更多
2020-02-08
309 瀏覽
鐘意食餃子嘅人相信都聽過荃灣餃子屋🥟佢嘅餃子CP值高 隻隻都有一包tempo咁大以往無論係中午定夜晚都要等超過半個鐘但最近可能因為疫情少左人出街食飯今日朋友只係等左5分鐘就有位喇餃子屋嘅menu好清晰簡單揀好要咩味/6隻定8隻/加唔加麵/湯定煎 搞掂今日我地就揀左以下3款-咖哩薯仔豬肉煎餃（6隻$42）咁多款煎餃 我個人最鐘意就係咖哩呢款入面除左有好香嘅咖哩豬肉碎仲包左細細粒好粉嘅薯仔而外面嘅皮每一面都好脆成隻餃好香口 食完飲埋佢嘅魚膠淮山豬骨湯你就唔會覺得好油好重口味啦好味指數😋😋😋😋😋-香茜馬蹄豬肉湯餃（8隻$54）呢款餃無論材料同口感都好豐富入口先有好香嘅芫茜味再食就係好爽脆嘅馬蹄加上鮮甜嘅豬肉你可以想像佢嘅味道其實有啲似山竹牛肉球好味指數😋😋😋😋-京蔥羊肉湯餃（8隻$54）羊肉餃就相對上面2款簡單主要材料就係佢名入面嘅京蔥同羊肉有少少羊騷味嘅羊肉配埋爽甜嘅京蔥鐘意羊肉嘅人一定唔可以錯過好味指數😋😋😋😋除左抵食大件嘅餃子魚膠淮山豬骨湯都係呢間舖招牌湯渣入面可以見到佢用左粟米紅蘿蔔豬骨加埋魚膠 飲落去啲膠質真係會有少少痴咀其實佢仲有另一個湯底 就係重慶湯 味道同酸辣粉相似 不過佢無
佢嘅餃子CP值高 隻隻都有一包tempo咁大
以往無論係中午定夜晚都要等超過半個鐘
但最近可能因為疫情少左人出街食飯
今日朋友只係等左5分鐘就有位喇
餃子屋嘅menu好清晰簡單
揀好要咩味/6隻定8隻/加唔加麵/湯定煎 搞掂
今日我地就揀左以下3款
-咖哩薯仔豬肉煎餃（6隻$42）
咁多款煎餃 我個人最鐘意就係咖哩呢款
入面除左有好香嘅咖哩豬肉碎
仲包左細細粒好粉嘅薯仔
而外面嘅皮每一面都好脆
成隻餃好香口 食完飲埋佢嘅魚膠淮山豬骨湯
你就唔會覺得好油好重口味啦
好味指數😋😋😋😋😋
-香茜馬蹄豬肉湯餃（8隻$54）
呢款餃無論材料同口感都好豐富
入口先有好香嘅芫茜味
再食就係好爽脆嘅馬蹄加上鮮甜嘅豬肉
你可以想像佢嘅味道其實有啲似山竹牛肉球
好味指數😋😋😋😋
-京蔥羊肉湯餃（8隻$54）
羊肉餃就相對上面2款簡單
主要材料就係佢名入面嘅京蔥同羊肉
有少少羊騷味嘅羊肉配埋爽甜嘅京蔥
鐘意羊肉嘅人一定唔可以錯過
好味指數😋😋😋😋
除左抵食大件嘅餃子
魚膠淮山豬骨湯都係呢間舖招牌
湯渣入面可以見到佢用左粟米紅蘿蔔豬骨
加埋魚膠 飲落去啲膠質真係會有少少痴咀
其實佢仲有另一個湯底 就係重慶湯
味道同酸辣粉相似 不過佢無左個層油
係比較清爽嘅重慶湯 我自己都幾鐘意
講完食物質素 就講下餃子屋嘅地點同環境
喺荃灣地鐵站C出口穿過綠楊坊
行到入荃豐中心一路直行大約5分鐘
就會見到右手邊有間黃色招牌嘅餃子屋
雖然佢由一間舖擴展到兩間舖打通
但舖面可以坐嘅位置我諗得200-300尺
坐嘅位置比較迫 幾乎係人貼人咁坐
舒適程度的確麻麻
不過著重食物質素嘅我
依然會將佢列入我推薦小店嘅list入面❤️
張貼