Green Orange

位於上環永樂街《Green Orange》 格調唔錯，最啱同情人燭光晚餐。先來兩杯香檳醒醒胃🥂麵包橄欖油醋~黑毛豬火腿凱撒沙律~新鮮沙律菜採用羅馬生菜，脆卜卜，好爽口， 黑毛豬肉味夠甘香，一啲都唔韌，唔覺肥。烤虎蝦海鮮濃湯~香滑龍蝦湯底，味道濃郁，材料仲有帶子及青口。黑松露雜菌忌廉意粉~意粉夠彈牙唔會太淋，雜菌包括大啡菇、蘑菇、本菇等，黑松露忌廉醬汁掛滿每條意粉特別美味。紐西蘭肉眼牛扒~揀咗五成熟，配青醬，仲有bb蘆筍，肉質鮮嫩，切開粉紅色好可愛啊！意式奶凍~奶凍又香又滑，唔會太甜;紐約芝士蛋糕~芝士口感夠rich，唔怕夜加杯咖啡更理想。