舊保持到乳白色湯底,濃郁豬骨味,識食拉麵一定試左頭啖湯先,味道清甜,糖心蛋入口即融,豚肉軟腍完全唔乾身,麵條屬於幼身,軟硬度岩岩好,整體水準絕對出色!▪ 餃子(4個)▫ 質感上唔會好油淋淋,外皮煎得幾香脆,仲保留到肉汁,夠惹味!📌蝦味噌套餐 - $115▪ 蝦味噌豚骨湯麵 ▫ 其實係將豚肉湯麵加入蝦湯精華,再係表面灑上日本櫻花蝦干,加強濃度,麵身一樣係幼身麵,爽口彈牙,份量十足。豚肉保持到軟腍。一樣都有糖心蛋跟上,蛋味濃郁。食過都真係不枉此生呀!▪ 小龍蝦蟹子沙律 ▫ 幾有特色既自家製蟹子沙律,每啖都充滿蝦肉同蟹子既味道,食法係將紫菜包住沙律,然後一啖過食,層次感係相當豐富!今次二訪完全無失望,絕對係期望之內! 繼續閱讀
(以上食評乃用戶個人意見 , 並不代表OpenRice之觀點。)
好一陣沒吃別天神,原來現在The One 也有,便決定回味一下。欣賞他們專心只賣2款拉麵,加上幾款小食、配料,現在更有甜品呢。選用日本產雞蛋。雖然只有2款湯底,但這裡備有不同調味料,可自行調製隱藏口味。別天神套餐 $105套餐有豚骨拉麵及1個小食,他家的豚骨拉麵豚骨味濃,口感濃厚,而且無味精感,感覺有像我之前在東京喝過的味道。麵條煮得軟硬剛好,口感順滑有彈性。叉燒大大塊,肥瘦適中,口感油潤軟嫩。溏心蛋夠入味又不會鹹,口感嫩滑又夠蛋味。蝦味噌套餐 $115同樣是一碗拉麵加小食,除了豬骨湯拉麵,蝦味噌拉麵的湯頭用甜蝦頭熬製,蝦味十足夠鮮味,加上掛湯度不錯的爽滑幼麵條,真的好吃。餃子大大隻煎到香口,餡料滿滿的,菜肉比例恰到好處。小龍蝦蟹子沙律有不少小龍蝦肉,加上卜卜蟹子和打碎的薯仔,好味道。這間拉麵店真的算是抵吃又質素不差的,而且不會有味噌感,所以會再去的。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-17
214 瀏覽
尖沙咀開了激安, 我當然要去朝聖一下啦! 行激安之前就去食返個拉麵, 博多拉麵別天神真係幾唔錯, 雖然這裏選擇不多, 但每次來的時候我都會掛住這裏的蝦味噌和小龍蝦蟹籽沙律。 今次不例外, 點了兩個套餐別天神套餐$105 ( 豬骨湯麵+ 餃子四隻),蝦味噌套餐$115 ( 蝦味噌豬骨湯麵+ 小龍蝦蟹子沙律)。別天神套餐 (豬骨湯麵) ~ 豬骨湯味白滑香濃,飲得出冇用味精, 因為食完唔口渴, 原汁原味, 拉麵質地幼細而煙韌, 叉燒大塊厚度適中, 配菜有流心蛋( 蛋是選用日本產),木耳,蔥粒和紫菜,整碗拉麵食材豐富,味道出色。蝦味噌套餐( 蝦味噌豬骨湯麵)~ 蝦味噌豬骨湯鮮甜濃郁,蝦和豬骨的味道非常配合, 令整碗湯底添加多層次感, 配菜有大量櫻花蝦,粟米粒和蔥粒, 可以用色香味俱全來形容。小龍蝦蟹籽沙律~ 蟹籽沙律入面有豐富的小龍蝦肉, 配紫菜一起吃, 滋味無窮。日式煎餃子~ 一碟有四隻, 一邊煎至金黃色, 餃子餡料肉汁豐富。個人感覺這裏的拉麵性價比很高, 食材高質,價錢大眾化,絕對是我心水拉麵店之一。 繼續閱讀
(以上食評乃用戶個人意見 , 並不代表OpenRice之觀點。)