意蠔店 (已結業)

聖誕前夕突然有個party 開得成，都成8-10人，大家都頭痛緊叫乜嘢食好，吾想太例牌pizza ,壽司又凍冰冰，突然醒起平時樓下有一間西餐廳食開晚餐，即管問一下他們有冇到會，點知就有意外收獲，我們叫左兩個麵，一個焗飯，黑松露大蝦多士，一個大羅馬沙律菜，茄汁辣肉腸、加一個平時必食的芝士焗珍珠蠔的小食，今次叫左個足足2磅，第一次食咦個蠔夠哂皮，因為真係好多珍珠蚝同芝士！意粉同焗飯唔駛講足料足到呢，肯定超磅數！更值得一題，其實係第一次食大蝦多士，簡直係愛上了，脆到呢！但唯一缺點係最好半至一小時內要食，因為如果吾係d芝士會變硬，又或者可以回家后再放入焗爐一陣先食！最重要係我們每人夾錢都不用200蚊，超值！有機會一定會再試其他！